Relax B&M

营业中

休息中

漢堡入邊有菠蘿洋蔥蕃茄青瓜，仲有各種嘅醬料黑松露意粉好重黑松露味，雞肉好好食非常有內涵嘅料理價錢公道，有貓貓望住我地食有冷氣有室外，推介過嚟打卡或者踩完單車過嚟放鬆一下

見到無落雨，即刻就去大尾督食野玩貓🐱、行沙灘。餐廳位於沙灘對面，真係好方便。最鍾意係一樓養左好多貓貓。我地就叫左食物，然後職員會幫我地拎上一樓。🐓水牛城雞翼炸到香脆，表面撒滿芝麻，加上辣醬好惹味。🧇牛角包窩夫➕雲尼拿雪糕🍦好澎拜的cream多到見唔到窩夫，cream好滑，窩夫超香牛油味，好夾。🍫心太軟＋雪糕心太軟非常流心，朱古力不會太甜。搭配雪糕就最好食。🍹海鹽柚子梳打清新解渴🍑水蜜桃奶昔呢度奶昔不會太甜，幾好。最重要係有貓貓配食♥

呢間cafe雖然比較隱世，但Chill住望到海同有貓既cafe應該好小有😍呢到滿足晒你要求！設有outdoor同indoor位，地下同一樓都有貓貓們當值🐈🐈‍⬛不過大家黎到都要愛護貓貓，小心吾好整親佢地。🫶🏻軟殼蟹墨汁意大利粉🦀🍝墨汁意粉配上茄汁肉醬汁，都幾開胃。炸軟殼蟹既蟹肉都吾小，外皮酥脆炸得好食！牛肉漢堡餐🍔🍟自家製既牛肉漢堡扒充滿洋蔥粒，配上大片菠蘿仲有兩層芝士加千島醬既配搭，成個包好夏日既感覺！🤣薯條係粗身個種👍🏻焦糖香蕉窩夫 +雪糕🍌🍨🥐🧇呢到吾係普通窩夫，而係而家好興既牛角包窩夫！窩夫酥酥脆脆配上燒脆左既香蕉片再加埋雪糕😗是幸福既味道🫶🏻焙茶鮮奶☕️🥛香濃既焙茶味，比例調得幾好！

總結： 貓貓居住環境好差， 好細的bb貓無人照顧，好多貓眼睛都好污糟，野食質素正常係openrice見到好似好chill, 以為貓貓居住環境都幾好，先趁放假去試下。去到被安排上二樓， 有好多名種貓，除左成貓，仲有好多bb貓，仲未介奶。 櫃入面仲有一個貓媽媽，同幾胎岩岩生出黎的bb。有養開貓都睇得出，呢度啲貓被照顧得唔好， 好多的眼都好污糟，毛髮都好稀疏。 係用餐途中，有一個應該係店主的男仔小朋友，不停四圍行黎行去，係咁係到抱起啲bb貓，bb貓想走開， 佢又再跑黎去捉返啲貓bb🙈一黎好騷擾，二黎點解唔可以比bb貓自己行下抖下。 有一啲小朋友客人上到黎， 拎住啲逗貓棒亂咁fing, 唔識同啲貓玩， 有一隻bb貓係貓媽媽身上面飲緊奶，都比小朋友強行分開，抱起。 完全無店員制止呢啲行為/ 保護貓貓。其實一啲咁細嘅bb貓，係咪唔應該就咁放係到，係咁多客人嘅地方行走呢？ 野食質素係可以，環境都唔錯，但見到啲貓貓比人咁樣對待，好快咁食完都忍唔到想快啲走。

上個weekend 去左龍尾灘行下，藍天白雲，望到個景色真係好chill好舒服。夏天嘅時間日長夜短， 7:00睇完日落，就去附近嘅餐廳食吓嘢吹吓水啦。今次我哋唔係好想BBQ，所以就揀咗喺附近嘅Cafe坐吓，開門入到去原來係寵物友善餐廳嚟㗎，除咗室內有好多貓貓狗狗嘅擺設，仲有兩隻貓店長，好可愛🥰🥰🍴明太子帶子忌廉墨汁意粉煎香咗嘅帶子有三粒，面頭有明太子點綴，鹹鹹香香咁幾好食，忌廉汁嘅墨汁意粉味道好香濃，意粉嘅質感適中，唔軟唔硬，有啲口感。🍴泰式烤鱈魚拌薯菜大國手掌嘅烤鱈魚，魚皮煎到好脆，而因為鱈魚油脂豐富，所以魚肉好嫩滑好Juicy，薯菜係薯角嚟嘅，面頭有啲七味粉，炸得都幾香脆，外脆內軟，而沙律正常發揮，有啲車厘茄生菜同煙肉脆粒。🍴芒果奶昔芒果奶昔面頭有篤cream，誠意十足。🍴菠蘿咖啡梳打我個人口味好鍾意飲果汁嘅咖啡梳打，又有咖啡嘅香濃，又有果汁嘅香甜，呢杯味道調校得好好，果汁同咖啡嘅比例係一半一半，好飲，其實Menu入邊仲有好多唔同產地嘅咖啡，值得一試。食評總結：今日真係過得好超好寫意，先去海灘行吓，睇吓靚景，懷着美好嘅心情入去Cafe食嘢，遇見喜歡的貓貓同狗狗，吃着高質的食物，同我

Relax B&M (大埔)地點📍大埔大尾篤汀角路龍尾村165A號地舖難得放假，決定同仔仔去遠D 食好西，呢間餐廳Pet friendly,室外同室內都有位，而且有靚景而且有貓店長招呼你，一D 都唔怕陌生人---------------茄汁腸仔意粉（Lunch Set)💲108酸酸既茄汁配腸仔，係呢個咁熱既天氣簡直一流十分開胃，意粉亦都唔會煮得太硬十分易入口---------------烤紐西蘭肋眼牛排和薯條💲168牛扒有得簡幾成熟，都尚算嫩口，而且都好大塊十分飽肚，薯條亦都係用曲薯，即叫即炸👍👍😂--------------焦糖香蕉窩夫+💲38雖然唔係大份，但香蕉上面個塊焦糖十分香口同脆口，窩夫十分好味，即叫即整，坐係到等既時候都已經聞到好昏既牛油味---------------海鹽焦糖拿鐵（熱）+ 💲忘記加幾錢第一啖飲落去，都已經有陣陣鹽味，不會太鹹，同焦糖十分配合得到👍

今日放假就黎呢間位於大美督嘅好景cafe。餐廳啲座building總共有4層。第一層係Relax M&B餐廳，第二餐係好多貓貓店長駐守嘅地方，而第三層係泰式按摩店。仲有好適合睇景打卡嘅天台。香脆多汁炸雞球 $88炸雞球外脆內軟咬入去脆卜卜入邊嘅雞肉好Juicy。加上側邊嘅泰式辣醬，食落去泰式辣醬有少少，但係又好食又開胃。美式炸魚薯條 $108炸魚薯條份量十足，另外加上他他同埋茄汁味道好夾，簡直係靈魂配搭！軟殼蟹墨汁意大利粉 $138意大利粉口感軟硬適中物質意大利麵是意大利粉本身的用料而外面係用咗蕃茄做主角嘅醬汁味道都好好，加上好大份嘅軟殼蟹帶一啖好滿足！鮮莓乳酪沙冰 $58藍莓乳酪沙冰食得出係用新鮮嘅藍莓混合完成嘅乳酪沙冰加上上面的奶油簡直係一流，下次係一定會再叫

放假同朋友去咗龍尾灘，諗住去附近士多買啲嘢食，點知發現咗呢間隱世cafe!!首先講下環境，Cafe分室內同室外區域。室內有貓貓，個日就見到2隻🤩好乖；室外就有啲好涼嘅風扇，即使當時32度，坐喺室外都唔會覺得熱，真係好Chill!嘢食放面，雞肉配芝麻醬沙律: 雞肉煮得啱啱好，唔會太乾，加埋冇得輸嘅芝麻醬，真係好正！奥利奥蝦墨汁意大利粉（辣）: 蝦好大隻，意粉係蒜香底，食落唔會好油。雖然佢哋有寫到係辣，但食落大約係「10小辣」嘅程度，所以唔太食得辣嘅朋友都可以試下飲品: Dirty: 香滑嘅口感加上啲nutty嘅味道，整杯飲品層次豐富。鮮莓乳酪沙冰: 味道酸酸甜甜，好啱夏天飲🏖️甜品: 窩夫-朱古力曲奇味: 呢個Croffle好香牛油味，外脆內軟，加埋滿滿嘅oreo，每一啖都好滋味！

之前去大尾篤個人工海灘玩，先發現原來附近有間貓貓cafe可以chill下，食完飯同毛孩玩玩個人特別放鬆～趁weekend 帶其他fd嚟～🍀主菜：烤春雞$188 vs 炸魚薯條$108大大份嘅春雞上菜時熱辣辣，咬落肉質嫩滑，每一啖都可以點唔同醬汁（卡夫、泰式辣醬～🍀甜品：抹茶紅豆窩夫$68窩夫底食落有啲似croffle，牛角酥嘅口感加埋滿滿嘅紅豆～📍搭20C小巴去龍尾村；對出係個人工沙灘🏖️#hkcafe#香港cafe關注組#大埔#大尾篤#大埔龍尾泳灘

香港四圍遊放假去邊好 ...上個週末就與儍爸去了間有貓店長駐場對住龍尾灘的三層高海景 cafe 渡過了個悠閒嘅下午 一入店內已經被剛瞓醒，睡眼忪懶洋洋嘅貓店長吸引住 ...。美式炸魚薯條 HK$108魚柳大塊，炸到脆卜卜，裡面魚柳又嫩又滑配上他他醬就更滋味 ~~。明太子帶子意大利粉 HK$138意粉沾滿 creamy 嘅明太子醬汁，咸香惹味帶子大粒又夠厚，好鮮甜 ~~之後梗係嘆杯靚咖啡與貓店長玩吓啦 ~~。凍美式咖啡 HK$49。Dirty HK$53。單球雪糕 HK$20。芝麻黑糖大福 HK$36一客有四粒，外皮軟糯入口滿滿濃郁芝麻味，不太甜膩，好啱我哋嘅口味 地下係 cafe，室內有幾隻貓店長駐場門口吧枱位可以望住海景進餐，好 chill 架 ~~一樓係貓貓區食飽咗可以上嚟與貓貓玩吓影吓相 ...最後上埋天台吹吓海風，欣賞海景地下室外用餐區歡迎帶埋毛孩一起嚟用餐架** 以上分享是以我的口味、體質和情況作出分享及感受，一試 / 合用與否請自行決定

大尾篤真係愈來愈多嘢食😋，今次同朋友仔去咗食一間寵物友善嘅西餐廳🌟Relax B&M🌟 一入門口，已經有一白一灰嘅可愛小肥貓迎接🐱🐱 ，餐廳環境簡單，感覺優美又舒服❤️ 點餐方面，除咗超抵食嘅 set dinner，仲可以散叫👍 。今晚主要嚟食烤春雞🐥 ，因為即叫即焗，所以等咗10分鐘🥴 ，但係好值得期待👍 ，超新鮮熱辣辣，肉嫩多汁又吾熱氣💯之後㨂多個奧利奧蝦墨汁辣意粉，隻蝦大大隻，肉滑又彈牙，配上香辣🌶️ 煙韌兼爽口嘅意粉， good match😍 身為貓奴的我一邊吃，一邊有貓主人相伴，除咗好味之外，也是吾錯的享受💕

星期六放假, 同朋友去左大尾篤龍尾村對出個沙灘hea吓, 去完之後就到對面的海景三層獨立屋Cafe食Dinner, 呢間咖啡店價錢合理, 仲可以同可愛貓貓互動, 係間寵物友善餐廳，呢到有室外同室內坐位提供，環境舒服~*水牛城炸雞翼(辣)  - $98水牛城炸雞翼有5隻, 每隻都炸到香口脆卜卜，內裡雞肉Juicy ，附上泰式辣汁，可以按自己需要添加, 食落辣辣地好惹味~明太子帶子意粉- $138意大利粉煮得剛剛好, 帶子的鮮嫩與明太子醬的鮮味很夾, 混合埋一齊吃, 品嚐到很豐富的海鮮風味, 每一口都帶來美味的滿足感。*焦糖香蕉窩夫加朱古力雪糕 ($68+$12)香蕉面的焦糖燒至脆脆的, 窩夫外邊即烤得酥脆, 內裡鬆軟暖暖的, 加埋cream和冰凍朱古力味雪糕一齊食, 口感和味道多層次~白桃沙冰- $58飲落有很香的白桃味, 清新感覺, 好適合夏天飲~我地食完美味的晚餐, 之後就到樓上同貓貓玩左一陣, 過左一個愉快的晚上時光, 真係好chill好relax既Cafe~

兩個人食，都係上網求其搵個餐廳，都幾正，偏僻啲，但沙灘有得泊車，行過去幾分鐘，平日無咩人。店內有一隻肥貓貓，好得意，周不時做得意嘅動作，會想偷食枱上嘅嘢，不過店員會及時叫返佢哋落地。食物就正常發揮，量適中，叫咗三文魚沙律，羊，黑松露意粉，菊花茶，特飲。薯條配羊好炸，熱氣記得唔好叫成個。羊如果有汁就好味啲，沙律同嘢飲都好味，不過特飲支筒太細，啜唔到啲荔枝。後尾幫我哋啲茶加水，好窩心。環境靚，乾淨，如果唔想食嘢同人迫，或者俾人聽到你講咩，可以揀啲呢倒

今日假期同老公專誠到Relax B&M Cafe食午餐餐廳面向海景，非常舒適，室內同室外都設有用餐區，環境闊落 空間感十足，食物水準高，職員非常有善餐廳一樓仲有貓貓區，我倆用餐後仲上左去hea左一輪，睇住可愛貓貓行來行去，真係好療癒，下次放假一定會再來牛肉漢堡+薯條+短笛咖啡Nutty $153厚厚的牛肉漢堡配上菠蘿、芝士、蔬菜、千島醬，口感非常豐富，仲有紐紋薯條，香脆可口。短笛咖啡啡味濃郁，口感幼滑香煎鱈魚(泰式汁) $168香煎鱈魚煎得剛剛好，皮脆內軟，肉質非常嫩滑鮮甜，最驚喜是配上自家製的泰式汁，增加味道層次感，薯角炸得都好出色，外脆內軟綿，仲有新鮮沙律菜，減低油膩感美式咖啡 $32香醇的美式咖啡，個人很喜歡芝麻黑糖大福 $36煙韌得來帶點芝麻香，作餐後甜品一流

📍Relax B&M (大埔)大埔大尾篤汀角路龍尾村165A號地舖==============================整間餐廳位於大美督，由停車場出發去到餐廳大約需時9分鐘左右，餐廳是一棟樓高三層的村屋，門口佈置得非常有泰國度假屋感覺，餐廳門外有兩張露營餐枱及餐椅可以方便帶寵物客人坐在門外用餐，餐廳入面有冷氣開放，而且還有兩隻貓店長非常可愛我地今日帶埋狗仔來食，雖然落住雨，但有簷篷擋雨，望住個無敵海景，可以同狗狗好舒服禁享受晚餐😌==============================餐廳主要係食西餐同埋咖啡，非常欣賞他們的咖啡還可以選擇兩款不同的咖啡豆，而且餐牌仲會非常貼心，詳細列出兩款咖啡豆味道上的分別海鹽焦糖latte（混合果味咖啡豆）咖啡味道濃郁，但入口不會覺得很苦配上焦糖的微甜非常好味晚市套餐晚市套餐有三款選擇包括烤雞羊架及牛扒還配餐湯甜品及飲品，價錢都算抵食我哋今次主菜點咗烤香草春雞廚師上菜後有特別提醒我哋春雞係用慢煮方式烹調，所以肉質會比較嫩滑及多汁另外可以配上西式醬汁或另一款泰式醬汁一齊食，我哋覺得泰式醬汁同雞肉比較配搭甜品方面就選擇咗香蕉窩夫窩夫係近期好H