RBTea

营业中

休息中

經常去始創中心，已經留意到 RBTEA，但總係過門不入，今次都係師妹想話去食扒先嚟幫襯.先講講環境，有一種休閒舒服感，啱哂我地吹水嘅目的.原本想點D長通粉 or 蝴蝶粉, 可惜無提供，結果點咗個紐西蘭黑安格斯西冷，七成熟，跟薯菜.首先薯仔夠熱夠香脆.是日例湯磨菇湯唔夠熱而且質感太"傑"好似粥咁.七成熟嘅西冷無血水滲出，同我心目中嘅七成熟配合，有D餐廳七成熟嘅西冷都好多血水似五成熟, 肉質亦鬆軟 juicy 唔會太乾過韌.吸引力法則又出現! 中午同師妹鋸扒, 返到屋企女友小熊突然間又話晚餐要鋸扒!"我中午鋸咗喎.....""唔得! 我要鋸扒!""但係........""今 晚 要 鋸 扒 !"突然感覺到一股暗黑力量係眼前出現，能量比黑武士更強........ 

疫情下，市面真係靜左好多。難得今日放假一日，作為單身狗的我至鍾意去吾同餐廳試新嘢。我第一次來，見lunch 好似吾平，但門口D相幾吸引，咁決定試吓。一入門口，哥哥叫我隨便揀個位；中午1:30 得5-6枱客，心諗是但啦…..揀咗一個面對直播你好似有沙發嘅位！跟住哥哥仔話我記住幾多號枱，然後自己出去買嘢食佢會送餐來。點知我出到去又唔記得咗自己幾多號枱好搞笑，佢即刻話42員工都有禮貌！好快食物送到，同相嘅一樣味道都唔錯⋯⋯熱檸茶係乾檸檬，甜甜地問佢有冇糖，原來話已經落左糖水，我嫌佢太篋，攞多少少糖水。最搞笑同埋驚喜係，坐嗰張凳原來係好似千秋咁，郁嚟郁去！啱晒我呢啲坐吾定嘅人。但如果你想坐定定亦都可以揀另一種固定左櫈嘅。但我又覺得幾幾舒服嘅感覺，好似放緊假，搖下搖下咁慢慢食，好有郊外feel，又冇人催，正。食完搖住hea 住玩下手機，爽爽。我覺得拍拖，食甜品係最Perfect⋯⋯我見甜品有雪糕窩夫，珍珠奶茶pancake香蕉抹茶pancake等等

經朋友介紹 假期就黎左係始創呢間餐廳 我地walk in 等左大概二十分鐘就入得 位係迫小小 但食物高汁 我地幾個人叫左台式二人餐再點左小小野食好早黎左主菜 見到個沙律真係嚇襯 份量超大 同幾好食既 因為我地點左兩個沙律 煙三文魚沙律配窩夫同Parma Ham salad個人覺得Parma ham沙律個醬好食啲 另外加錢要左安格斯西冷 肉夠軟 又有薯條食 都幾好味 但甜品就一般 唔係好受到espresso既苦味 即使有舊甜甜既雪糕都係覺得成個加埋咖啡好苦🙈🙈🙈整體勝價比高 又抵食 正！

聖誕前夕🎅🏻約朋友見下面， 中午我們到RBTee， 位於太子始創中心2樓， 每次逛始創中心都會經過， 中午時分唔算太多人， 我們倆坐四人座位，所以幾闊落✌🏻。 不過需要在門口先點餐， 比較唔方便。 點了一個午餐和一個全日餐 ～ 📍煙三文魚凱撒沙律脆香鬆餅( 升級黑松露炒蛋 )$108、 美極鳳尾蝦意粉$82、 熱深焙奶茶。 🔸煙三文魚凱撒沙律脆香鬆餅🧇🥗 ～ 黑松露炒蛋是免費升級的， 其實是炒蛋上放上黑松露醬。 凱撒沙律都幾新鮮， 鬆餅口感煙煙韌韌的，不夠脆。 🔸美極鳳尾蝦意粉 ～ 賣相和餐牌上的相差幾遠😅， 鳳尾蝦爽口但沒有味道， 份量又少。 🔸熱深焙奶茶 ～ 味道偏甜。 食物質素普通， 優點是位置方便。

呢排多咗係太子聯合呢邊食Lunch,其實呢間RB Tea我已經第二次黎原來佢哋係前身「仙跡岩」，細個嘅時候好鍾意去仙跡岩食下午茶怪不得呢度有珍珠奶茶🧋啦好講返上次試過下呢度嘅意粉🍝係ok ge不錯，今次就試吓佢哋D All Day Breakfast 見到都好多人叫左，好似好正咁今次既All day Breakfast 明顯好食過上次個意粉尤其係個鬆餠，真係太美味好鬆脆少少甜，啱晒我下次再嚟食價錢方面我覺得都ok ge依家食飯差唔多啦呢個價錢

今日去咗始創中心二樓一間西餐廳呢間餐廳餐牌幾吸引，有好多不同種類有Pancake,all day breakfast,意粉🍝叫咗個周打鮮蜆濃湯螺絲粉，平時喺其他餐廳食通常啲蜆都係冇乜味不過RB Tea又整得幾好食蜆肉係鮮甜好味不過如果講到食白汁意粉🍝就一定係荔枝角P字墨西哥餐廳好食RB也叫做不錯讚下杯深焙珍珠奶茶好味道啊！仲正過平時街買個D餐廳環境都算唔錯，有啲打千秋嘅椅，見到隔離食啲all day breakfast 都好正，可以再幫襯👍🏻

今日2個人食飯,過左黎呢間CAFE試下 汁煮牛肉配意粉 番茄沙律 意式番茄肉丸意粉 跟當天忌廉湯一碗 番茄肉丸意粉 食到有黑椒味 洋蔥碎 仲有新鮮番茄蓉用上新鮮番茄蓉做醬汁,食落香口濃郁洋蔥炒到香甜 肉丸彈牙散發淡淡香草味,加添了香草打肉丸麵條粗身彈牙夠掛醬汁,每一口麵條都食到番茄醬汁既濃郁味道另一款係汁煮牛肉 係日式做法 牛肉分開上 另配一碗意粉 醋汁新鮮番茄小菜番茄清爽多汁酸香清爽, 意粉撈牛肉汁食有和風味道 淡淡既鰹魚湯汁香氣食落仲有洋蔥同蔥花,口感豐富牛肉係用肥牛片,煮到夠嫩滑 汁撈飯定意粉都非常好食Shop 232, 2/F, Pionner Centre, 750 Nathan Road, Prince Edward評分8/10消費$220

今日同細仔去太子睇醫生，睇完醫生剛好去Rbtea 食個午餐，去到有個台式套餐3佰幾蚊諗都唔諗就試吓先，都幾好又多嘢食，先黎兩杯飲品，黑糖珍珠鮮奶及鮮果茶，仲有三款小食-鹽酥雞、炸地瓜同炸芋薯玻，主菜係白汁三文魚意粉同紐西蘭安格司牛扒，（牛扒要加44蚊，單買一個牛扒餐都198啦），所以本人覺得好底，牛扒有肉汁不過本人叫5成熟，黎到好似7成熟咁攞，不過係好味嘅，仲有仲有甜品，全部都係360蚊。大家有興趣可以去試吓😁

夜晚時間行行下想食waffle 鬆餅，見到呢間餐廳唔洗等，諗住近近地，點知中伏，一行到入去間餐廳就算戴住口罩都已經聞到好大陣up味,跟住再行多兩步幾乎跣咗落地下,原來地下係濕濕淋淋🌚， 都算啦，搵到個位坐，跟住就自助點餐， 明明叫左個肉眼扒7成熟，都唔好提話等左好耐，嚟到塊扒..一切開，血🩸淋淋，完全係三成熟，點食，叫左侍應跟進，再焗一焗之後，已經變左十成熟…..$196呢個價錢完全唔掂，大家樂比佢仲好食； 好啦，叫求其食左個扒，好期待個鬆餅，嚟到真係大失所望，首先係個鬆餅食得出係翻熱並不是即整， 完全唔脆，又薄身，跟住每件鬆餅上只有手指尾指甲咁細一舊芒果，其他都只係落現成syrup, 雪糕又超甜，夾硬食都冇辦法再食落肚….食完都馬上離開，點知出到門口， 個地下又係濕淋淋，幾乎又跣左落地下，就算佢擺咗個小心地滑嘅牌都冇用，周圍傢私都破破爛爛….下次絕對唔會再幫襯！

今次同朋友去到太子食晚餐叫左個2人餐有小食同意粉意粉味道太淡而小食都唔錯環境都舒服但食物就一般評分：2/5（5分滿分）味道：2/5（5分滿分）環境：4/5（5分滿分）

約咗朋友行金魚街，天氣咁熱仲要帶住口罩真係行耐啲都唔得，所以行行吓就行咗入始創中心。好耐無嚟過呢度，朋友搵咗呢間餐廳坐低食嘢，無記錯餐廳前身好似係台式餐廳。每人各自叫咗一款小食一份午餐share，另外仲有一個甜品，食物賣相幾好，味道都唔錯。黑松露滑蛋脆脆牛角，原來流心部份係牛油，切開下面嘅包比溶咗嘅牛油浸淋晒，黑松露味相對唔特出，不過係幾好味嘅。+$25BBQ雞翼伴薯角，唔錯。香草忌廉三文魚意粉，食唔出忌廉口味，清淡咗啲。白汁海鮮意粉，炸魚夠脆幾好味，呢個整體唔錯。甜品加配：+$34 oreo朱古力脆脆雪糕杯，唔會太甜嘅甜品。+$8凍深焙珍珠奶茶+$10凍黑糖珍珠鮮牛奶，好少黑糖味。

在太子區，lunch時段，冇限時，而且食物質素不錯，有驚喜餐廳面積不大，但空間感也沒有焗促感,光猛，坐得舒服。餐牌選擇也不小，實有一款啱心水，餐飲選擇更吸引，加$8可轉深培珍珠奶茶(冷/熱), 玫瑰荔枝紅茶， 鮮牛奶咖啡，加$10可轉新鮮水果茶， 黑糖珍珠鮮牛奶新鮮水果茶~餐飲大大杯，而且用料也不求其，味道不错,在炎炎下日，消暑佳品深培珍珠奶茶 ~ 奶味，茶味也香濃 鮮茄煙三文魚米型意粉~ $88外觀極似酒店級數，而且出奇地高質,厨師可能臥虎藏龍香草煙三文魚忌廉意粉 ~ $86意粉口感乾身，忌廉濃郁好味炸魚柳他他汁鬆餅三文治伴薯角 ~ $78厚切炸鲜薯仔， 炸魚柳配鬆餅， 新奇的配搭，口感又非常夾食後感:整體食物，飲品有超班级數,CP值高

個湯好正常 罐頭蘑菇湯味黑糖珍珠奶 少甜 甜到飛起水果茶 望落去幾好 飲落去好似比野吉好刺激 好甜 好酸 好化學 應該用元素表去描述有啲白色一點點嘅嘢飄系茶上面幾個人飲唔夠1/5白汁海鮮意粉 正常白汁味 蜆有沙 脆bokbok 美極炒意粉 洋蔥未熟 好辣薯角 應該熟左 但係好爽 冇乜調味 茄汁比得好岩芒果蜜桃雪糕 個雪糕系cream味 加化學芒果味 建議load雲先食 會冇咁化學 但好漏溫馨提示 記得帶外套 同遮 食飯可以開遮 如果唔係d野食5分鐘之內會比冷氣吹凍曬總結 勇者可以一試 大佬系水果茶食既唔係dinner 系伏味Outbxxk 雖然唔好食 但係比佢好食 性價比都高啲由於本人與同行食客當晚腸胃唔太好之後需要去toilet

這夜拖著疲憊的身軀去覓食，來到始創已走不動了，所以上2樓的RBTea來個輕食。不過，無期望就無失望。.看相片好像很吸引，但其實好麻麻。這個質素完全不值$115。吞拿魚芝士三文治，炒蛋，茄汁豆，半個極多胡椒的芝士蕃茄，再加啲菜。仔細看 這些材料全是普通貨，平日的全日早餐都會有三文魚，腸，啡菇，但這個all day breakfast確實毫無誠意！雞蛋不香，蕃茄太辣，茄汁豆零技巧，三文治薄薄的沒有太多內涵。最好，或者是花茶，不過需要加錢。這餐加錢飲埋杯花茶，承惠＄115。

難食到真係食唔落，未遇過咁難食嘅餐廳！食兩啖之後最後都係選擇浪費！好睇唔好食！！！！坐得係舒服嘅，但係食物真係好難食！塊多士硬到乜咁！Pizza好重草腥味！蕃茄切唔開！