Ruby Tuesday (MegaBox)

营业中

休息中

Ruby’s Classic Burger $108lunch set包餐湯同蒜蓉芝士鬆餅 鬆餅鹹鹹香香又夠暖 好好食 同時都包一杯飲品 啲凍飲全部都係king’s size 順帶一提 餐廳實行「走塑」唔會主動提供飲管架♻️burger個包係搽左層蒜油喺底 所以食落好香脆 好飲食緊脆豬咁 煙肉酸黃瓜車打芝士都好香 略嫌塊煙肉煎得燶左少少 生菜蕃茄都夠新鮮 塊肉扒既牛肉味超香濃 可惜偏乾略扣分 至於薯條係粗薯 夠熱同脆 不過不失

記得好耐之前去過荃灣ruby Tuesday 食飯，塊扒係好好味，隔咗好耐冇食，星期五經過mega box 見到有ruby tuesday, 一於再食過！因為我地得兩個人，所以都唔敢叫太多野。記得啲食物都幾大份。洋蔥圈 $9x 價錢都唔平架，所以都幾大兜其實兩個人係真係食唔晒同出面食到嘅洋蔥圈冇乜太大分別，勝在份量夠多10安士肉眼扒 $3xx 係我最期待嘅肉眼扒！叫咗七成熟，配蘑菇牛油汁。今次就好失望啦，雖然冇overcook , 但係一啲肉味都冇，食落仲有少少乾爭爭，唔夠香，都唔夠熱。呢個價錢其實出邊有更好嘅選擇。經典和牛芝士漢堡 $2xx 都係叫咗七成熟，好大份！和牛再加芝士的確有啲膩，雖然下面有啲酸瓜同埋生菜，但係一個人食應該都食唔晒。要讚嘅係面頭嗰塊麵包烤得好脆！總括來講，食物質素麻麻地，下次未必會再嚟

今日放工得閒，同朋友一齊嚟食個下午茶。九龍灣呢間Ruby Tuesday非常之大，所以座位都好闊落，坐得好舒服。下午茶嘅餐牌非常之平，同朋友叫咗兩個下午茶set同家姐一個甜品食。嘢食不過不失，符合西餐廳嘅水平， 芝士薯條好好食，Apple crumble 好好食，下次會試食多啲甜品。唯一可以改善嘅地方係想餐嘅速度非常之慢，等一個餐都等左差唔多20分鐘。甜品要焗所以等耐少少都OK，但等杯咖啡可以等左成20分鐘都未有，呢方面建議要改善返。

有小朋友想食扒,但係又指定要嚟RT。所以上Openrice睇吓行情,見到有groupon$300每檯可以當$600用訂位之後昨午嚟Megabox,環境相當唔錯,寬落又幽靜單落全權由朋友攪掂,所以詳細餐單名稱唔多清楚特別有感覺就係依個熟成牛扒,果然名不虛傳。肉味濃,唔用醬汁已經覺得與別不同。加上焗薯做得非常好,濃厚嘅薯味,烘焙剛好香脆漢堡包分別不同嘅三款,試過雞堡味道偏淡(一般啫)。另外墨西哥辣味亦都係見人見智,朋友讚不絕口,但自己覺得味道有點兒怪怪哋補錢可以享受salad bar墨西哥pizza味道好啱食,佢嘅pizza皮好薄,底面包住啲辣肉碎。食法好特別薯皮熱烘烘,唔算太香脆。加埋酸忌廉非常可口,好食Risotto係黑松露味道,朋友讚好食。我自己就覺得飯粒可以多返啲汁會更好。

本身係因為有張6折優惠卷先黎試下，雞翼頹貨，薯皮唔脆好多油，洋蔥圈放左半日凍曬先比人食，比呢個價錢食呢d垃圾，真係曬錢，真心唔好黎食！呢間野個價貴stadium 幾成，d食物完全無訪意，1折都唔會再黎食，總結評價：垃圾

唔知幾耐無試過食萬聖節大餐，難得Ruby Tuesday推出咗萬聖節限量版Impossible番茄漢堡，梗係要走去試下啦👻個漢堡味道又真係唔錯，為咗營造滴血嘅效果，個包有好多番茄汁，令到個burger好juicy，加埋個番茄醬汁有好濃番茄味，酸酸地幾開胃。食落仲好有牛肉味😋正💚唯一好可惜嘅係，個包嚟到嘅時候同廣告張相好唔同，廣告嗰個竹炭包好應節，好似暗黑魔法包滴緊血咁，但個包嚟到嘅時候完全唔係嗰回事😭...事實再一次證明理想同現實嘅距離有幾遠🙈Anyway, 嘢食好最緊要～Happy Halloween👻🎃😉

招牌蜜糖豬肋骨依舊好食，不過略貴最愛煙肉芝士薯條，但今次來到是暖的，懷疑放左一陣先拎出來，同之前食有點唔同 人咁多就廢時叫佢整肉眼扒正常意粉有驚喜，味道唔錯，值得一試另外，建議大家book定位，我地去到要等一個鐘

Ruby Tuesday算高價位連鎖西餐廳, 最近網上頻頻推出團購美食券, 於是買了一套開餐。三選一菜式中點了最貴的熟成牛扒, 再加沙律吧和斧頭豬扒。美食券附90日會籍, 所有食品半價, 上菜後發現美式家庭餐廳份量真大, 一個字🎉抵第一次食熟成肉, 三種醬汁中點了配牛油🐮有人話熟成是肉檔潮流復興, 將肉存放於特定溫度和濕度下發酵, 工序較多價格自然較貴💰牛扒五成熟, 切開血水較少, 比一般牛扒易嚼, 吃起來不像牛肉。據說熟食肉組織經霉菌打散, 肉質較軟, 牛味較濃, 可是RT的熟成牛扒幾乎沒有牛味, 全靠牛油支撐大局🐂幸好枱上有調味料, 其中一樽是RT自家出品(味精😳), 成份包括鹽、胡椒、紅椒粉等等, 出乎意料跟牛扒很搭吃完第一道牛扒加原隻大焗薯已經飽到上❤口, 釜頭扒驚人上場, 兩大塊配薯蓉, 其型之巨足以互劈開拖👯可惜大而無當🐖肉質粗糙(不其然想起美×的焗豬扒飯😂)而磨菇汁教人想起肯德🐔的磨菇飯。另配有一怪味黃醬🍋柑橘類雪芭質地, 跟豬扒或薯蓉甚至拌碟的蔬菜都不搭, 完全搞不清楚用意整體而言, 食材優質, 烹飪一般🎃😻眼紅後記: (隔離枱)甜品用寬口高腳玻璃杯上枱，無論蛋糕抑或雪

係網上見到ruby tuesday做緊優惠，就趁優惠完結前去試下啦。呢杯係cocktail但飲落係完全飲唔出酒味，如果當佢係果汁咁飲係唔錯架，似橙汁。呢個燒排骨做緊特價，全份都係$48，原價要$300幾架，好抵食呀，仲要有三隻味揀，我地就揀左蘋果蓉燒烤汁，蘋果味好淡但幾特別，值得一試，但有幾舊燒得比較窿。雞胸沙律個雞胸做到好滑，呢個值得一讚👍🏼而沙律菜夠新鮮，汁既份量都剛好，仲有加左幾粒面包脆脆🤤我地仲叫左個牛油果🥑漢堡餐，有薯條配埋，熱辣辣好脆☺️，但個漢堡牛油果係好少好少，比啲肉搶曬。呢個外皮好脆，裡面包左隻蝦，唔會話好細隻，而個汁似泰式辣醬，但陣辣味係慢慢出尼，都幾辣下。兩個人食咁多已經好飽，仲有會員優惠加迎新e coupon,埋單$268.2，仲平個一份ribs既原價，抵食！

好朋友生日，甘岩又有張7折coupon，所以簡左呢黎食。貪呢度人流少，又坐得舒服，可以慢慢傾計聚下🥰豬仔骨，一上台已經超香，熱辣辣到岀煙，煮到好林好入味，有分半份同一份，好貼心，2個人都可以叫半份食👍👍因我地4個人就叫一份芝士薯條🍟，呢個配合一定吾會輸，一邊飲下酒一邊食，人生一大享受😚蝦通心粉，不過不失，不過都幾足料 ，有7.8隻大蝦，d蝦都好新鮮好爽口88蚊沙律吧，店員會俾隻碟你，你可以岀去拎，拎到幾多就幾多。細細個好鐘意食，拎到成座山甘高，不過而家可能老😂吾系好鐘意食凍野 ，都冇乜點食，早知叫過第2個小食🤔雞翼，我細細個鐘意食💋有2隻味，辣味同水牛，我地都吾鐘意食水牛雞翼果隻味，所以叫店員幫我地轉晒辣味，有小份9隻同大份18隻，一開始驚18隻太多，叫左8隻，最後後悔了。。。真系好好味🥰🥰🥰另外我地叫左飲品，好大杯，不過價錢都比較貴，百幾蚊，所以可以一杯2個人飲都得

因為隔壁個位好鐘意食burger，又成日話ruby既burger好食，但因為我地無member card，平時正價食又唔係太抵，所以就算好食都唔多幫襯。最近見有團購，雖然未去到會員半價咁抵食，但都有6，7折所以買咗兩張來用。星期四晚既megabox分店，估唔到都差不多坐咗8成客，好彩我地都預先訂咗位。我地叫咗一份5成熟精選和牛芝士漢堡，一份香草烤雞配松露燴飯。漢堡同平時一樣好好味，意大利飯都好好食，但果兩份大大件嘅雞肉就唔滑，好乾，可能唔係我地口味。總結來講，如果之後都有優惠，為咗食burger我地會再來的。

Ruby Tuesday出名嘢食好味份量又大，會員半價後 CP值爆升😁， 嚟緊10月至11月份仲出咗個Super Value Pack✨, 送二個 9⃣0⃣日會員優惠會籍(即有半價優惠) ， 仲有美食券送（可換取美食），喺香港任何一間Ruby Tuesday分店食嘢都有半價優惠🤑， 真係好抵食👍==重點推介==🐔墨西哥燒雞配薄餅🌮： 嫩滑多汁的燒雞伴上羽衣甘藍、車厘茄、洋蔥同埋青檸，仲有一碟彩虹田園雜菜， 咬落去啲汁多到Bi出嚟💦， 醃料又香，呢個配搭好好！.🔥鹹蛋黃醬焗蠔：最近出咗好多鹹蛋黃小食， 估唔到連蠔都可以有鹹蛋黃口味， 新西蘭嘅蠔非常鮮甜， 配埋中式嘅鹹蛋黃味道，原來都幾match🤓..🦐滋味炸蝦： 呢一個小食係全晚食過返尋味嘅菜式😋， 大大隻蝦炸到金黃色，一咬落去脆卜卜🤭， 醬汁甜甜酸酸少少辣🔥， 非常惹味開胃， 必點呀。~~~~~~~~😋味道: 8/10📸賣相: 8/10🛋環境：8/10💁‍♂服務: 8/10💎性價比: 9/10💲人均：$200⏪回頭率：90%~~~~~📍Ruby Tuesday九龍灣宏照道38號MegaBox12樓23-25號舖

Happy Friday, Ruby Tuesday 既set lunch 都幾抵食，指定主菜+餐湯/沙律+飲品，餐湯幾好飲，朋友揀左意粉，自己就選擇了經典漢堡（全熟），還有配埋薯條，味道吾錯及非常豐富，價錢由$78 - $108 會員仲有85折。

又是開心星期五，吃好一點，到Ruby Tuesday 午餐。一行十人被安排到店外位置就坐，雖在商場內，但稍熱了一點，冷氣不足。午市套餐選擇不少，另跟餐湯或沙律二選一及一杯飲品。一向愛吃沙律，但今天選了湯，因為只有叫湯才會附上蒜蓉芝士鬆餅! 鬆餅很香，帶有淡淡芝士味，很值得吃(題外，另外追加是$18/3件)。是日湯是粟米忌廉湯，粟米粒不少，味道正常。主菜選了意式茴香腸寬條麵，寬條麵口感不錯，腸很大方的下了不少，也喜歡這種汁，不會過膩。份量女生是足夠的，男士可能差一點。特別想一讚店員相當親切有禮，知道飲品未能上，主動問是否需要水，見有人未有食物，主動詢問及追單，盡快將食物送上，實在難得。會再來的!

翻工係附近，中午經理提議食Ruby Tuesday，因為佢有會員卡叫Lunch set就無5折咁多，得主餐牌先有5折優惠。不過唔用會員卡既話，lunch set有買二送一優惠，其實都唔錯。我哋叫咗四個lunch set，同一份全份既豬肋骨，仲有一份牛扒。我自己就食咗一個漢堡包lunch set，正正常常，包一個湯/沙律同一杯飲品。最可惜係份牛排，叫咗五成熟，但岀到嚟都係過熟唯有叫咗廚房再整過一份。叫咗牛排啲汁要分開上，上咗兩次都無分開到其實食物上都不過不失，食lunch既話試得過