SHADI

营业中

休息中

🍔 **SHADI**今天我在土瓜灣發現了這間特色小店，型格外觀十分搶眼，讓我忍不住進去買外賣。店員態度友好，讓人感到舒心。😊我點了單層安格斯牛堡，牛肉彈牙多汁，酥脆的肉餅配上新鮮生菜、番茄和洋蔥，再淋上特製醬汁，口感層次分明，肉香與清爽的沙拉完美交融。🍅🥬鹽味薯條外酥內軟，鹽味恰到好處，不會過於鹹膩，每條薯條的大小剛剛好，口感均衡，讓人一口接一口。🍟SHADI真是一個值得一試的小店，無論是牛堡還是薯條，都讓我感到滿意！👍**SHADI** 土瓜灣譚公道108-114號雲天大樓地下A號舖

今日同奴才爸去到土瓜灣覓食，聽陀地朋友介紹呢度有間好正既快餐，我地就一於去探下睇下係咪真係咁正🤭Lamb Shawarma 🐏🥙 Shawarma沙威瑪比較常見係中東地方（敘利亞、黎巴嫩、巴勒斯坦、約旦）有既快餐小吃，大家叫開既Kebab呢個名只係以訛傳訛，下次知道記得唔好叫錯啦😉呢個沙威瑪雖然食落有啲捩hea但真心好正🤤我地叫左少辣，微微辣仲更加惹味，入面羊肉味唔算好臊，再加上蕃茄生菜酸青瓜同洋蔥等配料，增加沙威瑪口感😋醬汁入面有其中一款醬汁都幾特別，就係Tahini Sauce，Tahini是中東、北非、希臘一帶很普遍的一種醬料，中文俗稱中東芝麻醬，令到成個沙威瑪味道更豐富🤤Chicken Pizza 🐓🍕 Pizza上面嘅雞肉係免治雞肉，而醬汁底就係蕃茄醬，仲有蘑菇喺上面🍄‍🟫食落仲好香架😋聽店員講佢哋嘅Pizza底係自己手搓，所以食出嚟比較煙靭軟熟唔會乾爭爭，老母就最中意食呢種pizza底🤤🤑 人均消費：～$100🤩 推薦指數：8 / 10📍 餐廳資料：SHADI (土瓜灣)土瓜灣譚公道108-114號雲天大樓地下A號舖☆.。.:*・°☆.。.:*・°☆.。.:*・°☆.。.:

土瓜灣（近宋王臺站）呢間小店Shadi Burger 朋友話抵食好食今次路過一於試吓. 餐廳座位唔多以外賣為主，堂食坐高凳配埋紅磚牆感覺幾chill. 餐牌簡單主力提供漢堡包、薄餅、熱狗同小食，全部新鮮即叫即製，價格親民大部份都係一百幾十蚊就有交易，飲品就有咖啡同埋一般軟飲料. 加$25升級做套餐仲抵食有罐飲品同薯條. 唔怪得用餐途中咁多街坊買外賣啦. ⭐️羊肉沙威瑪店員介紹呢個係中東常見嘅快餐小食. 內藏大量羊肉、蔬菜及紫洋蔥，烤得好香而且保持飽滿肉汁食落唔會氈. 今次試咗辣味，真係幾辣，不過特製醬汁辣得好過癮. ⭐️手製雞肉薄餅（6 吋）手工薄餅足料惹味，薄餅鋪滿免治雞肉、燈籠椒、蘑菇同芝士. 餅底質感比平時唔同咬落會較煙靭幾特別. 跟餐薯條簡單用鹽調味炸得好香脆. 飲罐可樂簡單滿足嘅一餐.

一向都好鍾意食中東食物，正宗中東食物香港都唔太容易搵到，今日專誠嚟到土瓜灣呢間由中東主廚主理既小店，最鍾意佢食物即叫即做嘅，保留到食物嘅原汁原味！專誠嚟到梗係要食返小店特有嘅食品，叫咗呢個中東美食Shawarma捲餅，另外再叫咗新推出嘅和牛薯條🍟Shawarma 有羊同雞揀，今日選擇咗配雞🤏好鍾意佢嘅卷餅皮唔會硬而好有麵粉香，餡料非常豐富有唔同類型嘅蔬菜包括紫洋蔥，生菜，蕃茄等，因為呢隻肉嘅法係將雞肉切成一片片薄片慢慢燒，所以雞係非常香口👍🏻好鍾意，而且個shawarma 好夠份量，我諗普通女仔可能食唔晒，但對於我呢個忠實fans嚟講食到非常滿足😌至於佢嘅和牛薯條係有心之作，因為佢係即叫即做，熱辣辣，和牛芝士配料豐富但又唔會過漏，同朋友分就啱啱好👍🏻最後梗係唔少得食呢啲香口食物必備嘅Coke Zero，呢餐覺得非常滿足😌一路食都見到有唔少外籍人士入嚟買，睇嚟佢口䠋都做得不錯👍🏻#shadiburgerhk #土瓜灣 #中東食物 #Shawarma #高質 #和牛薯條

住土瓜灣嘅男朋友，話最近發現土瓜灣有間好食嘅餐廳要帶我去食”SHADI”⭐️chicken shawarma職員推介話係新產品，就試下。出到黎個樣好似chicken wrap咁，不過大件好多，入面有超多雞肉，仲有生菜，佢個汁少少辣，好食，同d雞肉好夾⭐️手工pizza spicy pepperoni6吋大嘅薄批，薄薄嘅蕃底，厚厚嘅芝士，配埋辣肉腸，仲有d香草喺面好鐘意佢d芝士，可以拉絲嫁😍仲好好味添⭐️薯條新鮮熱辣炸好，連個盤都係熱嫁，好有誠意，薯條好出色唔係出面賣frozen果種，佢係有皮薯條，雖然唔算係好粗，但係入面有好多薯蓉，食落唔會好油，好好脆，超好食

去到宋王臺站行出去搵下野食 見到上網有人推介一間小舖 就即刻去試吓啦🚶🏻🚶🏻‍♀️Spicy Pepperoni Pizza 🌶🍕Pizza一黎一上面有純牛辣肉腸🍕同埋辣椒醉🌶 夾埋蕃茄醬🍅同埋芝士🧀好香口呀 pizza食落去仲有脆邊呀🍕Lamb Shawarma🐑🐑🐑🐑一打開就即刻望到裡面好足餡🤤🤤有好多羊肉🐑 紫洋蔥🧅 生菜絲🥬 同埋蕃茄🍅 加埋個醬汁好入味🤤🤤 成舊咬落去好有層次😬Fries🍟🍟薯條炸得好脆😬😬 仲有辣粉🌶 份量都大呀🤤🤤 同個 Lamb Shawarma 好夾呀🐑🐑🤤🤤

支持小店，呢間主打burger, pizza 的小店，近期推出左好流行的中東小食Shawarma，一於試一試Shawarma （chicken ）份量勁滿足，外層卷餅亦烤至微暖，包裹住豐富的餡料，內餡有大量洋蔥、爽脆蔬菜，酸瓜、juicy雞肉等配料，由不同的香料特製的醬汁，味道帶少少辣且十分惹味～手工pizza - spicy pepperoni pizza手工pizza 餅底偏簿，但食落煙煙韌韌，有別於平時係外面食到的pizza 質地，表層鋪上了滿滿的芝士，仲可以拉到絲，勁邪惡！而且辣度亦十足，勁惹味juicy~~~

禮拜日…2公婆唔想落街又想食漢堡…平時都係食麥記…mos etc，想試其他，見到呢度咁多好評就即管試下。叫左單牛堡，羊卷，雞肉pizza&薯條，一打開袋，個包已經震憾到我，個包挺身，色澤均匀，賣相已經100分，牛肉醬汁配搭都好食，不過如果個包係唔得，牛肉再好食都係假；羊卷好大條，羊微騷，正！pizza唔差；薯條就普通，冇乜特別，因爲可樂冇得單嗌，所以先加薯條+可樂package。總括黎講，一定會翻啅。綜合評分(5⭐最高)牛堡：⭐⭐⭐⭐⭐羊卷：⭐⭐⭐⭐pizza：⭐⭐⭐⭐薯條：⭐⭐⭐

土瓜灣小店，舖仔細細真正食到中東風味的Pizza同Shawarma雞肉Pizza （$65）Pizza做得出色，個pizza餅底做到煙韌的口感，而雞肉碎加蘑菇同醬料的味道配搭得剛剛好，加埋熔化中的芝士，做到唔係罐頭pizza的口感同味道。👍🏻羊肉Shawarama ($95)我平時自己都有整下墨西哥餅食，但真係整唔到佢呢隻味。最主要佢個醬汁好好食，好清新，配搭中東風味的羊肉，同埋焗到香脆的餅皮，好食。除左羊肉，仲可以選雞肉，一個都好飽肚。另外配埋厚切薯條，薯條厚切得來，做到好香脆，配埋唔會太甜的茄汁，值得一試。😋

6” Octopus Pizza $85呢個pizza不得了不得了，完全估佢唔倒咁好食。新鮮焗起嘅pizza，包邊鬆軟，個底唔會過薄唔會濕，拿捏得啱啱好。有呢個無敵嘅餅底，基本上揀咩topping都會好食，希望佢可以出大啲size嘅pizzaChicken Shawarma $80可以揀唔同嘅Sauce同肉, 今次試咗Chili Sauce配雞肉。雞肉嘅份量唔少，食落去辣辣哋，配埋蕃茄，西生菜，洋蔥，酸瓜，同醬料，一啖食落去非常滿。

-想食中東菜嘅朋友要留意啦，呢間位於土瓜灣嘅小店由中東廚師主理，食物即叫即做之餘仲可以食到真正中東風味👍🏻餐廳提供多種Shawarma🌯、Pizza🍕、漢堡包🍔、熱狗🌭等。餐廳以外賣為主，店內亦有一張吧枱同小圓枱。🌯Shawarma (Lamb) $98Shawarma(沙威瑪)係中東地區(敍利亞、黎巴嫩、巴勒斯坦、約旦)常見快餐小食。製作方法係將肉切成薄片，然後放係緩慢轉動嘅垂直烤肉架上烘烤，同時不斷將表面已烤熟嘅肉切下而成。今次我地試羊肉🐑不過餐廳都有提供雞肉版本🤩菜式以酥軟卷餅包裹住羊肉、紫洋蔥、蕃茄、生菜、青瓜等。羊肉雖帶濃香肉味，但完全無羶味。蔬菜類令口感豐富，同時有助消滯。餅內亦有辣醬、蒜蓉醬等，相當惹味😋🍕Chicken Pizza $65Pizza size為6吋，配料包括免治雞肉🐔、磨菇、燈籠椒、蕃茄醬、馬蘇里拉芝士等。整體羅勒味道濃郁，令雞肉味道提鮮唔少🥰芝士質感柔軟，帶清新奶香味。值得一讚嘅仲有pizza嘅餅底，口感軟糯，唔會太乾身👍🏻🍟Fries $25鹽味薯條，外脆內軟，帶天然薯仔香味。

屯馬綫開通後基本上去到九龍城和土瓜灣都變得方便。最近探望住在附近的朋友，離開時見到有間專賣burger和pizza的小店，pizza竟有6吋size可選，身為pizza控的我表示高興！點了她的Spicy pepperoni pizza，辣度十足。辣肉腸以牛肉腸為主，味道鹹香爽辣，確實是辣愛好者的天堂！店內也有一款叫Shawarma的包類，肉餡可以選雞或羊。這次我點了雞肉，有淡淡的炭燒香氣，而且配上蔬菜和他們的特製醬汁一起吃，我覺得比Kabab更好，好像感覺也健康一點😂。

這家店厲害、厲害。少有的面面俱圓店舖，出餐稍慢，成品一流。不同於部份土耳其或中東菜館，把例如沙威瑪之類的烤肉類弄得十分乾硬柴皮，這家店的肉基本上都豐厚多汁，配料繁多且合宜，加上類似於希臘薄荷醬一類的調味，在豐富的層次之上又有解膩的酸味，整體味道和洽O  食物仲要勁大份。皮有小麥香，包又幾乎圖片與實物一致，頂呱呱。店內位置不多，僅有兩張枱，可能只能裝5-8人左右。濃縮特點：烤香！多汁！不膩！層次豐富！份量大！

最近新搬入土瓜灣周圍行睇下附近有咩外賣好食意外發現e間中東外賣小店好好味今次叫左shawarma LAMB羊肉沙威瑪一打開就見到裡面超級足料而且係好大一份最後係食唔曬 因為一個人食實在太飽了裡面有大量羊肉 紫洋蔥🧅 因為烤得好入味而且香料好足 所以食落層次好豐富我覺得好味過好多類似餐廳所以都會之後encore另外叫左薯條都係炸得好酥脆忍唔住全部食曬整體都幾好味而且我覺得份量多到兩個人都ok有興趣朋友可以試下

📍Shadi經過宋王臺見到呢間中東小食店，聞到勁香薄餅味😋店內有幾個座位坐低食埋都得，呢度嘅食物係即叫即整嘅，所以需要等少少時間。Shawarma Lamb $95呢道菜係中東地區嘅快餐小食，但喺香港就比較少見，佢同kebab係兩樣嘢嚟嘅。我揀咗羊肉，料非常足食到底都仲有，羊肉冇臊味👍🏻適合兩個人share。Margarita $55一打開個盒就聞到勁香🫶🏻啲芝士多到好似唔使錢咁🤣咬開會見到批中間嘅蕃茄醬，焗到燶燶哋真係好正。我食pizza最鍾意食批邊，呢個脆得嚟好鬆軟💯Fries 跟餐+22即叫即炸新鮮滾熱辣，簡單點蕃茄醬已經好好食😋未影相已經忍唔住偷食咗幾條🤪