Red Rice 米飯主題餐廳 (億利工業中心)

营业中

休息中

米飯主題餐廳出左名平靚正係荔枝角開左新分店 黎開D2就過黎食下係工業區入邊 裝修好靚 好文青feel臨近聖誕 多左唔少聖誕裝飾 野食選擇好多而且又平 岩晒我地一班打工仔我地叫左闊佬原條鰻魚鐵板飯挪威三文魚拌蟹棒雜菜沙律芝士蘑菇釀無骨雞翼香濃芝士白汁煙肉焗西蘭花3.6牛乳忌廉湯熱檸水挪威煙三文魚蟹棒雜菜沙律份量好多 煙三文魚同蟹棒加上雜菜好好食3.6牛乳忌廉湯非常香濃 飲得出冇味精唔係用粉開ge芝士釀無骨雞翼去骨雞翼醃完之後釀入芝士煎香 調味剛剛好 好juicy 好嫩芝士白汁煙肉焗西蘭花西蘭花吸收晒d白汁 好爽脆 好好食闊佬原條鰻魚鐵板飯鰻魚成條上 又好厚肉 用鐵板上 更甘香 性價比極高埋單都係170 好平

難得有人接放工，但係工夏區又冇乜嘢好食，行下行下見到有間紅噹噹冇招牌嘅就走入去試吓，原來都有驚喜。果然神秘啊，原來依間野叫Red Rice，西餐黎嘅。個場都幾靚，好有節日氣氛。喺西餐廳竟然比我見到有羊腩煲，咁我當然要試吓啦，咁本身西餐鋸扒就一定唔少得，自然叫左個重量級西冷，睇下佢有幾重量級先。5成煮，切開好Pinky，夠淋夠嫩又厚身，正。依個羊腩煲真係有驚喜，裏面有花膠，羊肉好淋好入味，比中餐廳食到嘅一樣惹味，濃郁嘅湯底，當然唔少得打埋邊爐。依杯水果茶兩個人飲，情侶就啱晒，裏面生果都新鮮幾特別幾好飲。重點係一啲都唔貴，兩個人食都係幾百蚊。

中午約左2個前同事食飯，佢地話哩間好味又抵，叫我黎攞位先。喺工廠大廈地下，入口位有d隱蔽，唔係面向大街的。入到黎見到有聖飾裝飾，幾有氣氛。佢地黎前已經向我落定單，我睇下有咩岩食先！飯、意粉等款式多，價錢都幾抵。跟餐轉左冬日熱飲，冬天最中意飲哩d健康飲品。我飲既係桂圓紅棗杞子蜜，唔算好甜，飲完個身好暖。另一同事飲黑糖薑母檸檬蜜，佢都話唔錯。蔥燒牛肉鐵板飯 $50一上台聞到超香！我加左芝士，要另加$8。要快手d撈勻d料同飯，芝士拉絲超正。覺得個飯底好好食，水份剛好，好多汁啖啖飯都好味。肥牛都算多，哩個正，佢地都話下次叫哩個。咖啡牛腩飯 $58白飯超多的，淨食飯撈汁都一定飽。食左啖牛腩好林，咖喱幾香，唔辣既。無骨海南雞飯 $54賣相好正咁，雞肉都幾滑，最中意點晒果3款醬，好正，下次黎我會食哩個餐。

今日嚟到呢間位於荔枝角長沙灣道883號億利工業中心地下嘅 米飯主題餐廳 食飯。餐廳好有聖誕氣氛，全場掛滿聖誕裝飾，紅紅綠綠好有聖誕節日風味。一坐底先嚟一個 挪威煙三文魚伴蟹棒雜菜沙律 $32沙律蔬菜新鮮幼嫩，三文魚肉質爽滑，鹹鹹地我中意，蟹棒好有蟹肉味，配上麻醬醬帶出海鮮嘅鮮味，大大份好抵食。跟住再嚟 韓式芝士辣烤雞扒．石鍋拌飯 $56一上枱已經聞到好香嘅石鍋飯味，雞扒炸得鬆脆，醃得好夠味。其他配料有泡菜、粟米、雞蛋，撈埋芝麻甜豉油和辣醬一齊食好香口，味道唔錯。懷舊港式紅豆冰，升級飲品跟餐只需加$9。食完熱辣辣嘅雞扒飯，再來一杯冰凍嘅紅豆冰簡直係絕配。紅豆冰紅豆夠腍，好香奶味，但唔太甜，飲落有點回到兒時的感覺。最後再來一個甜品就大滿足喇，芒果布丁伴十勝紅豆雪糕 $33朱古力雪糕面層鋪上朱古力醬十分惹味，再加上底層嘅紅豆，互相襯托，食落口特別美味。芒果布甸好幼滑好香芒果味，加上面頭有少少嘅朱古力醬，入口香甜。食咁多嘢都只係$130，簡直係冇得輸，呢餐真係食到飽飽。

嚟到聖誕，過左最頹嘅星期一，有更頹嘅星期二，返去紅米再食一餐飯，估唔到紅米又幾有心思專登佈置餐廳，令到都叫有啲聖誕氣氛，而店員係頭上嘅一頂細細粒嘅聖誕帽，係有啲funny嘅，心情都好左。距離上次食嘅紅米，佢Menu又updated左，今次專係以冬日做主題嘅暖笠笠套餐，朋友叫左安格斯牛柳粒嘅R2，有朋友叫巨人炸脾我叫左R1而加8蚊有薑母檸蜜送，最近係有兩聲咳，就加左8蚊。等左陣，點知侍應走嚟話牛柳粒冇左，朋友係有啲頹，叫返炸脾飯。薑母檸好快到，篤篤檸檬，攪起薑母糖試一下，薑味超濃，飲完興恰恰，好快炸脾就嚟到，不過朋友話唔多like咁多油嘅炸脾，睇埋去係一灘油係脾下。而佢地上哂碟，我個石鍋最遲上，一嚟到熱辣辣，個鍋一路滋滋聲，咁熱辣辣，吹左輪先敢食，隔離配左兩種醬汁，都係甜甜地，味道撈飯佐扒都一流，雞扒係芝士烤雞扒，食到有芝士味，幾香，但唔多，不過配上烤雞係好正，中間有隻蛋黃，黃金色蛋漿流出飯度，感覺好過上次見到仲帶埋嘅蛋清好好多，上面撒上蔥花，入面有蘿蔔絲，份量足，底層仲有石鍋香燶嘅飯焦，而且仲有額外嘅泡菜，只係感覺泡菜有點多餘，個味同其他配料唔係好夾，不過真係好食，撇除左泡菜嘅話。

就黎聖誕節，約左姊妹行D2商場買D手作野做禮物，咁就咁順便出左去荔枝角，就係附近食埋野先去買，D2 TWO 對面就係呢間店面紅噹噹既RED RICE，就係咁入左去食~不過當你以為係正門既位置其實係後門，當日有個店員指引我地先識行番去正門。一坐低當然要望望個MENU啦~嗯~我諗我有D選擇困難症，原來呢到唔止粉面飯，仲要有蛋包飯，鐵板餐，韓國拌飯，中菜(叫送食飯)，打邊爐，沙律，小食，扒餐，湯UDON，焗飯，仲要有埋兒童餐，真係估到估唔到既都有。花多眼亂下最後都簡左好幾款，因為咩都想食*三重芝士吉列炸蝦沙律 (HKD 34):  呢碟做開胃菜一流呀，沙律菜好新鮮配上鮮蕃茄仔，好清新既感覺，胡麻酱更是成個沙律既精髓，酸酸地唔錯，吉列炸蝦好值得一讚，炸得好脆口真材實料。*闊佬蒲燒鰻魚鐵板飯(HKD 68):  一望落去個感覺好似去左食PEPPER LUNCH咁，一上台面，''炸炸''聲超夠熱，好多花蔥同粟米粒第一件事就係要撈撈佢，食落唔會太DRY仲有D飯蕉TIM~好似食緊煲仔飯咁，好脆口。Q彈既鰻魚伴隨埋燒汁，一流! 食上癮!*自家鮮茄濃湯手打烏冬伴牛尾(HKD 48) :   講講個湯底先，

今日因為工作關係去左D2 place ，做完野梗係去醫肚啦！係D2 place 對面就有間 Red Rice 米飯主題餐廳，見有好多選擇，又有鐵板燒、蛋包飯、剧扒......所以就決定食呢間！因為近聖誕節，呢道已經佈置左好多聖誕裝飾，好有氣氛！吉列豬扒蛋包飯 $52炸到金黃色既吉列豬扒好脆口，蛋好有蛋香味，配上咖哩汁一齊食，好滋味！18禁地獄麻辣湯手打烏東伴肥牛辣味雞翼 $52聽個名以為好辣，但係只係加上左辣椒油係個烏東到！呢個辣味雞翼係分開上架，唔會浸埋落個湯到搞到淋哂！👍🏻原本想叫個小食拼盤，但賣哂！我地散叫左d小食，開心share😃芝士蘑菇釀無骨雞翼 $22呢個小食非常推薦，咬落去食到熱辣辣既芝士蘑菇，好好味！和風紫薯可樂餅 $16外層炸得好脆，紫薯甜甜地幾好味😋印式烤餅伴咖哩汁 $16咖哩汁帶有小小甜，點上烤餅好惹味！

每次去荔枝角都異常興奮, 因為行街買衫一定滿載而歸。依家仲多左D2Place 商場, 簡直由天光行到天黑。行到腳勁攰, 開始發覺肚餓, 商場對面有間"紅色"餐廳, 搵黎搵去原來個招牌係入面。地點非常方便!餐廳室內已經滿佈聖誕氣氛, 座位寬敞。太肚餓既關係, 吾駛諗就點左重量級雜扒配薯菜套餐。經典港式羅宋湯, 味道ok, 如果有埋餐飽就一流! 重量級豬扒好大塊佈置很有聖誕氣氛!

身為香港打工仔的一分子, 經常OT, 當中既辛酸真是" 啞子吃黃蓮"。🥺但如果可以食一頓豐富的晚餐义义電再OT過, 我一定揀呢間。👍🏻Red rice餐廳為工業區飯堂,非常就腳, 只要係荔枝角地鐵站出口, 行不到1分鐘就到, 室內佈置不馬虎, 座位舒適。😊食物種類很廣, 蛋包飯, 鐵板扒, 韓式, 中式(叫餸食飯), 西式(意粉類), 咖喱, 甜品等等。所以睇餐牌都花了不少時間, 樣樣都想試咁, 最後想試過勁量級雜扒加薯菜。先點沙律三文魚伴蟹棒雜菜沙律, 份量真驚人, 完全係一個"便當" 的size! 賣相已經好吸引, 豬扒好大塊。就算跟薯菜份量也很夠! 食得飽! 吉列豬蛋包飯, 豬扒炸得很鬆軟, 至於蛋包飯就一般, 蛋可以再嫩滑些就更好! 最後加上一杯養生飲品- 桂圓紅棗杞子蜜。果然"暖粒love"

今日去咗D2 Place行街，行完出嚟見到一間冇招牌嘅餐廳，覺得好神奇所以就入咗去試吓呢間餐廳嘅裝修格局都幾靚，感覺到佢都幾有心思夜晚嚟食飯唔算太多人，我估佢都係做食晏晝多啲，地方好乾淨，侍應嘅態度都幾好價錢都算幾平我哋叫咗一份牛扒餐，一個價錢有晒餐湯沙律，仲有埋嘢飲，又幾抵我以為佢會用鐵板裝住塊牛扒，但佢用咗一塊好有特色嘅竹板，雖然佢唔似鐵板咁可以保留到牛扒嘅餘溫，但係佢比到我一個好清新嘅感覺，唔會覺得夾硬要將所有食物都對喺隻碟入面，將啲味溝埋晒一齊，咁樣房就可以分翻開薯條還薯條，牛扒還牛扒，咁就唔會整林晒啲薯條啦個忌廉湯呢，佢就聲稱用3.6牛乳去整嘅，咁飲落都幾滑幾好味呢度都有我好鍾意飲嘅綜合水果茶，咁我就兩隻未都叫咗來試，本身就應該係兩個人分享一杯，但係我哋最後叫咗兩隻唔同嘅味，因為想試吓，感覺都幾好飲不過甜左少少

黎緊聖誕節，準備買定d聖誕禮物，知道D2商場有d特別少少既野買，就諗住提早放假出去買定～今日約左朋友一齊出去荔枝角，附近食埋野就去買，約2:30諗住餐廳無咁多人點知都超多人，生意好好咁好多人丫～不過都係唔洗等好耐，等左一陣就有位呢到地方好乾淨舒服，仲有好多好靚既聖誕報置我地兩個人叫左兩份飯，一款小食，一款甜品～朋友叫左個肥牛鐵板飯～（要左照燒汁，加左芝士）黎到熱辣辣，正呀朋友話一定要加芝士，拉絲拉到好長～我叫左鰻魚蛋包飯～鰻魚超長，唔會太乾身，蛋好滑～蒲燒汁拌埋飯食，好好味小食叫左，肥嘟嘟既芝士磨菇雞翼～好味～又唔會太‘溜’最後黎埋個雪糕西多士～紅豆好咪，一粒粒唔會太爛太硬，夾d雪糕夾埋西多士一齊食食完好包～仲有杯果茶～好清，好新鮮～唔會好甜，反而我好鐘意^ ^

星期六揸部車去荔枝角驗車，放低部車後便去D2 Place逛一逛，然後去附近的餐廳吃個午餐。果然，自從D2 Place一開幕以來，周邊的環境包括食肆的質素都有所提升，今日去的米飯主題餐廳正正是D2 Place對面，餐廳裝修光鮮整潔，午餐的價格亦非常合理，只不過是五、六十元，看了看餐牌，被它蛋包飯的圖片吸引了，於是點了一個吉列魚柳蛋包飯，以及海南雞飯和西冷牛扒配意大利粉。吉列魚柳蛋包飯的賣相如餐牌的圖片一模一樣，賣相美觀，吉列魚柳炸得卜卜脆，魚肉還很嫩滑，一層滑蛋包著有醬汁的飯，配上魚柳，十分滋味。至於海南雞飯，雞肉很嫩滑，油飯很香雞油味，極有一種去了新加坡吃海南雞飯的感覺。另外的一個西冷牛扒，質素甚高，肉身厚，牛味濃，八十多元來說CP值超高。吃了這一餐，對荔枝角一帶充滿了探索的興趣，下次繼續發屹好味的好地方。

近排荔枝角呢一區多咗好多餐廳選擇，唔知係咪多咗人嚟行街，所以一到放假時候周圍都好多人搵位食嘢。呢間位置於工廠區入邊嘅茶餐廳，裝修都幾骨子，下午茶選擇都幾多，有平時茶餐廳嘅常餐，仲有all day breakfast ，仲有鐵板飯，係下午茶時間仲出咗迷你版份量都幾好唔會太多而且有飯焦，都真係幾好食另外仲要咗個牛尾湯公仔麵，真係有幾舊牛尾㗎喎，仲幾淋幾好食，加埋$6有炒蛋/奶油豬同火腿，性價比好高！順帶一提，仙草奶茶好高質，不過奶蓋綠茶就麻麻哋

今日去到荔枝角附近做嘢，當然就順便去買食晚餐啦，大約六點鐘左右就去到荔枝角附近找晚餐，最後就喺公司樓下見到有一間西餐廳，坐得都幾舒服，而且價錢亦都十分之便宜，就入咗去試試。冇諗過入邊原來空間感都幾大，今次因為我自己個人食就叫咗一個套餐同埋一個小食，都幾飽肚，而且最後仲打包返屋企。闊佬蒲燒鰻魚蛋包飯加了套餐價$20就有餐湯，蒜蓉包，胡麻沙律，飲品，但見凍凍地就要了蜂蜜柚子荔枝蜜。鰻魚蛋包飯嚟到嘅時候隔離枱見到都覺得有啲驚訝，因為份量都幾多，鰻魚有口感，而且蛋包飯嘅蛋都好香，入邊嘅飯係有少少番茄醬炒出嚟，都幾特別，而且側邊仲有沙律喺度十分之開胃。小食叫了水牛城雞翼三隻，揸得都幾香口而且醬汁帶點微辣，一個人份量剛剛好。湯方面選了羅宋湯，味道牛肉味都幾濃，而且菜都有唔少，飲品方面係有驚喜，十分之好飲，帶微酸。荔枝味好重，而且仲有少少柚子，十分之好味。最後仲有一個沙律份量都唔少，十分滿足。

今日係荔枝角D2附近搵野食。見到係工業大厦入面有間好大間既餐廳，幾抵食又幾多款選擇！餐廳光猛新穎，以紅色為主。座位闊落，坐得舒服。食物選擇種類多，要花一點時間選擇😄先選了二人小食拼盤作為前菜小食！每樣都有兩件，岩哂我地。有脆辣炸雞腿，水牛城雞翼，蝦餅，紫薯可樂餅同菠蘿胡麻沙律🥗好豐富。雞腿炸到熱辣辣好香脆。而水牛城雞翼辣辣地幾惹味！蝦餅炸到金黃色，食落爽口。紫薯味道甜甜的，都幾好味。原條鰻魚鐵板飯。呢個抵食 都係$68，就有成條鰻魚食！😍正鐵板飯仲可以另加配菜，當然要加芝士啦。一黎度即刻趁熱撈匀，好多芝士呀！！😍啲飯除左佈滿芝士仲有鰻魚汁，食落好滋味！好濃味！鰻魚肉質夠厚，啖啖肉！夠哂味道。另外再叫左 口水雞定食🐓口水雞又幾大份。雞件調味得好惹味麻辣！食落肥美又開胃，再配埋碗油飯，就岩哂喇！另外配埋碗昆布雞湯，味道清甜又解膩。幾好飲！仲加錢叫了配：蜂蜜荔枝柚子茶☕️天氣轉凍又乾燥，岩哂飲呢啲咁潤喉既熱飲😽