Simplylife Bakery Cafe (已搬遷) 新店位置

難得平日放假, 當然想約朋友仔食個Lunch 見下面架啦所以同友人決定去simplylife, 貪佢好味麻我係11:45已經到逹, 但還要排隊, 當我企係等既時候, 上班一放已急急腳趕來, 希望可以享受午餐, 而長長人龍已經出現我只等了15分鐘就要有位, 前面既2位女仕已離場放棄, 大概係趕時間啦, 而後面既人仕都諗住留定走, 大家都想食, 但奈何要趕lunch time午餐 $89 + 10% service charge, 唔要iced tea 要熱檸水都要extra比多$12, 真係有d貴, 如果要甜品既話加多$10 就有我同友人分享, 所以點了雜菌意大利糙米飯同埋雞胸今日既iced tea係西柚汁, 怕凍既我地就叫左少冰是日餐湯係金荀湯 & 紅菜頭沙律金荀湯比較濃, 所以都幾飽肚架, 食埋片麥包, 其實已有半飽既感覺紅菜頭沙律就比較light, 適合輕食或留肚吃主菜既人仕雜菌意大利糙米飯上有一中片芝士, 喜愛溶芝士既就可以同飯mix埋一齊, 但係我地都想成塊食, 所以就無mix粒粒糙米飯好有咬口, 有人會覺得硬, 但我卻偏喜歡這種口感, 不得不讚既係simply life既菌類

今日同奶奶出街買牀, 之後終於試到simplylife, 成日經過都好多人等位, 今日6點又唔太多人即刻食完晚飯先返屋企, 我地叫了一飯一意粉share, 跟餐有湯同自選面包, 真係成個面包籃拿過來給我們選, 花多眼亂心大心細, 最後我地兩個擇左兩隻唔同味再share, 芝麻面包食下去真係好香芝麻味, 加上面包超鬆化軟, 口感好得彈, 另外奶奶要左個芝士包, 又是超鬆化, 軟棉棉好好味, 芝士未唔太重但配埋個南瓜湯真係好我夾!!最後食完個主菜忍不住叫了個紅豆綠茶卷, 外表好可愛, 又有內在美, 紅豆甜而不漏, 配綠茶係天作之合, 下次一定會再來品嚐其他面包, 十分推介。

平時去太古城行街都會見到呢間cafe排長龍，今晚諗住一試，黎得都預左等，等左60分鐘以上終於入到去，先黎既係牛油法包  不太特別，磨菇湯味道唔錯  很重的磨菇味，燒雞南瓜磨菇  份量太多  不過不失，啲汁超級咸，海鮮糙米飯  超級普通，啲汁太多  啲米還是生的  完全食唔到。。整體上如果要排隊食啲咁既野係唔會再有下一次！！！

身邊不小人沒有吃早餐習慣，就算有都是買個包就解決一餐， 其實我也是這類人， 有時趕著沒吃广就提早點吃午飯， 二合一做brunch lunch set 包salad 或湯 ， 一份主菜同飲品一杯椰菜花沙律? 又幾有趣， 伴以油醋汁酸酸地， 再有沙律菜， 蔬菜都爽口， 還有片法包抹牛油吃， 只是牛油咁淡口架！ 無鹹牛油是用來弄蛋糕而不是塗面包的。堆到成碟的香腸，炒蛋，煙肉條，磨菇片包， 蕃茄豆，未食已感到胃液在翻滾的餓意。煙肉同香腸都又鹹又油， 早上吃太重味，舌頭未太適應， 炒蛋仲生生地留有蛋汁， 入口多添份嫩滑又唔會老， 夾在乾身的燕麥麵包上自製出茶餐廳厚蛋治。茄汁豆一食就知道是罐豆， 不要有期望， 磨菇淡口左d, 加返d 黑椒同鹽吊味可以嗎?仲包了杯西柚紅茶， 凍又唔太生， 出人意表地好飲。

$96的午餐，換來不熟又腥的鴨胸，只吃得下雜菜。blacklisted! 侍應只玩手機，投訴不苦熟只去翻熱，完全沒有跟進食客的不滿。沙律可以的，但配包非常硬，牛油也設沒有調味。集團式的餐廳果然設沒有希望。

上星期六收工去食lunch，雖係食評到見到話要等一段時間先有得入座，但估唔到成2點先到 都要等成個鐘lol. 頭盤揀左南瓜湯，OK好飲的 creamy!小的十分鍾意食炸野，叫左個fish & chips, 但賣相一般，而且仲超級油！ 雖係fish & chips 一定係油。。 但呢個超油lol 真係有點過份。。男朋友揀左炒蛋煙三文魚配包， OK好食 ，味道適中。不過下次真係要睇下多唔多人先去， 等位太耐啦~~~

身住美國的表哥最近回港, 已經有差不多7年沒有回來的他, 當然非常掛念香港的美食!   又剛好表姐上次向他推介simplylife的burger不錯, 我就邀請他山長水遠(他在香港是住在荃灣)來太古一起lunch! 而且表姐又在旁邊的one island east上班, 一於3個一齊食! 一早知道simplylife要等位, 叫定表哥早早12點就要到餐廳門口, 不過始終太遠預錯時間乘車, 1215才到達...  不過因為表姐要準時1330回公司, 所以我問了一問侍應太概要等多久, 20分鐘我想都可以的... 最後我們邊排邊想好食甚麼, 1245終於被安排入座, 馬上落單!大概有10個lunch set度, 統一價錢$8x, 加soup就$96, 而我們都加了soup~ 今日的湯應該是南瓜湯, 湯很滑, 不像平時南瓜湯會有一絲絲南瓜, 麵包屬法國包款硬硬的, 普普通通平時一向喜歡all-day breakfast食物的我, 想了很久食english breakfast或egg benedict, 最後表姐說了一句「應該選平時家中比較難整的」,所以我最後就選egg benedict!  蛋

Simplylife一向都是我喜歡的餐廳之一。宏宏西餐廳中，他算是價錢合理又好好好味的西餐廳了。今次點了一份意粉，芝士的溶化程度很好，味道很濃，不得不讚的是甜品，一個混合香蕉及toffee的蛋榚，味道十分合拍，連一向討厭香蕉的我都愛上了。餐廳環境很靜，很適合朋友聊天，唯一是燈光太暗，容易睡著。平時simplylife很tea是最化算的，但這次我去的時候是星期日，沒有tea set，不過午餐亦不是太貴，所以十分讚

每次去太古城行街都見到呢間cafe排晒長龍，今晚終於去食，黎得都預左等，等左80分鐘，終於入到去，首先黎左法包 ～普通，冇乜特別，蕃茄沙律 味道唔錯又算多燒雞南瓜蘑菇～份量多，燒雞不過不失，d汁好咸，令到喺最底嘅蘑菇都勁咸海鮮糙米飯 ～好普通，多汁得濟好溜。整體黎講，如果要排咁耐真係一d都唔值得。

難得今日day off咁得閒, 就約埋個fd一齊喺又一城行下街, 咁行到三點三呢d時間就梗係想搵個地方坐低high 個tea休息下, 然後我個fd就介紹我嚟呢間cafe食, 佢話食過覺得唔錯...我一去到門口見佢咁靚都心知不妙, 應該會係貴野嚟, 不過都硬住頭皮入去, 果然不出我所料, 作為一個窮學生真係覺得有d貴...叫咗兩個cake, 不過其實都幾好食ge, 不過可能因為我個人食得比較清淡, 所以相對嚟講我覺得有d漏, 不過整體嚟講都唔錯ge, 除咗比較貴之外......

Simplylife 無得訂位 想食就一定要排隊等 晚餐時間六點半開始 想避過人潮最好就六點三去排 坐入面 d 燈暗暗地情調好好 我地要左個牛肉漢堡 同埋海鮮意大利飯 有得揀湯或者沙律 我地揀左湯 南瓜湯 好濃味 配埋個餐前既包 好開胃 然後有everyday special 既飲品 今日係柚子茶 好有茶味再加少少甜味 感覺好清 好鐘意 主菜 beefburger 好有水準 牛肉好多汁 番茄都好新鮮 再加埋芝士係中間 好好味 而個飯都好好食 平時意大利飯好驚太多汁好漏 今次唔多唔少 有隻大蝦好新鮮好甜 食完正餐仲可以加$20 要個lemon cheese cake 或者chocolate brownie 叫左cheesecake 好清既甜品 檸檬味好足 cheesecake 又唔係特別漏 埋單三百幾 覺得物超所值 一定會再黎試其他野食

排左15 分鐘有位啦, 好鍾意呢到的環境, 黑色為主, 簡簡單單, 感覺好舒服, 好寫意, 兩個人傾下計, 食下野, 不錯的麵包-外脆內軟, 暖暖的, 好好食湯-用料十足, 味道香濃, 但份量過小燒雞- 雞肉好滑, 汁好入味, 但略多左d油 烤雞沙律- 菜好新鮮, 雞肉ok但份量較小

雞係我最愛食既食物之一, 個人唻講, 比較鍾意泰式或中式的做法, 除咗家鄉雞, 對西式整雞既手法唔係太識欣賞, 特別係火雞~order 了呢隻烤雞, 原本冇乜特別的點諗, 點知俾咗我一啲驚喜~ 我最愛既雞皮有一點香草, 燒起唻好香, 隻雞好細, 所以冇乜脂肪, 老實不客氣咁食咗成塊雞皮先  雞肉調味得幾好, 燒咗後仍然保留住肉汁, 雞肉仲係嫩滑~ 味覺既嘢真係好難形容, 總之只可以話好好食啦 聽講佢既湯都好好味, 但因為當時唔知, 所以叫咗杯凍飲, 而家寫食評才知佢啲湯正, 下次再約姐妹試 

媽媽今日興起叫我一齊食晚飯，由於媽媽係太古放工所以我地就去咗係太古城嘅呢間餐廳，媽媽特別喜歡係呢度食野，除咗因為近，亦因為媽媽特別喜歡食呢度啲麵包。而我呢。。。無肉又點算晚餐呢？我叫咗個牛排set dinner，喜歡生嘅我叫咗三成熟，廚房居然無令我失望，肉很嫩亦合我心意的見血。媽媽叫咗個蟹肉沙律。甜品仲有blueberry cheese cake。呢度環境設計好舒服，簡簡單單，食物又唔做太多調整保持食材原有味道，食就是這樣簡單。

對我黎講，Simplylife出名嘅唔係美食，係長長嘅人龍。聽講太古分店較少人，五點十去到，大概有八個人排緊，望望菜單，傾左兩句，店員就開始帶位，基本上唔洗等哈哈。入到去都幾黑，不過幾有feel。Set dinner 有湯/salad + main + drink, 價錢由$100-200幾。個湯非常creamy, 好香椰菜花味!我係麵包怪，法包當然喜歡！男友就話un左少少。少少Peach味，都ok. 依個包相比下鬆軟好多，牛肉漢堡都幾厚，算係juicy, 咬落去啖啖肉，仲有溶溶地嘅芝士，yummy!! 薯條好新鮮，個蕃茄配洋蔥都幾惹味。同我地想像中好大分別。諗住個汁係白色嘅，點知係橙色辣辣地嘅汁，仲愈食愈辣。諗住係一片片辣肉腸，點知係一條條味似金華火腿嘅腸。個意粉比一般餐廳硬，軟返少少就適當啲。啲蜆幾好，完全無沙。整體黎講係幾特別，但就未得我地歡心。加$12試左件blueberry cheesecake，係軟身嘅cheesecake, 芝士味吾算濃，blueberry 味吾太出，整體幾清。走嘅時候大概七點半，人龍出見，差吾多十幾人啦。味道環境都不錯，但未算特別難忘。