Sense Cafe (已結業)

22/4 午餐叫了羊架配薯條，不錯但杯齋啡唔多合我口味，剛沖好送來時飄來很香咖啡味，第一啖飲落苦澀，放涼一陣再飲，仍是濃厚苦澀帶點酸已冇咖啡香，再隔多陣飲仍是暖的，苦澀酸，勉強飲咗半杯放棄了

今日同小朋友去食午餐，食香煎比目魚柳，點知魚好多好多好多骨，同第一個侍應講，話會同厨房講，點知無回覆。到俾錢時，同收銀講我話比目魚好多好多骨，佢竟然話魚梗係有骨，可能係今批貨的問題。首先我想講魚係有骨，但西餐食魚柳係唔可能有骨，仲要係好多骨，態度仲要非常差。原來西餐食魚柳係要自己挑骨，睇master chef 都識啦，魚有魚骨係厨師疏忽所致。無對唔住，無唔好意思。咁嘅服務質素，唔好意思，唔講出來都唔得。

同朋友即興約食晚飯，諗住油尖旺大家都就腳，於是搵到呢間位於白加士街嘅餐廳。雖然唔係地舖，但係喺條街度望上去，都會見到大大間餐廳，位置當眼唔難搵。可能約得比較早，我哋6點半已經到達餐廳，當時得兩三枱客，唔算多人。可能因為上樓，而且餐廳燈光柔和，感覺幾寧靜，私隱度幾高，啱晒人少少嘅飯局，方便傾計。今次嗌咗個二人餐，包兩份沙律+湯、一份前菜、一份飯/意粉/pizza、一份主菜、兩杯嘢飲。我哋3個都唔算好肚餓，加上食物份量比想像中多，所以一個二人餐都好夠飽。😋前菜：蒜香清酒煮蜆蜆肉好鮮甜，隻隻都有蜆肉唔會話得個殼，而且都幾大隻！清酒味好香，食落好開胃，推介⭐️😋飯/意粉：龍蝦汁海鮮意大利飯海鮮足料，有青口有墨魚有帶子，唔係求其俾條蟹柳就算😂意大利飯不錯不失，正常發揮😋主菜：香煎美國安格斯肉眼扒（加$38）我同朋友都唔係好食生肉，所以肉眼叫咗七成熟，本身都擔心會唔會overcooked（因為試過其他餐廳，叫七成熟整到好似well done咁），不過佢又冇，肉眼油脂分布好平均，食落油脂味好香，肉質都啱啱好，唔會話好韌好難咬除返開連埋加一，每人都係$200左右，物超所值！當然因為我哋本身唔係好肚餓，可

要不是朋友在網上發現此店大家走在街上真的不會知道有此店存在它隱藏於大廈二樓地下完全沒有招牌及水牌都沒指示但上次去食晚餐真心不錯羊架、牛扒及甜品都是值得推薦的大大件超抵食今次就帶另一朋友來試試它們的午餐原本都擔心午市時間要排隊幸好我們較早一去到就有位單看裝潢應該不用再多說就要支持吧坐檯距離夠寬不會侷促而且他們更有一間VIP房供人開Party用食物方面setlunch價錢中等泰式香茅燒春雞真的非常特別那種香茅氣味非常濃烈雞肉挺嫩一切就分開不鞋口龍蝦汁海鮮意大利扁意粉大大隻蝦肉加青口用料都幾足不過女生嘛最喜歡還是它們的甜品即焗窩夫超級香噴噴外皮脆內裡軟配上雪糕簡直超美味

找佐敦區店時找到了這區少有的西式店，所以走去一試。最後選了紅白心太軟，分量大，紅是分子野莓雪筢，白是分子雪呢拿雪糕。兩者均加入負197度°C之液態氮, 變成碎石狀。我們拍完照後，先吃紅的，莓酸味超濃，而且入口後迅速變回雪筢的水份口感，再試白色，白色未等夠時間，入口時把舌頭黏住了。雲呢拿雪糕很滑，這隻白色又很重奶味，口感的變化超神奇。

⭐Sense Dinner Set⭐💖晚餐非常優質💖有餐湯🥣有沙律🥗有主食🍝/🥩/🍖有飲品☕/🥤/🍹$108-$198不等✨ 1️⃣是日餐湯：磨菇湯，足料磨菇攪拌而成，有口感，有菌香，非常滿足！🍄🥣⭐⭐⭐⭐⭐/5✨ 2️⃣ 凱蕯沙律：沙律菜非常新鮮，份量充足，點綴的煙肉粒及麵包粒都非常脆口，絕不馬虎。🥗☘🌿⭐⭐⭐⭐⭐/5✨ 3️⃣香煎比目魚 ：皮薄而脆，肉質嫩滑多汁！🎉🎉🎊⭐⭐⭐⭐⭐/5✨ 4️⃣ 鵝肝黑松露意大利飯：脆皮鵝肝，外脆內滑，加上黑松露濃郁菌香，完美組合！🥳🥳🥳⭐⭐⭐⭐⭐/5✨ 5️⃣ 禽獸大會薄餅：正常發揮，因為前面兩道菜太出色，稍為被比下去！🤭🤭😅⭐⭐⭐⭐/5建議預先訂座，今日6時到達，已有兩、三檯客人。不到7時半，座位已接近爆滿。☎️📔這家除了基本食物優質外，甜品都非常出色，值得推介！👍👍👏👏👏

🍽香煎檸檬露絲瑪莉香煎雞髀肉 $68Lunch set包蘑菇湯 蘑菇湯好足料 飲到粒粒蘑菇🍄好濃郁雞髀肉用檸檬煎所以好香檸檬味🍋仲可以見到檸檬皮係雞髀表面可以揀配意粉/薯菜/淨菜但其實揀意粉/薯菜都有少量菜配另外加咗杯冷泡雪梨烏龍茶 佢哋係用鮮榨雪梨 仲可以飲到雪梨渣好清新唔會太甜👍🏻另外環境唔錯 雖然座位唔多但座位都坐得舒服唔會好吵一邊食飯一邊同朋友傾下計真係唔錯嘅選擇Lunch時間都座無虛席同埋記得現金埋單可以免加一

呢間很就腳，第一次walk in 上去，服務員態度和藹親切，很快安排坐位。看看menus 價格都親民，我們四人share四個餐。店員知道，立即給我們四個小碟，很窩心。餐後仲係度食埋甜品，唔駛四圍再揾食，即焗窩夫，香噴噴。約朋友仔傾下計，可以再去呢間。起碼冇限時間埋單。

估唔到樓上鋪小店食物質素咁高而且環境唔錯又坐得舒服今次叫咗個 Dinner set for two-前菜揀咗煙三文魚田園沙律跟個餐湯沙律份量好多 多到淨係食個沙律會飽咗🤣餐湯唔馬虎 係南瓜忌廉湯唔係就咁用粉開又稀冧冧嗰種而係食到有少少南瓜絲既小食蒜香白酒煮蜆首先擺盤已經吸引，加埋佢個蒜香白酒汁好食到每食一啖蜆之前，都要狂浸佢啲汁🤣視覺同味覺都滿足哂水牛城雞翼雞翼炸到好酥脆，裏面好juicy佢個辣汁唔會好辣，怕辣既都會食得到主食龍蝦汁海鮮意大利飯擺面嘅海鮮好足料飯粒軟硬適中龍蝦汁好好味而且唔會太鹹會令你愈食愈想食香煎比目魚魚皮煎到好脆，亦都冇咗過多嘅魚油切開魚肉唔會散晒伴碟嘅係南瓜汁， 估唔到配魚又幾好食溫馨提示：一上碟就盡快食，放涼左可能會有魚腥味總括來講，呢間係高質樓上鋪小店擺盤用心，味道絕對對得住價錢食物分量亦都非常之多，我哋兩個人都有少少食唔哂而且環境靚，又坐得舒服值得再回頭啊！

喺「檸檬地圖」揾到哩間餐廳，佢就喺佐敦小明星澳牛對面，喺對面馬路望過去會有「SENSE」燈箱，幾靚。『香煎美國安格斯肉眼扒』$198牛扒面積大，厚度大概0.5-0.7cm；牛扒下面鋪咗一層薯蓉，同埋唔同嘅蔬菜，份量豐富；但肉質普通，唔太多肉汁⋯⋯『番茄汁燒烤菇扁意粉』$98番茄汁用青、黃椒同洋蔥合製而成，茄味都無被蓋過，夠味；鍾意個意粉質地，有彈性⋯⋯『配餐：有廚司精選沙律，餐湯，飲品』+$38🍲「磨菇忌廉湯」湯有粒粒小磨菇，雖然菇味同忌廉味都唔重，但熱辣辣可為佢加分🍹1️⃣「冷泡雪梨烏龍茶」有驚喜，雪梨味比想像中重，烏龍茶竟然無咁岀，少甜；2️⃣「熱情果果茶（熱）」哩個似熱水果茶，入面有藍莓、奇異果等等；熱情果味雖然係主打，但反而唔太岀；熱飲比較甜，可能凍飲有冰會淡啲。📍 Sense Cafe (佐敦)佐敦白加士街56號凱豪商業大廈1樓。回味指數：🟡🟡🟡⚫️⚫️。【後記】➡️👎🏽👎🏽侍應唔夠細心🚫！意粉話咗唔要肉，但佢無通知我哋個「廚師精選沙律」都有煙肉碎！其實多問一句，加上當時人流唔多，照顧下食客需要都唔太難➡️星期日，兩個人1830食飯，有訂位，但開始時，人流未太多；埋單之後，就開始有7成滿，大

今日約左fd一齊上playgroup, 2大2bb我碌左好耐Openrice揾到li間cafe, 喺正playgroup棟大廈對面, 有lift上一樓, 又有bb凳, 地方夠寬敞, 星期六1點去到排左下隊, 入到去見到裝修得好有田園feel感覺好舒服呢, 阿仔對個花草牆好有興趣🤣.🍴我地揀左燒羊架同煎比目魚2個set:羊架- 簡直係驚喜, $158有4大件羊架, 燒到勁香有脆邊之餘輕輕咬就食到, 夠juicy夠嫩夠好味又啖啖肉, 推介👍🏻比目魚- 好好食!!! 塊魚皮好脆, 魚肉每一啖都勁滑嫩, 同埋… $138有好大件, 而送飯仲碗甜甜地嘅汁都唔可以錯過, 正😋.🍴Lunch set包嘅餐飲一d都唔hea, 我嘅熱奶茶多奶飲落好滑茶香豐富. 🍴在場嘅店員個個都好helpful (應該幾靚仔添🤣), 因為我地2張bb凳都要麻煩佢地幫手拎走原本嘅凳ga🙏.

呢度係一間樓上小店cafe 專食西餐同甜品每份套餐都跟沙律同湯 甜品都唔錯野菌忌廉湯,飲到打到好碎既野菌蓉,入口濃香順滑沙律有麵包粒同芝士粉,凱撒沙律,幾清爽主菜 鵝肝配牛肝菌意大利飯, 口感似燴飯,意大利飯粒仍帶煙韌口感牛肝菌味濃香,加埋厚身大件脂香味重既鵝肝,入口豐富鵝油 口感近乎入口即溶既鵝肝非常滋味甜品可加錢要心太軟配雪糕 焗得岩岩好,又多朱古力流心漿又香甜飲品冷泡咖啡同冰沙一杯,夏天飲最解渴 冰沙透心涼,冷泡咖啡清香不苦澀平均消費$200評分8/101/F, Royal Commercial Centre, 56 Parkers Street,

今日朋友正日生日，原來打算order甜品上面寫如果要寫字就要再叫個甜品Happy Birthday加人名，我向女侍應要求，但女侍應叫我直接同水吧講水吧哥哥勁冇禮貌就同我講: 幾時要？可唔可以淨係寫Happy Birthday？嗱嗱臨啦最後order左甜品，上菜就無寫到Happy Birthday同人名，後來了解左因為我叫左班戟+雪糕係寫唔到寫上去（咁點解唔早d講呢）落order個陣女侍應無提我指定甜品先可以落字，當然啦，只叫我直接同水吧落order，最後做唔到亦冇向客人交代，話如果要寫字就要再叫個甜品叫待應執枱又唔理，埋單時打開張矇查查嘅單要你自己睇，完全零互動如果我去呢間餐廳之前細心睇到8月23日嘅劣評應該唔會嚟⋯希望大家揀呢間前要諗清楚，以免老尷同埋受到不禮貌對待

每次一去到佐敦 我就會帶朋友去呢間餐廳食！ 首先環境坐得好舒服！地方闊落！ 枱與枱之間不狹窄！食物方面有很多選擇 我每次去都會食佢漢堡包套餐丶 羊架都好好食 丶二人套餐更加超值～～ 甜品方面：給你有驚喜！ 我最鍾意食佢哋嘅心太軟配埋個雪糕簡直perfect！ 佢哋餐飲可以揀水果茶～好濃郁的水果味， 裏面仲有一粒粒新鮮的生果！ 強力推介！ 有熱飲及凍飲選擇

今日主題都係介紹CAFE 呢間應該係新開既樓上鋪CAFE 評分都唔錯就呢間啦!呢度提供既菜牌係西餐為主 配搭咖啡或茶 一於試下佢咩料午餐叫左份煎羊架配意粉 燒汁 例湯 甘筍濃湯 飲品 熱檸茶羊架五成熟 份量非常豐盛 好大件 伴碟有水煮蔬菜 意粉一份羊架邊位夠肥中間啖啖肉 肥美甘香肉質細緻有彈性 只用香草鹽調味已經非常出色意粉夠彈牙煙韌 份量好滿足 原來打算食甜品唯有留下次試甘筍湯 濃濃甘筍既自然甜味,入口綿密細滑 熱檸茶走糖 香濃不苦澀Sense Cafe 佐敦白加士街56號凱豪商業大廈1樓消費$200評分8/10