Sense Dessert Cafe (已結業)

今日同朋友一齊入元朗，當然帶佢地嚟sense食甜品啦^.^今日嚟到好好彩，可能5點左右，沒有太多人，很快就有位^.^不過，因每個甜品都係即叫即做，所以等嘅時間都比較耐少少。呢個甜品忘記咗個名，但都幾特別，佢用咗d似牛角酥嘅麵包砌粒放底，都幾特別，再配香蕉、脆脆朱古力粒同雪糕，好味^.^朋友叫了全份嘅窩夫配朱古力醬、芒果和綠茶雪糕，雪糕綠茶味都香濃，味道👍B仔爸爸就叫了全份窩夫配朱古力醬、香蕉和蜜糖脆脆雪糕，呢個配搭係最全統又最合拍嘅，但蜜糖雪糕味不是太濃，但都好好味^.^ 朋友叫了下午茶餐，窩夫配綠茶雪糕(餐得半份窩夫)，另外有果茶，果茶味道好好，不會太甜😄 b仔就叫了蜜糖雞翼配薯條，雞翼得3隻，b仔話味道好好味😋

七月盂蘭節突然身痕想應節扮鬼食泥，所以走入元朗朝聖！大家分子料理就聽得多，分子甜品店又聽過未？Sense Dessert Cafe係一間創意無限既分子甜品店，最出名就係Tiramisu 盆栽，賣相爆燈有趣，味道都好好，我食完仲想買多個返屋企！而其他食品都好有特式，味道都唔錯，大家行開元朗可以去試下。Green Tea Tiramisu (意大利芝士餅- 綠茶味)Tiramisu 有三重味道，原味，綠茶味和白朱古力味。Oreo木槺布丁薑蜜之母有香茅和生薑感覺清新！Sense Dessert元朗鳳攸南街9號好順利大廈地下2號鋪

雷聲大(還是我特別留意到？有元朗居民 根本不知盆栽甜品是甚麼)，體積小的甜品。盆栽原來這麽小，拍照以為大大杯，但實 際是一部5吋手機可以完全掩蓋。就像你 想要一個煲仔飯，結果只來了一缽仔飯， 一樣叫人失望。雖然內裏份量不太少，肥膩的忌廉芝士總 會吃得膩膩的。面頭的泥的確比較特別， 吃到有像oreo，美祿，朱古力的感覺。值 得一提的是，面頭的泥加進了爆炸糖，雖 然這跟泥及盆栽似乎沒甚麼關係，但還算 是一個噱頭吧，突然有種粒粒爆破感覺， 算是特別。心太軟一大盤液態氮，即跟lab made原理般吧？上菜 時確是以一粒粒的形態出現，還因太冷須 等一會才吃。綠茶心太軟，之前吃過的，不是小得像扭 蛋，就是內裏流心液極少。本以為這個心 太軟亦一樣，但後來發現，雖然這心太軟 外皮較厚，中間的流心汁液還挺多。芝麻味的雪糕，芝麻香味濃郁，可惜的是 太搶。。。好像比綠茶味更濃，不太配 合，未能相輔相承。當天是閒日的晚上九時左右，人流不多， 比較靜，環境還算可以聊聊天。但是，吃 個甜品都五六七十，的確是叫人難以再回 頭吃同一家。

千里迢迢入到黎元朗、就緊係要試下元朗好出名既sense dessert啦。今次我地三個人叫左紅白心太軟、盆栽tiramisu 同煙燻木槺布甸！可惜收得貴、但無想像中咁好食。紅白心太軟既口感其實唔太match, 而且紅色味種冰太酸。盆栽tiramisu就ok,酒味重、睇番個人喜好、但好細份。木槺布甸就無乜特別、同樣都係細份左d, 但又貴、所以有d失望。 

元朗有出名B 仔涼粉, 又有經濟實惠既泛后甜品,真的很難選擇!!但是甜品來來去去都是普通款式, 幸好還有這間甜品鋪!!之前已經食過一次,幾好, 今次同一班朋友來食!!今天星期六預知多人, 於是8點多已經來排隊...不過依然要等半個鐘。門口人山人海, 原因店鋪不算太大,如果超過10個人坐就比較迫。店鋪裝潢得幾有情調, 很適合兩個人來吃!今次我地一行5人, 大家各自試食不同款的食物!首先看到MENU , 很高貴的封面!再翻開內頁, 種類不算太多, 但樣樣都有特式!兩個朋友來個對決富良野3.7伯爵紅茶牛乳布甸 $45 vs 富良野3.7抹茶牛乳布甸 $45兩個我也試了, 結果是紅茶小勝, 兩個都好特別, 有中間一舊 cream , 放落布甸食, 味道甜一點, 紅茶比較清,但不苦, 配上蛋白脆餅, 整個感覺新穎, 由其是脆餅好得意, 有點像兒時食過的餅..而綠茶布甸幾濃, 喜歡的朋友一定愛, 配上紅豆, 但味道就普通一點.. 今次因為我推介,兩個朋友都食這個紅白心太軟$78因為這個是我覺得幾值得食, $78一點都不貴, 紅白意思是野莓及雲尼拿雪糕, 但經低溫處理, 佢地叫分子, 上枱時有白煙,

同好姊妹相聚，當然要食女人最愛既甜品啦！見呢間野食評都幾possitive，所以一於約埋黎試一試！可能因為下午餐時間，好好彩吾駛等！見到menu上各式各樣新奇可愛既甜品，經過一輪篩選揀左個抹茶意大利芝士餅同心太軟分子雪糕心太軟分子雪糕心太軟相當出色，朱古力味香濃很黎吾會太甜，但可能分子雪糕太凍，所以心太軟食落只係微溫；至於分子雪糕，係我第一次接觸，老實講較為失望，食落極之普通，紅色既味道算明顯d食得出係raspberry，但白色既我同朋友都食吾出咩味，我地做係雲呢拿，但其實食落口感係好奇怪，似一粒粒加左味道既冰。呢道甜品承惠$78，我同朋友都覺得以呢個價錢情願食普通心太軟加雪糕，仲夠食多碗糖水添抹茶意大利芝士餅外型係好得意，但份量真係細左d$58 抹茶味ok既，表面既一粒粒吾凍吾熱既朱古力粉團就真係好普通，個人認為如果係朱古力脆脆口感應該會好d，唯一特別d既係佢系tiramisu 上面加左d爆炸糖~整體黎講其實味道係吾差，但係價錢太貴，份量又小。 甜品既賣相更勝一籌，但其實都係sell gimmick 野，我覺得試一試無仿既，但要我再食過真係要諗下先

七月盂蘭節突然身痕想應節扮鬼食泥，所以走入元朗朝聖！大家分子料理就聽得多，分子甜品店又聽過未？Sense Dessert Cafe係一間創意無限既分子甜品店，最出名就係Tiramisu 盆栽，賣相爆燈有趣，味道都好好，我食完仲想買多個返屋企！而其他食品都好有特式，味道都唔錯，大家行開元朗可以去試下。Green Tea Tiramisu (意大利芝士餅- 綠茶味)Tiramisu 有三重味道，原味，綠茶味和白朱古力味。Oreo木槺布丁薑蜜之母有香茅和生薑感覺清新！Sense Dessert元朗鳳攸南街9號好順利大廈地下2號鋪

適逢假日，又嫌市區的生活太沉悶，於是便約朋友到元朗吃東西。有位住元朗的朋友便推薦我到這間甜品店"食泥"。所謂泥，其實是tiramisu蛋糕裝左一個花盤中。餐廳的設計挺舒服，適合與朋友聊天時候去。我點了一個綠茶盆栽和一個橙酒梳乎厘。味道不俗而且賣相十分精緻。雖然價錢稍貴，大約五十蚊左左右，但賣相同味道應該能吸引到我下次再光顧。

元朗真係一個美食天堂，一條鳳攸南街已有多種選擇，今晚響附近食飽dinner後honey話帶我食甜品，見到外觀同menu係新派甜品已很期待，一打開menu第一頁已相當吸引，盆栽甜品，單係gimmick已攞哂分，好有creative, 又有時下大熱的分子雪榚及變味粉等等，我地左揀右揀最終order甜品如下：心太軟配蜜糖脆脆雪榚 - 賣相好靚，碟上中間白色的係蛋白cream, 此心太軟朱古力味很濃，愛dark chocolate的食家就岩哂，入面又濃又香滑既朱古力漿實在太美味，雪榚球可揀味道，今次決定要個特別點的蜜糖脆脆，可惜有點失望的是個雪榚球只有普通甜味(好似純白糖味雪榚般), 我食唔出有蜜糖味及有幾脆，我倆好遺憾唔叫番朱古力味。。。。伯爵茶牛乳布丁配蛋白脆餅 - 很優雅高級的甜品設計，一杯淺啡色的伯爵茶布丁處理得好好，沒有茶本身的苦澀味之餘布丁好滑身亦不太甜(淡甜對我來說便剛好), 碟上中間的蛋白cream配上蛋白餅好好味，雖然蛋白餅食落口像食空氣般但蛋白味道香濃食到停唔到口，整個甜品高雅清爽可口，我個人十分滿意。開揚式廚房都夠大，menu中甜品款式亦很多，期待短期內再來試其他特色甜品

山長水遠入元朗除左老老土土甘食個b仔雞翼外，當然係要朝下聖試呢個最原始嘅盆栽啦！其實真係冇失望到！有甘嘅創意，好難得！可能D人會話>>>>甘好易姐，我夠諗到啦但我就覺得佢整得好出色啦！我揀呢個係綠茶意大利芝士餅 味好濃，而且好軟滑，夾埋爆炸糖嘅感覺好得意@@我都有做開甜品，覺得甜品係一門藝術一門創意！香港嘅各樣創意產業真係需要各位支持嫁！>3<

返到黎第二日，經過開呢頭，發覺己轉了夏日menu,可能係剛開門關係，店內還有空位，當然係呢個天文台發出嘅酷熱警告下，必然'冰鎮'下先！和之前相比，menu內顯然多左好多相片，還多左幾個特色系列，最令我留意係一個叫變味系列，menu裡還説明左甜品附設一客變味粉，而所謂變味粉，係由一種植物提取出黎，令我好好奇，於是就試下佢'咩料'店員端上變味粉後，還細心講解嘗一嘗旁邊嘅檸檬同西柚角嘅味道，確認酸澀程度，然後將粉末放喺條脷上面溶解，待2，3分鐘再試下旁邊嘅檸檬同西柚，心急如焚嘅我，含至完全溶哂啲粉（應該前後無1分鐘）就二話不説，試下個檸檬角，嘩！唔係之前試過個檸檬有幾酸，仲以為浸過糖水，個檸角入口真係變得甜味，after taste有好小酸味出返黎，好神奇！店員再送黎野莓乳酪雪葩，乳酪混上超微酸雪葩，連最底啲鮮莓同食，即是迅速降溫，呢個甜品有得玩，有得食，值得推介！題外話：此系列，創意滿分，有得玩有得食，健康無糖，店員仲話有啲親烕朋友如果有限制於糖份攝取嘅（我諗佢意思係糖尿病），而家都可以食到甜品，有機會，我會帶我阿媽黎試下！

是夜, 飛車到元朗搵甜食, 目標是 Sense Dessert Cafe等了又等四十分鐘終於可以入坐好一間份子料理甜品, 小妹相信只有兩極,點了 tiramisu 和心太軟賣想挺吸精的盆栽tiramisu, 像真度不俗面上蓋上以脆朱古力粒和爆炸糖等令層次感更豐富, 口感幼滑, 只可惜mascarpone芝士和酒味太低調, 有失tiramisu的精髓 另外的心太軟反而唔錯, 朱古力夠香夠濃郁, 外面厚度適中,一切開朱古力醬便徐徐地流出, 配上雪糕令舌頭有冰火交融的快感。總括, 以份子料理來說, 價位可以接受, 整體表現平均。

「盆栽」甜品早年去台灣都已經食過，琴日行經元朗見到Sense，想回味下就入左去試。甜品店主打分子料理，朋友叫左個盆栽，上台後，賣相真不錯!  入口冰冰涼涼，配料夠多，但係味道其實好一般，配料最好味都只係爆炸糖，有點缺乏新意，希望下次「盆栽」可以再有多d 特色就好啦!另外我叫左個分子雪糕，都好大碟下，同朋友share 會比較好。雪糕一上台就出哂煙，睇落好好味，食落就真係麻麻地，味道有d 怪，有少少似食緊冰咁，食左都無一半就已經停左手，仲要收60幾70蚊....其實overall 價錢真係唔貴，但當然唔係千頌伊既至愛 BO Innovation 個種，始終一分錢一分貨，未食過都可以一試~題外話，唔好order 咖啡，真係唔好飲....

其實一直都好鍾意佢地出煙個隻心太軟 個兩隻放底既分子雪糕真係好好味 由其是白色隻味 但份量愈來愈小 小得驚人 頭兩次食 基本上兩人share都會夠 之後陸陸續續少 有次小到係得面個層呃下你 價錢真係唔平 冇記錯都要成70幾 兩餐飯咁濟 如果唔係自己鍾意都唔捨得比咁貴去食甜品 唔係話要求大件夾抵食個種 但都要合理 自從個次之後 成幾個月冇去過 其實好想食 但真係覺得好唔值！！！ 圖片係第一次食個陣 到過多排既時候得番3分1

早前到元朗親親大自然,由於要友人第2朝要番早,所以7點幾已經食飽晚餐突然諗起元朗依間甜品好似幾出名,就去試下啦由於唔係唔係新界人 都搵左少少時間先搵到間野去到時間仲早 店內得2枱客,d staffs 都仲食緊飯盒 不過都幾好禮貌依間野出名在分子料理甜品咁梗係要叫黎食下啦叫左盆栽tiramisu同玫瑰慕思盆栽tiramisu賣相的確同一般盆栽難分真與假但係食落就真係麻麻地 雖然入邊有脆朱古力粒同爆炸糖但係味道其實好一般,同一般tiramisu冇唔同仲好細杯45蚊真係買個Gimmick玫瑰慕思係就係幾得意,d泡泡口感好得意，淡淡地玫瑰,店員仲溫馨提示小心"族"親不過唔算話好好味,味道普通食物而言佢係名過其實,不過d staffs 就好好禮貌 環境都幾好坐