Simplylife Bakery Cafe (已結業)

望住個廚窗真係好好好吸引~啲甜品好似會吸左你對眼過去咁，二話不說買件士多啤梨撻先。橫豎都係啦，食埋個主餐啦。百幾蚊細細碟其實都幾貴，好彩有唔少素食選擇姐。而且盛住食物的容器好靚好有田園feel，不過真係非常唔環保。松露野菌意大利麵真係好食到停唔到口，啲麵條夠曬彈牙，唔會同醬汁糊埋一齊。黎遠已經索到啲黑松露味，香到不得之了。忌廉汁又剛剛好，唔會太sticky!南瓜湯加左松子仁真係香口好多，但係明顯唔夠香甜，可能用黎煮湯既南瓜唔夠熟。麵包個邊好硬，而且佢提供牛油而唔係植物牛油，不適合素食者。好失望居然冇熱飲加配，我格硬加左個檸檬茶，但個味真係好奇怪好似藥水…。可能餐廳用左特別既香草茶，同檸檬真係好唔夾。我最期待的甜品環節士多啤梨撻終於到啦，但係認真難食，既然係美心集團出品冇理由質會咁差架喎！士多啤梨甜都唔甜下、但係又唔酸，根本一啲果味都冇。撻底太淋，又係冇曲奇皮香味好難入口。吉士醬更加奇怪，冇咩味、唔知似咩。真係空有一副好好味既樣，但實質好難食囉。

想同朋友黎一個談天說地既地方, 一諗就諗到Simplylife點餐後, 侍應先放低麵包Daily soup 加 $30配飲品蟹肉雜菜沙律，配花生芝麻醬 $128雜菜新鮮, 沙律上有大量蟹肉, 配上花生芝麻醬, 好夾, 呢道菜做前菜一流,每一次黎都會點燒紐西蘭羊膝，薯蓉，燴雜菜 $188羊膝份量偏細, 好似無左一邊肉咁, 上一次食過好好食同大隻D, 今次差左, 咁岩出左隻細Size既, 不過羊膝肉質淋有羊味, 幾好食大蝦海鮮冬陰有機糙米飯 $128份量一望到去真係好細一人分到一啖飯, D米咁貴咩海鮮方面有大蝦/魷魚/青口/蜆肉, 味道幾特別食緊fusion菜, 不過份量真係要求加大

Tried Simply Life at Festival Walk before but was not too impressed. Gave this City Plaza one a chance today. Chef at this location much better. Dishes are well presented. Though they are super busy, staff are friendly and courteous!

好耐無食、水準依然好好The steak and pork chop just $198@有扒房質素But I Hv a advice for Simplylife - their food is too oily Otherwise Taste so gd ！

生日都反工，同同事食lunch，去左太古城simply life,一次都未食過因為實在每次都太多人又無得book,今日終於入到去，又係食all day，一黎到碟野好正，多蛋多焗豆，腸又係吾咸，份量大到我又係食吾哂，最後仲有個焦糖cheese cake,cake texture實d吾會林滋滋， 不過甜左d,而家無咁中意食甜野，但係吾知點解要成日排咁耐，我會去弟間囉，哈哈

同一樣食物點解中午同夜晚味道可以差咁遠😰完全煮得太熟,爐魚煮到乾哂一d都唔滑,配菜就個黃瓜更離奇黑哂,燶哂,黑色都叫黃瓜,叫個侍應生換,佢話係咁,態度超差,唔係嘛,我平時夜晚食個配菜係好靚,我當然唔食,咁燶點食呀個黃菌菠菜pizza又係唔得,味道唔平均有些位超鹹餐飲冰茶淡過水最正常係餐湯,個沙律菜唔新鮮,全餐都失望總括全餐都唔得。百幾蚊食d咁嘅貨色,差過食快餐店,真係失望囉

行開里頭，諗住搵間座得舒服而闊落既地方食下野，見到Simplylife里間都吾錯，個門口仲有地方比人等位。叫左份 魚柳墨汁漢堡，有沙律同埋有杯野飲。魚柳咬落皮薄多肉，外脆內軟，好香口，魚肉好Juice😋😋， 個沙律好特別，有青蘋果加鮮橙，好fresh👍, 佢地既飲品都好吾同，系用鮮橙制成既果茶，好清甜，值得再來。

星期6的食飯時間，太古差唔多間間餐廳都要等位~友人提議食simplylife，由於我未食過~所以立即和議!太多人的關係, 我地都等左幾耐~係門口有餐牌俾客人可以係等位的時間，諗下食咩~除左有餐牌睇下，打發下時間，門口仲有D位俾等位的客人住下~由本身唔餓，等到都開始餓~四周的環境都好好~仲可以見到廚師們默默工作~lol~一坐低，店員就放低左面包俾我地喇~個法包唔係脆的~好難咬~牛油唔算突特別香~如果係蒜蓉味牛油就好喇~友人+左$要飲品同湯~磨茹湯好好飲~飲到濃濃的茹味~將個好難咬的面包點落個湯到，面包即時+分~友人叫左~車打芝士煙肉牛肉漢堡~佢表示就好普通的芝士牛肉漢堡包，唔太特別~我叫左~安格斯肉眼扒~一黎係牛扒上面的牛油好快就溶左~但個牛油都係無味的~lol薯條好食脆卜卜的~牛肉叫左成熟，切開見到粉紅色~一咬落去~好淋好juicy~除左牛味~仲食到炭燒過的味道~另一友人叫左松露忌廉雜菌手製闊條面~就咁睇份量唔算好多~因為我無試的關係分享唔到好無食~但見到友人食到汁都唔放過~應該唔差既~lol

Simplylife真係永遠無甩拖！做左成星期野，星期五決定對自己好啲呢道嘅lunch set$102蚊有齊沙律，餐茶同主菜，真係好滿足好鐘意呢個house salad，除左有生菜，上面仲有啲豆，簡簡單單，但係覺得好fresh個餐包雖然有啲硬，但係呢鐘粗糙嘅感覺又令人感到好天然！主菜要左Parma ham 雞胸，好好味呀！用左一塊Parma ham包住雞胸一齊煎，本身Parma ham 就有啲咸，用黎煎雞胸就岩岩好。雞胸唔會好鞋，好入味！配菜薯仔同青瓜同樣出色。Lunch time食個豐富嘅午餐心情真係好！

simplylife其實間中就會食，但就晚餐多，今次第一次食brunch時段。雖就係brunch，但起身實在太晏，食個陣都成點幾，好寫意既星期日，所以已經餓左成朝。個定番既黑面包，外皮太硬喇，食完消化不良咁，但個心好似麻糬咁既食感，係我中意佢既地方之一，如果吾太餓，淨係食個心就夠。叫左忌廉什菌扁意粉同芝士辣肉腸雞堡，一面倒地覺得意粉好食好多，是關個雞堡既雞肉太太太老喇，完全食剩曬。手製意粉就好好味，小小硬身，個白汁又香噴噴，早知叫曬兩個意粉拉。ice tea今日係orange ice tea，哈哈，成件橙放入紅茶入面，好特色呢！

點解我話今次好彩呢？事緣係咁嘅，因為我印象中好多時喺simply life叫同一款食物，都會有唔同水準，好似呢一晚咁，好想食西冷、牛柳，就入嚟啦！每次晚餐set我都會跟沙律（唔要湯，因為飲湯好快飽），仲要跟杯冰茶添，佢地嘅沙律唔係特別好食，但感覺上一陣要食肉，所以點都要有菜中和下(爆）我叫左個牛柳medium，但唔記得係咩汁啦，旁邊有南瓜，牛柳底有好好味嘅薯蓉，牛油 & 薯仔混合，口感味道好正。雖然佢賣相唔係特別吸引，但牛柳燒到依然juicy唔會係柴皮，牛味當然有，但唔係最好啦（笑）嗱，今次好好彩，5成真係做到5成，我喺邊邊切出黎已經係咁，中間位置會仲多肉汁仲林啲添啦。朋友叫嘅西冷，又係medium，我中意薯條啊 (係。。。我認我係妹仔口。。笑），西冷比牛柳燒得更香，但有少少乾身，不過係接受到嘅。P.S. 我想講，打呢篇食評前我又去食扒，同一間店但水準真係keep唔到，燒到個扒有點燶有點苦 （泣）仲有係。。。其實佢應該俾客人自己揀餐前包，好多時個法包硬過我條命，放喺到唔食就收左去掉，好浪費啊！希望呢個小小問題可以正視下啦。最後叫左個士多啤梨tart，umm...我覺得麻麻地，餅底唔夠牛

呢個星期都起港島區做野Lunch有平有貴。。。不過同上司食就梗係去d坐得舒服d啦Lunch時段去有set但人就比較多而因為今早食左好大份早餐所以叫左兩樣野一齊食。。。我同呀姐都想食沙律叫左個凱撒沙律+雞好快就上到菜。。。開頭仲以為多人要等好耐個沙律夠大份又新鮮，d菜好爽脆呀不過我就覺得d雞少左d如果大方d就最好喇。。。而且有我討厭嘅銀魚柳😨😨😨不過得幾條都ok黑松露雜菌闊條麵我覺得個味係幾好嘅。。。不過份量就比較少，而且雜菌都好少食食下覺得好悶。。。可能因為無肉😂

因為老婆大人OT, 等左兩個鐘等到9點半終於有飯開。可能已經夜冇咩人, 唔使等位就入得。因為太餓, 一坐底就即刻叫野食。我叫左一個法國燒雞, 老婆大人就叫左個黑松露PASTA. 我仲加左30蚊做SET, 有多個SALAD 同紅茶。一叫完WAITER 就9秒9上左個麵包先, 但乾真真冇咩特別, 可以SKIP。 再黎SALAD, 得幾塊生菜, 兩塊青瓜 加D柚子汁, 有D失望。好在主菜有驚喜。燒雞最怕就係太老, 好在佢皮煎得香之外肉都能夠嫩滑, 配菜亦入味,係紅蘿蔔有DD青味。偷食左老婆既PASTA, 黑松露汁好香, PASTA 口感亦好, 我就好鐘意, 不過老婆話食曬好膩, 可能太CREAMY。整體黎講都算滿意, 不過下次可能唔轉SET, 叫多個前菜好過。

週末又來，要過一個休閒的下午，就想起了simplylife!!但因為遲了出門，又要排長龍。當我正準備放棄的時候，便發現simplylife 餐廳外面有自助式服務！只要自己找位，然後去收銀處付款便可以！雖然餐牌和餐廳有分別，但價錢也平三成多！我們選擇好食物便拿著電子pager等，當pager 一震，便去收銀處拿回食物。雞肉腸意粉味道一般，意粉軟硬度適中，但碎碎的雞肉腸有些怪怪的。炸雞漢堡飽配薯條，份量大，賣相亦不錯，醬汁配料也合格，可惜炸雞太多油！好油膩！今日的食物雖然一般，以價錢和環境都值得再回來！

Simply life always has the feeling of leisure and decent western food. Seeing there is no line (surprisingly ) and decide to have a try. There are around 15 choices on the manual; they serve wide range of food like salad, burger, pasta, chicken and steak. They are famous in their juice; it is mixed with orange and lemon, a very summer like type of drink. I order bacon cheese burger with fries. The fries are less than I expect and the burger is a normal portion. The patty is juicy and tender; but