Simply Thai MODERN CUISINE

营业中

休息中

同朋友去左太子嘅一間泰國餐廳小店開餐，點知誤打誤撞有驚喜😍今次我地叫左小食拼盤($118)、SIMPLY蒜蓉包($38)、泰式青咖喱(雞)($88)、香葉肉碎煎蛋飯($78)、MINI PUDDING($18)*2、泰式奶茶(凍)($28)、蝶豆花青檸梳打($38)裝修簡約時尚，仲有D泰國風情嘅裝飾，氣氛都幾好😃小食拼盤：有蝦片、蝦餅、魚餅、泰式腸、香茅雞翼，份量都幾足，蝦片炸得好香脆，唔會油膩。蝦餅、魚餅、同泰式腸都好彈牙香口，點埋個甜辣醬黎食，更加惹味😋香茅雞翼已經單骨處理左，方便食用又滋味SIMPLY蒜蓉包：呢個係餐廳自家製嘅蒜蓉包，極力推薦🤩蒜蓉味勁香口，外層酥脆而內裡鬆軟，而且唔會太乾，仲點埋D青咖喱食，正🤤泰式青咖喱(雞)：個青咖喱唔算太辣，但係辣得黎又好香D香料味，好開胃，而且個雞肉都幾嫩滑，唔會太老，入面仲有D茄子配料，食落又幾唔錯😋香葉肉碎煎蛋飯：飯粒炒得乾身唔會黏埋一舊，加埋肉碎炒得好香，而且有D香葉嘅味道，好特別😍而且個煎蛋又煎得好好，外層少少煎香而唔會太熟過硬👍🏻泰式奶茶(凍)：個味道真係同泰國飲嘅一樣，超讚👍🏻冰凍得好好，而且奶味同茶味都好濃，唔會太甜，飲落好

喺基隆街一帶咖啡店群當中搵到呢間泰國菜，餐廳由泰國人主理，東北咖喱麵都有。 除咗a la carte 仲有一人晚餐，價錢實惠又有驚喜！ 🥢泰式青咖喱。雞香氣濃郁，辣得黎質感輕身唔太濃稠，味道層次豐富，有椰香但唔鹹。雞肉大件嫩滑，茄子稔透吸收哂青咖喱汁。點左Simply蒜蓉包🍞真係絕配！ 呢個真係非一般蒜蓉包，自家製同平時食嘅好唔同，質感海綿般鬆軟香口，滿滿蒜蓉燈牛油香！泰北辣肉碎生菜包🥬肉碎粒粒分明乾身，辣味到位生菜爽口，唔會拎上手好多水份泰式炒金邊粉。蝦🦐大大碟金邊粉麵條煙韌，芽菜鮮爽，蝦大隻鮮味。拌勻花生、辣椒粒，滴埋青檸汁又提升味道🍹飲品點左蝶豆花青檸梳打有紫藍色既蝶豆花啫喱，幾靚！ Lime soda 清爽解膩。🧉椰青大大個，清甜透心！ 最後甜品🥄泰式奶茶布甸🍮奶茶味道好balance，濃厚茶葉嘅香味，布甸滑溜。走嘅時候見到燒白鱔串，原來仲可以預先一日訂海鮮、其他食材！

今次要介紹太子基隆街呢間泰國人主理嘅正宗泰國菜餐廳，開左幾個月到仲係好新，餐廳環境真係令你仿如置身泰國一樣非常地道. 菜式選擇都幾多，價錢合理，🚨全日唔收加一超驚喜，幫大家慳住食食住慳.🤑#香辣肉碎生菜包餐牌special之一梗係要試下啦. 肉碎比較乾身偏咸，配上洋蔥辣椒等香料好惹味，比較特別係加埋豬皮口感更佳，全部用新鮮生菜包住食一啖咬落去好有風味.#泰式炒金邊粉味道甜甜地好開胃，金邊粉炒得唔油膩幾爽身好咬口，大蝦🍤爽口彈牙，配埋芽菜鷄蛋等配料好豐富，可以擠上伴碟青檸汁同沾上花生碎辣椒等自行調制自己最合適的味道.#雜菌椰子雞湯用熱鍋上啱曬冬天食暖笠笠，清甜椰奶同酸酸嘅番茄仔🍅對立得嚟又好夾喎，仲有檸檬葉清香，成個湯好足料超多雜菌，雞肉好嫰滑而且份量都唔少㗎. 唔食得辣嘅朋友仔叫呢個好啱. #自家製椰子雪糕好似食緊真椰子🥥咁，賣相幾有心思，冰鎭keep 住冰感，配上花生碎芒果粒同奶，入口融化，大滿足. 呢個真係要encore. 加埋兩杯飲品🥂，埋單四百蚊多少少. 都幾超值，路過太子嘅朋友仔記得去試吓喇.

Simply Thai MODERN CUISINE．ahan泰出色一到放假時份就會想食泰菜喜歡試新店的朋友帶我去太子附近食她發現的新店這家泰國餐廳由真正的泰國人打理主打家庭式泰菜味道很香濃特別是見到不少街坊同附近商店的職員來幫襯看來很有水準看到餐牌更是開心款式多多，而且價格非常實惠蝶豆花青檸梳打清爽好飲，而且顏色迷人吃到冰爽的感覺泰式奶茶超級香甜用了泰國的紅茶味道特別正宗蝦片即製脆蝦片香噴噴，又熱辣辣好食到一個點絕對不能錯過的小食！泰式青咖喱 + 蓉包由女店主的祖輩傳下來的製法別看此青咖喱似湯水其實非常香濃美味完全沒有加入粉類去調成濃漿卻仍是非常和味下飯最適合是配上此店特製的蒜蓉麵包此包不能睇少表面非常香脆內裡則香軟可口是一流的出品配上咖哩汁簡直令人拍手好需要點多一份來吃柚子沙律用了香甜的紅柚子味道既新鮮又有果香配經典的泰式沙律製法有果仁脆脆又有微辣的調味加入新鮮大蝦簡直開胃好食買一盒中午做LUNCH 又好食又減肥！泰式炒金邊粉金金黃黃炒的非常香口不能少的香甜大蝦非常吸引金邊粉入味又好口感仲有豆乾與花生碎脆脆香香彈牙係好食的香蕉煎餅這種做法第一次食非常美好的感覺一是餅餅香脆熱辣辣二是

位於太子的Simply Thai由泰籍廚師主理，食物果然具水準。我們不太吃得辣，但又喜愛少許刺激感。點菜前要求菜式少辣及少油，廚師亦貼心地滿足了我們要求。 🍲青咖哩雞～有別於其他泰國食店，這裡的青咖哩不是以薯仔伴碟，而是配搭泰式圓茄子，口感腍中帶爽，非常特別。想不到青咖哩配茄子較配薯子感覺更清新，味道討好。🍞蒜蓉包～外皮鬆脆，包身軟熟，充滿蒜蓉香味，具空氣感，不像坊間普通的蒜蓉多士，是我吃過最美味的蒜蓉包！細問之下，原來蒜蓉包是老闆自家製的，怪不得這樣高質。🍛泰式鮮蝦炒金邊粉～蝦夠大隻，金邊粉炒得夠乾身，餐廳貼心地把辣椒粉放在碟邊，可以讓我們隨自己喜好加辣。🍅🥕青木瓜沙律～沙律內有木瓜絲、甘筍絲、花生及車厘茄，魚露的鮮味加上微辣感覺，非常醒胃。🍌香蕉煎餅～香蕉的微甜夾於烤到熱辣辣的煎餅Roti中間，味道出奇地夾，甜而不膩。平日不太好甜品的我也喜愛上它呢！☕香茅斑蘭茶及薄荷葉茶～兩款熱飲均充滿泰式風味，清香潤喉，感覺舒服。值得一提，餐廳沒有收取加一服務費，但服務依然貼心。人均不用$200有此質素，抵食。

星期三夜晚過嚟食飯，門口有錶位可以泊低架車由於朋友未到先嗌咗d小食，炸蝦片，炸蝦餅同單骨雞翼無影到，之後既可以睇相，一嚟梗係嗌咗個冬陰公飲啦，天氣凍凍哋飲完暖番哂，牛肉串夾埋菠蘿同車厘茄正燒鰻魚皮脆肉嫩，烤魚賣相100分大大塊鹽片包住燒食落魚肉又唔鞋燒雞腎好爽口，燒雞肝不得了舊舊都勁大舊，即刻食番個生蝦消濟，主角咖哩蟹叫咗份蒜茸包點嚟食食到呢度已經飽到食唔到海南雞所以無試到，最後提一提一定要試泰北面好好味

太子基隆街32號Simply Thai Cuisine Not Simple 唔食得辣又如何雜菌椰子🥥雞湯 $98 店員用Thai 火興住個Thai煲，使湯唔會凍咗，一來可以keep住個湯熱辣辣，二來賣相靚好多👍🏻一舉兩得奶白色既湯底，椰子🌴味唔會好重，容易接受！湯底重雞味，同來自蕃茄仔既酸味，好開胃！好味！可以睇到湯好足料，有好多菇🍄和雞，雞肉即使沉在湯裏，但依然口感嫩滑！如果好似我哋咁，唔食得好辣，叫呢個椰子雞湯就啱晒！沙爹雞/豬串 $88豬肉🐖非常鬆軟，好易咬得開！雞肉都唔錯！食串燒既精髓莫非係個汁，店員話呢個汁係自己調製，啱唔食得辣既人，個人覺得甜甜哋，重花生味，好食！泰式青咖哩雞🐓$88呢個咖喱就幾辣下，重香料味！雞肉和茄子好足料👍🏻！咖喱配既simply garlic bread $38 真係必食，包十分酥脆，又唔會好熱氣，除咗呢度，應該好難食到呢款包！😃菠蘿炒飯 $118新鮮菠蘿🍍鮮味，配埋肉鬆腰果，使炒飯有粒粒口感！飯有更多鑊氣，會更好出色！甜品啦⋯⋯係香蕉🍌煎餅🥞 $48 4份，超抵食！煎餅脆脆的，包住一片片香蕉，和煉奶醬，絕配！雖然呢個甜品既用料都係甜的，但夾埋唔會

呢間位於太子地鐵站隔離嘅泰國料理餐廳👉🏻位置方便之餘小店仲有一份人情味嘅感覺💕營造出一份有心思有質素既氛圍🫶🏻==============================Food List📝🥬泰式生菜包 泰國經典菜式 好喜歡呢個生菜包加咗辣椒🌶️令到成個味道更加昇華🤤🐷炭燒豬頸肉 用炭爐嚟燒特別好食💯肥瘦均勻 個邊邊燒到微微脆口😻🥘青咖喱配蒜蓉包 好想大山佢個蒜蓉包真係好好食💯一問之下原來係自家製嘅麵包 唔怪得好似食到有份愛喺個包入邊咁😆個包外脆內軟熟 個蒜油香好食到不得了👍🏻🥗木瓜沙律 好fresh🌿🥞香蕉煎餅配煉奶 好特別嘅一個甜品係用手抓餅作為煎餅 估唔到幾夾幾好食💕🍹泰式奶茶 有別於港式奶茶 煉奶香更加突出茶味‼️🥥椰青 淡淡椰子香 好味解渴 真係一流🫶🏻==============================小店一定要再嚟支持🔖

><環境舒適且價錢親民有泰國人店員柚子沙律(88)一瓣瓣嘅柚子肉 酸甜開胃加上各種香料 很有泰式風味香烤豬頸肉(78)熱賣品 早去先仲有得食邊位帶點焦香 豬頸肉q彈軟腍泰式青咖哩雞( 88) 配Simply蒜蓉包(38)金磚蒜蓉包就咁食都好食鬆軟得很 而且嗦晒咖喱汁泰式炒金邊粉(88)剛剛炒起就熱氣騰騰上枱炒得乾爽唔油膩 香蕉煎餅(48)薄餅烘至微脆 夾上綿糯香蕉片再澆上煉奶 沾上花生碎 香甜可口香茅斑蘭茶(25)/蝶豆花青檸梳打(38)><><><><><><><><><><Simply Thai MODERN CUISINE (太子)太子基隆街32號地舖

黎到太子地鐵站出口附近嘅泰國餐廳，店員明顯係泰國人，又好走飛咗轉泰國咁。環境坐得舒服，食物質素幾好。價錢以旺區黎講算抵食🥢蝦片：高質！勁脆，唔似平時又益味又淋果啲🌟泰北咖喱麵：見平台好多人都有試就點咗黎食。好有驚喜！脆炸泰國麵條擺盤非常吸睛。食之前淋上碟底嘅咖哩汁，甜辣味道刺激開胃👍🏻🥢泰式青咖哩(雞) +印度飛餅：咖哩小小辣，小小甜，味道夠濃。雞肉冇骨，入味又夠嫩滑。再配上香脆熱辣辣飛餅～ 🥢 “Simply"蒜蓉包：再叫多咗份包黎沾咖哩。可形容為一口厚蒜脆包，香脆好味 🥢烤雞肝：愛食內臟朋友都好推薦🥢傣。札肉沙律：正常發揮🥢泰式奶茶布甸：香滑小甜～ 好味🥢自家製椰子雪糕：好似食咗整個椰子🥥咁，加埋泰國專有嘅3款配料，似足去泰國當地小店果啲椰子雪糕一樣正🥢椰青：大size清甜抵飲🥢蝶豆花青檸梳打：有啲啫喱係入面，唔太甜，味道幾好

一般人都認為食泰國菜都一定係去九龍城，但原來在太子地鐵站附近的基隆街小巷中都隱藏着一間由泰國人主理嘅泰北風味餐廳。走進餐廳內，鋪面不算很大，裝修很簡約，環境舒適，服務周到，店員親切有禮。價錢合理，食物水準中上，食物種類雖然不算很多，但一般泰國餐廳能食到的都有，還有一些在一般泰國餐廳沒有的泰北菜式，能看得出餐廳主理人的用心。值得一提的是這間泰國餐廳是全日免收加一，如你在鬧巿中心又想品嘗一餐泰國菜，這絕對會是一間令你有驚喜的泰國餐廳。

睇左食評，於是試呢間...唉首先黎左個串燒， $88 ，味道正常，但這肉質、這份量....再黎$88 金邊粉， 配料好少， 但味道正常重點令我要寫食評的， 是$88 青咖哩豬！！T。T我從未吃過如此水汪汪的咖哩， 我係咪叫左個青咖哩“湯”？ （睇相都睇得出幾晞！真係冇咩咖喱味㗎...）我差d 舉手叫佢俾d 椰漿我自己加， 但我的朋友叫我冷靜.... ！！我反覆咁諗，唔通地道嘅泰式青咖喱係咁？！最後，我地當一個冇咩味嘅咖喱‘’湯飯‘’食左去....算1月1日 第一個晚餐完。

這間泰菜環境不算大，裝修簡單舒服。有個小小的廚房，見到員工即場燒串燒。雜菌椰子雞湯，$98 一煲已經足夠二人份量，充滿南薑和檸檬葉的香，亦帶椰奶的甜，內邊有雞肉及雜菌，濃郁開胃。烤豬頸肉沙律，$88 份量頗多，味道酸酸辣辣，豬頸肉爽口彈牙、香口惹味。豬肝串燒，口感粉嫩。蟹肉炒飯$108, 蟹肉份量頗多，跟蟹子很配撘，增加了口感，飯粒炒到粒粒通透乾身。最後仲有椰汁糕做甜品，十分滿足。飲品推介蝶豆花青檸梳打

最近天氣凍左勁多，咁岩同朋友去左太子呢區，太子不嬲出名多美食，我地經過呢條基隆街，見到有間泰國餐廳，望個餐牌價錢很親民，同朋友費是繼續吹風，就一於決定試下喇，一入到去見到有個靚靚迷你聖誕樹，非常有聖誕氣氛。職員個個好親切有禮，令到我地都覺得好舒服既感覺。烤豬頸肉沙律 去泰國餐廳一定要試下佢個豬頸肉，不過今次我地唔想就咁食燒豬頸肉驚太過熱氣，所以今次決定要叫豬頸肉烤烤豬頸肉沙律，估唔到又烤得幾香口，泰式沙律入面包括左有洋蔥、柚子、沙律菜，酸酸辣辣咁，非常開胃。泰式蝦片 果頭話驚熱氣，轉頭我地又叫左蝦片，因為見到隔離枱都有點，見佢地食得咁滋味，緊係要試下喇！一上枱就見到好香噴噴，炸到金黃色，上每一塊都炸到脆卜卜。雜菌椰子雞湯咁凍既天氣緊係要飲返d熱湯，呢個湯真係唔係間間泰國鋪都有，估唔到呢間竟然有。椰子湯好清甜，重有少少辣味，難道分極高，雞肉仲重要係好嫩滑，呢個湯會運用爐仔暖住，令到我地一路飲既時候都會有暖笠笠既感覺值得加分。蝦醬炒飯佢即叫即炒，份量夠大之餘d蝦都重係大大隻架！而且每隻蝦都係爽口彈牙，個飯炒得好惹味，配料亦都十足，絕對無偷功減料。食到我同朋友停唔到口。老板好好人，送左兩個甜

最近很想吃泰國菜，所以又去了一間泰國餐廳。泰式蝦炒飯份量還是挺多的，夠入味，口感比較黏身，有點像炒糯米飯。冬蔭蝦湯冬天想喝點熱辣辣的東西，冬蔭功就比較合適，酸度合適，不過這個比較辣，不能吃太辣的就要小心了。炸蝦片這是送的小食，夠脆，是新鮮炸的。另外還點了2杯飲品和1份甜品，連甜品都是飯😀，這個甜品感覺上比較適合泰國人的口味，因為味道偏甜，有點像在泰國吃到的。飲品的話，泰式奶茶很不錯，雖然少冰，但也不會沖淡味道。