Seafood Stand (已結業)

今日之前如果你問我係香港食burger 要去邊到，我會答你尖沙咀同港島區；但試過seafood stand 後，我會話你知仲有個新選擇，就係樂富！平日都唔多機會去到樂富，機緣巧合下見到位於樂富廣場嘅seafood stand，喜歡漢堡嘅我當然要試下。Burger 方面就試左招牌嘅牛魔王漢堡，呢到有樣好就係可以加配自己想食嘅配料，我就加左薯餅。 漢堡大小剛剛好，面包有加牛油烘過，牛肉亦夠晒厚身，而且有肉汁夠 juicy，再加埋honey mustard 醬，絕對有水準。主食方面亦叫左羊鞍，有人會怕羊嘅味道，但呢到嘅羊鞍肥瘦適中，不會太騷，而家煎到表面香脆，口感肉質都一流。另外叫左烤雞藍做小食，裡面有雞鎚同單骨雞翼，小小微辣而且香口，食起上嚟亦非常方便，呢點可以顯示出老闆嘅細心。

今日約了我最好的朋友吃大餐，因為大家太久沒見，所以我們決定不受體重束縛，撇低老公，放肆盡情大吃。滋味雞翼籃雞翼籃有兩款雞翼口味，外脆金黃，滋味多汁, 脆皮帶點辣，非常香口。炸魚薯條這款美式街邊小食，條條薯條酥糯的口感, 應該無人能抗拒，魚肉嫩滑鮮美，啖啖滋味。他他白鱈魚漢堡加配芝士條，加倍烤大蘑菇脆薯餅和芝士這個漢堡是我們最期待的，因為我們狠狠的加配了大蘑菇薯餅和芝士, 這個漢堡因為太厚了，所以我們要逐層食。魚柳應該是和炸魚薯條的魚柳一樣，加上令人難以抗拒的軟糯芝士，香脆薯餅，香濃烤大菇, 都令人回味無窮。XO醬海鮮炒烏冬 我覺得這道烏冬炒得幾惹味，xo醬鮮中帶辣, 也有不少配料八爪魚、蜆、蟹柳等｡ 味道夠濃不鹹不膩, 值得推薦!黑松露雜菌意粉黑松露雜菌意粉味道不錯，松露夠香, 麪條沾上的醬汁非常香奶油味，麪條軟硬適中，不生不硬。

鮮黃色嘅門口加上霓虹燈💛，遠遠就望到Seafood Stand。呢間良心小店理念係“Fresh from the Oceans to your Plate”，餐廳裝潢都貫徹海洋主題🦑，有水手壁畫同海鮮裝飾品，氣氛唔錯。今次試咗精選下午茶優惠套餐，逢星期一至六14:15-17:30供應，最平28蚊就有交易😱。而午餐同外賣優惠價錢都非常相宜，好過去其他連鎖店多多聲啦！下次要試下晚市嘅海鮮拼盤！————————————————👅牛魔王漢堡 ($55)👍🏻兩塊芝士搭住厚身牛肉漢堡扒，據稱採用美國安格斯牛肉🍔，幾有牛味又多汁，加上大量蜜糖芥末醬，貼心位係有提供手套，拎住食都唔會整污糟雙手啦👍🏻漢堡配沙律/薯條，附贈嘅免費飲品都幾多選擇，我地揀咗熱柚子蜜同蘋果汁👅炸魚薯條 ($38)👍🏻炸皮屬硬脆口感，炸魚搭配嘅酸瓜他他醬酸味啱啱好，感覺有特別調味過，薯條偏粗身，份量都唔少，非常邪惡嘅下午茶————————————————🚩總結：漢堡比較出色，價錢貼地———————————————— 🌟注意：假日另收加一服務費————————————————📍 Seafood Stand地址︰樂富聯合道198號樂

今日早左番屋企，趕得切買午餐，午餐做到5點半，外賣有9折。叫左一份8安士肉眼扒，7成熟，配意粉，蘋果汁，$78，再9折，為$70左右。拎到番屋企，仲係暖，仲有少許沙律。肉眼扒有肉汁，好淋，好好食意粉有驚喜，係扁意粉，意粉當中我最鍾意食扁意粉，而且扁意粉感覺係貴d㗎意粉唯一不好係無炒過，又無汁去煮，就咁白勺煮熟，欠缺一d誠意。最後有杯蘋果汁做總結，完滿樂富好少有黃店，所以支持下，張單仲寫住香港人加油💪🏻，係香港人就會明白。

因為冇得堂食就買外賣，買左差唔多二百蚊其中個兩個burger，一個豬扒同一個牛扒burger 。勁難食，塊扒冇味，乾到好似咬緊橡筋咁，朋友叫既豬扒飯都好難食，塊豬扒好鞋。個飯唔係炒飯底黎，勁濕，一舊舊咁，完全唔值呢個價，唔會再幫襯。

前往樂富吃飯，朋友選擇樂富的原因，全因為方便他工作的地點，餐廳主打的食物和一般的快餐沒有大分別，但是他推介的就是漢堡包， 我當然挑選一個我喜愛的，選擇以套餐形式更配搭不同的小食，兩個人吃絕對是超水準表現。食物方面，我挑選的當然就是漢堡包套餐， 配搭的飲料也就是最喜愛的可口可樂， 冰凍的可口可樂， 配搭香脆可口的薯條，絕對是美味之選，但當中我最欣賞的就是有如熔岩瀑布般的芝士， 在漢堡包的旁邊慢慢的墜落， 新鮮份量十足，而當中的漢堡，做到內裏肉質鮮嫩，真是一個性價比極高的美食。

樂富呢間漢堡店都想試好耐，因為都好多人推介我食，今日就黎會一會佢！午餐時間黎到都唔係好多人，可能大家都係home office嘅關係，所以可以坐得舒服啲仲加左啲聖誕裝飾，都幾有氣氛有扒餐同埋意粉果d揀，不過今次同朋友都想食漢堡包今次叫左兩個漢堡餐，可以揀配薯條或者沙律，我呢d熱氣怪緊係揀薯條，黎到配埋手套，非常貼心牛魔王漢堡：塊牛肉都好厚，煎得唔乾有肉汁，個包都有烘過，加埋雙色芝麻好香白鱈魚漢堡：條魚柳都幾長，個包都包唔住，炸得幾脆，加埋薯條好夠飽午餐黎講，呢個質素都唔算貴

Seafood stand 全盛時期有幾間分店，印象中之前食過食物質素相當唔錯。依家就只剩下樂富一間店舖。剛在附近收工，就同男友過黎食晚餐。Burger套餐價格都相宜，除咗burger之外仲有意粉、扒餐選擇。堂食係以點心紙自助劃點餐外賣自取還有特別優惠，$48/set卡邦尼意粉 $48免費配汽水或餐湯 意粉質地軟硬適中掛到汁，配料都幾多。唯調味就偏淡左少少。牛魔王漢堡加配芝士條$52 + $18另加$2配熱蜜桃茶最經典嘅漢堡組合，兩塊邪惡芝士夾住牛肉漢堡，漢堡juicy亦都有牛味，鮮嫩美國牛扒漢堡$58牛扒夾漢堡又另一種口感，口感唔太韌。+$12 黑松露炒滑蛋黑松露味超突出，正。滋味雞翼籃 $38外層炸得脆身，內裏唔乾柴。

仲記得好耐之前未知Seafood stand係黃個陣食過一次burger~今次黎食唔想咁heavy就試下個黑松露雞絲意粉啦($60)😆男朋友就嗌左巨人漢堡($93)😌意粉唔算好creamy個種 比較多菇 如果雞肉份量多啲就好啦😂可能因為我比較大食😂食完唔算好飽🤭套餐有包野飲 叫左杯蜜桃茶少甜走冰😊都係burger好味啲😛雙層牛肉 好juicy啊！仲有好多芝士🤪好似仲有兩塊煙肉添！薯條外脆內軟 茄汁有少少香料幾正！不過假日lunch要加一個burger就有少少貴啦🤭

以前細個好鍾意去樂富街市買花💐一大紮都都只係一百蚊😻所以Annie對樂富都算幾熟悉樂富商場翻新後都靚左好多多左好多新餐廳🤤🤤·今次嚟到一間主打burger既餐廳🍔▪煙三文魚沙律 HKD$42▪牛魔王漢堡 HKD$52▪XO醬海鮮炒烏冬 HKD$48▪滋味雞翼籃 HKD$38·牛魔王漢堡🍔份量好巨型，最正嘅當然係佢塊手打漢堡，手打牛肉咬落鬆軟，仲食到啖啖牛肉味😋漢堡包皮煎香過，整得好有誠意呢！而其他食物都係抵食夾大件，四十幾蚊既價錢絕對超值🤩·炒烏冬炒得好夠鑊氣👍 大大碟幾哂2個人食😋·三文魚沙律超大碗，份量一啲都唔孤寒😚·而滋味雞翼籃炸得好香脆，味道絕不遜色於連鎖炸雞店👍

朋友dayoff約咗lunch落呢間cafe食漢堡！啱啱放寬lunchtime堂食冇耐，餐廳唔多客，得一兩枱坐咗人，門面一個侍應都搞得掂。（話說疫情前都食過呢間幾次，可能每次lunchtime都坐爆人，兩位侍應都太忙，所以每次都覺得佢哋態度語氣都唔係咁好⋯⋯）今次再試，服務方面係有啲改善嘅～ 今次試咗【白鱈魚漢堡伴自家製他他醬配薯條】鱈魚唔算太脆，可能係他他醬比較多，浸腍咗條魚～而炸薯條比較乾，食完會好口渴。但呢個價錢嚟講～不過不失啦🤣

潛咗水咗耐第一次寫食評。住喺同區成日經過都冇試過，一直搵唔到機會試。加上疫情少左出門，今日終於試到。堂食免加一，外賣再9折，想食burger好耐，叫左個魚柳堡加$18配嘢飲小食，折左都係$57。外賣等咗幾個字，即叫即整所以冇咁快。番屋企大約半個鐘，個魚仲有微脆，相信堂食會更好味。魚唔會炸得老，但又未話好juicy嗰種；配左蕃茄沙律菜同某當嘅魚柳包醬，簡簡單單。個包幾好食，軟屬。最加分係塊魚柳，因為夠大、唔腥又好食。成個burger份量大約係一隻好勉強揸住咁大但又唔會跌嗰種。成個burger實物同照片完全相符嗰吓好嘢！小食揀左炸三文魚塊，係兩條好似食指咁上下大嘅魚柳，冇咩驚喜。另外配咗涷蜜桃茶，係正常蜜桃茶甜甜地嘅味，冇異樣。夜晚食呢個餐份量絕對啱啱好，男士可能再加多個小食就一定夠飽。最後張單小貼心「香港人加油」。以咁嘅價錢絕對值回票價，要食高級貴價burger嘅朋友就唔好嚟呢度喇！🙈希望下次繼續支持小店試埋其他burger同套餐。

好黃啊幅牆寫住大大隻stand with Hong Kong屋邨小店，扺食又好食，唔似d普通burger店，無咩質素都賣到$7-80個包叫咗個餐，係粟米忌廉湯牛魔王，配單骨雞翼個包食落好舒服，塊漢堡唔會好油，都好juicy個包咬落唔痴牙，有芝士，呢個性價比，價錢x打好多間漢堡加配炸墨魚鬚，好新鮮，炸得幾靚10安士安格斯肉眼配薯條，好大塊塊扒唔加汁都已經好食，有肉味又juicy肉質幾好 唔會好淋，都易切，唔un薯條好多，仲有沙律菜，淋咗醋，配餐唔洗加呢兩樣了門面裝修得好靚，一d都唔屋邨

樂富廣場地下，有好多不同的餐廳，遠遠看到Seafood，就行了過去。原來這間餐廳是食漢堡包的。入餐廳時，自己先量量體溫，再用搓手液。餐廳燈光柔和，還有個小酒吧，見到好多客人都飲啤酒，氣氛好好。10oz安格斯肉眼扒，伴有麻醬沙律和薯條，牛扒面煎得香口，熟度剛剛好，薯條亦炸得香脆。牛魔王漢堡，未食都有好香的芝士味，漢堡牛扒好厚身，肉質鬆，而且好有肉汁，漢堡包的醬好好味，連生菜芝士一齊，味道好豐富又夾，真係好味。套餐小食三文魚手指和單骨雞翼，同樣炸得好香脆，真係配啤酒就啱晒。

疫情放緩少少可以出外行街食飯，近排常常買外賣回家吃，難得出外吃晚飯所以想去据扒。朋友約去樂富商場，搵了間抵食的西餐廳，這裡有漢堡包、意粉焗飯同扒類。香草煎羊架 配薯菜羊架鮮嫩沒有羶味，蒜蓉加黑椒汁煎封肉汁絕配。10oz 特級安格斯肉眼扒 配薯菜份量足料特級安格斯肉眼扒大大件，牛扒切開見到鮮嫩粉紅，很有牛味而不會韌，濃濃黑椒醬汁非常惹味。另加 $18 轉套餐 可選小食同飲品或是日餐湯我們點了芝士條同三文魚手指，芝士條鬆脆有拉絲效果而三文魚條改咗魷魚條一樣好味。點埋餐飲凍蜜桃茶同熱咖啡，令今晚可以劃上完美句號。