Red Rice 米飯主題餐廳 (六合街) (已結業)

呢間就是我老公每日都聽的偶像蕭先生開的餐廳一定去下支持，當座 下睇見餐牌很多嘅選擇 就很開心好多招牌秘製嘅食品選擇， 於是選了 秘製薑黃咖哩雞髀飯餐和深海炸魚蛋包飯(選了咖哩汁)首先嚟到是炸魚蛋包飯樣子睇落幾靚 好可惜食左滑蛋/飯/咖哩汁都是暖都不是 是凍的真難入口 ,之後食埋件炸魚好在是熱辣辣的還好,再嚟到的咖哩雞髀飯 結果是一樣的淨係雞髀是熱的其他是凍的 咖哩飯跟個椰子雞湯是淡淡味道都還可以 同埋是熱的, 還有杯自家製西洋菜蜜,是淡淡的西洋菜味甜甜的蜜糖味, 不過是暖的, 食埋約兩小時返到屋企都有啲濟濟的咖哩味😨

食過慈雲山red rice既焗豬 好好食 新蒲崗既焗豬好難食 簡直一個天一個地 而且員工態度好不耐煩 不得已要比一個差評 食兩次兩次都係咁 唔會去呢間第三次 會去另外果幾間 好失望

響公司附近開飯Red rice真係我嘅飯堂基本上乜都有，而且三、四十蚊就搞掂好似喱個牛肉飯，我相信響出面食，無六十蚊都食唔到。味道好，仲包熱飲添Red Rice 米飯主題餐廳 (新蒲崗)新蒲崗六合街11-13號安隆工業大廈地下B室

幫襯過好多次，食物質素愈黎愈差，野食愈黎愈冇味，有次食沙律入面有黑色鼻涕蟲，同佢講以為會refund ，點知俾左個95折就算，sorry 都冇句。今次食真係忍唔住，叫左外賣雞扒炒烏冬，入面食化學嘅藍色係入面，仲有怪味，即刻拎返落去同佢換，佢就話係d紫椰菜甩色，唔退亦唔換，仲串你紫椰菜甩色係常識，下次叫記得唔好叫炒烏冬。重點係你碗野有怪味，第2有邊食expect d蛋白上面係藍色，點知你d紫椰菜係咪染色，同埋你煮到爛哂，唔好話加左好有營養，只係拎係碗野變得更嘔心，問佢可唔可以換第2樣野，好似要跪係到求佢，連佢幫我整走d椰菜，想解決問題嘅意思都冇，俾錢買難受，唔會再食。

The restaurant settles in a ghostly alley of San Po Kong. At night, there is no one in the dark streets but a couple of black cats lurking in shaded corners, eyes widened to form pairs of white spots. They reside in the area for a while now. No one knows where they came from. The restaurant is next to an abandoned store. The dim lights from the restaurant entrance seems not very welcoming.Natalie and I went in. We live around the block and there’re not many options to choose from when it comes t

十月十五日晚上七時十分order 這個併盤，黎道見到三隻鷄翼面落左D醬，已經覺得奇怪，一試，原來係勁辣辣醬，以前order過，不會落醬，用味碟另上，而且，有碟泰國酸辣伴碟，有位阿姐出來跟進，主動話換番三隻，可能佢通知左個老細，個老細係一名男子，佢問乜嘢事，又話一向都落辣醬，拎份menu俾佢睇，佢就話：「好啦好啦俾番你！」唔好以為補番三隻就可以算數！我退返俾你之餘，勁辣D鷄翼都唔勉強自己吃！咁，我臨走問佢，這餐廳接唔接受投訴，個男子話寫open rice！

走出東啟德體育館在新蒲崗尋覓醫肚的地方，最近就看到一個搶眼紅色招牌，就是這間近年多間連鎖餐廳Red Rice!環境也大，衛生一般，職員不多，忙於落單，簡單整理餐桌就已有另一批客人。中午時段客人多是鄰近工廠區的上班族，座位多，客人更多，幸好我只是一人，隨意找個空位坐下，點了份雞扒蛋包飯，凍奶茶。看見對面的客人的咖喱汁看似很吸引，所以也加了$2轉咖喱汁！蛋包飯是店內起家的菜式，蛋雖然是後加鋪上米飯的，但每一啖飯是特別之處，有點像珍珠米加冷飯炒完的效果，也像是意大利飯的米似的，口感豐富，再加上不過不失的咖喱汁，轉眼就吃得乾乾淨淨！另外煎後的雞扒皮碎，但好像煎得太耐較薄肉的部分較乾身！喜歡它有少許沙律菜相伴，既清新又有營養的配搭！

lunch搵食，大家各自叫唔同野~呢間之前已經食過，3眼仔煎蛋是重點，而且款式多，夠大份，不過我叫咗蛋包飯，我鍾意有麻醬沙律菜，飯底係西炒飯，可惜唔夠熱，豬扒都ok，但同事嘅巨人豬扒肉質好食過我嘅相撲豬扒(明明我款價錢貴啲)。。。其他野都ok，所有扒都好大塊，對得住個價錢～唯獨野菌雜菜蛋包飯，同事搵咗好耐，得一塊仔菇菇。。。(其實佢想食雜菌多過野菜😅) 好在我地啲扒份量多，分啲比佢食又點話~但下次我都係食返巨人豬扒好了~

今日去到新蒲崗運動完之後，非常肚餓，就去了最近的茶餐廳食午餐。 這裡的午餐非常抵食，而質素也不錯。冬瓜粒雞肉湯飯 - 啖啖清甜的冬瓜湯，加上美味的雞肉，夏天消暑的最好選擇。雞扒蛋包飯配黑椒汁 - 雞扒仍然有很多肉汁，煎得不太老，蛋亦很嫩滑，配上黑椒汁非常冶味。相撲手豬扒蛋包飯配咖喱汁 - 聽名字已經知道豬扒是大大件，但煎得很好，配咖喱汁很有日本風味。黑椒豬扒鐵板烏冬 - 烏冬及豬扒放在熱辣辣的鐵板，送來時已經聞到香噴噴，非常吸引。

朋友話想食下午茶，見到呢間餐廳好似幾好，就入去試下。5cm 兩層特級厚西多士 ＄26色澤金黃誘人，中間軟熟，搭配表面在慢慢融化的牛油一齊食，口感一流。厚切滑蛋治 配 皇牌炸雞脾 ＄33蛋算幾滑，配埋軟熟方包，新鮮熱辣咬落去，不錯！炸雞脾上碟嘅時間，碟上有血，應該唔夠熟。我地話比服務員知，佢幫我再炸過。再上碟的炸雞脾不過不失。總括而言，價錢好平民，食物質素絕對對得起個價。再次黎新蒲崗，會再食。

讀中學果時，學校隔離有間好好食嘅蛋包飯，一個星期真係可以食足五日，不過依加畢業之後就無食過啦。而香港好多餐廳都唔會有蛋包飯食，難得行行下街見到呢間嘢有蛋包飯，於是就嗱嗱聲入去一試究竟：有無學校隔離果間好食呢？食物一上枱，其實已經有少少失望。因為佢個蛋好厚身，仲有少少未熟嘅蛋漿流出黎，但係學校果間嘅蛋係熟透同埋係一塊好薄身嘅蛋皮，口感就會輕盈D。再試下個飯，無咩味。番茄汁亦都好淡。整碟飯無重點，無特色，總之就好普通，無咩特別。我會繼續尋找好吃的蛋包飯。

誤打誤撞入到工廈，都係想好好哋食餐飯，勢估唔到可以咁伏。間餐廳嘅裝修都幾靚，座位寬敞舒適，就當時午餐時間所見，人流都唔錯。餐廳嘅選擇都幾多，出乎意料地，原來米飯主題都唔係只係得飯食咁簡單。可以有包有麵粉，不過既然講得係米飯主題，當然應該叫飯食啦～只係叫咗個聽落好好嘅飯，以為係有真功夫！～唔知啲功夫喺邊，就連海南雞最重要嘅醬料，辣醬竟然係用泰式辣醬充數。雞肉冇乜味，似白切雞多啲。飯真係好多啦，不過屋企阿媽煮嘅白飯都應該好過佢，乾蒸蒸。係咪因為啲嘢食飯食都唔太好食，所以先有好足料嘅湯水？只能說可一不可再。

👭Red Rice 米飯主題餐廳(新蒲崗)👭卡邦尼烤鴨胸燴意粉伴溫泉玉子$48其實38黎幫襯過好多次架啦，佢呢間既炒意粉唔錯 今次就試下佢既燴意粉。呢道菜雖然好多醬汁但芝士味好淡，玉子過熟，蛋黃做唔到流心效果，意粉份量好多加上d醬汁好膩，所以我一個女仔食唔哂😖推薦度：5/10🏠新蒲崗六合街11-13號安隆工業大廈地下B室🕐Mon-Sat 7:00am-10:00pm🕐Sun 7:30am-5:30pm

三月中旬星期五下午茶時段，天氣清涼。想不到中午好不容易外出吃完飯，想不到過沒多久就要跑去新蒲崗幫客戶辦事。弄完以後肚子有點餓，也還有時間，於是又再走到之前曾光顧的餐廳。點了一份吉列豬扒湯意粉，本來是清雞湯底，經過上次經驗覺得他們的菜品偏清淡，於是換了蕃茄湯底，過一回味道就剛則好了。意大利面不會煮過頭，也不會過生，挺不錯。他們家的炸物是做得挺好的，起碼不會吃到滿嘴炸粉，豬扒也能保持嫩度脆口。這個價位的下午茶能吃得飽，而且加6執塊就可以加點少炒蛋跟吐司，真的沒多少地方可以找得到，晚飯也不用吃了。

呢度絕對係附近工廠大廈嘅飯堂，中午時間絕對坐滿。平民得來其實有少少西餐廳嘅元素，附近有酒店所以好多客人都會去食嘢。從人流可以睇得出佢嘅質素都唔差。個人覺得佢嘅焗飯焗意粉都可以一試。另外海南雞飯都係好受歡迎嘅