Ricco (已結業)

餐廳以簡約純白色搭配木系傢俬，營造出日系小清新的感覺。店內放滿各式各樣擺設，每個角落都非常適合打卡。主打西式料理及輕食，包括各式意粉、焗飯、牛角包、小食等等，種類多元化。日式咖哩汁炸雞脾蛋蓋飯 $58炸雞脾外層金黃香脆，大大隻又啖啖肉，為求固定炸雞脾形態，更會在雞脾串上竹籤，令到雞肉嫩滑多汁，絕對吃不停口。滑溜半熟的雞蛋配上日式咖喱汁，味道香濃，甜甜的送飯好胃口。泡菜卡邦尼慢煮溫泉蛋雞肉炒意粉 $68卡邦尼意粉濃厚香滑，加入辣椒醬和酸酸辣辣的泡菜，油膩感全消，再拌一隻溫泉蛋，滑溜又香濃，香味更豐富。小食拼盤 $68有炸魚、薯條、雞翼、趣樂雞對於有選擇困難症，叫這個拼盤就可以一次過滿足4個願望。南瓜湯香甜南瓜配搭忌廉熬煮成，濃郁順滑。羅宋湯酸中帶甜，加上含有大量蔬菜，味道層次和口感一樣豐富。

今日拎野比閨蜜，黎到長沙灣就諗住買咪外賣回家享受下，比我發現左呢間餐廳，店面十分光猛，裝修整齊乾淨，，服務員熱情既招待好快就可以落單了。😊首先小食方面就選左炸薯條，我個人十分喜愛，上面有啲黑松露令味道更加提升，炸到香脆可口。另一款小食係芝士肉醬焗薯茸，呢款真心好食，芝士味好出，口感一流，而且份量十足，十分滿足。世界級好味。入口即溶。識食一定要試呢款。主食方面就選左公司飯(雞胸十司華力腸片＋漢堡扒）配照燒汁。啲汁甜甜地撈咪飯食一流。三寶都唔錯，好新鮮，唔會有雪味。非常吸引。另一款係芝士焗意式茄汁豬扒飯，呢款必食之選，味道好，食幾多次都唔會厭。真係好好味。份量都好多，可以分兩餐食都得。非常抵食。另外點左個南瓜湯，非常香濃既忌廉南瓜味，非常creamy，熱飲成身都好溫暖。正。另一個飲品係柑桔蜜緑茶凍飲。非常解渴，酸甜酸甜令人越飲越想飲。

Ricco.招牌生炸雞髀食剩指數:0/100雞髀好似三多炸肶即叫即炸好香脆雞肉嫩滑有好多肉汁.芝士肉醬焗薯蓉食剩指數:0/100雖然係小食類用料都好有誠意薯蓉好綿密芝士肉醬有蕃茄香又唔會好酸.羅勒青醬雞肉意粉食剩指數:10/100雞肉有醃過幾入味呢個青醬味道偏清新有羅勒既香食落都唔錯.泡菜卡邦尼慢煮溫泉蛋雞肉炒意粉食剩指數:0/100泡菜卡邦尼好新奇既配搭配料有雞肉、香菇、洋蔥泡菜既辣味加左落去好過癮食完一啖會想接著食

長沙灣宇宙商場對面既「Ricco」✨，主打西式餐飲，裝修簡約輕鬆，價錢大眾化👍🏻，各種食物即點即整，主食有意粉、焗飯，小食有炸雞髀🍗雞翼等等，仲有牛角包🥐餐，種類多元化。👏🏻黑松露忌廉汁雜菜魚柳炒意粉🍝$75濃郁既黑松露配合忌廉汁十分香濃好味😋，意粉掛汁軟硬適中，有口感有層次，香煎魚柳煎得香口好味，配埋雜菜很滿足。芝士焗意式茄汁豬扒飯🍱$62濃厚既芝士蓋面，大大塊豬扒🐷夠鬆化，加埋自家製意式茄汁，非一般好味焗豬扒飯。👍🏻生炸雞髀$35招牌生雞髀🍗果然名不虛傳，炸得非常鬆脆，外脆內軟唔油膩，小辣啱曬我口味。椒鹽花枝丸$26另一必食推介椒鹽花枝丸🍡，爽口彈牙，同樣外脆唔油膩。✨另外優惠價加配飲品，青檸梳打清新好味，柑桔🍊蜜健康好味。

呢間真係好好食，我哋本身都好鍾意去呢一間餐廳，因為去外賣真係好方便識叫即整唔需要等泰萊佢哋嘅環境10分好又乾淨又方便去同埋搵得到仲有佢哋嘅侍應真係服務質素10分高，佢哋有各種各類影嘅美食俾我哋選擇首先我哋嗌咗兩杯嘢飲適合炎炎夏日嘅天氣仲有佢哋嘅招牌飯真係好大碟，真係食完之後非常飽我哋嗌咗白汁海鮮飯真係好足料海鮮大大塊魚柳真係超級好食先得好唔錯仲有話佢哋嘅雞翼同拼盤都好正㗎即叫即正脆卜卜大家有興趣去啊

最近發現左長沙灣有間好抵食嘅小店餐廳店面唔大不過都坐得幾舒服 唔會好迫咁仲會播住流行曲入到去先點菜俾錢後取餐仲有啲好抵食既全日套餐招牌生炸雞髀慢煮溫泉蛋飯 ＄58有三個汁揀，照燒汁/日式咖喱汁/意式蕃茄汁 揀咗日式咖喱汁，有少少辣又有啲甜味溫泉蛋好流心 撈埋啲飯一齊食好夾特別推介佢哋嘅招牌生炸雞髀可以揀唔辣大中小辣 揀左小辣炸出嚟熱辣辣 皮脆 超級Juicy仲超大隻添呀 值得再encore黑松露忌廉芝士雜菜魚柳炒意粉 $75黑松露味超濃好多汁雜菜配有茄子同雜菇意粉整得適中 唔會太淋魚柳都煎得好Juicy小食拼盤 - 炸魚薯條/雞翼/趣樂雞 $68個小食拼盤都好豐富可以試勻大部份嘅小食雞翼係單骨雞翼 容易啲食趣樂雞 好似麥樂雞 不過炸得更加脆炸魚唔會乾身 配埋薯條蛋黃醬 正呀😋飲品叫咗個青檸梳打酸酸地 好開胃😋叫到成枱都係野食 太豐富 飽到要打包啲野食都好大份見到餐廳宣傳外賣仲有9折添呀 性價比高唔怪之得咁多人叫外賣啦

雖然呢間小店開咗唔係好耐，不過都嚟咗已經N次😂一來好味😋 二來抵食，加上飯同意粉選擇都多呀！呢度主打西式餐飲，淨係意粉都有超過20款選擇，而且食材配搭新穎，感覺好有新鮮感！就以今次試嘅呢款卡邦尼慢煮溫泉蛋雞肉炒意粉芝士同埋焗南瓜汁海鮮飯，溫泉蛋配搭清新嘅雞肉意粉🍝由於係炒，冇咗平時嗰啲忌廉汁，食起嚟冇咁Heavy，但係溫泉蛋可以cover到 creamy嘅口感，絕對值得一試啊！另外南瓜海鮮飯都好有驚喜，濃郁嘅南瓜汁估唔到原來配炒飯底好夾，感覺健康而且食落甜甜地㗎！海鮮嚟講有清新嘅帶子同埋蜆肉，仲有勁大塊魚肉，魚肉仲要嫩到滑不溜手，直接sir落個胃，好誇張！超有驚喜！炸到脆卜卜嘅香酥雞球 vs 如雪糕一樣軟綿綿嘅芝士肉醬焗薯蓉，口感上形成好強勁嘅對比呀！但係兩款都咁好食呀，所以係，打和！

環境：小店簡約雅致✨木系裝修，牆上掛滿散發正向能量的掛畫，令人感覺溫暖放鬆好心情。而室外亦有户外位，可以好似去咗cafe 咁打卡，唔錯❤️.//卡邦尼慢煮温泉蛋雞肉炒意粉//意粉炒得啱啱好，Q彈有嚼勁。醬汁creamy有奶香，雞肉量幾多，而温泉蛋令整體變得非常滑嫩.//羅勒青醬雞肉意粉//打開超香🥰入口比卡邦尼清爽無咁大負擔。就算外賣都超級大碟。食完整個勁飽肚.//香芋地瓜圓//炸得好香脆惹味，熱辣辣會爆漿的，要小心慢慢食🤭.//羅宋湯// 酸酸甜甜好開胃❤️裡面有埋蔬菜，balance 油膩感

早排經過見呢間餐廳今個月有優惠外賣有9折懶賴地唔想煮飯，一於買返屋企慢慢食價格親民，店員好親切見到下午茶仲抵食收工/ 放學 醫肚嘅好選擇✨羅勒青醬海鮮意粉個人特別喜愛青醬煮意粉，大大條魚柳，啖啖肉，仲有原隻鮮蝦幾爽口✨芝士焗意式茄汁豬扒意粉加入鮮茄同肥牛嘅炒意粉，味道唔錯，混入茄醬令口感唔會太乾身✨招牌生炸雞脾即叫即炸熱辣辣．外皮勁香脆，仲有唔同辣度選擇，大大隻好厚肉，炸完都保持到肉汁✨香酥雞球辣辣地好惹味，肉質嫩滑好香口一粒接一粒，食到停唔到口✨羅宋湯呢度嘅羅宋湯好足料，口感較杰身，味道非常濃郁，仲好香黑椒味，係我飲過最正嘅羅宋湯下次一定要再Encore

長沙灣 深水埗呢一頭真係好多嘢食呀畀我發現到一間 平靚正 西餐廳包羅萬有 我最愛嘅意粉套餐都一啲都唔貴 平民價錢仲要喺地舖種類好多有飯意粉 牛角包仲有好多煎炸小食啱曬班年輕人 我就最鍾意芝士肉醬焗薯蓉分量好多薯蓉好creamy 上面好多蕃茄肉醬 真係好好味另外嗌咗fish and chip 吉列魚柳炸薯條 係我心頭好新鮮炸熱辣辣 配埋他他醬 粗薯條外脆內軟 炸魚柳粉皮好薄魚柳好新鮮 一定要趁熱食 主菜嗌咗個芝士焗南瓜汁海鮮飯 海鮮份量多有成塊魚在家 有蝦蜆肉等等 南瓜汁鮮美配飯一流 芝士量多 另外主菜點做咗個我最鍾意嘅 羅勒青醬海鮮意粉熟推薦產品 海鮮 多好彈牙 感覺都唔肥膩 夠曬飽好有水準 鍾意飲湯因為冬天想飲到暖笠笠我嗌咗個羅宋湯裏面好多料又 蕃茄 蘿蔔等等朋友嗌咗個南瓜湯非常 creamy 冇味精飲落去感覺好舒服好值得推薦 堂食位置有好多我覺得好舒服 裝修 清新文青咖啡廳類啱曬情侶一齊嚟拍下拖

某日下午黎左長沙灣呢間餐廳，門口好得意寫住“等你很久了"字眼，餐廳入面係要自己行去點餐處點菜，之後去左叫左個小食拼盤，生炸雞脾勁大隻，仲有得揀辣度，少少辣外皮炸到香脆，小食既炸魚大大塊脆卜卜，仲有沙律醬跟埋，薯條係粗身既薯條，炸雞翼係一條骨既食得好方便，另外仲有南瓜湯好濃味，海鮮飯有好大條魚柳同蝦肉，蜆肉，瑤柱真係好足料，卡邦尼温泉蛋雞肉意粉，意粉份量都幾多雞肉軟滑，全部食物都係即叫即煮，新鮮好味。

～半日返學之學生黨福音～下午茶TEA SET餐廳有戶外茶座，亦設靠牆bar枱，打卡位等，環境坐得舒服！V3- 照燒肥牛牛角包 拼 薯條 ＄42牛角包層次感豐富，十分脆口，肥牛配燒汁正常發揮，拼一個份量不小的薯條，一個下午餐嘆到雙重滋味！V4吉列魚柳、趣樂雞 拼 薯條 ＄42趣樂雞像平時食開的麥樂雞，但外皮炸得更脆，吉列魚柳幾大件下，切開熱辣辣、又啖啖魚肉，配上蛋黃醬，really 香口惹味！V5招牌生炸雞脾（原味）+迷你鮮茄雜菜炒意粉$50不愧係招牌😍卜卜脆已經不能形容呢個level！店家串住成塊雞脾去炸，肉係靠短暫油炸熟透既，比起一般煮熟雞肉質地更滑嫩。炒意粉有紫洋蔥、茄子、翠玉瓜和菇菌類，蕃茄味不是現成醬，反而覺得新鮮的味道，呢個set絕對滿足到食量較大既朋友仔。🌟香芋地瓜丸 $24最最最x N…推薦的小食！6粒外脆內軟既丸子作為店家👍🏻推薦實至名歸，香濃芋頭味激似一款懷舊零食——舒心牌香芋味奶糖，勾起晒兒時的味道，佢食落沒有顆粒感，口感煙韌似麻糬，值得encore!椒鹽炸雞塊亦是童年回憶，味道出咗一種媽咪麵調味粉的感覺，特別有新意！特飲凍柑桔蜜綠茶味道清新，不會甜過頭，平衡返油膩

長沙灣越開越多新型特色餐廳～住附近嘅我1星期總會有2-3天會買外賣🥡😝懶得日日煮又可以試好西～今日就行過呢間RICCO, 比佢嘅炸脾🍗吸引住左～-「🍗招牌生炸雞髀（大/中/小辣/原味）」🌟🌟大大力推薦！一嚟大大隻，二嚟就算我外賣拎到返屋企都仲好脆卜卜熱辣辣🔥🔥原味醃得啱啱好唔會太鹹～皮脆肉嫩，1隻都比我2個寶貝食清光～「🍳黑松露炒蛋芝士牛角包」見到就覺得吸引🤩，就算晚餐時間都想食～呢個組合就係絕配！👍🏻牛角包鬆軟，滑蛋黑松露又香又滑～等我下次試埋個黑松露蛋沙律牛角包先得～-「🐮日式咖喱汁京蔥肥牛蛋蓋飯&🍝卡邦尼慢煮溫泉蛋雞肉炒意粉」飯同意粉都好多選擇，真係花多眼亂呀～🐮咖喱汁肥牛飯，咖喱汁唔算好辣～加埋肥牛同滑蛋，撈飯食一流👍🏻至於🍝卡邦尼雞肉意粉，意粉略嫌硬咗啲🤏🏻個人鍾意食冧少少～雞肉因為慢煮過所以一啲都唔鞋口～配埋溫泉蛋，呢款經典意粉絕對人見人愛❤️-「🥄南瓜湯/羅宋湯/🍹青檸梳打/柑桔蜜綠茶」湯品方面有南瓜湯同羅宋湯選擇～羅宋湯稍辣同較濃味，有港式嘅感覺～所以如果👧🏻🧒🏻小朋友或者唔飲得辣嘅朋友就可以揀甜甜地嘅南瓜湯～至於特飲方面，青檸梳打稍酸，係我嘅味道～酸酸味味，用嚟解油膩👍

去完附近李鄭屋漢墓作常識科參觀，一條東京街之隔，轉入青山道x誠超市幾個舖位就到。啱啱撞正換招牌。聽講餐廳停工一排，今日開番。位置不算隔涉難搵，裝修新淨四正。大部分預設二人枱，近舖尾廁所一排枱面壁。快餐模式，先點餐付款，等叫號再自行拎餐。試咗溫泉蛋系列-「招牌生炸雞髀飯」，日式照燒擺咗喺脆肉瓜蘿蔔底，就算篤穿溫泉蛋撈埋，喜歡汁浸飯始終稍嫌汁唔夠多。不過重點炸雞髀真係超鬆脆，加上已經少見呢類以麵包糠式炸髀，幾令人食指大動。餐單應該加番條🌶俾「韓式泡菜肥牛炒意粉」，已算小辣，雖然配菜都係脆肉瓜菇菌，炒得有少少汁唔會太濕。兩個餐份量都係標準夠哂每人食，所以點多個「芝士肉醬焗薯蓉」（雖然都幾好樣）有啲過咗，而且薯蓉都唔細，幾乎等於食多份意粉。

住長沙灣嘅朋友真有福 今次又介紹好好美嘅西餐俾大家去食平時經過都見到一間睇落好舒服嘅小店，等我入去試下好唔好味先有好多唔同款式嘅食物，有提及蔬菜同內含雞蛋嘅指示，好細心吉列魚柳配炸薯條外賣雖然有少少倒汗水，但都唔會影響到食物嘅味道，拎到返嚟好快就食，所以外皮都係好脆，魚柳都好大塊，薯條配埋黑松露沙律醬好香口小食仲有雞翼，甜甜酸酸嘅味道好開胃，仲有少少黑椒，雞翼非常入味，而且冇雪藏味處理得幾好好推介食流心蛋卡邦尼意粉，醬汁濃郁，而且唔咸，煙肉少少鹹所以可以調味，唔會太乾最後餃子咖哩滑蛋飯，咖喱少少辣，而餃子皮薄餡料多，一啖啖肉，香草滑蛋配咖哩撈飯一流羅宋湯，少少辣，但材料非常足夠，湯亦都好濃郁，好暖胃最後，堂食同外賣都咁好食，10分我俾7分，下次會試埋其他意粉同小食，休閒一餐好舒服