Red Rice 米飯主題餐廳 (億利工業中心)

营业中

休息中

因每所餐廳都想擁有高人氣率而且競爭激烈經營茶餐廳沒想像中那麼容易即使競爭激烈不少餐廳也會推出獨一無二嘅自信人氣招牌吸客美食接捧經營，不論可以增加生意額之餘搞搞新意思令食客不會再沉悶於某幾度小菜方面作打響名堂宣傳火氣十足港人又可以過下口癮一次過飽足胃腹，眼闊肚窄的你怎能錯過這魔力!如: 鐵板飯/扒餐/煲仔小炒等現炒現吃菜式，更著重各式各樣既晚市平價優惠價格套餐相當抵食，還附上飲料及湯品等...... 頗多種類有點難抉擇取捨，荔枝角上班或三五知己好友不妨搵日去開餐尋味吧!整體風格以紅色為主調，為配搭 店內陳設精心設計， 空間寬敞華美環境充滿熱情店格設計乾淨感覺非常舒適，位置係靠近荔枝角地鐵站旁，一到晚市人潮滿滿， 加上翻桌率高，大部分吸引都是上下班族或是附近的居民街坊支持爵士西冷牛扒(12OZ) (闊佬蒲燒原條鰻魚鐵板飯)尚記得鐵板來臨這一刻滋味十足足料份量頗多這份滋味令到處香氣四溢這般美味瞬間升華見證而且價格不過係由85至90蚊左右而且熱騰騰鐵板處理掌握非常夠火力，效率高不油膩秘製經處理醬汁後微焦脆香是最吸引我的地方真的值得回味

星期六去左D2 place行市集扮文青 走果陣見對面有間好大間既餐廳係工廈地舖 仲有個哥哥仔喺門口派menu力sell我哋講話餐廳好多嘢食見到餐廳入面啲位好似都幾舒服 就不妨入去一試啦餐廳雖然好多人但係座位幾多所以都唔使等 同埋個哥哥仔真係冇呃我哋 睇個menu真係好多嘢食 種類好多有中式同有西式今次 先試下西式嘢先叫左個挪威煙三文魚伴蟹棒雜菜沙律煙三文魚同蟹柳 好大件 雜菜又多又新鮮再加埋胡麻汁闊佬蒲燒鰻魚蛋包飯叫嘅時候覺得個名有d奇怪 當嚟到嘅時候就明白點解 因為真係好闊佬鰻魚同蛋包飯 又大條又多飯 鰻魚亦燒得幾香 好抵食因為自己為食想食多幾款 就叫咗呢個非常邪惡既大食拼盤有芝士蘑菇,越南春捲,蝦餅,咖哩角,水牛城雞翼,炸雞鎚,仲有紫薯可樂餅雖然收你幾十蚊但係佢真係超抵食 分量又多 仲有係個春捲跟埋生菜 落埋佢嗰啲醬汁包住嚟食 好似係越南餐廳一樣嘅食法 食左咁多邪惡既小食 最後食返個小王子南瓜濃湯手打烏冬伴八寶田園野菌雜菜balance返跟餐加廿蚊配左薄荷青蘋果菠蘿荔枝水果茶 二人份量 好多水果

一直有留意這間餐廳的我，終於嘗試了這間餐廳的晚餐了。餐廳晚餐的款式十分多，前菜有很多的選擇，例如：餐湯、沙律，還有很多其他的小食提供。主菜除了飯和意粉之外，還有很多不同類型的扒餐可供選擇，那天和家人選擇了牛扒餐，牛扒餐除了牛扒外，亦伴有意粉和少量薯菜，份量十分之大。很抵食👍🏻👍🏻👍🏻飲品水果茶亦很足料，內有很多水果味道亦很天然，而且飲品內亦有奇亞籽，可以促進腸道健康，，真的十分貼心👍🏻是一間我會再光顧的餐廳

地方就腳，鄰近D2 Place,行完去食晚餐方便。雞扒滑蛋磨菇飯大大碟：碗半飯；雞扒兩大塊，皮脆肉嫩；炒蛋算滑，加埋磨菇舒緩油膩感；配上一小兜麻醬沙律，冇乜好挑剔。個羅宋湯都夠味，有幾舊薯仔perfect match!

荔枝角D2place是擺市集的勝地，特別是星期六日的人流最多。這天又到這裡行街，就Openrice一下附近有甚麼好吃。看到這間米飯專門店好像很吸引，所以入去試試~一入到去就覺得環境好大好舒適，都有幾多客人。食物來的時候第一下的感受就是:「嘩！好大碟呀！」 每樣食物的份量夠多，而且賣相很不錯。夏日水蜜桃草莓綜合水果茶 $18 4/5這是兩人份量的水果茶，一大杯，有很多水果，很清新味道，抵飲！燒饅魚蛋包飯 $68 4/5這個蛋包飯很足料很大碟，很濃味，饅魚是很彈牙的那種，裡面的飯不是白飯，是番茄炒飯，有微微酸味！蜜糖柚子雞翼 $18 5/5這碟雞翼的表面加了平時我們喝柚子茶的柚子，第一次吃到這種味道，有柚子的甜味，再加上那種苦澀味，覺得很特別！不錯芝士蘑菇釀無骨雞翼 $22 5/5雞皮很脆，有濃濃的芝士味❤️再加上有蘑菇的QQ口感，十分好吃！而且無骨，啖啖肉！

店外見到有石鍋飯，入到店內沒有；可能係午餐冇提供。唯有選餐牌有的食物，看圖及深恩熟慮後選了鐡板牛肉飯（原因係要食蛋白質及控油）另外叫了生炸巨人雞肶葱油飯。雞肶飯先到，第一感覺點解雞肶咁細隻呢？一點都不巨人，唔通巨人只係一個名詞，不是形容詞？雞肶炸得太燶，唔好食。再等等等，來鐵板牛肉，點解牛肉變咗肥牛？莫非嚟錯？翻查餐牌，並冇肥牛選項，即是名字及相片誤導。嚴重遺反商品說明條例！中伏！沒有同餐廳爭論，因為認為冇意思。唯有將肥油砌走再食。一邊食一邊嗅到廁所味，所以食完即走！不再見了！

呢間餐廳係一位朋友帶我去食,地方都幾收收埋埋個D工廈後門,我朋友係e頭返工先識。入到去有位姐姐比左兩張排餐既coupon 我地 上面寫住晚市惠顧排餐可減$10不過我見蛋包飯仲吸引 所以就叫左鰻魚蛋包飯 加$20 有包 沙律 湯 同埋野飲抵呀白湯:好多磨姑同栗米粒 味道偏淡 但飲到原味蒜蓉包: 好厚好大塊 牛油剛剛好 蒜味好香 仲好脆 沙律:菜好新鮮,加左d醬 酸酸地好開胃主角黎啦:鰻魚蛋包飯($68) 蛋好滑 鰻魚好肥美 都有一半牒錦大 仲有d 沙律比你食下唔會好'利'我叫朋友叫左個炸魚蛋包飯($58):粉唔厚一上場既時候仲係好熱 所以好好味 加埋白汁無得輸叫埋個小食拼盤($68)先~有兩塊蝦餅 好彈牙呀 仲有兩塊紫薯餅,但係無味甜味 唔香三隻車打雞翼~其實就食到炸雞翼 加Tabasco 酱錦既味~最後 兩隻雞腿好似無'葉'過~無雞味 咩味都無~最後兩個人食左$234 晚市黎講算平tim可以一試呀 

同男朋友拍拖去D2行街行到餓去左附近既工業中心食飯仔見到門口侍應好落力介紹而且裝修格調都不錯 就決定食呢間redrice ~呢度啲menu 都好用心圖文並茂 見到都流口水首先落左爵士西冷牛扒配飯仲跟左紅餐湯同小沙拉！份量相當足料 牛扒夠厚肉又鮮美配埋個汁 完美組合！而且叫五成熟都煮到剛剛好 認真唔錯仲叫左闊佬原條蒲燒鰻魚鐵板飯再追加漢堡扒同炸蝦大大份超抵食 大食開既我 見到都擔心會唔會食唔哂 哈哈xD濃郁既燒鰻魚加上鐵板飯呢個配搭都幾新穎 西日混雜！但又好match到！BBQ風味烤巨橋係豬仔骨棃廚師整果時落左返功夫 切落去時好容易骨肉分離肉質幼嫩而且好入味～飲品叫左～水蜜桃草莓水果茶同薄荷青蘋果菠蘿荔枝水果茶～兩杯飲品都好大杯 而家都加有水果粒 見到個顏色好靚 飲都飲得開心啲！整個感覺都好清新～最後叫左個甜品～芒果布甸伴十勝紅豆雪糕呢間個布丁好滑身配既紅豆好值得講講 有別於其他地方 唔係死甜係真正既無添加紅豆味！食到飽飽好滿足！

呢日嚟到位於荔枝角嘅米飯主題餐廳食晚飯。餐牌上面“叫餸食飯”系列，都有好幾款選擇，款款望落都好吸引，心大心細最後揀咗星級川味口水雞套餐，$54有餸有飯有湯連埋凍飲。口水雞味道都唔錯，份量都幾大份。跟餐嘅昆布香蔥雞湯，味道夠濃但鹹咗少少。凍檸茶，茶同檸檬嘅比例幾好，味道唔錯。總括嚟講，呢間餐廳嘅裝修都幾靚，座位亦都坐得舒服，食物味道亦都幾好，食得過。

今日黎呢邊接朋友放工順便一齊食個飯見到呢間野好紅我地就入去試下順帶一提要入大廈先會搵到個入口 呢到既坐位都好寬敞卡位可以坐到六個人添 呢到既食物都好多選擇我地就叫左唔同野食 呢個係挪威煙三文魚伴蟹棒雜菜沙律配胡麻汁一見到個份量真係嚇親無諗過會咁大份但大份得黎唔只係多雜菜連煙三文魚同蟹棒都唔少份量好多 30幾蚊黎講好抵食 作為芝士控我一見到呢個一呎爆芝士玉子燒就已經決定要食呢個玉子燒真係有一呎咁長好多芝士超足料而且芝士味好濃仲有拉絲效果可以拉起好耐唔斷打卡一流芝士同玉子味好夾份量都好多 而呢個地獄咖哩芝士鐵板薯條就係必食出面少見呢個配搭估唔到咁夾咖哩好香聞落已經好開胃想用汁黎送飯有鐵板慶熱d薯條 食最後一條都熱更加好味 朋友叫左一個薄荷青蘋果菠蘿荔枝水果茶我覺得飲落好清新有淡淡既薄荷味入面仲有唔少生果同奇亞籽飲落都好健康 而我就叫左個特濃火山紅豆華田紅豆配阿華田真係第一次食飲落又幾特別而且我一向都好鍾意阿華田既甜所以好鍾意飲呢杯野呢到仲有紙巾送添好細心

自從係觀塘工業區食過多次水準唔錯嘅餐廳，已經對工業區嘅餐廳改觀鳥，今次傾完生意，係樓下見到有間裝修唔錯嘅餐廳，吸引咗我入去幫襯。點咗一紅一白湯，足料，由其係羅宋湯，記憶中未飲過羅宋湯會咁大舊牛腩。食親鰻魚飯，都係得果半條，餐牌上見到有個原條鰻魚鐵板飯，都只係68蚊喎，我單單買條燒鰻魚最平都成40蚊啦，重要鐵板上，唔洗多考慮啦！另外再點咗一個7成西冷牛扒，后來先知道原來加錢可以轉鐵板，總之加錢啦！原本想點8成，但經驗話我知餐廳通常都會煮過咗火，所以點生小小，但牛扒上枱后，又真係7成喎！聽話喎！牛扒點咗蒜蓉汁，個蒜蓉汁絕對係驚喜，其他餐廳D扒汁味道經常過重過咸咸過我，我自問重口味都頂唔順！但眼前嘅蒜蓉汁味道啱啱好，再加上牛扒本身已經入味，即使點埋蒜蓉汁一齊放入口都唔會出現味道過重，抵讚啦！西冷牛扒本身已經入味，唔需要點汁已經好好味，所以我都無點太多蒜蓉汁。原條鰻魚飯無吹水真係原條上，再加上底部有飯焦，一次過滿足哂兩個願望！鰻魚入口無渣，塊鐵板係熱辣辣，咁嘅價錢有咁嘅質素，Like 爆囉。

有個朋友住喺荔枝角 ，介紹嗰間茶餐廳， 又好食又平， 又大分， 冇理由唔去試下架。 今日同老公去咗試線下。打開餐牌見到咁多嘢食可選擇，好驚喜，果然係非一般嘅茶餐廳，實在太多選擇啦， 睇咗好耐先至選擇到，最後揀咗個牛扒，要5成熟、 芝士蘑菇釀雞翼 、煙三文魚蟹柳沙律、爆芝蛋卷、泰式炸蝦餅、鮮奶綠茶。牛扒冇令我哋失望，夠厚身，真係煮到5成熟，好正，有驚喜！芝士蘑菇釀雞翼外面香脆，裏面嫩滑，芝士蘑菇都好夾。個沙律好正，沙律菜夠乾身，新鮮爽口，蟹柳同煙三文魚都唔小，必食推介之一。另一個必食推介係爆芝蛋卷，拉到絲，而且蛋味好出，醬汁香濃，真係冇得彈。個泰式蝦餅好彈牙，炸到好脆。雖然己經好飽，但由於d野食好有驚喜，所以都叫左兩個甜品：朱古力芝士蛋糕同脆西多雪糕。朱古力芝士蛋糕好唔錯，朱古力味夠濃，所以唔係好食到芝士味，但作為朱古力蛋糕都好高分。真心推介大家去呢間餐廳食飯，性價比超高！！！

咁啱想食下午茶又喺荔枝角就走咗去一間隱世嘅餐廳 。如果唔係透過網站都唔識嚟， 因為沒有門口要兜入工廈內，入口又隱蔽，同屋企人一路行一路問系邊，真搞笑不過入到去環境都幾舒適同乾淨，食物質素都吾錯。5CM兩層特級厚西多士炸雞脾拼炸薯條厚切滑蛋蛋治配炸雞脾，好少食到厚切三文治

自問都幾得閒既吃貨 即係我，就係要成日做遷就食飯既地點，而前幾日我就搵朋友食晚飯，去咗佢工作地點附近既工廈，食佢所推介既餐廳喇之前都有聽講過同睇過某啲告示係話工廈既餐廳不准對外開放，所以如果唔係喺附近工作同居住，又冇朋友帶我黎，都好難知道呢到有一間咁平、靚、正既餐廳好餐廳真係要多推介，尤其呢啲非對外公開餐廳，真係要好好支持先可以繼續有抵嘢食！係街道上 地鐵站斜方向望去餐廳位置，本身已經好易搵到 事關佢紅色既外框都頗搶眼，但會見到向街既正門封住咗，相信如果唔係朋友帶路推介，見到呢個局面 大部分吃貨都有機會選擇食其他不過！同時餐廳有提供清晰方向指引，事實並唔難去相信餐廳係sell溫情，佢唔單止係入口印住四個大字「等您開飯」，連餐廳裡面既招待、餐牌上既選擇都令人感到賓至如歸！好講得太多食物以外嘅嘢 係時候言歸正傳！其實今次同朋友嘅晚飯都係輕食居多，因為朋友好鍾意食雞翼，所以我哋都嗌咗一個飯share同食咗兩款雞翼 再加兩杯嘢飲一齊飲。就係咁簡單就一個晚餐啦先講返上圖個蛋包飯 － 「富士山蛋包王」，佢嘅份量都幾大， 屬於特盛二人分量，但啱啱夠晒我地三個女仔分！ 呢個飯本身default有兩隻吉

約了朋友到荔枝角D2 Place逛街，在商場對面就是這間Red Rice 米飯主題餐廳，逛街前先吃點東西吧。 餐廳入口是要經工廠大廈才到達，門前那句”等您開飯”份外窩心，餐廳裝修風格以紅白為主，時尚的設計。餐廳食物非常多元化，單是看餐牌也需要一點時間，LUNCH SET選擇繁多，價格亦不貴，另外餐牌色彩繽紛，滿滿的食物圖片即時令人產生餓意。水牛城辣汁雞翼3隻 $18  - 帶點辣，非常惹味， 辣醬汁可以再多點，個人認為水牛城雞翼應該整隻雞翼都要沾滿醬汁。一尺系列之一呎真蒲燒原條海鰻 $72 - 木板呈上賣相吸引，表面佈滿了燒汁，紫菜及木魚絲，甚有日式的味道，鰻魚肥美肉嫩，絕對性價比高，旁邊的沙律菜很新鮮。家鄉糯米釀無骨雞翼 $24 - 脹卜卜的無骨雞翼啖啖肉，外脆的表面以及內裡軟熟的糯米，非常有層次感。溫泉玉子肉醬焗意粉 $44 - 表面滿佈了芝士及肉醬，意粉軟硬度剛好，中間有一顆半熟蛋，混了蛋黃汁吃又有別的風味。仙草奶茶 跟餐+$6 - 奶茶用上茶餐廳奶茶加上涼粉仙草，茶味濃香，有別於台式的重奶味奶茶。大食拼盤 $68 - 超級豐富， 包括有脆辣香雞腿、意式水牛城烤雞中翼、越式蝦肉釀