S2 Kitchen (已搬遷) 新店位置

走係中環石板街，發現一間隱藏嘅小小日本食店🤓一拉開敞門就有熱情嘅店員，六點半人不多，如果想觀摩大廚嘅廚藝仲可以揀坐bar枱🤣舖頭做緊優惠，香港人8折🥰真係要支持下~落左啲野食，大廚招待左枝豆同甘酒一杯😙甘酒甜甜的，好岩女仔飲，易入口~好快就黎左第一道日本蕃茄野菜沙律，醬汁偏酸，而蕃茄好甜，撈埋食岩岩好😋跟住就有黑松露炙呑拿魚，黑松露香而不濃，可以帶岀呑拿魚嘅鮮甜味👍🏻里度有好多不同sake同日本酒飲，飲得酒當然都唔少得要點啲炸物，而里度不可錯過嘅就係芝士年糕同芝麻雞翼🤩真係真係要特別講下，芝士年糕嘅軟糯，一夾上就feel到，咬落去暖粒粒嘅芝士流岀🥰芝麻雞翼一上枱就香噴噴，令人食指大動😛炸物咁岀色仲忍唔住叫多左蟹肉忌廉薯餅🤤食到幾飽都好，我通常都會叫番個飯，因為日本米真係一百萬個好食，今次叫左蟹籽蘆筍明太子炒飯，貪佢咬落有蟹籽同明太子脆卜卜嘅口感🤪蟹籽同明太子份量超級多，加埋蘆筍片，超級滿足👍🏻臨行前，大廚仲招待左士多啤梨🍓甜甜的，非常美好

今日去咗中環一間居酒屋，特別嘅地方佢係一間黃店，所以引來好多人支持小店，店員好friendly，好溫暖嘅感覺。先來前菜係枝豆，仲會比隻碟仔裝住啲殼，店員周不時都會幫我地加熱茶，窩心又細心。北寄貝沙律好鮮甜新鮮，仲有啲海葡萄，沙律汁酸酸甜甜，好好食，好開胃。我哋仲食咗芝麻雞翼，個雞翼燒到脆卜卜，但係又唔會太乾，有肉汁，好味。炸蘆筍出面包咗紫菜，卷埋一齊食，蘆筍好爽口，有新鮮感。另外叫左個泡菜櫻花蝦炒飯，嘢食即叫即煮，熱辣辣。最後食咗個芝士蛋糕，好結實，芝士味濃，飯後甜品好滿足。

今日趁天氣還好，同朋友逛中環活動一下，覺得餓的時候已經是臨近下午茶時間了，準備走下去電車路的時候，見到有個醒目的招牌S2 kitchen，果斷跟指示穩食。由於接近落場時間的關係先進入，不過餐廳都好nice甘招呼同煮埋比我地食，還會閒聊幾句首先是日式番茄沙律賣相已經吸引，酸酸甜甜十分開胃由於坐吧檯，還可以邊食前菜邊欣賞師傅製作的手藝過一陣order的櫻花蝦泡菜炒飯就出碟啦。真是未食就已經聞到香氣呢個混合式炒飯原來可以甘match！然後再聞到牛肉的味道汁燒牛舌丼出場厚厚的牛舌經過汁煮，軟硬適中，牛肉獨特的肉味，京蔥絲的甜香味，芝麻的香，撈起來一齊食，不錯的配搭。雖然本人更喜歡個炒飯，因為食食下會有似扎肉的肉粒而且有軟骨，非常有驚喜。最後還有日本草莓，朋友食的那個甜甜的，而我則是酸甜，可惜抽錯！希望下次再來的時候再有味道的驚喜！

見到大大個燈籠同埋連登豬就知道到咗呢間餐廳喇!! 由外到內全部都係連儂牆，餐廳面積唔係太大，今晚坐吧枱， open kitchen見到大廚點樣處理啲食物，大廚同客人亦都有講有笑，氣氛非常好!! 黑松露帆立貝野菜沙律，沙律菜新鮮爽口，帆立貝鮮甜加上濃濃的黑松露味，令到成個沙律嘅味道好豐富!! 燒日本茄子，睇住師傅原條茄子燒完，之後起皮切開上碟，咁樣好方便客人食用，茄子燒到啱啱好熟唔會過淋，好味!! 芝士年糕同炸雞翼，兩樣都係炸到外脆內軟，雞翼裏面仲好有肉汁，好香口!! 櫻花蝦泡菜炒飯，炒飯粒粒分明，有隻半生熟蛋喺上邊撈勻d飯食，泡菜令到啲飯有少少辣，亦食到櫻花蝦嘅鮮味!! 最後大廚仲送咗幾粒鮮甜士多啤梨俾我哋食!! 好有人情味嘅小店，食物質素又幾唔錯，值得支持!!

今日疫情肆虐，到處都唔敢去。週末終於想約朋友食飯，選擇左以前來過幾次的S2 Kitchen，貪佢隱蔽得來清淨，唔會坐得太逼，病菌亦冇咁容易散播啊嘛。◆Summary◇座位唔多，餐牌選擇幾豐富。價錢唔算平但食物品質幾唔錯🙌🏻推介🥢日本番茄野菜沙律 🥢原條鰻魚飯————————————————————◆日本番茄野菜沙律◇ HKD91日本番茄超級甜，搭配酸酸的柚子醋尤其清新開胃🍅醬汁應該仲加入左胡椒，微微的辛辣搭配一串串的海葡萄，成道菜口感超豐富◆創作帆立貝卷◇ HKD101 三貫帆立貝軟滑，上面仲有黑松露同金箔作為點綴，幾好味！◆原條鰻魚飯◇ HKD256好大條鰻魚啊🙀食落口肥美嫩滑，一d骨都冇好正！蒲燒汁份量啱啱好，撈飯食最適合不過啦👅◆芝士蛋糕◇ HKD48睇賣相以為係平時雪到硬晒嘅劣質芝士蛋糕，點知有驚喜😍蛋糕柔軟，芝士味濃而不膩，好出色！

這小店正做八折優惠，為面對逆境的香港人加加油看到大家的留言倍感親切前菜先來一份日本番茄海葡萄沙律，海葡萄帶點鹹鮮的味道，蕃茄新鮮，酸酸甜甜十分開胃辣味白身魚薄切肉質細緻鮮嫩，吃罷甘香不膩口芝士魚餅輕量的芝士在內，配合彈牙的魚餅，有很好的平衡芝麻雞翼入口雞皮很香脆和雞肉味濃，完全沒有油膩感黑松露海膽炒飯的黑松露非常出味，飯亦粒粒分明，加上海膽及三文魚子用料一點也不馬虎甜品日式芝士蛋糕既綿密濕潤又香濃鬆軟，大滿足的一晚

平日lunchtime walk-in，但竟然有位。舖頭超細，真心迫，但支持黃店，所以不投訴。Order了一個海膽丼($188set)，上菜時先知係有吞拿魚蓉同三文魚子，都好，無咁寡！但超可惜嘅係海膽唔夠新鮮，有腥臭味😣好彩同另上嘅溫泉蛋食都好快就撈哂成碟飯。個set仲有沙津同湯，整體都算滿意。下次應該會叫其他刺身組合，希望唔會中伏

石板街旁日式小店，兩大廚在開放式廚房製作日式料理，喜歡看製作過程的，建議如我般坐在吧檯位置。餐廳以海膽料理注名，但一系列烤之菜色亦非常推薦。這晚的廚師發板不用費神挑選食物。座下會上「支豆」，作為餐前小食先來一道「番茄沙律」，新鮮日本蕃茄，清甜。「芝麻雞翼」由坐下開始已經焗制，皮脆肉嫩。「蟹籽蘆筍明太子炒飯」，滿滿爽脆的蟹子和鹹香的明太子炒飯，好吃「炸海膽」看見滿滿的海膽，原本非常期待，但新鮮度有待改進「南蠻炸雞」肉嫩，配上沙律醬甜甜的「芝士年糕」非常喜歡軟軟年糕內有香濃芝士「芝士蛋糕」最後的甜品不過不失

中環呢個隱世居酒屋雖然地方細少, 但真係滿滿親切感的,閒日閒情同朋友來了呢度傾計食飯, 又係可以忘記blue monday 既焦慮了晚餐有請:日本蓄茄沙律- 個沙律其實都幾fushion! 有點泰式亦有點日式, 餐具看來很精緻明太子露荀炒飯 - 我同朋友的大滿足, 因為口感好特別, 同松露既香味好撲鼻 - 我朋友食完之後係咁話好正, 而且佢好鍾意D 蟹籽晚餐的小食有:芝麻雞翼芝士魚餅 & 芝士年糕飲品: 唔記得隻酒叫咩名,但佢個柑桔味好特別, 樽名仲叫初戀 - 真係好似如夢初醒, 有些忘記而遺憾亦有些難忘

之前食過呢間餐廳，嘢食質素非常高，今日又同朋友黎食！枝豆食落唔會乾身，好爽甜！日本蕃茄野菜沙律🥗想講佢嘅蕃茄好鮮甜，凍凍地，沙律主調係鹹味，新鮮沙律菜加左海葡萄，幾開胃！蟹子蘆筍明太子炒飯賣相唔錯喎，鮮甜嘅蟹子同明太子份量好多，仲有粒粒蘆荀，令到呢個炒飯口感豐富，成個飯都炒得好有鑊氣，好惹味😜芝麻雞翼好味！外皮脆香，內裏多汁嫩滑，加上芝麻香，正！芝士魚餅魚餅裏面釀左芝士🤤燒得好香，味道濃郁，質感軟中帶d彈性，yummy !

中環食lunch選擇真係唔多每個月有幾日總係想對自己好d食好小小之前見同事食佢嘅刺身飯都非常高質今個月我已經食咗兩次位於威靈頓街，好容易就搵到鋪外貼滿儂連牆，仲有大大隻連豬由於我係外賣自取，由打電話到去取餐大約15分鐘！店員亦非常細心全部都係海膽分別叫咗海膽吞拿魚飯同海膽三文魚飯，海膽非常新鮮入口唔會有浸腥嘅味道！我哋全部都好滿意另外因為佢係套餐會跟埋沙律菜同溫泉蛋三文魚海膽飯 $198由於我唔食吞拿魚就改做三文魚腩三文魚非常肥美，海膽雖然唔係世界級好食但亦算新鮮另外再送我哋一盒新鮮士多啤梨相隔幾日我又叫咗三文魚海膽飯今次比上次更加鮮甜其實總括黎講，刺身質素真係唔錯但係飯嘅份量真係小價錢當然唔算平，但食完真係唔係太飽

🐷🐷又係時候繼續介紹中環黃店啦！臨近聖誕🎄決定食好D(🐷🐷其實只係就放假冇mood做野想食耐D)🐷🐷我地就去左本身都好評如潮既S2 Kitchen食日本野！除左罷工呢個基本動作之外，小店仲貼滿文宣（連招牌都就嚟貼埋）同埋捐錢！而且位置唔算偏遠！咁實要支持啦！🐷🐷午市有套餐/定食，平均$120-$200到啦！座位唔多而且每日多人懲罰！所以最好要book 定位啦！🐷🐷今次揀左$158壽司定食，8粒壽司🍣包括海膽😍（其他有三文魚，赤具，帆立貝，大蝦等等）全部都非常新鮮！配麵鼓湯，溫泉蛋同沙律🥗！難怪1點就滿座啦！大家要繼續多多支持黃店呀！

之前聽朋友講過話呢間都幾好食，所以呢就嚟試吓！我見到鋪頭貼滿左memo 紙，好特別哈哈！老闆比左芝豆我地食，免費架！之後我點左番茄沙津🥗 呢個沙津有海葡萄、黑松露、番茄🍅同好多菜，酸酸甜甜好開胃。份量夠2-3個人食。小食叫左芝士年糕，佢既外皮有啲似魚蛋，面出加左燒汁同沙律，有d 似章魚燒咁haha 食左又有濃濃的芝士味，煙煙銀銀咁，不錯。主食叫左蟹子明太子蘆筍炒飯，鑊氣夠，食材配搭簡單好味。炸物叫左芝麻雞翼仲有叫左士多啤梨食😆😆😆勁甜！下次再幫襯就可以有75折，想試佢既海膽杯😆😆

今日係中環想試下新野，見呢間餐廳細細間好似幾特別就入去試一試。入面嘅座位唔係好多，以小店形式經營，好有日本餐廳嘅風味。首先我地就叫左一個魚生飯，每樣都有少少，可以試到唔同款式嘅刺身，而所有刺身都好肥美同新鮮。之後就有牛舌丼，好大舊同好爽口，再加埋少少醬汁撈飯食就一流。小食方面就有芝士年糕同芝麻雞翼，雞翼啱啱炸起好脆，好香。而個芝士年糕好特別，之前未試過，食落又唔會覺得膩。最後我地仲叫左士多啤梨，好甜，而且好清新。

陪朋友到利源東街和利源西利shopping ，行至石板街有點倦，原來已經是下午 二點多，見中環威靈頓街51號地下A舖，門前掛有很多紅色日本燈籠🏮，我想休息下吃點小食，餐廳店舖內外、角落都貼滿大量 memo紙，色彩繽紛，每張枱面都有一疊供客人填寫。可為香港人打氣、加油💪。我們點左日本蕃茄野菜沙律 🥗，清清地，蔬菜🥬都新鮮。辣汁吞拿魚漢堡，上層是蟹籽、中層是吞拿魚粒、底層是飯。都不錯。新鮮水果原粒士多啤梨🍓。