Shake Up! (已結業)

經過尖沙咀，見到一間鋪頭嘅嘢飲好吸引，一於試吓先！曲奇焦糖奶昔$48我不嬲都好鍾意食曲奇味嘅，佢個奶昔係用Movenpick雪糕加牛奶整嘅，而且冇加冰落去，所以口感好滑。嘢飲鋪滿左好多曲奇碎🍪喺面，仲有一塊Oreo，飲嘅時候記得浸一浸，最後先食塊Oreo，有咩特別係最好嘅享受😝😝食到底仲有好多曲奇碎，正！奶昔面有焦糖，不過又唔會話有一種好膩嘅感覺，杯邊都有焦糖加曲奇碎，令到成杯嘢飲都變得幾靚。朱古力岩鹽焦糖奶昔$48加$10就可以係出面加裝飾，係杯邊搽左花生醬再痴d蜜糖圈圈上去，好玩、好睇又好食🥰杯野飲好有層次，奶味好濃郁！幾鍾意佢用岩鹽加焦糖，鹹加甜味嘅配搭令人好有新鮮感。愛麗絲沙冰係用新鮮嘅野莓加伯爵茶打出嚟嘅沙冰，好有誠意嘅飲品，水果味好濃郁，仲有好多野莓☺️鍾意食野莓嘅你我諗都會好認同呢杯嘢飲好飲嘅。

Movenpick 雪糕就食得多， 用Movenpick 整的milkshake, 就真係第一次試。 真心真材實料~~見住佢放左兩大球雪糕入去打，仲可以揀一款toppings, 增加口感！ 店員見我眼甘甘咁望住d蝴蝶酥，仲請左我試食唔同味道，試左原味，earl grey同雜莓，都好鬆化，又唔會好漏，可以買泥送禮都得其實喺cafe叫一杯野飲，加埋一都要$5x, 而家$48 有咁大杯雪糕milkshake, 都真係幾抵玩！兩個人share都夠晒😻

係雜誌見到介紹milk shake ，用movenpick 雪糕造奶昔底，好吸引，今日又經開尖沙咀，就去試試。睇menu 好多味道都好吸引，心水岩鹽朱古力，因為本人係chocolate lover! 但店員推介新口味：奶醬多味！咁有香港味道，梗要試試！shake up 以用movenpick + 奶作奶昔底為賣點，不會加冰，所以奶昔味較濃郁！奶昔杯邊放幾片多士作點綴，原來多士沾奶昔飲又幾好食！個味都幾似奶醬多！又不會太溜。下次要試埋岩鹽朱古力味！

見食評多人讚,今日特意食完晚餐去試。第一次飲，覺得奶昔好足料，見住店員大大舊雪糕放落去打。奶昔飲落口感豐富同好滑，但因為太易入口所以好快就飲曬，如果可以再大杯啲就更好！ps.個度既員工都好nice

第二次飲呢間的milkshake。由於上次無貨只得反兩個味揀，飲吾到我中意既朱古力，今次再黎終於有得飲喇。一入去店員都好熱情打招呼，感覺好nice。我就叫左杯岩鹽焦糖朱古力奶昔，見到佢地每一杯都係落足料同好俾心機整既，面頭好多cream又有啲脆圈圈。而雖然佢係朱古力味，但飲落完全不會太甜，會feel到少少岩鹽味，我覺得係朱古力迷必試之選。飲到最底啲圈圈都仲脆既，不過我就麻麻喇，個人認為如果改成朱古力針會開心啲。

今日放假行尖沙咀突然諗起曾經係instagram見過嘅一間新開milkshake shop，俾佢upload既圖吸引咗所以決定去試一試。位置雖然唔係十分旺，但係美麗華商場行去大約只需5分鐘都唔洗既路程，所以都算方便。今次去到門口有位可愛既小妹妹幫手派傳單，仲好有耐心咁介紹咗店入面唔同特色既奶昔。可惜當日去到只得返士多啤梨奶昔同白雪公主，最後揀左士多啤梨奶昔。賣相方面都好吸引，粉紅色加上七彩既朱古力針。而味道方面甜度幾適合我，口感奶昔幾香滑，加上佢有少少硬脆既朱古力針同埋士多啤梨肉，有幾種唔同既質感味道。下次一定要試埋其他味道。最後有少少建議，飲用前最好攪勻佢，等飲用時個味道會均衡啲。

雖然唔係處於熱鬧嘅大街小巷，但行街經過美麗華直行過去其實都好方便。奶昔同沙冰都有好多味可以揀，全部都裝飾得好靚，好ig-able! 各款都係用movenpick雪糕整成，所以4十幾蚊一杯一啲都唔貴。今次試左曲奇焦糖奶昔，上面有一大層cream，好正好邪恶！如果唔鐘意cream店員仲會好貼心幫你整溶啲棉花糖代替，好窩心呀！🥰上面撒左大量蜜糖星星同曲奇碎，仲有啲朱古力醬，奶昔打到好滑，配合啲toppings，成件事好豐富好正呀！

皇牌沙冰白雪公主，口感豐富實在，起初仲以為只係一些普通逗奶味沙冰，點知佢地係口感上都別出心裁，係夾層上加了不少口感豐富的食材，令到每一嗒飲起上黎都有咬口，由其是依家天氣炎熱，真係飲完透心涼除此之外另外仲有兩款沙冰口味，聽介紹就一款係酸酸甜甜的和果味十足的選擇～當然還有商店既核心飲料，用兩大球Movenpick製造既奶昔，可謂不惜工本，足料也講究，現時更加有7款選擇，而其中夏日芒芒，內裡除了有豐富果肉外，更有兩款配料俾你選擇，真係人人都有心目中的milk shake😍期待飲埋其他口味

哈哈哈 食飽咗晚餐、10點先黎飲 除咗肥之外我諗唔到用咩去形容🤣🤣行過Shake Up ⋯ 見到有新開舖頭就決定要試一試佢Wow’ 真係好好飲🥤飲咗一杯 #瑞士蓮姐一杯 #啡是故鄉濃 加左大量棉花糖🍨雖然肥、但係正正就係好好飲🤤咖啡唔苦月有埋棉花糖甜甜地 我係一個夜晚飲咖啡都唔會瞓唔着嘅人而朱古力對我來講有比較甜所以咖啡正合我心意🥰朋友係朱古力控瑞士蓮姐啱晒佢我試咗一啖真係好甜⋯超級甜 🍫不過如果鍾意食朱古力嘅人⋯應該真係會好鍾意❤️

尖沙咀 飲品新勢力 美式奶昔專門店 風起了新潮流！shake up 新鮮食材製作 加MÖVENPICK雪糕 MILKSHAKE 美式奶昔,一向比人感覺甜又膩香港人喜歡清爽酸甜既飲品比較多~你睇芒果,檸檬食材既飲品食品咁受歡迎就知啦呢度既老闆花了長時間研究食材比例調配出獨特既冰沙同奶昔我幾睇好佢,完全係一種新飲品風潮想搶先體驗新味道記得留意啦 用上MOVENPICK雪糕打奶昔落足料用重本,好飲到你一試愛上冰沙就用足料打成,食到細碎果肉,甜度剛好 愛麗絲沙冰 用上多款莓類及伯爵茶食到果肉感,甜味天然,沒有添加化學糖漿解渴又順滑,我個人就最鐘意呢一款啦唔飲奶昔既朋友一定要試試 芒果奶昔 大量芒果肉打成頂層有綿花糖同CREAM味道甜香之餘又飲到Mövenpick雪糕既幼滑店主說這一款最多人飲腐竹純素豆奶冰沙又名白雪公主口感綿滑,淡淡豆甜慢慢散發出黎飲品頂層再加杏仁片同燕麥健康選擇,超受女生歡迎喜愛Shake Up$48 一杯每杯附送2款配料，另外每款加3元。尖沙咀金巴利道58-60A號金碧閣地下D號舖Shop D, G/F, Kimbry Court, 58-60A Kimberley Roa