Salamat Cafe (已結業)

Salamat Cafe位於元朗圖書館大樓旁，係豐年路落車直行入去，個到遠離左完朗最熱鬧嘅地方，遠離左元朗嘅交通命脈，寧靜啲，空氣好啲。食嘅個日係閒日中午，人流都唔少，仲有情侶黎慶祝生日，看來都頗受當區居民歡迎。價錢一個午餐六七十蚊冇加一，牛扒都係一百頭，其他都唔過一百，都算係相當抵食。.什菌豬頸肉鰻魚汁意粉呢個冇記錯係68蚊，味道比想像中更好，豬頸肉有好多舊，口感爽彈，相當有驚喜，鰻魚汁煮意粉比較少見，配搭起黎完全沒有遺和感，醬汁調教得啱啱好，可算清新，食哂成碟都唔會覺得咸同口渴，本人好推薦，性價比好高。.青豆煙三文魚檸檬忌廉汁意大利飯 $72同想像中有些少出入，本來諗住檸檬忌廉汁味道都較開胃清新，但店主煮法偏向奶味重，所以食起上黎就唔太食得出檸檬嘅味道，反而奶味香濃，但口味人人唔同，如果中意奶香味濃嘅朋友可以黎試佢啲忌廉汁食品。.南瓜忌廉濃湯同樣奶味偏重，而奶係後加，所以可以預先同店主要求奶嘅重淡.藍莓芝士飲品（半價改配）藍莓味道都幾重，睇得出都用左唔少嘅藍莓去打沙冰。而芝士奶蓋做得唔錯，芝士味唔係好濃厚，口感順滑，個人而言很喜歡這個調味。

今晚放左工，都想同朋友放慢一下，食餐飯，傾下計。係元朗呢邊，見到salamart 都幾好，可以比我地悠閒一下。睇下有咩好食先。印式燒春雞配薄餅，平時多數食美式燒春雞，今次都幾特別，雞烤得香脆，就靈魂係個印度瑪莎拉咖哩汁，岀奇地同燒春雞好夾，薄餅亦到香奶酥味，好食！香烤蘇梅醬美國豬鞍扒，個豬鞍上碟果陣，覺得好新穎，切到好似羊架甘，都幾得意。而食落肉質夠腍身，而且厚肉，咬落好有肉感，仲有粗薯條脆卜卜，底下仲有黑松露薯容都好好味。主菜包餐飲，我地叫左熱檸水同凍檸茶。

元朗馬田路一帶，呢幾年間餐廳愈開愈多，西餐應明顯最有market，但店面細細個人比較卻步，畢竟本人步彼看重用餐環境，寬敞自己感覺更適合hea坐聊天。而今次元朗friend子介紹呢間餐廳，真心係麻雀雖少，但食物質素有驚喜，閒日食都唔算太擠迫！食品方面，餐牌都認真製作，dinner set 食物選擇多，口味亦大眾化，價位親民。🥗starter| 煙三文魚芒果蟹籽田園沙律 |沙律份量超多，as a starter 保證令您飽四成，口感好豐富且refreshing，芒果蟹籽令沙律味道更有層次！唯一改善地方係煙三文魚份量唔多。🍝pasta| 帶子蟹蓋青瓜芥末意粉 |呢個意粉係全晚最有驚喜嘅item，一啲都唔覺好飽滯，愈食愈想食多啖，青瓜+芥末嘅醬汁令味道好light and refresh！🐷Main course | 香烤美國豬鞍扒配黑松露粗薯條 |穩陣之選！豬鞍份量多，好啱食肉獸！雖然唔係慢煮，但入口肉質尚算幼嫩。

很少入元朗, 當天原本打算到另一食肆進餐, 但該餐廳因假期休息, 於是隨便在附近找到了這間Salamat Cafe，經過見格局精緻，天氣又不太熱，讓孩子坐門外面也不錯，等了一會就安排到坐位了。隨意點了午餐，飯後孩子想吃甜點也滿足一下他們，結果卻有意外驚喜。店子雖不大，招呼郤頗周到，食物質素也不錯，性價比高，值得推介。

難得行逛元朗，行到攰，見餐廳裝潢不錯，是我們喜歡的風格。格局雖小，但是五臟俱全。蘇梅醬豬鞍扒配黑松露粗薯條&沙律:美國豬鞍扒超厚，但豬味比西班黑毛豬的較淡，肉實偏實，蘇梅醬能豐富豬鞍的味道。薯條充滿黑松露味，個人覺得配合茄汁更佳。薯條質感是我喜愛的偏軟。蒜片香茅白酒汁煮鮮花甲：花甲大隻，鮮嫩多汁，咬下去十分鮮甜，白酒汁能提鮮，但香茅過多，不慎食到香茅葉就會破壞花甲的味道。香煎鮑魚&墨魚仔墨汁意大利飯：墨魚仔偏靭，大愛鮑魚，香甜味美，墨汁意大利飯則是偏甜口味，墨汁令進食上都比較沒有儀態。餐湯&蒜蓉包：南瓜湯有粒粒南瓜，但略嫌不夠濃稠。蒜蓉包烘得十分出色，微暖，外皮是脆的，包身鬆軟。整體食物質素中上，份量比較多，服務態度良好，而且餐廳氣氛頗有情調，作為小聚餐都不錯。

身為元朗人，見到區內又有新餐廳，立即先賭為快，食左先講，難得平日lunch time 有時間去食去chill下～正午12點開門我就去到，可以揀到窗口位，menu見到價錢都合理，餐湯唔差，天氣太熱我唔想食得太heavy,揀左沙律。新鮮南非李子大蝦凱薩沙律汁田園沙律🥗$75岩曬天口熱食，李子切得大細剛好，方便進食，菜好新鮮，見到個樣都食慾大增～日式燒豬頸肉鰻魚汁意粉🍝$68Fusion菜好特別，豬頸肉同鰻魚汁呢個combination 係好有驚喜，下次黎會再encore呢款菜式！紅紅芝士$48跟餐可以半價，比出面既手調奶茶店足料，鋪左杏仁係面，更添口感層次，士多啤梨冰沙調味岩岩好，唔會太甜，可以放心交俾師傅整，唔使特登注明少甜～

—返工太忙 終於夾到時間一家人食飯近近哋食完就去跑球場香煎比目魚 青醬墨魚仔配薯蓉沙律($168)魚皮帶脆身 肉質頗腍冇咩骨好鍾意旁邊個蕃茄洋蔥粒 清新爽脆仲甜甜哋又有薯蓉 所以都食得飽印式燒雞配薄餅 咖喱汁 雜菜沙律($158)半隻燒春雞配4塊薄餅 醬汁分開上因應個人喜好蘸幾多都得蘇梅醬豬鞍扒配黑松露薯條沙律($178)豬扒幾厚身 唔係用慢煮方式去烹調全熟之下都易咬開有嚼性—————————————Salamat Cafe元朗馬田路38號怡豐花園3號地舖

元朗高質午餐cafe😊今次好開心坐到窗邊既高台位☝🏻😆打卡一流呀！裝修簡約得黎空間感好大所以坐得好舒服咁傾計☺️是日餐湯係☝🏻粟米忌廉湯A5 巴馬火腿卡邦尼意粉（$72)大大片既巴馬火腿，唔會太肥，有咬口而且咸咸地既味道☝🏻配埋甜甜地既卡邦尼醬☝🏻🤤 洋蔥清甜😊！重有小小黑松露味☝🏻🤤 蘑菇都好有水份大大粒😳朋友就叫左A7黑松露吉列雞柳野菌意大利飯（$72)雞柳外皮燒過而且雞本身好肥厚！所以肉汁都好夠！雞柳大大舊多到覆蓋住個飯🤤 飯既軟硬度唔錯！唔會軟到好似粥咁，有d 質感☝🏻飯量很足😳飽飽凍朱古力咖啡-mocha (+$23)上面厚厚既一層忌廉☺️肥妹表示好開心！朱古力味好濃既☺️!啖啖咖啡味！酷熱天氣下真係心都涼埋呀🤗凍檸茶（+$5)

聽講呢個鋪位易左手，但係裝修全部都冇變個名變咗餐牌亦都無變咗，今日一於試吓轉手嘅廚房有咩唔同先。set lunch比之前貴左少少但係包湯同嘢飲，所以性價比都仍然可以，嘢食方面都不過不失，覺得個粟米湯有啲稀，但個雞扒就整得幾好食。在場所見見到其中一位侍應都好落力好用心幫客人值得一讚。

><返母校整嘢 比預期早咗完成食埋個early dinner先返屋企讀中學個陣 間唔中會嚟食lunch而家餐廳改咗名 但整體格局依舊香煎帶子 蟹肉 蟹蓋芥末忌廉汁青瓜意粉($148)釀蟹蓋放咗喺面 帶子有蟹籽點綴 蟹肉都易食到正正有忌廉稀釋個醬 所以個芥末味唔會話好嗆鼻青瓜絲同意粉混合埋一齊食 有清新嘅感覺又增添口感西餐竟然有鐵觀音揀 幾有趣><><><><><><><><><><><><><Salamat Cafe元朗馬田路38號怡豐花園3號地舖

今晚又試新餐廳啦！呢間餐廳可以帶埋小狗一齊食假田由於母親節，成間餐廳都訂滿哂，我地walkin 就好彩地被安排到吧枱當日既set dinner其實唔貴，話哂都係節日，但價錢都只係$368跟餐飲品揀咩都得，又唔使另外加錢坐底冇耐就有餐湯同包醫下肚先，是日餐湯係南瓜湯，雖然湯唔係煮得太傑，但南瓜味係出奇地濃花甲大大隻，而且作為頭盤其實份量都幾多，而最重要嘅係食落十分之鮮甜，配埋白酒蒜片香茅等等材料整成嘅汁加埋就超級好食呢幅簡直係一幅相當精緻既畫像，香煎既比目魚，皮脆肉滑，旁邊仲有香滑既薯蓉、沙律同蕃茄沙沙醬，最後仲加埋意大利青醬墨魚仔，估唔到餐廳細少，但都可以做出咁出色既菜式呢款意粉亦都係非常出色，芥末食落會有少少刺鼻，增加左個刺激感，帶子煮既時間岩岩好飲品就揀左芝士草莓同藍莓，分別由呢兩種新鮮既莓打成，上面再放上芝士、士多啤梨和藍莓，入口酸酸甜甜，酸甜度適中，質地結實，所以飲完都有少少飽肚。呢度跟餐可以加$25食左件tiramisu 唔會太甜而且質感好好，唔會太鬆軟，份量剛剛好，係好creamy既tiramisu。

只係出元朗食個lunch 全身爆汗熱到癲咗🙄🙄🙄今日去咗馬田果邊搵食我好想食個Allday breakfast 同伴做左兩日外影辛苦到癲回家只食杯麵佢今日話要食牛扒喎我地就去咗Salamat Cafe好彩去得快一陣就坐滿晒人雖然全場滿座但好快有嘢食我個All Day Breakfast 係咪好豐富呢？勁靚又好味沙律、麵包、英式豬肉腸、煙肉、茄汁豆、松露炒蛋、哈密瓜⭐️⭐️⭐️⭐️⭐️哈哈😂😂😂😂同伴叫左客⭐️⭐️⭐️⭐️⭐️澳洲西冷扒8安士+松露薯條+沙律套餐仲有埋粟米忌廉湯凍檸茶💕💕我地share食👏🏻👏🏻👏🏻👏🏻我第一次食呢間小店我覺得好好味再睇埋隔離枱食咩意粉呀、意大利飯呀、沙律、炸魚乜都有人叫仲要好吸晴下次我想食意粉👏🏻👏🏻👏🏻👏🏻👏🏻如果以午巿有呢個質素咁嘅價錢真係好抵食🤪🤪全場滿座仲不停有番枱希望小店日日都咁多客人（隔離座個男人不停咀講嘢，真心煩）（其實細聲少少、朋友會聽唔到咩？）😂😂😂食完一行出門口救命熱死我回家即沖個凍水涼🙄🙄🙄🙄🙄🙄

今日因為要去圖書館經過馬田一帶，而家馬田附近開左好多餐廳食肆，咁多間揀邊間好呢？經過Salamat 二話不說被佢嘅外圍裝修吸引左入去，加上門口餐牌價格相宜，$58至$118不等，最重要係有我至愛嘅咖啡。午餐時間，小店坐滿客人，店員服務好好，感覺親切。餐湯絕對有驚喜，栗米忌廉湯，完全飲到鮮忌廉嘅香滑，票米係新鮮打湯，所以好好飲。雞扒煙肉烤菠蘿炸蝦漢堡配薯條，漢堡大大個，雞扒個汁好好味，開胃，炸蝦新鮮好味，68蚊抵食。 8安士西冷扒配黑松露薯條 穩穩陣陣無甩拖，仲比想像中厚身大塊，都算抵食，薯條就新鮮即炸好好味。跟餐加18蚊有杯自選咖啡，拉花靚又唔太多奶，咖啡味突出，好飲。裝修雅緻光猛，服務又好，食物質素高，一定會再嚟帮襯。

Fridays night唔使煮飯 係屋企附近搵新餐廳食下餐廳燈光柔和 環境唔會太嘈 傾到計 適合三五知己或者情侶 而且有戶外位 方便帶寵物人士今晚就點專為二人而設嘅Dinner set 有齊餐湯餐包 頭盤 飯或意粉 主菜 餐茶先黎個鮮打南瓜忌廉湯配牛油多士忌廉幼滑南瓜味濃郁 口感較為流質 多士經過香烤 再塗上牛油 有誠意之餘脆口帶甜 頭盤揀咗fusion版白酒煮青口 蒜片香芽白酒汁煮鮮花甲 西方傅統菜式以中式海鮮配上泰國特色材料香茅濃郁白酒香夾淡淡香茅味 清新配搭花甲大粒鮮甜爽口有肉 無泥味無沙 處理得非常好個人建議飲埋白酒汁 香甜惹味 會越飲越上癮 香煎鮑魚墨魚仔墨汁意大利 飯粒綿密口感墨汁令飯身光亮味道濃香夾雜啡菇粒 食落更有咬口 面層鋪彈牙墨魚仔 配合墨汁飯食用 雙重口味不得不提 呢款飯嘅高級食材鮑魚 用料矜貴鮑魚帶海水咸香 入口彈牙有嚼勁 類似磯煮鮑魚 主菜蘇梅醬豬鞍扒配黑松露粗薯條&田園沙律及凱撒沙律汁力推juicy豬鞍扒 軟嫩鬆化 落刀客易切開 充滿肉汁 蘇梅醬酸酸甜甜好開胃 但唔會擔去豬鞍原身肉香粗薯條係兩隻手指尾闊度 熱辣辣食最香脆凱撒沙律可以中和肉食以及炸物嘅油膩感

前身為ALDOU cafe 的Salamat Cafe，易手後第一次到訪，一問之下原來廚房沒轉人，頓時感到安心，因為呢度既西餐係幾有質素，性價比令人滿意💕午餐有不少選舉，價格親民。青醬燒雞扒配黑松露忌廉意粉（$72）意粉煮得al dente，配上獨突的香草味道，煎得香脆的青醬雞扒，令人回味🤤 香燒美國肯瓊香料豬肉眼扒配薯角&沙律（$88）豬扒肉眼是店員推介的，我覺得午餐食扒好抵食🤣！$88就有咁厚肉juicy既豬肉眼扒吃，抵！難得佢係豬扒全熟得來完全無乾柴既感覺，除左墊底有滑滑的薯蓉，仲有薯角和沙律，很豐富的組合。跟餐可以點檸茶檸水或幾款特色茶飲，朋友點了攻塊黃金桂，是茶包沖泡的，玫瑰味都幾香。而我用半價點了杯我很喜歡的mocha，很喜歡這裡用的杯子色彩繽紛，看着心情也好起來。這個餐廳店子雖小，但是裝修很自然舒服，偌大的玻璃窗讓自然光透進來，感覺寫意。