Shelly Cake Express

营业中

休息中

依間店舖門面較為普通，但它賣的是好味道及人情味，每一件甜品都是老闆親自製作！店舖選擇的伯爵茶包，也是精挑細選，茶味香濃，入口甘香！甜品控的你，必試這些甜品，每一件味道及甜度均衡，不會太淡，與伯爵茶簡直是天作之盒！

推介大家去南丫島嘅話可以去左榕樹灣先個邊嘅餐廳比較多醫飽肚仔再行去索罟灣行山食完正餐就梗係要食個甜品啦 ( * ֦ơ﹃ơ֦)呢間甜品店鋪上碎花桌布 好有田園風適合同朋友仔食個𝕥𝕖𝕒閒聊一下餐廳嘅招牌係豆腐芝士蛋糕食落好有豆腐花味 幾清新✿.˚‧º‧┈┈┈┈┈┈┈┈┈‧º·˚.✿打卡無窮_離島區

而家呢個時勢，去下南丫島當去左個小旅行，去得旅行當然要揾間cafe 打下卡同chill下，係榕樹灣後街有間Shelly cake express，門口有賣自家製冰棒，星期日下午茶時段等左一陣就有枱，舖頭細細但有居家感同好有人情味！招牌豆腐芝士蛋糕（$65）雪白既蛋糕上面灑左好多玫瑰花瓣，一上枱就好香花味，入口口感比較軟身，豆腐同芝士既味好夾，餅底偏脆，食得出好香既牛油味。雖然有少少貴，但同人分享試下都尚可接受。凍美式咖啡（$36）未入舖頭已經聞到好香既咖啡味，一定要叫杯飲下，但飲落就比較淡。荔枝乳酪沙冰（$47）普通沙冰係$42，加$5可以加yogurt，香甜既荔枝味，酸度好夠好足料，行到熱辣辣最開心飲到甘冰涼既沙冰！

復活節假後仍然想去郊遊下, 向熱辣辣天氣黎之前入南丫島.♥️ 見到好人都推介Shelly Cake Express既豆腐芝士蛋糕,好多時候都沽清左, 今日經過見到店舖有位,  問問店主仲有豆腐蛋糕, 就把握機會, 即刻坐低試下叫左豆腐芝士蛋糕同檸檬芝士蛋糕,  一試真心有驚喜, 餅好有豆腐味,  味道真係同其他芝士餅好唔同, 質地適中不太軟不太硬, 又唔會好甜, 無向其他餅店食過呢個味道, 好似食緊豆腐咁, 淡淡芝士味無搶豆腐味 🍰而另一款檸檬芝士蛋糕酸酸地加埋芝士味道幾夾幾清新, 唔會好甜好漏. 🥧飲品叫左百爵茶, 好香濃唔系普通超市茶包, 店舖細細但坐得好舒服, 坐向到食件餅飲啖茶, 真系覺得自己放緊假,  好想坐多陣但由於要由榕樹灣行去索罟灣, 所以坐左陣都要行.☕估唔到向南丫島食到在市區沒有的味道, 入去郊遊都值得試下, 但留意堂食就要每人最少叫一個Set 食物及飲品, 亦有人買左件餅外賣出去海邊食, 都系唔錯既選擇

@shellycakeexpress Lunch食咗個大排檔，不過唔好提啦～因為坐出面好多蚊😮‍💨咬到成腳蚊難，快快趣趣食完就走🚶‍♂️🚶‍♂️跟住就見到有間招牌豆腐蛋糕😍😍回復返個心情先我地啱啱好叫到最後一件豆腐cake，太好了💓💓如果要堂食就要每人最少叫一個Set( 食物＋飲品）🍰🍹我地揀咗桂花味雪糕🍦勁好食！好香桂花香味，係老闆娘homemade，超勁🤙另外個豆腐cake更加係amazing，出面從未食個呢個口味，好似真係食緊豆腐咁，芝士味又唔會好濃搶走個focus😝老闆娘都好Talkative，同我地傾咗好耐計😚都知道佢成間舖一腳踢好辛苦，希望繼續支持落去！❤️‍🔥📍Shelly Cake Express (南丫島)南丫島榕樹灣後街21號地下C舖

下巴仔評分（5星為最高）此次為外賣自取體驗味道：🌟🌟服務：🌟🌟抵食：🌟🌟重點推介🤤👍🏻 招牌豆腐芝士蛋糕豆腐芝士蛋糕上放左玫瑰花瓣🌹好有格調 美美的 但可惜蛋糕味道未能驚艷我哋 先講質感 感覺上佢比起平常嘅芝士蛋糕更散 享受唔到軟滑嘅質感👉🏻👈🏻而且餅底屬於淋身 缺乏口感 豆腐味道超突出 但咁都代表着完全食唔到芝士嘅味道🧀有啲失望呀!注意事項⚠️- 店內有最低消費 想幫襯嘅客人就要留意啦‼️或者好似我哋咁外賣自取去海旁附近食都可以- 蛋糕價錢偏貴 但外表精美😚

天寒地凍再加落雨係甘既天氣之下，我高太終於完成由索罟灣行去榕樹灣既壯舉解鎖左人生成就不過可能因為落雨加寒冷天氣，影響左少人去南丫島玩我地行完都差唔多五點鐘，平時依個時間，個招牌豆腐蛋糕都應該賣哂今日好彩仲買到個外賣高太甘叻，買個蛋糕俾佢甜下先招牌豆腐蛋糕蛋糕唔太甜，唔食甜野既高生都食左两啖上面啲花幾香，唔係純粹裝飾蛋糕既豆腐味幾香，餅底係曲奇餅底，一樣都唔係太甜，幾爽脆成個蛋糕唔太甜，豆腐味夠香，幾好食

-招牌豆腐芝士餅香濃豆腐味 淡淡芝士味軟身口感 入口滑流灑上玫瑰花瓣 少女花爆棚🥰♥ 𝟾/𝟷𝟶-𝐼𝑐𝑒 𝑅𝑜𝑠𝑎 𝐿𝑎𝑡𝑡𝑒🥛店主推介 濃郁咖啡味可惜蓋過淡淡的玫瑰花香味♥ 𝟼/𝟷𝟶-𝐼𝑐𝑒 𝑇𝑖𝑟𝑎𝑚𝑖𝑠𝑢 𝐿𝑎𝑡𝑡𝑒配上冧酒的咖啡 酒味不太重濃郁咖啡香味中帶點淡淡朱古力的甜♥ 𝟽/𝟷𝟶📝店內有 𝑚𝑖𝑛𝑖𝑚𝑢𝑚 𝑐ℎ𝑎𝑟𝑔𝑒 $𝟾𝟶/𝑝𝑒𝑟𝑠𝑜𝑛

今日同女朋友入南丫島chill住過週末~行到有啲攰就去呢間cafe食個蛋糕飲杯咖啡入到去堂食有Minimum charge人頭$80蚊大概一人食個cake再加一杯咖啡都夠入到去店員好熱情好詳細咁介紹當日有邊款蛋糕~諗完一輪最後決定試佢呢度招牌嘅豆腐芝士蛋糕同埋店員推介嘅焙茶半熟芝士蛋糕靜岡焙茶半熟芝士蛋糕 ($72)呢個蛋糕意想不到咁好食！有好濃嘅芝士味！一啲都唔會太甜！推介！招牌豆腐芝士蛋糕 ($65)呢個招牌豆腐芝士蛋糕豆腐味好足！略嫌冇乜芝士味！但個餅底非常脆！唔錯！Irish Cream Latte ($40)Matcha Cream Latte  ($40)呢度嘅嘢飲就相對麻麻！抹茶latte太重奶味！唔係好飲到抹茶嘅味道Irish cream latte 就比較苦，酒味亦唔太出！可惜！如果嚟到南丫島想搵間Cafe食個Cake，絕對推介呢間小店

 ☕️ 食物：👍🏻👍🏻👍🏻 /5 💰CP值：👍🏻👍🏻 /5 🤵🏻 服務：👍🏻👍🏻👍🏻  /5  🛋 環境：👍🏻👍🏻👍🏻/5 去離島玩樂，可以一嘗既甜品店，熱情既店員，悠閒既環境 豆腐芝士餅 望落感覺白白淨淨軟滑，蛋糕上有玫瑰花瓣裝飾，入口即溶，最神奇既係豆腐味好突出，好神奇豆味比芝士味更突出～原味巴斯克半熟芝士蛋糕口感Creamy而不又膩，芝士味濃郁，不錯不錯 ！

我自己就麻麻哋❤️食芝士餅，不過朋友就因為想食佢個豆腐芝士餅而專登入去食。打開門先至發現每位最低消費$80 ，不過老闆娘都好好人，可能因為今日係平日同埋我哋一早入到去，佢話你哋一人嗌一樣嘢啦⋯⋯豆腐芝士餅個味道真係同其他芝士餅好唔同，最主要就係好有豆腐味，但就沒有濃濃嘅芝士味，對於我唔喜歡芝士嘅人來說，我覺得唔錯😌。另外我都嗌左佢嘅Rose latte, 咁我又覺得幾好味，尤其是佢擺咗唔少嘅玫瑰花辦上面，所以令到杯咖啡好香。不過就嫌佢細杯咗啲😝不過就今日Shelly 舖頭個洗手間壞咗，要遷移玉步去到好遠嘅公共洗手間🚻

每一件成功豆腐芝士餅背後。。。都有一間好靚既咖啡店。🌸位於南丫島既Shelly Cake Express 係一間好靚既咖啡店，每次黎到都要入去飲杯野食件餅。🍰☕️呢度必食既係招牌豆腐芝士餅，呢件餅唔會太甜，清甜剛剛好上面仲有玫瑰花瓣，打卡一流。除左豆腐芝士餅，仲會有每次都唔同既餅，今日有曲奇芝士餅，中意朱古力既朋友都唔好錯過。除左餅，呢度既野飲都好好味，朋友呢杯係愛爾蘭咖啡，唔係度度有得飲。呢杯係泡沫焙茶，焙茶味香濃順帶一提，呢間咖啡店堂食每位最低消費$80，一件餅一杯野飲差不多。呢度既一枱一凳，杯杯碟碟都好靚好值得黎打個卡順便休息下

南丫島好出名食呢間嘅豆腐芝士蛋糕，所以一場黎到當然要試下。不過堂食每人最低消費為$80，而一件芝士蛋糕只係$65，我同朋友都只係想食件芝士蛋糕，食唔到咁貴，所以就叫咗芝士蛋糕外賣。餐廳環境好細，從門外望入去感覺環境較暗，所以起初都唔敢行入去。揾店員落單時，佢戴緊耳機，都唔係好理我哋咁，我哋話想要多隻叉，最後都冇攞到😅。招牌豆腐芝士蛋糕 ($65)入口好香濃豆嘅味道，反而芝士味唔濃，似食緊豆腐多D😂。感覺比較清新，冇芝士蛋糕咁膩，推介大家去試下👍。

擒日下午1點幾，難得同2位同事可收早半日，一同入南丫島諗住行吓，Hea吓…(我都有成10-20+年都無入過南丫島了詳盡行程唔多講住，主要想講吓，Hea完準備回市區前，去品嚐一吓甜品先~店舖細細，一入門口右前水平線高少少牆嘅方向，有塊黑板寫了是日推介~首先，當然一定會揀~"招牌豆腐芝士旦糕"~啦再揀~原味巴斯克半熟芝士旦糕~同事想食雪糕，然後揀了~香蕉船，因為可選擇3球雪糕/純素雪葩，而經靚靚老闆娘推介，我哋揀了~柚子味蘋果批味同紫薯味~基於我哋3個女子都超愛甜品，加上自己又算係做同類行業，根本無需要睇咩價錢，想食就盡情地嗌~再點了~2熱1凍美式咖啡~首先上枱係~招牌豆腐芝士旦糕，感觀望落去旦糕純潔軟滑，旦糕面上絕不馬虎地灑上玫瑰花茶嘅玫瑰花瓣係前方，而後方插上一朵完整的玫瑰花茶，再用花紋碟盛上，由此可見，老闆娘用心良苦~口感軟綿綿，滑溜，我食到嘅豆腐味竟然能遮蓋到大部份嘅芝士味，究竟我係食緊豆腐定係芝士旦糕呢？感覺非常之出奇~然後再嚟~原味巴斯克半熟芝士旦糕，一來本人對靜岡焙茶味不多太大好感，二來亦認為所有嘢首先品嚐原味係最原始美好啲~一落叉，咦…？比我想像中更軟熟，芝士味濃郁，口感超

來到南丫島工作，風和日麗，今日🌞好猛烈，戶外工作了一個早上，已經大汗疊細汗。到了中午，要搵一間舒服啲既地方抖下，openrice見到呢間食評好似唔錯，於是經過時入去抖下。一入門口，職員已經講定每人最低消費要$75，之後我搵左個靠窗位置坐低。職員好細心同我講解有D乜嘢食。我叫了一個豆腐cheese cake 🍰+ 熱mocha☕️，歺廳窗邊放了不少小擺設，令人覺得自己好似身處異國，歺廳以粉紅色🌸🌸做主題，好有少女風！等嘢食嘅時候，老闆娘一面整，一面同我閒聊幾句！豆腐芝士蛋糕面上灑上了玫瑰花瓣，好靚。未到就好像食百福豆腐花一樣，少少甜，芝士味唔濃。😋咖啡方面size 唔大，味道一般！由於閒日，遊客不多，慢慢坐了一會兒才上船！為工作後偷閒加油💪🏻的選擇！