SEDAP惹味馬拉 (已結業)

惹味馬拉餐廳 已經開咗有一段時間一直都沒有機會嘗試， 今日終於有機會試了， 首先我哋叫咗一個海南雞飯，呢個海南雞飯係招牌菜， 肉質比較 幼嫩 ，但份量比較少! 再嗌咗個巴東牛肉配烤餅' 巴東牛肉 比較入味 肉質不靱， 而且有好濃厚嘅肉汁， 大家不妨一試 !再嗌咗個鮮肉炒河粉. 肉眼睇平平無奇.但係入口好乾身一點而不油膩. 至於環境比較狹窄 上菜比較慢一些 座位上可寬敞 在價錢方面亦算合理 體環境大致有四粒星!

聽朋友介紹話呢間野幾好食,今日早左起身就突燈去試下呢間早餐,本身個人好細食, 所以就叫左個半熟蛋配咖央多士再加熱白咖啡試下不過熱白咖啡就唔係送既,要加5蚊呢個組合四十蚊都唔洗, 係屯門市中心黎講都算抵食,咖央多士既咖央醬做得順滑濃稠，非常足料。半熟蛋反而普普通通,無咩特別下次會再黎試下其他野食!

在香港要吃正宗、美味又便宜的馬拉菜並不容易，畢竟東南亞文化遠遠不及日韓文化來得流行。在屯門區開了這間優質馬拉菜館實屬驚喜。大家都喜歡試新店，所以當晚都稍微等了一會兒，但這個等待是值得的。例牌海南雞，不是很大碟，但勝在有雞味吉隆坡咖哩薯仔，份量比較少，但都夠腍及入味。吉隆坡湯咖哩豆卜， 豆卜蘸了濃濃咖哩汁，好吃。雞油飯，夠香口不會太肥膩馬來沙嗲雞串燒，好評。雞肉夠惹味，配上紅蔥頭及青瓜爽囗又解膩。甲洞乾撈雲吞麵，雲吞夠正宗馬來風味，走過油，雲吞皮下沒有太多的餡料，較細粒。一字骨肉骨茶，一般。正宗的應該是很深色、濃稠並帶點藥材的甘苦味，配有油條、腐竹片、大蒜、蘑菇等；這個可能要遷就本土口味，不夠濃郁，一字骨肉質有點硬，配料欠奉。蠔煎，好評。 多蠔仔、蛋嫩滑，咸淡剛好。拉茶，好評。十分正宗馬來風味，泡泡多，香滑可口。店內裝修簇新，職員服務態度很好，所用的餐具都很正宗馬來風格。其實另外還有點馬來風光，但太好味道，急不及待吃了，忘記拍下來。

是夜, 本身喺錦麗食, 點知排咗15分鐘坐低埋先發現, 主食真係得牛肉粉; 事緣我同男友都唔食牛肉, 就無奈咁轉場。見到隔離有間新開嘅馬來餐廳, 就入去試下, 總共叫咗3樣嘢:1) 玻璃魷魚通菜 ($28) - 呢個價錢, 諗住應該會好細碟, 點知比想像中大碟。魷魚係好似街邊賣魚蛋嗰隻質地嘅魷魚, 爽爽地咁, 有少少辣椒醬喺面, 個汁甜甜地又唔會太濃味, 有驚喜。2) 海鮮炒粿條 ($78) - 粿條感覺新鮮, 好似每日新鮮整, 唔識講。炒得夠鑊氣得嚟唔會油膩, 海鮮有d海水味, 蛋炒得好香, overall係好食。3) 椰漿飯配炸雞腿 ($64) - 雞脾腌得幾入味, 食得出用馬來調味粉, 炸得乾身唔油膩, d肉都幾多。飯同配菜就正正常常, 飯無乜椰漿味, 似係有少少咸味嘅晚多d。總對而言, 每樣餸都整得唔錯, 而且份量較足, 兩個中食都幾飽。下次嚟再試下其它, 同埋佢d飲品我都想試, 尤其是紅豆冰(沙冰)。

馬來西亞位於南洋一帶，在泰國與新加坡之間，其歷史演進令其文化變得多元化，亦令馬拉菜也相當多元化，菜式上除了直接沿用其他地區的菜式外，當地的菜式也有其他地區菜式的影子。近幾個月，屯門市廣場開了一間馬拉菜，今日終於有機會一試。 進入店後，店內裝修設計美觀，有不少馬拉的風格，而且燈光充足，環境十分乾淨坐下後，立即打開餐牌；與此同時，後面突然發出"A001"的聲音，原來我們坐下後，便開始叫號了，看看手錶，才剛七點，幸運地早到一刻，不用等位。快快地點了一些食物，因為肚餓，十分期待食物快點來到。不用片刻，來了。巴東牛肉相當入味，但略為偏鹹，但其他配菜新鮮香脆，而椰漿飯濕度適中，不會太乾也不會太沾，而且椰香味厚卻不會帶走飯香味，更重要的還配有蝦味濃厚的辣醬，的確十分惹味。在片刻之間，第二道菜也上桌了印度飛餅到，餅味厚而且十分香口，而且咖哩汁香，飛餅配咖哩又一絕配，而雞腿同樣的入味。頭兩道菜上桌後，第三道菜卻遲遲未到，等了一會，終於也上桌了。四大天王﹗吓，什麼四大天王﹖其實是炒雜菜，四大天王就是豆角、毛茄、茄子和臭豆。此菜火喉不俗，美味可口，但毛茄（即秋葵）選材上可以改善一下，比較偏老，不過也能入口。

周日嘅中午，同表弟過左黎食新開嘅馬拉菜惹味馬拉。舖面幾大幾闊落，座位都好多。係香港食到肉骨茶嘅地方唔係好多，決定要叫番個黎飲下。三色拉茶（左）$30飲落茶香味都幾香濃，奶味唔係好重，而且味道唔太甜。美綠恐龍 （右）$30終極濃郁嘅一杯美綠，杯入面仲加上好多美綠粉粉。岩晒中意飲朱古力嘅人。肉骨茶（細滲）$72 +$15 油炸鬼包括兩條大骨、三層肉、雞腳配料都算多，藥材味唔係好濃。最開心肉骨茶無限添飲。馬來沙嗲豬頸肉串燒 $32馬來沙嗲雞串燒 $28沙嗲調味惹味，有花生粗粒。每串豬頸肉有3件，都幾厚肉。雞肉同樣3件，肉質都算嫩滑。海南雞飯 $68飯幾有薑味，雞肉是凍食的，雞皮內有啫喱狀，雞肉真係超級嫩滑。印度飛餅配印度雞腿 $58雞腿有兩件，肉質都幾嫩滑。薄餅好大塊，外邊脆脆，口感煙煙韌韌。咖喱椰汁調味香濃偏辣。

大年初三，同家人諗住去食餐好的都知道紅日多人出街食，預左要等加上又係新開餐廳，就帶屋企人試下我地由7:20pm等到差不多8:10先入到而且入到去，就遞左張紙埋黎話有咩食物係暫時供應本身想食個d 都係一d熱門菜式都沽清了建議呢間餐廳係紅日預多少少食物供應一字骨肉骨茶可以無限添飲，很好一字骨肉質很"林"身，不錯沒有太濃的藥材味馬來沙嗲串燒 (雞&豬頸肉)醬汁很惹味，甜中帶少許辣雞肉很滑身，豬頸肉很爽口洋蔥及青瓜伴碟，很有新鮮的口感值得一試四大天王以四種配料: 豆角、茄子、秋葵及臭豆炒成味道偏淡，健康之選但我們都接受不了臭豆的味道 哈哈咖哩海鮮喇沙份量偏少兩種麵食過於"林"身咖哩味蓋過了椰香味但大蝦很爽口彈牙蘭花椰漿飯飯的顏色很特別，但沒吃出椰漿味配料如花生魚乾很適合佐酒蝦的醬料很惹味，但偏辣可以一試玻璃魷魚通菜很普遍的魷魚加通菜通菜和魷魚只是普通白灼，再加少許豉油沒有特別整體而言，不過不失食物沒有特別新鮮感且等候時間過長食物份量不算多未試過的朋友可以一試但不會再回頭lu~~

同屋企去市中心食晚飯，睇左一陣都唔知食咩好見到呢間新開就去試下環境衛生幾好，坐得幾舒服野食好快到齊，擺得幾靚我地叫左海鮮叻沙有蝦蜆等海鮮，但唔入味湯底亦唔濃味，不過佢用左油麵+米粉呢點要讚海南雞飯，飯同雞都正常味咖哩雞配薄餅，呢個幾好食，咖哩汁味道剛好魷魚通菜係烚，無味 唔以食

約咗朋友在屯門巿中心見面, 見有新開娘惹菜餐廳, 都好耐無食過肉骨茶喇, 附近又好似無類似既餐廳, 就揀咗呢間"惹味馬拉"。🔸海南雞飯 ($68)🔸雞肉都夠嫩滑, 油飯夠香, 唔知係咪午餐關係, 雞既份量不太多, 飯既份量就夠哂。🔸檳城蝦麵($62)🔸大大隻蝦, 湯底好鮮甜, 令人懷念蝦麵。🔸馬來西亞肉骨茶配燉飯($62)🔸其實香港都真係唔太多地方有得食肉骨茶, 如果有埋油條加埋一齊食一定仲正😃個燉飯係砵仔咁上, 肉骨茶味道都幾好, 藥材味啱啱好, 肉都算淋既, 間唔中回味下星馬美食都係一個好選擇👍

SEDAP惹味馬拉，位於商場嘅偏辟位，好易走漏眼。今日突然想回味係吉隆坡嘅味道，就決定試下呢間餐廳！鮮蝦炸粿條（$62），一人份量，炒出嚟色澤唔錯，食落香口有鑊氣。除咗面頭個幾條芽菜，仲有啲雞蛋片同魚蛋片。粿條入面嘅蝦仔一隻手數得晒，好在唔霉仲好彈牙！馬來沙嗲雞肉串（$28），雞肉唔鞋口唔乾，個醬都幾好食，好多花生粒係入面！印度飛餅配咖哩汁（$42），小小辣。飛餅燒焦部分脆卜卜，下面餅皮夠軟熟，外脆內軟不過味道一般。下次可以skip~環境睇到廚房位。餐牌仲有好多選擇！

發現屯門市廣場有星馬菜，心癢癢又想食。星期日lunch time一點黎到，唔洗等位。望下menu，有我最愛既喇沙，不過我無揀到，反而想試下檳城蝦湯麵。因為呢排食太多辣，諗住唔好食咁多辣野，點知俾個阿姐呃左，佢話只係少少辣，但都算幾辣架！不過個湯底又幾好味🤪有啲炸紅蔥頭，好香，但都幾油，啲辣油浮面搞到啲菜都油。麵底有米粉同油麵，份量比較細，有少少通菜，少少雞絲，半隻烚蛋同一隻虎蝦。虎蝦好似我係超市買開啲急凍虎蝦，爽彈有蝦味，開頭以為俾啲好hea既貨色，有驚喜！不過加埋一要$68，如果麵底大份啲會抵食啲。

Sedap 惹味馬拉呢間新開嘅馬拉餐廳即刻就試下呢間惹味馬拉嘅食物就究竟有幾惹味先咖哩海鮮喇沙隻蝦都幾大隻， 而顏色都幾鮮艷， 好似幾吸引咁。呢個咖哩喇沙有兩種嘅麵喺入面嘅， 一種就係米粉，而另外一種就係油麵， 海鮮嘅料都算充足， 但係要湯底真係比較遜色， 由於食麵湯底係最緊要嘅，所以成個喇沙食起嚟個感覺都係麻麻地， 仍然有好多改善嘅空間。馬來西亞的串燒 雞肉沙嗲醬好多花生粒，但係就冇乜沙嗲味， 只係食到好甜嘅味道。整體嚟講原來呢間惹味馬拉都真係唔係咁惹味，只能夠失望而回。

屯門開了這間店。兩人收工去試試先。店內助㡴寬闊。員工好多😂😂😂幾乎總有一人在附近。點了半隻海南雞⭐️⭐️⭐️⭐️⭐️雞油飯⭐️⭐️⭐️⭐️⭐️個人喜好，特別愛吃雞油飯。雞肉嫩滑👏🏻👏🏻👏🏻👏🏻飯當然係好好味啦。一碗好大份量。一人食咗半碗。再來一個二人肉骨茶。⭐️⭐️⭐️⭐️⭐️好耐無飲肉骨茶。超掛住呢個味道。內裡的骨、肉、豬肚👏🏻👏🏻👏🏻👏🏻👏🏻湯仲可以添飲。好暖胃啊。再來一客鮮蝦炒粿條⭐️⭐️⭐️⭐️比較收左小小及咸左小小但老公話味道剛好。兩人吃了$300抵食。💯💯

今次叫左3樣野海南雞同埋未試過ge老鼠粉and紙巾飛餅海南雞 $83冇乜特別，下次黎唔會叫老鼠粉 $52 再黎都會再叫，未食過，好味佢係一個好濃ge汁煮到d銀針粉淋哂，個汁有好濃蝦米味，非常值得試紙巾飛餅 $68 開頭以為冇乜味，仲以為要叫咖哩個d點黎食，但原來個底有d煉奶同有d好似係美綠粉，又薄又脆，都可以再食，不過係會熱氣ge侍應們都幾好服務態度，但個收銀真係好無禮貌，希望佢只係今日心情唔好，因為我會再黎架

—友人又返咗嚟香港 係時候食asian cuisine沙嗲豬頸肉串燒($32/2)仲有塊薄餅仔搭埋咖央多士($18)吉打皮蛋($20)有子薑胡椒雞翼($26)肉骨茶大骨($83)肉骨茶可無限添飲花甲($68)個湯係辣嘅燒魔鬼魚($88)個醬好濃 魚肉好易拆出馬拉少爺豆腐($52)蘭花椰漿飯配巴東牛肉($66)海鮮炒粿條($78)唔係好食到有海鮮紙巾飛餅($68)應該係甜品嚟 但係好快就上菜之前食過間係煉奶花生粒會喺入面餅底擠咗先呢個就係美祿粉定可可粉 煉奶喺盤上面去蘸——————————————————————SEDAP惹味馬拉屯門屯隆街3號屯門市廣場二期一樓30-31號舖