Rice Paper (已結業)

8:30左右入座, 雖然坐左張L型梳化位, 但係感覺好唔舒服因為整個環境實在太嘈, 似街市多過似餐廳, 以一間百幾蚊人均消費ge餐廳而言, 竟然好似嘉年華會咁嘈, 實在係唔能夠接受服務方面... D侍應塊面普遍都好黑, 有幾個仲係特別ge無耐性tim只有個別一兩個比較有耐心d, 感覺先舒服返d但係都上菜ge時候就好難理解, 上菜ge次序亂咁唻先係蒜蓉菠菜, 跟住就係生牛肉河, 然後係燒羊扒, 最後先到小食拼盤..... 好似掉完左咁!食物方面... 請帶備吸油紙!所有食物都好油... 尤其係個蔗蝦d油直情可以標出唻咁滯! 好恐佈!味道一般, 淨係油多已經夠晒.整體而言, 無一樣野合格, 尤其係埋單要成百五蚊一位, 以咁ge價錢唻計, 完全無法接受

Nothing matched the nice decor.We came here on a Saturday afternoon. The duck in the 香鴨黃疆飯 was SOOOO tough that, when I tried to split it into pieces with my chopsticks, they broke! Any pre-packaged duck from Park n' Shop was better than that. The sauce was the only good component of the dish.Somehow our order for 撈檬 never reached the kitchen. We asked the waitress three times to follow up. We received no apologies whatsoever. After waiting for over an hour, we gave up. How long could it take a

LUNCH HOUR豪食，揀左我既至愛RICE PAPER，LUNCH SET價錢同單叫差不多，但包杯野飲，算幾抵，四個女仔嗌左四個SET一齊SHARE食。香鴨黃疆飯 - 好白痴地以為黃疆=疆，經同事點醒，先知黃疆原來係香料既一種。講返個飯，鴨夠大件，夠肉地，感覺已經好抵；黃疆好香，飯粒分明，忍唔住添完再添^^柚子沙律 - 加十零蚊就有得食，貪佢酸酸甜甜幾開胃，夏天食一流，都係一貫水平之作。扎肉湯粉 + 雞絲湯粉 - 湯底好清，食多都唔怕滯。青咖哩雞 - 係我既Faourite，每次黎都會點。咖哩夠香，齋點麵包已經好好食，回味無窮！無敵維港景 - 無價！

一行6個女仔~order左3個小食,3個main courses,2個desserts~一致認為佢d越南菜唔好食...係d desserts比較特別~~小食拼盤 樣樣都超油..牛油果軟殼蟹米紙卷招牌菜, 但都唔係太可口...自己包ge米紙卷幾好玩, 但個個都整到穿哂張米紙, 卷唔到~海鮮銀芽omelet個omelet幾好味! 薄又脆! 加埋d餡都唔錯! 海鮮抄金邊粉 一般水準~扎肉豬頸肉河內炒米粉 普通, 非常普通!朱古力甜品+vanilla icecream 終於食返少少好味野~ 朱古力好濃!! 個vanilla雪糕唔係一般食到個d, 而係真係有vanilla籽個種! 正!! hk好少食到!拿破崙餅+vanilla icecream 都唔錯, 甜d仲好!!

今次係我第二次去這間食上一次食是５個人，我覺得這間適合二至四人去，因為食物既份量好少，得４件到，所以如果多人去食就要叫雙重，如果叫一份，會有到喉唔到肺既感覺。友人同我提前慶祝生日，兩個人叫咗以下食物：奇異果汁有優惠，買一送一，普普通通的一杯果汁，不過有點稀蒜蓉包幾好食，好脆，好有蒜蓉味牛油雞翼新鮮熱辣，好脆，不過要熱食，如果唔係凍咗食無咁香（本人覺得唔及燕萍咁香口好食，不過我是在燕萍未搬既時候食過，所以係好來之前既事，唔知現在點）牛油果軟殼蟹米紙卷一般啦，軟殼蟹唔肥膩好脆，不過唔鍾意ｄ醬汁，因為有陣薑味，馬馬地，友人話春卷好食ｄ扎肉豬頸肉河內炒米粉我覺得全晚最好食就是這個，炒米粉旁邊有花生、辣椒，跟米粉撈埋一齊，辣辣地好香，好食，濕濕地，又唔會太乾食，唔錯唔錯這間是屬於美心集團之一，所以食物都有一定既水準，環境跟佈置都唔錯，這間幾適合情侶去食，因為望住維港夜景食飯，感覺真係幾好，window seat 有限，所以book位時，記得講，等佢地盡量可以安排到。

跟朋友相聚的日子總是令人回味，每一次都盡量搵新地方，希望每一次的回憶都係UNIQUE的~今次係RICE PAPER 的氣氛似乎太浪漫，令到我不敢太粗魯，連嘴嚼食物的姿態都扮淑女，好拘謹呀~WAHAHAHRICE PAPER 的環境真係幾好，有海景，燈光好柔和，比較岩情侶黎，浪漫D丫MA~仲要係岩岩拍拖或者係紀念日，可能有更好印象TIM!!!WAHAHAHA不過今次只係同個fd 慶祝生日jei!但過於昏暗，令到D食物GE色彩冇左一截色!三人行，總共食左4樣野: 帶子香芒米紙卷、牛油雞亦、青咖哩豬軟骨、荷香小龍蝦飯都係食左三百幾蚊，都算合理，不過，大伙兒去就未必啦抵食~因為D食物都好精緻，就好似PAPER ROLL咁，得3件，真係想試真D味道都冇機會。不過帶子太細件，又俾芒果搶哂味，味道都算清新，但不太吸引。牛油雞亦最岩我心意，香氣四溢，仲熱辣上台，好吸引，但只得4件，又係到喉唔到肺。青咖哩真係好香，同椰汁份量配合得岩岩好，又唔會太膩，惟獨選擇太少，冇青咖哩雞或海鮮，但豬軟骨都不錯，好"淋"入口即溶既感覺，加埋青咖哩，送飯一流。其實個飯唔多覺小龍蝦出過黎，不過志在飯香又鬆軟，仲要令自己飽肚

午市套餐由６８至＄１２８＋１０％，包飲品一杯；　另加＄１８可選擇小食，再加$２２有自家製的旦糕和咖啡．我選擇了扒大蝦豆腐芝麻汁菠菜冷麵和青檸薑蜜：扒大蝦豆腐芝麻汁菠菜冷麵賣相好似精美，仔細留意隻蝦腸未挑，炸的，不是扒的(grilled）, 吃不出鮮味來；反而菠菜冷麵好似簡簡單單，但和芝麻汁混得極佳，搭配不錯．青檸薑蜜：普通檸蜜，一點薑味也沒有．友人選擇了蟹肉蕃茄湯米線，和青檸流打．蟹肉蕃茄湯米線：個湯底好濃，好鮮甜蕃茄味，味道豐富，一下子喝光了。問trainee 妹妹自家製的旦糕有什麼，她把各式各樣的味道背出來，做足功課．因此我哋另加咗２２蚊share 個豆腐旦糕．可是豆腐旦糕上面的芒果醬太霸道，把豆腐味遮蓋了，有點畫蛇添足如果坐近窗口 果邊，除咗風景較開揚之外，亦坐得比較舒服，冇咁迫，冇咁嘈，會比較物有所值．

有探子向我回報, 話Rice Paper有新menu, 重有"多多料撈檬",即係自己DIY撈檬",於是撈檬怪又出動,閒日6:30來到, 8:15要交檯,人客唔算多, 重可以有窗口位,望住個鹹蛋黃落山,幾舒服,今餐點了:多多料撈檬:可以自選其中一種食物配檬粉,我點了春卷, 有6小件, 一上檯有4大碗,包括生菜,紅蘿蔔絲,春卷,香葉(薄荷葉)等等, 和4小碗配料,蒜蓉,紅椒,魚露,青檸汁,花生碎,乾荵,俾你自己按個人喜好自己撈,真係好食又好玩,我全部都落晒,酸度可以多少少,因為我比較愛酸,春卷都好脆口,配撈檬食都幾好!清新嫩雞蕉蕾沙律:由雞絲,蕉蕾, 英文是banana flower,想是香蕉的花蕾,切片,加紅蘿蔔片,紅菜頭片而成的沙律,唔單止擺設得好搶眼,重好清新,惹味和開胃!牛油雞翼(6件):新鮮熱辣,好脆,牛油味唔濃,合我口味,趁熱食,忘記影相香鴨茄子黃疆飯:雖然黃疆飯份量唔算多,但鴨肉好厚下,重有隻髀,飯的香料唔算多,茄子是細細混入飯內,啖啖肉同飯,都幾飽! 味道幾好,擺設得都好靚!飲品:選了特飲-Sunrise,買1送1, 石榴,strawberry 等混合,味道無邊種特別搶,但

找好久不見的表姐晚飯，本來想吃吉列的，不過有排等，好在已訂了這裡吃 fusion 越南菜 。今晚竟有得坐窗口位, 盡佔海景, 好棒! 表姐曾是這裡的常客，我對著精美的餐牌沒啥頭緒，就由她先行發辦：Lime Violet Soda 紫蘿蘭青檸梳打 x 2 ($36@) - 先來一人一杯特飲，梳打類飲品有買一送一(同款\) 優惠。好靚啊！紫色的糖水在底層，加上青檸汁，上面絕襯地飾以一朵紫蘭花。味道就一般啦，紫羅蘭糖水隱隱有股藥水味，要攪勻了才有點酸甜的青檸味。白玉芥蘭 ($58) - 芥蘭先切去韌的外皮, 只保留中心最嫩的部位，果然夠刁鑽。白灼後以特製香料味醬油蘸吃，清新又健康。可是是晚的芥蘭不大夠幼嫩, 而且有根, 還有我覺得這一味是凍食比較好呢。嫩雞蕉蕾沙律 ($68) - 蕉蕾即是香蕉結了果之後遺下的像花蕾的東西，碟上墊底一大塊紅色花瓣似的便是它的外殼了 (那該是吃不得的)，裡面淡白色的蕉蕾肉切薄片，加上雞肉、甘筍、紅菜頭等，便做成一道爽口又清淡的沙律。吃時擠一點檸檬汁，酸酸甜甜的。至於蕉蕾是什麼味道嘛...我想它本身是沒什麼味道吧，但有點像椰絲嗦嗦聲的，夠多纖維，清腸胃呀。大柚葉海

這日來到銅鑼灣跟父母吃午飯,沒有訂枱,坐不到窗邊的位子,但反而有半圓形望海的枱,坐得更寬敞,景色更開揚.這裏依舊有lunch set,只是有別於以前,以前的set包一款小食,現在要吃小食就要加$18,但款式都比以前多.最後我們點了3個set,另加2款小食.蝦米紙卷 - 雖說是米紙卷,其實跟粉卷無甚分別,內裡裹著大蝦,青瓜絲,蘿蔔絲,蘸的醬汁有點似沙爹醬,但其實只是有花生,入口很甜的醬汁而已.反之更愛其放枱的酸汁,令味道更突出.蝦柚子沙律 - 向來都是我的最愛,特別喜歡它的酸汁,柚子的甜拼合醬汁的酸,令胃口大開.扎肉湯米線($48) - 之前一晚喝了不少酒,這日肚子不太舒服,總想吃點熱湯麵.這個米線做得不錯,本身湯底已很夠味,米線煮得剛好,不會太淋,扎肉本身有點黑椒,吃時有陣陣辣味,不錯.香芧牛肉撈檬($60) - 檬粉灼得不太淋,吃時有點難咬.牛肉亦一樣,煮得太久,很難咬開,而且香芧味不重,不及湯粉出色.龍蝦炒全蛋麵($80) - 跟侍應介紹的不同,原本說的是如蛋包飯般包著麵條.但其實是很中式的龍蝦肉蔥油炒蛋麵,但水準不錯,龍蝦肉不少而且很彈牙.炒麵很香但太多油,有點吃不消.每份lun

星期六晚飯，七點幾去到門口已經企左好多人，好彩朋友訂左位咋！第一次黎呢間食，一入到去已經俾個環境吸引住，暗暗地好有FEEL，無論係二人卡位、四人枱，都好雅致，好舒服。最大驚喜係：竟然有得坐窗口！！望住個維港景，心情更好！食物一貫有水準，尤其我地鍾意食香口野，一D都冇失望；最鍾意個雞翼同咖喱，差D因為爭食而大打出手，哈哈！埋單又有另一驚喜，以為呢度環境食物咁好一定好貴，點知四個人位位百二都唔駛，仲以為佢計錯錢，真係開心黎開心去^^

星期五公司出trip, 第一次要同豬仔分開幾日, 所以特登出黎dinner, 去了rice paper, 今次食了咖哩牛腩, 法包, 西蘭花, 軟殼蟹卷, 咖哩牛腩配法包好惹味, 辣中帶甜, 香濃中見椰香, 西蘭花清清地囉…軟硬適中, 不過豬仔鍾意食, 佢話可以索多d汁喎, 軟殼蟹卷係招牌菜…一定要食…加埋d芒果汁好正, 可以淋面, 又可以灌入去個卷到...呀..仲有牛油雞亦…好香好脆ga…牛油ge香散發出雞ge鮮味, 滑而不油, 豬仔仲幫我起肉比我食, 好細心呀..個日仲收到隻手摺hello kitty, 係豬仔摺ga, 好得意, 隻麥dou豬條腸ge紙仔好surprise呀…成餐飯都好好味, 坐L 位又可以同豬仔親近d, 環境都好舒服, 拍拖啱晒

以前曾吃過一些越南菜小館,牛油雞翼都是美味招牌菜,但自從年紀大了, 少吃了油炸食品,但這次朋友極力推介, 說這裡的牛油雞翼,比其招牌菜"軟殼蟹米紙卷"更要惹味,於是, 令我近十年未食過牛油雞翼的慾望又重燃了,叫了一客, 有5-6件之多,細看賣相的同時, 鮮炸香氣已撲鼻而來, 吃第一口, 撕開雞皮, 雞肉的嫩汁竟跟隨熱氣香氣一齊湧出...肉質又細嫩又滑, 肉汁加上牛油入口, 真係好香好味 !心想:現在已沒有新鮮雞, 為何仍然有肉汁流出 ?朋友指正我, 街市沒有雞, 不一定=沒有新鮮雞,只是中央屠宰了, 的確要立即放入雪藏, 不過, 如雪藏不出兩三天,加上煮法能保留其肉汁.. 雞肉依然可以很新鮮嫩滑, 沒有雪藏味or"鞋十十"又學識一樣野 ! 但願以後需要食雪藏的我們依然可以食到好雞 !一破戒吃了油炸品後, 軟殼蟹米紙卷當然少不了, 一碟四件, 份量十足, 軟殼蟹依然炸得香口但同時保留了蟹味.海鮮炒飯則是香葉建功, 又香又濃味, 一貫越南風味, ok.最後想講講飲品, 我飲的是青檸薑蜜, 不會過份的薑辣, 也沒有蜜糖的太甜. 好飲.朋友點的荔枝玫瑰沙冰, 她說是每次必飲的. 不太甜卻有荔

z高級越南餐廳愈開愈多, 但高級往往只在價錢和dish setting方面,有時環境又迫d待應又冇禮貌...可能 rice paper 係集團式啦, 好的, 就在水準維持方面:那個軟殼蟹paper roll, 依然忍不住一吃再吃,又有其他幾款唔同口味, 一樣好好味…環境依然keep住一流:尖沙咀同cwb一樣有無敵大海景(不過cwb這間個view較好), 有濃濃法國feel, d 海景卡位勁岩傾計d 待應又有禮貌..唔好的, 就係食物選擇不多變,我上年12月去過, 個menu同依家2月都冇咩變,只係多左drinks lor... 咁點留住舊客黎多幾次 ?不過, 可能佢覺得自己有招牌菜就ok, 咁….佢既招牌菜又的確唔少: paper roll, 炒蛋麵, dessert French Kiss每次都是我必選

約人去銅鑼灣,雖然有d唔舒服都照去,唯有食得清淡一些,我應該有成年無黎過,(睇番食評上次係03-2008),此處有食物和服務都退步了,今次2人點了:-燒牛柳香草甜酸沙律($88),作為前菜,燒牛柳細細件,又夠嫩,配合沙律菜,甜酸好開胃,幾好!-帶子香芒米紙卷(約$58,忘記價錢),menu寫明有3件,食落只感覺到大量紅蘿蔔絲,芒果,香葉等味道,食不到有帶子,細看原來有一小角,唔怪得無味,唔抵食 下次都係食番軟殼蟹米紙卷!-香茅龍蝦炒蛋麵($92),一向知此餐廳份量少,但少得只有圖中的四方碟,未免太少了吧,好在龍蝦肉頗多,爽口,但d麵超油-蝦餅($68),超唔掂,好鞋,無蝦味,完全唔知自己食緊的是什麼,覺得好似有點黃色的像雞蛋,只是一團鞋的肉!響唔想浪費食物的情況下,都食淨1件!全晚最好食的竟是沙律,相信無折扣我是不會再來的,無疑如果坐窗邊位,望住全海景食飯係幾好,但食物份量偏細,水準亦只是一般,至於服務,黑衣人服務幾好,但其他有些連放正響檯上的promotion內容都唔知,下下要搵其他人,差了點!