Running 燒 (已結業)

唔知點解，覺得中秋節要食烤肉無食過好似唔知點咁所以今次就試左呢間running 燒肉肉肉！全部都係肉！食肉獸一定開心死今次點了lunch set大家不約而同點左同一款餐Set包左一碗昆布湯，一碗飯（可選白飯/紫菜飯），一碟肉，罐裝飲品我地就叫左紫菜飯碗湯都幾大碗，不過都幾好味紫菜飯簡直my favourite ，雖然同牛x飯無得比不過都ok既碟肉都唔錯，有幾款肉仲配搭茄子+菇個人喜歡牛板鍵，點埋佢個燒肉汁真係好好味順帶一提，醬汁係自助式的Lunch set已經好滿足希望下次有機會試吓放題先

今日同舊同事食飯，佢極力推介running燒，最後我哋就一行四人過嚟試一試佢😁既然咁耐冇見我哋就諗住食得好啲🥰決定試有和牛嗰款放題。首先我哋食咗海鮮先，有鮮蝦，帶子，帆立貝。估唔到size都幾大隻，每樣都好新鮮，唔會有過多嘅調味，唔錯。另外肉類方面，牛頸脊封門柳都係我哋又再返叫嘅，相對其他部位冇咁油膩，而且厚切令牛肉更有口感，絕對不輸外面單點形式的韓燒餐廳。另外燒生蠔都係好正，勁大個，上面鋪滿晒芝士，燒熔左超級好味，雖然好邪惡，但堅正😆最正最正嘅係啤酒仼飲😝仲要係日本出名品牌SUNTORY，平時一田買都唔平，呢度任飲真係好爽，一大班朋友過嚟飲下食吓真係好開心。

人人去食韓燒都實係要食肉啦但我比較特別啲 唔知因為我唔中意食肉呢到既炒年糕真係太吸引我啦🤩估唔到去食韓燒仲有其他小菜小食炸物主食甜品🍮原來呢間Running燒係將軍澳個頭都好似有間而我朋友都係食過再search先知原來旺角呢面都有就叫我一試一食就真係好驚艷😍因為佢食物so far係我見過種類最多質素都同價錢一樣成正比甚至有少少more than my expectation🤪就算係甜品都係韓國進口雪條誠意分都搭救啦

早兩日同屋企人嚟試咗Running燒，覺得性價比幾高，大家可以參考參考😄平時食韓燒最主要都係叫啲肉類，蔬菜嚟燒吓，坊間有埋小食嘅放題就比較少，就算有都未必有呢度咁多😍呢度淨係嚟食小食都飽😝當中最推薦就係炸魷魚鬚🤩炸粉好薄，魷魚鬚又爽又大條。燒物我就最愛魷魚，豬頸肉。兩者醃得啱啱好，唔會太鹹，最欣賞呢度雖然係任食，但係擺盤都好整齊，感覺企理衛生👍🏻食得安心。我都好建議大家燒南瓜🤪呢度比較厚切，冇咁容易燒焦，而且仲keep住Juicy😋而家一路打緊食評已經掛住😂一定好快又再去。

諗住中秋同屋企人食燒肉慶祝，5日前喺KKday book咗位俾哂錢。前一日先打嚟話原來無我book嘅時段，要我改遲一個鐘先有位。因為有長者一齊食，所以我話唔方便改，佢就話改唔到唔緊要，可以退返錢俾我😑 重點都唔係錢啦，突然之間點揾間餐廳仲有位book呀？仲要係紅日假期！佢開始就懶落KKday度，又話自己有500幾張訂單，抄單抄到嗰一刻先知full booking。管理都幾有問題！最後係佢妥協叫我哋照原本時段過去食。去到餐廳，其實地方超細，廿張枱都無。雪櫃野飲全部唔夠凍。攞調味料位置個天花板仲要滴水。食嘢張枱地下係濕嘅。極度唔衛生。食物方面，牛肉超薄，牛仔骨好韌，我哋已經係無燒到最熟。海鮮就好啲嘅。最後佢遞咗張單俾我哋，係俾加一服務費同叫雪條嘅。我哋就諗住就叫埋最後一round野食，打開個QE code 已經話無得叫！last order係唔會通知你哋一聲，可能預咗客人自己較定鬧鐘提自己last order啦！咁咪叫雪條啦，諗完一輪食咩味，遞返張單俾佢哋，佢哋先話無芒果味，一早又唔講架喎。全家人已經對餐廳服務態度勁失望，最後就走諗住埋單。問佢哋收咩，個男人答：除咗現金，咩都唔收，你落訂嘅

一大班人打完波就好似一班餓狼咁🦅成班個餓到爆炸😂所以我地通常都會揀啲邊爐或者放題去大食一餐，但依家天氣咁熱又無乜打邊爐既意欲，但上次先食完日本野，之後竟然有朋友提議韓燒🥓結果就去左係旺角既Running燒🔥我地分左2枱，2枱都做左打卡mission🤪每枱都送左大海賊一隻🦑都幾fresh，而我地重點打擊肉類🥩因為打波消耗體力緊係要補充翻啲protein la💪🏽除左基本既豬，牛，雞之外🐓仲有海鮮同各款小菜，不過我都係主攻牛肉🐮而我覺得牛肩胛最正最重牛味Running燒真係真心推介，性價比極高，質素又好，推介 👍

朋友話次次同我食飯都去打邊爐有啲悶🤪今次佢提出話食韓式燒肉放題，午餐時段都幾抵食，兩個價錢任君選擇，我哋就揀咗有和牛嗰款放題。我哋兩個都好鍾意食牛，即刻叫咗幾款試吓，第一碟係唔同部位嘅牛肉拼盤，厚薄啱啱好，調味亦不錯。冇比較冇傷害🤤A5和牛一上枱已經睇得出分別，無論色澤油脂分布都係好靚🤩呢個價錢任食有幾抵喎！另外食咗一碗水冷麵都幾好食😋 用咗一隻好Fresh嘅醬汁，涼浸浸啱晒夏天整體嚟講，任食確實會盡興啲，110分鐘其實都好足夠，下次都會再黎

今日同朋友慶祝生日🎂又撞埋佢地有做緊八周年優惠，變相可以有我地有身份證優惠就有得再平啲🪪即使只有一個8字都會有優惠嫁啦👍🏼今次就黎試下佢地既晚市成人110分鐘燒肉/和牛放題(星期一至四) $288/518佢有2個set可以揀，我地揀左後者就有得任食和牛，見到佢地和牛上枱啲雪花咁靚❄️已經放左一百個心😋就算無調味都肯定好好食不出所料真係唔錯 我覺得就算我地2個女仔👧🏻如果佢有優惠既話折左真係好易就回到本🥓因為佢除左牛肉都有其他主食，同海鮮🦞所以我地一路食都一路為店主擔心🤣不過都係食左先講啦😌

之前去食過啲散叫既韓燒，除左貴之外，其實質素方面都唔算十分值得去食，所以對韓燒感覺麻麻，但朋友極力推介我去試下呢間放題，仲叫我唔洗就住嗌，反而係怕我唔嗌，佢講到咁，就唯有跟佢去試試。價錢方面，一個人都係3百幾蚊，平過上次我散點，但食物方面，就多樣化好多，估唔到連水冷麵都有得食，仲有埋翼尖添，淨係任食其實都已經好爽，仲有得每樣試少少，唔似散叫咁限制食一款肉。除左肉類，都有甜品、飲品提供，仲有芒果雪條，今次對韓燒改觀了。

平時帶小朋友出去都好少俾佢食燒肉，因為怕油煙好大，但呢到既抽風系統做得好好👍🏼我上次試過一次之後都唔怕帶埋小朋友黎而另一樣怕既地方係食韓燒會有啲燒燶既黑色，但呢到店員好細心，見到塊鐵板有痴底就會幫手換，而如果想換都可以隨時叫職員幫手🧑‍💼呢啲細節位令我感覺好舒服食物方面都係嗌左普通既燒肉set午市或者晚市7點半前離座會有折扣，而小童再會有優惠價添，所以都好抵🥩而肉類我欣賞佢地有各款分別有調味同無調味既肉，咁小朋友就可以揀啲無調味既肉類去燒，唔使怕好濃味🧒🏻所以呢到對於媽媽黎講都幾放心👩🏻因為一手一腳自己燒之外，食材方面都新鮮，另外都有主食飯類咁，都滿足哂一餐有既營養

平時食韓燒我一定揀午市時段去食，因為通常午市都少啲人同埋平啲，但食物都同樣咁豐富🐷而今日午市仲有7折優惠，平日去食食足110分鐘燒肉都只係二百蚊🎉識食之人就要學似我一樣做一個精明消費者👀用最平既價錢食到最多既野呢幾款都係我嗌左既野食俾大家參考參考🫶中意韓燒既朋友仔都可以一戰！麻醬沙律🥗燒蝦🦐肥牛片🐮呢到除左有小食都有前菜沙律小菜同主食，所以肯定夠飽，只怕你唔食🤣而要回本既話就當然要食肉啦🥩估唔到我嗌普通燒肉套餐都會include海鮮🦞例如好似蝦同芝士蠔，完全係必食之選

Running燒8週年慶祝，有唔少優惠都好抵，而且仲唔洗消費滿幾多又或者有其他指定限制就可以享用😍真係好抵！今日我地就嘆左呢個身份證優惠🪪只要身份證有1個8字就可享全檯9折，2個就有8折，3個8字就7折，4個仲有得全檯半價🤪雖然4個未必咁易，但我地都有個7折做到，就算我地食最貴個set🥩都只係3百幾蚊落樓，但就嘆到和牛同各款小食👅另外前菜都好吸引我🤩特別係啲醃菜調味好好，除左補充多啲纖維之外🥬仲令我更開胃添，而回本位除左有和牛，都仲有海鮮🦐質素都唔錯嫁

🥘午市成人110分鐘和牛放題(星期六日及公眾假期)💰$377係食物上我永遠都係抱住唔怕俾，最緊要係俾得值食得開心🥳因為番工咁辛苦就緊係要係食方面對自己好啲啦🐮之前食過和牛放題，但普遍都係食日式燒肉🔥反而韓燒既牛就真係第一次食，但上枱見到佢地既和牛油脂分布好好🍖而都有一定厚度，唔會話任食就怕會蝕俾食客而薄切，呢點好欣賞😍呢到飲品竟然有利賓納🫐喚醒左我童年回憶，仲要係有汽既，用黎送燒肉真係好邪惡👿小菜同其他side dishes都好有heart，因為選擇種類都幾多，令大家都試到多啲唔同款式既野食，呢間既午市都好抵食，我會願意再黎

首先俾個價錢大家參考下先，今日我係星期六去，所以同普遍放題一樣價錢都會有所調整，但呢到flexible啲係可以再upgrade食和牛🥩並無一個價錢就限制哂食物種類☺️呢下都幾sweet👉🏻午市成人110分鐘燒肉/和牛放題(星期六日及公眾假期)$216/377👉🏻晚市成人110分鐘燒肉/和牛放題(星期五至日及公眾假期)$308/538食物質素對得住佢地既價錢，而且佢地除左肉類供應齊全之外🍖都有唔少既前菜，炸物，主食等等🤩唔洗擔心會好單一或者冇咩好食，總有一款岩個食，當然唔少得滿足一班甜品控添啦🍮

同一班朋友聚會🎈今日試試新意思唔再去居酒屋嗌串燒🏮而係去自己慢慢燒平時去居酒屋一大班人洗費唔唔細，因為一份都唔夠一班人share，但今日就唔同，試下任食燒肉🍖除左價錢差唔多外，和牛質素都比想像中好🐮💰晚市成人110分鐘和牛放題(星期五至日)(9點半後入座)$363睇番價錢原來我地夜貓時段仲有得平🎉而且都唔會有人職員係咁俾壓力我地交枱個啲👩‍💼感覺好舒服，最重要係呢到有燒肉必備既各種酒水🍺大人小朋友都照顧到雖然我地食量唔大，但勝在環境舒服價錢又合理😌如果一大班fd黎食都可以食得夠飽夠放，唔洗就住黎嗌