SEDAP惹味馬拉 (已結業)

誰說在大商場吃飯一定是悶的?今晚就在屯門巿廣場, 找到一間吃馬來西亞菜式的, 自己頗喜歡吃這種有特色的菜式, 好過常常吃西餐。發現它原來跟中上環一間馬來西亞菜館, 是同一集團, 在這裡開分店, 以後想吃也很方便, 不用出城。怡保芽菜$29: 今天本來想吃通菜, 但見有芽菜比較特別, 就改吃它, 怡保芽菜不同我們平常見到的, 比較粗身多汁, 用上少少辣醬調味, 幾惹味。肉骨茶 細滲$73: 湯底有幾香的藥材味, 店員會主動添湯, 喜歡喝湯的不容錯過, 湯內有排骨, 五花腩肉等, 邊喝湯邊吃肉。海南雞飯 $68: 加多$10選了最愛的雞腿, 果然又嫩又滑, 喜歡點上黑色的甜醬油, 令味道更豐富, 飯都做得不錯, 有它的香味, 配上冬瓜湯, 一個人來吃這個也夠開心了。鮮蝦炒粿條$62: menu上沒標注是辣的, 原來它也是辣的菜式, 但個人還可接受它的辣度, 炒粿條像炒河, 換上較闊身的粿條, 幾有鑊氣, 鮮蝦也都幾爽口有蝦味。價錢親民, 質素頗佳, 會再來吃的啊!

今日得閒就帶左2個仔去SEDAP惹味馬拉食lunch, 叫左海南雞飯,肉骨茶,沙嗲雞串,咖央多士,拉茶同薏米水，味道都ok, 2個仔好鐘意食，因為佢地鐘意食海南雞，份量唔多但都多肉！但個多士麻麻，toast box 好食好多，薏米水勁濃，正👍 拉茶味道ok, 但唔夠熱、細杯同埋太多泡，有三份一杯係泡！肉骨茶ok , $29沙嗲雞串我以為會大條d，但得好細條😅

最近唔知點解成日都食馬拉菜 今次係屯門食飯我地都揀左呢間馬來西亞餐廳🇲🇾 餐廳都幾大幾多座位幾舒適 而且侍應都唔少 唔會冷落左客人👍🏻Menu有好多馬拉菜式都有真係睇到花多眼亂 樣樣都想食😂 主菜我地最後揀左蘭花椰漿飯配吉隆坡咖喱雞同埋怡保咖哩海鮮叻沙😋 椰漿飯幾岩我地胃口 清香既椰漿味加埋好淋好入味既咖哩雞同炸到脆卜卜既花生魚仔好好味😚 而叻沙係2溝麵底 即係油麵同米粉 海鮮份量十足 不過我地覺得超辣 唔食得辣既朋友仔就要諗過啦🤭小食方面 我地叫左馬來沙嗲豬頸肉串燒同咖央多士 仲好貪心咁叫埋胡椒蝦 豬頸肉串燒燒到岩岩好 入面仲好juicy 沙嗲汁又惹味🤩 咖央多士都唔錯 唔會好甜 不過最好食都係胡椒蝦 非常惹味 而且有好多隻蝦 底層仲放左薄餅吸唒d胡椒汁😆甜品我地就試左紙巾飛餅同埋美祿恐龍 紙巾飛紙真係好吸睛好誇張 薄餅做到雪糕筒咁既形狀好大好誇張 點埋盤上既練奶同美祿粉食 甜甜地都幾好食 可以試下架🌟

屯門呢個比連鎖式餐廳攻陷嘅地方，開咗一間馬拉菜餐廳🤟🏻見馬拉菜唔算太普及，就試吓佢啦！見到個菜單，大鄉里咁覺得款款都好似好正咁😂點左少爺豆腐、參峇豬頸肉、鮮蝦炒粿條、海南雞、馬拉盞炒通菜同埋沙嗲串燒🤘🏻特別推介少爺豆腐，初頭以為佢只係一個普通嘅煎豆腐，但食落嘅質感係碎豆腐😳點埋個醬幾惹味👏🏻另外參峇豬頸肉又係好奇點嘅🙈佢面頭嗰醬有啲似XO醬，辣得過癮而且豬頸肉夠哂入味，餸飯一流！其他菜式就正常水準🤣未夠特別好味指數（5粒最高）：

四月二十日，穀雨，春季最後一個節氣，雨量突然增加，不樂的天氣和心境，需要飽吃一頓來安慰落魄了的心，漫無目的地遊走著屯門的商店，看到一間東南亞餐廳，店外看到貌似浪漫的氛圍，令我不禁在腦海中產生了昔日的回憶，沒有多加考慮便步入了「SEDAP」。椰漿飯配參峇蝦首次品嘗以椰漿製作的飯，椰子味濃郁芳香，米飯黏韌而不帶膩，參峇蝦肉質新鮮甜美，配上花生等配菜令香味更加提升。美洲龍蝦龍蝦的體積相當巨大，上枱後香氣撲鼻，龍蝦肉與殼之間沒有任何空間，肉質相當飽滿，可見龍蝦十分肥美，配上適量的惹味醬料炒作，輕微的辣味十分適合不吃得辣的我，而價格只需要$198，十分平宜。馬來西亞肉骨茶（細滲）肉骨茶中藥材味十分濃郁，排骨肥瘦適中而宜十分鬆軟，肉湯火喉十足，已剪腳甲的雞腳膠感強烈，$72有二人份量，非常抵食

今晚去開屯門, 朋友介紹呢間馬拉餐廳俾我,就試一試.間舖裝修都唔差, 有少少馬來西亞風味, D碗碟都幾特別. 馬來沙嗲牛串燒, 味道ok喇印度飛餅配吉隆坡咖喱雞腿, 咖喱有D辣, 味道還可以, 不過件印度飛餅好硬, 以為係好似鬆餅, 點知原來唔係, 好似食緊粉餅咁.鮮蝦炒粿條, 好食, 粿條質感雖然似河粉, 不過比起河粉好食馬來西亞肉骨茶 (皇帝骨), 我本身鍾意食肉骨茶, 不過呢間既肉骨茶偏向淡藥材味, 馬來西亞既肉骨茶應該係藥材味偏重的, 所以有D失望, 不過佢可以無限添飲湯底, 呢點又唔錯喎!

其實我們很少吃馬拉菜～因為在深水埗吃過幾間都很不行( ･᷄д･᷅ )但聽聞這間很平很好吃～所以決定再給馬拉菜一個機會(●´∀｀●)對這裡的第一個印象是這裡的裝修很復古～然後上菜也很快！！第一道菜是海南雞～海南雞最重要是夠滑夠嫩而這裡的海南雞果然做到這兩點～附送的湯很清，很好喝～巴東牛肉好入味！牛肉不硬，很出色(●♡∀♡)本來還很擔心胡椒雞翼的胡椒味很重，沒想到居然帶有甜甜蜜味～惹味非常！玻璃魷魚通菜的魷魚很多，口感爽脆，醬料也很好吃～咖央多士必點！！咖央醬夠多～多士烘底後更好吃～超想再點一份！下次來的話必定會再吃～豬頸肉帶有辛辣味～辣得很過癮～喜歡吃濃味食物的你必定會喜歡！吃了一頓超豐富的晚餐呢❤️❤️

馬來沙嗲雞串燒 $28雞肉都算嫩滑juicy 燒得幾香 夾埋惹味既沙嗲醬同薄餅冇得輸🤤鮮蝦炒粿條 $62炒得幾有蛋香同鑊氣 少少煙靭又香口既粿條令人一啖接一啖食 可惜配料鮮蝦同魚片比較少 唔夠喉🥺怡保咖哩雞喇沙 $58呢個喇沙味道比較辛辣嗆喉😳 冇乜椰香味 質感亦唔算濃厚 唔係我中意既style 雞皮肥美 但肉唔夠彈滑 不過麵底真係摻摻米粉溝油麵吉隆坡咖哩魚頭煲 $108咖哩幾深色 味道濃郁 雖然冇得大大啖肉食但都好滿足😌 仲有幾中意佢有茄子秋葵😍馬來風光 $48其實係馬拉盞炒通菜 加埋洋蔥絲 炒得香辣惹味!😋肉骨茶見到幾多人飲(不過我同友人都冇興趣) 重點係無限添飲架!

期待已久的星期天終於到了，卻是另一個下雨天.. 不過幸好家附近的商場仍有不少選擇，剛巧今天想吃辣的，就和家人到了屯市這間新開的馬拉餐廳餐廳座位略嫌有點迫，與隔離枱相距甚近；餐廳侍應人手亦不足，舉手舉了大半天才可落單我們點了「怡保咖哩海鮮叻沙」($60)— 我知道叻沙即喇沙在新加坡和馬來西亞有很多不同種類，常見的包括咖喱叻沙(Curry Laksa)、亞參叻沙(Asam Laksa)等，叻沙的靈魂在於其精心熬製而且濃郁鮮美的湯頭和香料、椰奶混合在一起帶來的層次感作為咖哩愛好者，當然要試試咖哩叻沙。可惜的是這餐廳的咖哩海鮮叻沙，湯頭嚐不出絲毫椰奶或者蝦醬味道，湯本身並不鮮美亦不濃郁，質感稀稀的，入口卻是不合理地極為辛辣嗆喉，飲完後令我喉嚨不太舒服... 海鮮配料方面只有一蝦 (質感霉霉的..) 兩小蜆、兩片小魷魚；麵體則用了米粉和油麵，亦算正宗另外我們亦點了「肉骨茶-細滲」($72)肉骨茶以小煲呈上，但奇怪地不熱不燙，僅屬微溫，彷彿是一早已經”裝”好，難怪上菜速度這麼快。除了不夠熱之外，湯只有淡淡的藥材味卻沒有香料如八角茴香等的味道；豬骨、豬肉亦彷佛置身事外一樣，與湯並不相融 🤷🏻‍♀️ 雖

身為屯門區的居民，當得知區內開了新餐廳的消息，便馬上擇日來試。這間新餐廳就是屯門巿廣場內的「Sedap惹味馬拉」。後來上網搜索了一番，原來Sedap是馬來西亞的書面語，解作好吃的意思。吃東南亞菜式總不可缺少的串燒：先把雞肉燒香，再淋上沙嗲醬。沙嗲醬夾雜著花生碎，惹味偏辣；雞肉肉質亦不算鞋。碟上還伴有一小塊薄餅，可以蘸蘸剩餘的沙嗲，汁都撈埋，不要浪費。這個肉骨茶絕對值得向大家推介！以性價比來說，是相當的高，因為肉骨茶是可以全程無限添飲！職員們不時拿著熱壺詢問是否需要加添，非常愛喝湯的筆者整頓晚飯中已添飲了三回。肉骨茶材料頗多的：有3-4隻雞腳、2件肉骨、豬肚和杞子。肉骨雖已用作熬湯，但仍舊有味，肉質還頗為腍身。肉骨茶湯入口先咸後澀，喝進喉間才感受到絲微苦澀，藥材味不算重。比較特別的是盛載鮮蝦的器皿是一直熱著的，除了椰子和蝦，還有娃娃菜。鮮蝦純粹水煮，沒有經過任何調味，吃到的都是原汁原味的鮮甜。浸著蝦菜的湯汁味道亦同樣清甜，帶著香濃椰子味。充滿鑊氣的一道小炒，通菜伴以紫洋蔥絲，再用馬拉棧來炒香。食落頗有辣味，通菜炒得還好，未見太老。杯面超多美祿粉，也附有一小層忌廉。甜甜的味道，是大人小朋友

-日日返工都想去旅行🤠，於是約朋友嚟到屯市食下馬來西亞🇲🇾菜，感受下異國風情。一睇餐牌📄，款式多到好難揀。胡椒蝦🦐（$82）好足料，足足有13隻蝦🦐，而且有薄餅墊底，吸左胡椒汁味道，令薄餅🍕更惹味馬來沙嗲豬頸🐷肉串燒🍢［兩串］（$32）豬頸肉看起來好厚實，但食落很爽亦不肥膩鮮蝦炒粿條（$62）份量十足，感覺似河粉，但佢粗身d，粿條彈牙，有蝦🦐有魚餅🐟，味道一流😄馬來風光［馬來棧炒通菜🌿］（$48）呢碟炒菜真係好抵，加上馬拉棧醬香口，辣🌶️妹嘅我當然鍾意喇😍印度飛餅配咖哩雞腿🐔（$58）脆卜卜的飛餅 + 咖哩汁，簡直是最佳組合，雞腿啖啖肉😋唔洗十分鐘已經擺到成枱都係餸，速度超快，抵讚👍🏻馬來西亞令我諗起熱辣辣，逼逼貢。但呢個餐廳完全相反！！環境闊落舒適，除左有冷氣又有吊扇，裝修光鮮簡約，有方枱有圓枱，方便兩個人 or 三五知己聚會。見到隔離枱的椰漿🥥飯 + 肉骨茶好吸引，但係今晚餐飯食到實在太飽，下次一定要試番💪。晚餐3百蚊食到飽飽，今時今日真難得，CP值超高！！！👍🏻👍🏻👍🏻大滿足！！==========SEDAP惹味馬拉地址: 屯門屯隆街3號屯門市廣場二期一樓30-31號舖

平時泰國越南菜食得多，反而唔多覺有馬拉菜，極其量都淨係見過肉骨茶唔經過都唔知，屯市開左間專食馬拉菜既餐廳，價錢平仲好多地道野揀。好似炒粿條，聽就聽得多，但真心未試過。椰漿飯口感煙韌，椰香味十足，比白米飯更易入口最怕巴東牛肉煮到又鞋又韌，呢度既大件又煮到稔身入味，醬汁鹹香中帶甜，好惹味。咖哩配薄餅絕配，餅皮比飯麵索汁力更強，吸收哂香甜可口既咖哩汁，加上口感略微煙韌，好有咬口雞上髀加雞腿各一，肉厚鮮嫩，好飽足欣賞米紙卷新鮮炸起，唔會凍冰冰擺到淋哂；外皮酥脆，裡面包有豬肉、粉絲、木耳，口感豐富。沙嗲醬甜甜地，加埋花生粒惹味十足；羊肉雞肉燒到外皮焦香，肉質厚實唔乾。仲有唔少特色飲品，斑蘭薏米水加左斑蘭粉，好香好甜；紅豆珍多冰紅豆蜜甜，加左滑溜溜口感似河粉既珍多，飲落幾特別臨尾食多個甜品，估唔到鹹鹹地既薄餅都可以做甜品底下既係美祿粉同練奶，用黎沾薄餅食，同時食到麵粉、可可同奶香，忍唔住食完再食，難怪枱枱都嗌

午市套餐點了1. 炒粿條 : 整碟粿條的配料只有兩隻蝦及兩片魚片(苦笑)，當然還有D芽菜及蛋，網評話惹味所以才點來試試，除配料極少外，也不惹味，如果只求飽肚，是合格的；2. 藍椰醬飯配巴東牛肉，巴東牛肉一點都不正宗，牛肉唔入味，肉質不淋，醬汁亦少，喜歡吃巴東牛肉的不要抱有期望。  但鄰枱的食客郤介紹朋友吃巴東牛肉，因之前吃過不錯，可能是我要求高吧

今天第一次來光顧位於屯門市中心的”惹味馬拉”，餐廳開業不久，所以裝修很新，充滿馬來風光氣氛。 ，步入餐廳時發現很多食客都點了海南雞飯，相信這是招牌菜，另外很欣賞餐牌有TOP 1 至TOP 10的食物排名並附上圖片，好讓第一次光顧的我們有參考。海南雞飯 $68 – 雞肉煮得剛好，非常嫩滑，油飯香口，還有附有一碗白蘿蔔雞湯，味道不錯，三款醬汁各有特色，缺一不可，另外碟設計如藤織成的竹碟，很特別。檳城蝦麵 $62 - 湯底鮮甜，散發出淡淡蝦香，配料有一隻大蝦，雞絲，通菜及半隻蛋，麵底是摻摻，即是油麵加米粉，同一時間帶來兩種不同口感。馬來風光(馬拉棧炒通菜) $48 –馬拉棧配通菜十分惹味，而且很有鑊氣份量也很足夠。巴東牛肉$32 – 這是一個小食，有三大件牛腩件， 牛腩入味夠腍，充滿香料味。蠔煎 $56 – 簡簡單單的蠔雞蛋煎餅，蠔粒新鮮，粒粒飽滿。

身為星加坡人的我 試了全港的馬拉星加坡菜 大部份都是掛羊頭賣狗肉或者是食垃圾的。但是今天到了屯門看到招牌入去一試。Order左肉骨茶海南雞飯同檳城蝦面。肉骨茶比我自己煲的還要好喝，可能因為加咗味精。蝦面湯底十足。海南雞飯就一般般不過還可以。想試吓真實馬拉味道嘅一定要try try. 最驚喜嘅就係枱面支豉油竟然用上非常地道嘅醬油膏值得一讚. 肉骨茶可以無限添飲. 價錢方便三樣野加埋只係二百幾蚊。其實都算幾平冇乜嘢特別可以挑剔。