S2 Kitchen (已搬遷) 新店位置

在中環石板出名是拍攝熱點，亦有不少細攤擋，隱身於轉角樓梯的位置竟然有一間日式居酒屋。餐廳面積不大，只有十多個座位，餐牌有不少新派fusion元素注入傳統日式料理中。溫泉蛋野菜沙律沙律菜新鮮爽脆，加入了海葡萄、三文魚子及溫泉蛋，配上日式沙律醬汁酸酸甜甜，非常清新開胃。一口炸芝士外層炸皮不厚，一咬便是流心芝士，芝士軟滑而且味道濃郁，芝士控最愛。三文魚頭鍋半邊三文魚頭燒得非常香脆，配上日式湯底，鍋中還有金菇、冬菇及雜菜。日本蜜瓜

今次第一次尼呢度食飯🍚等位需時一入到去就見到牆上貼上滿滿都係小紙條🔖筷子比較環保式我同朋友各點了一個丼飯牛舌飯，牛舌質感比較軟淋👅但都有咬口，醬汁味道偏甜😚連埋葱花同芝麻一起食，層次更佳🤤刺身丼飯入面的刺身種類繁多，仲有櫻花蝦🌸🦐同温泉蛋😍溫泉蛋流心效果好好👍🏻將蛋黃同醋飯拌在一起，超贊😋 兩個丼嘅份量唔會太大，一個人食就啱啱好😆人手唔太足夠，不過亦都只係要等多陣，店員好貼心🥰經常會為客人添茶🍵態度有體👍🏻呢度環境比較窄，所以就會逼小小

今次第二次來中環嘅呢間日本餐廳度食飯🍚第一次來吃的時候是吃鐵板燒厨師發板今次我哋本身book咗8:30點知嚟到已經人山人海加上唔夠師傅我哋喺出邊已經等左半個鐘然後店員招呼我們到店內就坐到9:30終於有得食因為師傅人手不足每人安排一個丼飯首先講一講牛舌飯牛舌的質感頗硬醬汁味道偏淡沒有味道刺身飯的刺身不太新鮮唯一是加了雞蛋令味道中和了這個質素比起以前我來吃的時候差很多質素下降了唯一值得一讚的是侍應的服務態度

這排在黃色經濟圈中遇到不少驚喜的餐廳，而這間就是其中之一！餐廳不大而且不容易找到，幸好門口掛著這個紅色燈籠一入到餐廳的門口地下可以盡情地踩，餐廳周圍也看到有memo紙，是顧客留下的一句句支持香港人的字句！！魚生飯， 每樣刺身都非常厚切而且好新鮮， 壽司飯味道剛剛好，唔需要落壽司豉油都得！燒牛舌飯， 牛舌分量超級多！起碼有六至八塊，另外仲有幾片牛腩！ 本身只係男朋友喜歡食牛舌，我一向都麻麻地吃牛舌，食了一塊之後覺得非常好食！牛舌燒得非常之香和軟熟，非常易入口。 而且牛味十分濃沃， 燒得外香內嫩，是很高的境界！連我這個平日不太愛吃牛舌的人也覺得好吃我們還點了一口芝士，芝士味非常濃烈！芝士蛋糕， 感覺是自家製的味道，份量十足。自從專登幫襯黃色經濟圈後， 嘗試咗好多新的餐廳，也有驚喜的回報，以後都要繼續支持呢！

朋友喺中環收工，係app到搵到尼間黃店，你要懲罰下佢！居酒屋風格，加上家庭式經營，感覺好溫馨。⭐️日本蕃茄沙律餐廳用上日本直送高質食材，明顯比一般蕃茄清甜，加上沙律菜，感覺好似係田野咁。⭐️清酒青口清酒同海鮮真係絕配，一嚟可以辟咗啲腥味，二嚟又可以提升青口嘅鮮甜。⭐️三文魚頭鍋見到師傅將三文魚頭首先放落焗爐烤左一陣，與此同時，將其他配料放落煲到，個鍋滾嘅時候就將三文魚頭放落去，時間配合得啱啱好。入邊有好多唔同配菜，吸晒啲湯汁，而且三文魚頭令到個湯底更加鮮甜。加上東粉，煙煙銀銀咁，朋友食唔停口！⭐️炸芝士年糕外脆內軟，芝士濃郁，即叫即炸，但係千祈唔好即刻放入口，因為入邊啲芝士會即刻咇晒出嚟，小心辣親條脷😂⭐️芝士蛋糕最後用甜品作為呢餐嘅完美句號， 10分滿足！

今日去中環飲嘢 醫下肚先冇甘易醉 ， 行行下見到前面有個勁大紅色燈籠🏮 勁光 吸引左我過黎食🤣🤣 一坐底 老闆就好Nice 甘同我地傾計 😆😆 ， 仲有呢間都幾環保♻️ 木筷子🥢 只用前少半 ，避免造成更多垃圾 ！！ 前菜有3種 😋😋 枝豆同釀大蒜 都系小口 細細份 ，之後黑椒蕃茄沙律🥗 就大份啲 ， 蕃茄好甜 多汁 好好食 芝士蛋 🥚🥚滿滿嘅芝士 唔單止出邊有 中間都有勁多㗎 一咬就做到拉絲既效果 😍😍 ，蛋都夠滑 ！！黑松露炒雜菜 淡淡既黑松露味幾香下 ，木魚碎好似跳舞咁 視覺效果幾OK ，啲菜都好爽脆 😆😆 和牛漢堡五好以為係麵包 🥯 ，佢呢度係用飯做底架 😆😆 中間既和牛勁滑 又淋 啖啖肉勁正 。最後 食返個芝士蛋糕🍰 END 芝士味濃 ！！

今日去咗位於中環威靈頓街斜路邊嘅「S2 Kitchen」食晚飯。雖然睇落係一間唔多起眼嘅居酒屋，但都好多人幫襯好熱鬧。今晚我就點咗一啲唔喺餐牌入面嘅嘢，其實都唔係話裡Menu，只係一啲寫喺黑板上面嘅廚師推介。海膽豆腐沙律：最特別嘅當然係主角海膽豆腐啦，橙黃色嘅豆腐，嘅有海膽嘅鮮甜味，又有豆香，豆腐仲要滑溜溜。沙律汁酸酸甜甜嘅，令人胃口大開，揀佢嚟做前菜絕對無錯。芝士魚餅：魚餅入面包住芝士，面頭再加上大板燒嘅醬汁，嘅特別又好食。黑松露和牛漢堡飯：和牛漢堡配上黑松露同太陽蛋。將蛋黃同黑松露撈混白飯，入口啖啖黑松露香。和牛漢堡扒厚厚，配搭埋太陽蛋剩低嘅煎蛋白，正。芝士蛋糕：甜品叫咗cheese cake。芝士味香濃，唔會輸比啲貴價野。作為總結非常之好。

最後都鐘意去尋覓香港人嘅小店，懲罰一下🤣原來「s2」都係其中一間，點可以放過佢🤭🤭🤭鋪位細細，似日本嘅居酒屋🏮店內貼滿滿加油字句💪🏼💪🏼係有啲逼夾感，但亦感覺到好温暖～前菜叫左日本蕃茄沙律：上枱睇落冇咩特別，但一食番茄🍅嘩！非常清甜～唔好番茄🍅🍅嘅我，都搶住食。有驚喜。清酒🍶青口：分量很多，青口細細隻，肉質嫩嫩的，帶有陣陣清酒香味。魚頭鍋：超級大鍋，魚頭下面仲有魚鮫，燒到好香放上鍋，下面滿滿蔬菜🥬同粉絲，食完都好飽。芝士年糕：熱辣辣即叫即炸，煙煙銀銀嘅口感，加上沙律醬減低油膩感，好味😋。甜品芝士餅：酸酸甜甜，成依餐飯畫上完美嘅句號。

隱藏喺石板街旁邊嘅居酒屋 其實又唔係毫不起眼 門外已經有大大個紅燈籠 🏮🏮.放工同朋友搵飯食 又想食啲特別小小嘅嘢 中環呢間居酒屋門面細細 但係員工就好親切 同埋可以坐吧枱望住師傅整嘢食 又係另一種風味 感覺都有少少去咗日本㗎 🤪🤪.未能出發去日本就唯有喺呢度興奮下先啦😂😂.先黎前菜👉 海膽豆腐沙律🥗.再黎主菜👉 石狩窩 🐟.最後頌有甜品 👉 芝士蛋糕 😍.我地亦都order左兩杯酒 🍶.一杯係梅酒 另一杯係橘子酒 🤓.食物新鮮 石狩窩個名好特別 咁大個魚頭頌要係煎過！ 咁凍既時候 食呢石狩窩真係好暖粒粒🤤🤤.特別一提既係餐廳好窩心 每個筷子既前面都係用木筷子 好注重衛生👍👍.

放工就係要去食好西黎慰勞下自己，中環石板街行行下見到呢間💛店，當然係要以行動支持！負責人好好客，係咁同食客傾計，令呢間居酒屋模式既店更添一份暖意同人情味～日本蕃茄沙律🥗個蕃茄係好甜，應該事先醃製過，配上酸酸甜甜既沙律醋，作為前菜夠曬開胃清新！油甘魚他他超級好食，油甘魚魚脂魚油配埋黑松露醬同酸甜既沙律醬，係想像唔到咁夾！肥美鮮甜！😍露荀壽司卷時間掌控得岩岩好，露荀同壽司的炸皮都係恰到好處，再配上明太子醬真係食到停唔到口。真心佩服師傅，呢間店真係樣樣野食都好考心思同廚藝～蘿白蒜頭漬食完呢道開胃菜就知有主菜要上～牛舌丼牛舌超級淋同好味，味醂既份量掌握得好好，絕對唔會膩，拌上粒粒甘香軟綿既珍珠米，好享受🤤芝士蛋糕最後點少得甜品，芝士蛋糕味濃而香，又食落似雪糕🍦整體d菜式都無可挑剔，之後絕對會黎encore!

Tgif..當然要去鬆一鬆，食好野，人在中環區，所以揀左間居酒屋。外表睇黎呢間野幾「黃」，memo無處不在，值得幫襯！蕃茄沙律色彩豐富, 內裡除了有生菜片, 青瓜, 車厘茄外, 還加入蛋汁， 吃起來得juicy,很滑。非常清新！魚頭鍋 三文魚頭滾豆腐娃娃 以大白菜、金針菇、香菇、大蔥、紅蘿蔔和皇帝菜為配菜。三文魚頭鍋營養豐富, 湯汁清甜。讚呀！一口炸芝士熱辣辣食係最滋味， 因為裡面的芝士仲係處於溶液狀態，又juicy又口感十足！最後點少得甜點有蜜瓜，好清甜！整體ok, 如果份量再多些會更好！

呢間日式居酒屋，賣既唔止係好食既食物，仲有一份心意一份良心，雖然天氣凍，但比到人一種窩心既感覺，希望香港愈來愈多良心小店～店舖外有好多好多勉勵既說話，同時為香港打氣，見到都覺得暖吧枱上亦出現人氣抗公仔-Pepe，全店都有大量memo紙，形成私家連儂牆，每張枱都可以寫心意溫泉蛋野菜沙律賣相十足既沙律，溫泉蛋動L動L咁，仲有鮮魚子，非常之吸引！沙律菜新鮮用田園醬撈勻，再放上溫泉蛋同配料，坐吧枱既話可以睇住師傅整～沙律食落酸酸地非常開胃，魚子非常新鮮，食落無腥味有淡淡既海水味，溫泉蛋半熟所以蛋味非常香濃，配上沙律魚子口感十足，非常正！泡菜豚肉鍋熱辣辣既豚肉鍋滿滿泡菜既香味，既叫即整，剛離火就上枱，所以要小心燙手既鍋邊！材料非常豐盛：豚肉、金菇、大菇、娃娃菜、泡菜、大蔥、豆腐、粗粉絲⋯⋯泡菜味非常香濃而唔太辣，所有材料都吸晒湯汁，豚肉嫩唔會韌，娃娃菜非常吸味，粗粉絲彈牙有口感，有種手打烏冬既感覺，配埋泡菜湯一齊食，無得彈！芝士年糕用高腳杯裝住既炸一口芝士年糕非常特別，年糕上面仲吱左少少沙律醬，年糕外脆內軟，軟綿綿既口感帶少少煙韌，一啖咬落去芝士爆曬出黎，仲可以拉少少絲，芝味濃郁，喜愛芝士既我表

呢間位於中環既居酒屋 選址隱蔽而寧靜 最適合同班三五知己一齊坐低吹水 兩個人去坐吧枱更似日本深宵食堂 同老闆互動日本番茄野菜沙律$88選取日本番茄做沙律 入口有淡淡既果甜味 而且完全無草青味 平時唔鍾意食番茄既我都接受到 沙律淋上日本醋 而且配搭上三文魚子 令沙律更清新開胃汁煮牛舌丼$128份量適中 啱晒平時食飯怕大大碟既你 有別於一般食開既彈牙牛舌 呢款入口即化 經慢煮煮到好焾非常入味 而且唔油膩 蔥花既少少辛辣味令丼飯既口感更豐富芝士年糕$48鍾意年糕口感煙韌既你一定唔可以放過佢 芝士味濃郁 炸得好香皮同炸粉亦唔會太厚 食落有種爆醬既感覺芝士餅$68呢款芝士凍餅超好食 係我食過最好食既凍餅 出面既餅店同佢無得比 唔會太甜搶晒d芝士味 亦唔會一夾就散黑豚肉壽喜燒$218豚肉既脂肪比例均勻而且唔油膩 加入泡菜食落好過癮 唔會太辣有少少咸

近排大家都關注到黃色經濟圈，今日同事帶我來到這間位於中環的居酒屋，門外有一隻大大的連豬以及香港人加油的字句。🌠溫泉蛋沙律🌠雖然店內地方並不大，但多了一份熱鬧及親密的情懷，同事Order的這個頭盤，溫泉蛋微微流心，而旁邊有三文魚籽作點綴，味道鮮甜沒有腥味，而沙律菜酸得開胃，新鮮無苦味，整體不錯。🎇泡菜豚肉鍋🎇吃過頭盤後就來到主菜，泡菜豚肉鍋的料非常足，光是豚肉已經有10片左右，然後有娃娃菜、菠菜、金菇、冬菇及粉絲，湯底泡菜味濃帶少少辛辣，湯底味道讚。基本上所有配料都與湯底非常夾，因為都是一些吸湯吸味的配菜，特別令我印象深刻的是粉絲的質感煙煙靭靭，有少許似手打烏冬的感覺，很好！✨一口芝士✨我和同事每人點了2粒一口芝士，芝士軟滑而且味道特濃，味道非常好，曾經在多間日式鋪吃的一口芝士都帶一點苦澀味，而這個一口芝士並沒有這個問題，滋味無窮。🌌芝士凍餅🌌最後就是甜品芝士凍餅，冰凍的芝士餅質感似雪糕蛋糕，入口幼滑，芝士香味突出，個人對這個凍餅非常滿意，甜而不膩，正！總結，這家居酒屋雖小，但是人情味濃，而食物都是廚師在客人面前精心炮製，眼見客人對食物的讚賞，廚師亦會心微笑，大概這就是食物之間的交流，下

係中環咸靈頓街意外搵到間居酒屋地方不大，但好有本地特色海膽豆腐沙律豆腐既顏色望落去唔似平日食開既乳白色係加左海膽製成既豆腐口感反而似啫喱仲有海膽係沙律上面嫁由於天氣凍凍地，我地叫左個三文魚頭鍋食以味噌做湯底，唔會過咸個魚頭仲好大，厚肉魚頭表面香烤個魚頭底有好多蔬菜、冬菇、豆腐等等加多個珍珠米白飯餸飯仲有魚餃，啖啖肉呢忌廉白酒藍青口青口索哂忌廉同白酒既味，非常濃郁最後以紐約芝士蛋糕作總結厚實濃香芝士味