Red Rice 米飯主題餐廳 (六合街) (已結業)

今日同兩個朋友嚟到依間餐廳，已經幫襯過好幾次，當然依度嘅豬扒包蛋飯係我嘅喜愛，但今日我想試吓新的口味，於是叫了一個花膠雞湯飯，這個雞湯飯材料十分之足夠仲有幾件花膠，而且這個花膠雞湯雞味非常之咁濃郁，有淡淡的清香加上花膠的膠質令我食了感到精神百倍，讓我補充了運動的消耗。

今日同幾個好朋友，在這附近進行體育活動，當完成後已經是食飯時間我我們就在這附近找一間餐廳來食午餐，這間餐廳位置靠近工廠區所以食飯時間排隊的人也很多，我們都需要等了一段時間才可以有位，當坐低時看餐牌上各式各樣的套餐於是我選擇了一個很多人會選擇的豬扒包蛋飯來試試，這個豬扒包蛋飯：豬扒煮得剛剛好外脆內院肉汁豐富，而個蛋包個蛋就剛剛好熟又滑又香，仲有開胃嘅配菜這個午餐太美啦，這個咖喱牛腩飯有香濃咖喱味辣到剛剛好配合得幾好這個牛肉半缐也不差，湯底好肉嫩滑，正合我朋友。

十二月尾，晚上跟友人徒步到新蒲崗找吃的。新蒲崗地點較偏僻，很少會走到那邊，這家餐廳被工業大廈包圍，還好是地鋪，而且門面紅色，不太難找。我先點了一份特濃3.5牛乳雞湯手打烏冬，湯底牛奶味不夠濃，也喝不出雞湯味，略為遜色，還好烏冬煮得剛好，驚訝的是板煎雞扒是一整大塊，挺夠味。小吃點了霸王鹽酥炸雞扒，外皮夠脆口，略嫌不太夠味，要加一點點鹽調一下，不過很大份，夠飽。再來白汁芝士焗西蘭花，芝士份量全蓋過西蘭花，也不會煮得過生，不過底部很多水，這點很影響味道。友人點的凍咖啡挺細滑，咖啡跟牛奶的配合剛剛好。吃了這麼多才兩百塊不到，一般茶餐廳也做不到這個價錢，價錢上是真的划算。

喺新蒲崗工廠區間酒店隔離， 呢間嘢嘅好處係好多嘢食 可以揀擇 而且 有啲輕擎份量嘅嘢， 唔使下下食一份餐飽得滯。 早餐佢哋有隻麵餐 配 滑雞肉， 清雞湯， 唔想食公仔麵嘅跟意粉 係好ok嘅。 入邊地方大， 不過個洗手間就迫少少。 好在有wi-fi， 不過近門口位都係好容易畀外面啲人食煙嘅 影響到， 若果有小朋友嘅就最好坐入面。 佢算係大方 ， 紙巾 牛油醬油任你自己配 攞多幾份都唔會介意。 不過啲凍奶茶水準就一時時 有時沖得好味有時沖得好淡。 有時晏晝 tea time 食佢嗰個雞扒配沙律餐 三十幾蚊 有賣牛角包 咁都算係ok啦。

今天運動完，梗係要嘆番個下午茶補補佢啦，來到依間餐廳佢嘅下午茶餐都有好多選擇，我就叫咗依個…迷您鐵板飯，當個飯送上的時候已經聞到陣陣燒烤味，仲係出晒煙，睇到我食慾大增，當我試了第一口已經覺得好香同好好味，啲牛肉有焦香又多汁，真係令人一試難忘。

今日去咗新蒲崗附近啲間餐廳食個早餐，叫咗個全日早餐D1，好大份，最後食唔晒，成份早餐我覺得牛角包最好食，配有大量嘅沙律菜，感覺好抵食，如果想食完早餐想慳返個午餐嘅朋友可以去試吓

見個門面幾morden咁，就入去試試啦，畢竟新蒲崗唔算多野食。環境係幾靚，大枱細枱都有，啱唔同組合既人黎食。叫左個套餐，但除左熱飲「套餐」既每一樣野都係要加錢...叫左個$49既海南雞飯，實在大失所望，諗住叫得米飯主題，海南雞飯都差極有譜，點知原來真係可以好差。雞，根本就係白切雞，仲要係煮到「鞋」曬，又凍冰冰既白切雞，食落咩味都冇。三個醬料都唔好味，亦唔係海南雞飯應有既醬汁味，雞油飯一啲香味都冇。整體感覺，就好似要挨一碟飯咁......再見了，離題既米飯主題。

星期六這間餐廳終於少一半人，可以還同事來試吃。場地大，坐位多，午餐包熱飲。蛋包飯配胡麻唐揚炸雞，炒蛋很嫩滑，蛋漿還是半凝固狀，中間的番茄汁飯而一流，幾惹味。唐揚炸雞大大舊，不過炸粉但多，配胡麻醬汁很好吃。😋還有沙律菜伴碟，適合女士的份量！不過閒日但太多工廠區的人，只有星期六才有機會再試。

新蒲崗的red rice 位置很多，上餐很快。這區的茶餐廳較多，想轉下口味就會黎red Rice。每日都有a-h 餐，今日食海鮮意粉配熱飲42蚊落樓。會推介鐵板/蛋包飯的餐，呢兩樣先係店的主打

之前有朋友介紹過呢間餐廳，食過兩次，覺得食物配搭種類都幾多，今日心思思又再去食下。不過，老實講，經營一間餐廳，除左食物安全同味道，環境衞生同安全係咪最基本要求呢？而呢間餐廳，安全衞生既standard 同意識認真麻麻。一去到，揀左個卡位，點知一箱箱貨品放喺坐椅後面，即刻轉位。但係，最離譜既係，地板真係太「線」，加上「定時」拖地之後都仲係濕既，真係隨時「線」親d員工同客人。真係唔明，出餐的地方點解唔可以加多幾塊防滑地墊呢！！？？？咁攪法，幾好食都得不償失啦！！！！！！！

喱間係公司樓下的餐廳, 幾乎每個星期都總有一日會落黎食LUNCH, 原因係超級抵食, 而且味道都唔錯。紅米係普通茶餐廳風格, 雖然環境唔係特別寬敞, 繁忙時間一定要搭台, 但係食物質素一D都唔差, 價錢平,加上上菜速度超級快, 係LUNCHTIME一定會諗到既餐廳。每一日餐單都會有唔同既SET寫左係牌上面, 如果其他餐就要散叫, 所以一般都係會係個牌上面簡。今日我地五個同事一致簡左炸豬排芝麻醬蛋包飯,雖然出菜快但食物賣相一流,一D都唔覺得係茶餐廳,而且外層既蛋仲有少少流質, 入面既飯帶有蕃茄味,都唔係白飯, 超級抵食, 包埋一杯凍飲或熱飲, 埋單時只係42蚊。 

今日中午與同事行到老遠幫襯呢間野，呢度好多菜式選擇。當時因爲我無乜idea,就跟我同事一樣點左個俾餐，上菜時，真係被佢嚇親，竟然芝麻醬下面係有塊豬柳，仲有塊芝心吉列豬扒竟然又係配芝麻醬，食落口，吾難食，但好奇怪的味道！之後旦包飯都ok,蛋吾會過熟

今日又要黎到新蒲崗附近上堂。上堂之前決定食個靚靚早餐，食飽d等陣上堂醒晨d😝😝雖然最後都係會釣魚多😴！😂俾我見到呢度都有red rice既分店。之前都食過一次，都唔太差。而且都幾大份。all day breakfast 咁！🥐再食多次先除左歐陸早餐之外，其實都仲有好多西式既早餐set.但睇左好耐，都係想食番all day breakfast! 😛價錢唔會好貴。3×蚊就有！叫左個D2!!大大塊既蜂蜜雞扒！🐓食落甜甜地，幾好味。唔會話好韌。食得有d油，再食d生菜，粟米沙律。都唔錯。仲有茄汁焗豆食。其實都食到好飽！仲有個包食！ 個包暖暖地。味道都唔差。再配埋杯熱奶茶！呢個早上已經好飽了😝

12點半，食飯時間，餐廳好多人，原本以為會有啲咩驚喜，真係有驚無喜，如果冇記錯豬軟骨蛋包飯係＄46，好啦咁加嘢飲啦，我就想飲水果茶，見到佢寫住加＄20有兩人份量，就同朋友叫咗一個，點知，個水果茶同一人份嘅特飲其實差唔多，特飲＄9，水果茶＄20，想唔想知佢哋嘅分別係邊呢？我應該大概攞咗11蚊買冰食😢見到杯野有啲生氣，我朋友都忍唔住再叫多咗杯野飲飲，杯野大都大杯呀，但啲冰多到呢，好似整冰唔使時間。講返個飯先，個飯係唔好食嘅！如果40幾蚊黎講，西灣河個蛋包反好食好好好多，啲豬軟骨得個咸字，個蛋包反入邊啲飯係酸嘅，應該係茄汁，旁邊啲沙律菜，由於外貌不太好，無食到。總括而言，兩個字 : 難食。Ps. 唔該店家留意吓衛生同啲姐姐，無啦啦食食吓飯，有個姐姐整起塊地氈話好滑，其實好唔衛生，而且見到塊地氈下便好污糟，感覺好耐無掃地。。。。。。

在工廠區搵食最容易中伏，因為好多人最緊要食得飽同杯奶茶丶咖啡，但今日食到呢間又覺得幾好喎，漢堡扒份量都幾好，味道就可以啦，冇一般現成的漢堡扒咁咸，飯嘅汁係唔錯既，同埋最緊要係夠晒熱。