RUD燒肉 (蘇豪東B期)

营业中

休息中

跟朋友來到西灣河，未夠7點店內還有少量空位，於是試一試呢間日式一人燒肉。肉類以呢個價錢來講係非常唔錯，唔會好似一D燒肉放題俾埋D未解凍的肉(一燒會出晒血水好恐怖)。有沙律前菜, 紫菜飯, 仲有湯。一個人食呢個set係夠晒飽，過足燒肉癮。另外要講既係店員服務好親切，好有熱誠去介紹食物，我地食完又會來寒暄幾句，依家香港好少有呢D服務同埋親切感。如果我係住附近，一定會成日來。

平日返工下午茶一個人去餐廳去食，冇乜人，需要自己落order，也可以叫職員幫你落的。環境方面，都係一人一爐的格局，而且有夾等有齊燒烤用的器具，爐的火力可以自己調較控制，自己一邊食飯、一邊燒烤。上菜速度都好快，$48一個下午茶連一份牛肉燒烤，質素不錯，燒烤好的牛肉最好配一口白飯，吸收牛肉煮油香，整個下午茶有沙律，飯，一枝自家製茶和麵鼓湯，沙律都夠新鮮的，是椰菜沙律。總之唔駛花一日蚊就可以滿足食燒肉的小小願望。

cp 值挺高的燒肉店，lunch set星期1到5由78到98蚊不等，有湯有飯有沙律仲有兩碟肉，作為男人都很夠食。肉質不算差但絕對對得起個價錢。lunch人比較多但服務員也很有禮貌也細心幫你開火。晚市雖然只有單點但其實整體也不算很貴，而且做左會員卡500蚊張但也會給你5張$100 coupon外仲有3杯飲品送，仲有1張85折卷拿來晚市用就最好不過了。餐廳位置方面門口都有錶位泊車。而且比起同一條街既餐廳來說算是極之不錯。最好食係星期5 lunch set西班牙豬，其次係星期2果個5花牛，最後就是星期一3盤肉78蚊最抵食，另外還有一點就是沒有加一服務費這一點我很欣賞。

一進入店內就見到店員親切的笑容，十分熱情。點了一個日式鰻魚飯套餐，食物也很精緻，味道不錯。因為我是一個人用餐，枱上有隔板，令我有私人空間。可能因為分店近海關系，環境舒適，會再幫襯。

幫襯過兩次呢間店舖，食物質素好，而且套餐份量ok，最鍾意佢個燒魷魚同燒大蝦，價錢實惠，C P值高！店員服務態度好，尤其有個姓黃嘅部長好細心同有禮貌，下次會再去👍👍

行經鯉景灣，見到一間新開日式燒肉，便一試。服務員態度麻麻，食品一般，冇特色，種類也不算多。還要(晚市)限時60分鐘。午市限時60分都算正常，我諗香港冇一間晚市得60分鐘食晚飯。呢間係唯一表表者

同一家人諗住去食飯，入到去同個男職員講4位，佢話：「四位要等一等」。咁我哋就聽佢指示喺度等。但係之後發現比我們更遲來到的人已被安排入座。所以就向另外一個女職員（店長）問吓仲需要等幾耐。但佢竟然話我們冇攞飛，不能安排入座。我即刻話係嗰位男職員叫我哋等，冇叫我們要取票，我們只按他指示等。但她堅持有票才能入座。之後同個男職員對質，佢竟然話：「喺啊，係要有飛先至可以入座」。我反問他點解當時佢唔叫我攞飛，而是叫我等？他一副不屑的態度回答我：「我點知你有冇票啫！」。然而，當時身為店長的那位職員亦冷處理問題，冇嘗試去了解和處理事件，只是一再強調「有票才入得」，當我話要投訴嗰個男職員時，店長更表示唔知道有咩投訴渠道。我都知有時候溝通上面難免出現一些誤會。但當天最嬲嘅係佢哋嘅態度，職員喺接待顧客時，沒有清楚指示顧客要如何入座，甚至給予錯誤指示。之後竟然怪責顧客自己沒有取票！客人到店時，如果還未滿座，就直接帶領入座；如果滿座就請客人取一張票，這樣的程序有這麼難嗎？既然客人都在你面前詢問，而入座的規則是要先取票的話，又為何不先確認客人有沒有已經取票？而兩位職員沒有積極去了解和處理，由頭到尾的態度像是「這是你

Pro: 價錢vs.肉嘅quality，都可以話抵食牛豬雞combo都算抵食呢個區嘅晚餐，都算係平價加錢要紫菜，份量都唔係算少海旁之前仲有間燒肉，但係都好似執咗Con: 限時1小時嘅晚餐, 食得超級趕真係要不停咁燒不停咁食先至係限時內食得晒 omg淨係識講普通話嘅服務員 講嘢超級大聲，同埋會assume你一定識講普通話有面對面嘅枱都唔俾你，兩個人一定要坐面壁嘅位置只可以話喺呢區裏面想食燒肉，快手食個飯都可以考慮。

店家装修奇趣，负评不少，激发好奇，挑个下午茶时间，地广人稀，黑毛和牛烧油脂丰富，觉得肉质一般价格公道的食客应该去试试北海道黑毛和牛，明火烧鲍鱼，小甜薯质素都很不错

對於RUD 燒肉效率及服務極之失望午市時間 12點下單了一個親子丼 20分鐘 三吹四請仲未上到問職員話整緊整緊 整到聽到廚房話：「而加開始煮」下單20分鐘先開始煮 請問咩效率 ？！？！會唔會離曬譜 ？？？？人地午飯時間有限 仲要等你咁耐？就算唔係午市 落單咁耐先煮 間餐廳十分有問題？再有問題係 職員侍應唔識講廣東話 但係日本餐廳？！ 你做客人呢 竟然要就返個侍應講返佢聽得明既語言啊 唔講以為我去緊高級酒店食lunch 要用英文落單～一間日式餐廳 你話淨識日文就話姐 日文又唔識 又唔識英文 又唔識廣東話 但服務對象是香港人 又不是景點地區

首先佢真係好平，但我唔會用抵食去形容佢繁忙時間60分鐘要食哂，如果兩個人並用一爐燒雞應該就會超時間餐廳係全自助式服務，點餐，水同餐具都係自己拎，店員會用普通話大聲溝通，係我不曾喺燒肉店感受過嘅氣氛。我叫咗牛小排，牛腹胸（200g)同豚雞盛合（280g) set，佢全部都包飯、湯同沙律。個沙律就係好乾嘅椰菜絲加少量嘅芝麻醬，點撈都係會乾。個湯就係嗰種好普通嘅味。牛嘅肥瘦都好分明，肥嘅比例偏多，油花分佈好差，講真賣相就好一般，食落⋯都好一般，亦無咩牛味。反而啲雞好滑值得一讚，啲豬偏肥但可接受。佢午/晚市幾乎同價，午市around 100蚊一個人我會寧願加多啲錢食牛角，晚市就叫做可以勉強一食。

咁既價錢食燒肉，預左燒肉唔會好有質素。但個紫菜蛋飯係我第一次食既咁難食，食得出係煮太耐既飯加水番煮，食落口好似咬泥膠咁，但又有黐底飯焦既口感。 個麵豉湯飲得出明顯大量溝水，個味真係不能形容，永遠不能忘記。絕對不會再比機會蘇豪東呢間RUD！

今天約了好友T哥來我家附近食飯！ 因為整親條腰不可以行太遠的路 所以決定在家對面的 RUE食日式燒肉 一坐低T哥就說：嘩！好抵呀。今日lunch set 78元 200gram肉 我話 得那麼一小碟都唔夠喉！還不如再叫多三碟。 點知上菜後發現原來200gram肉是兩盤 所以結果我們兩人食了七盤肉！食到最後 非常飽..今晚都不用食飯了 埋單才三百幾元重包3樽可樂！ 肉質都算ok，尤其是牛脷和薑蔥牛肉卷！ 醬料好味 服務態度十分親切 真不知道為什麼很多人都說他們的服務態度不好？我相信真是以心比心..我們叫了嘢食後就和戴眼鏡姐姐說我們兩個人叫了七碟，可不可以換一張四人枱？她說絕對冇問題，態度非常好。而且也自動幫我們換燒網。 所以以後去食飯一定要親身經歷，不可以全部看評語！ 餐廳環境乾淨又有靚view, 食物品質又幾好, 強烈推薦! 😘❤️

第一次燒緊肉，叫個阿姐換網佢話：都唔係好窿姐（我心諗叫你換就換）第二句佢話：第一次換網就算，下次換網要加錢我話：我第一次叫換網炸喎今時今日咁既服務態度不知所謂無話可說

🎈 建議場合：#即興食飯 #普通拍拖 👤 建議人數：2人（最多可容納4人檯） 💸 人均消費：$100-200【2個人食咗啲咩？】- 燒肉拼盤の盛合定食 360g（$128）- 牛小排 · 牛胸腹定食 200g （$128）* +$10紫菜玉子飯⭐⭐⭐⭐「撐檯腳燒肉點」啱啱試咗一間自助燒肉，真係俾我留下深刻嘅美食體驗。首先，嘅雞肉真係超級嫩滑，每一口都充滿了鮮美嘅滋味。牛肉亦都非常新鮮，肥瘦均衡，令味道更豐富，而且唔會好難咬，真係好易入口。每張檯以設有不同嘅調味料，包括燒肉汁、檸檬薑汁、柚子蒜蓉汁，鹽同黑胡椒俾客人因應自己口味調味。特別要提一下，佢嘅雞蛋紫菜撈飯真係好出色。雞蛋嘅濃郁味道同紫菜嘅鮮美完美結合，每一口都充滿了豐富嘅層次感，絕對係一道令人回味的美食。沙律亦都值得一讚，調味得宜，令人胃口大開。新鮮爽口嘅生菜同埋鮮甜嘅車里茄，為整體用餐體驗增色不少。佢尼到環境光猛但有唔會好似其他放題點咁好嘈好亂，環境勝在夠乾淨。如果你喜歡燒肉和美味的料理，絕對不能錯過這個地方。希望你也能享受到這個美味的用餐體驗！