Simplylife Bakery Cafe (已結業)

一間餐廳分兩個不同級別收費區已經夠低智，又無提示同帶位。正常人去到見到有人排隊買野就跟着排隊好正常。然後排隊買完想入去坐先同你講排隊買既不能進店內食用，應該無視排隊既人直入餐廳內坐下。事後又不給退錢，店員又不可理喻。我不肯定不用排隊既區域價錢是否比較貴，因為根本進不了去。但我已經付了出約70元買兩杯飲品，再説就算再付差價也不是問題。但店員攞出一付不可一世既態度對一個在店外排隊既顧客是完全不可接受。整個設計簡直不可理喻。

星期日起身，食個Sunday Brunch 有個好嘅開始😆 ，Simply Life 不嬲個水準都好穩定！我平時好少叫omelette食，今日見到個餐牌個omelette餡料磨菇火腿，好吸引，點知黎到見到😨個蛋餅，我都想知點解整到成塊皮咁😰，入面磨菇仲要係炒燶...........我唯有淨係食沙律同麵包，呢次係我食過最差嘅omelette，平時對omelette 已經無咩好感，經過今次之後，我唔會要食omelette 😂

係QB 想食得好D又唔會畀人趕, 真係要行黎太古城..呢間野食物有保證, 唔會衰得去邊... 不過唔會食DINNER, DINNER份量太少。　唔夠食ＧＡ～首先餐廳外面Ｄ位，　其實係可以叫出去食既。　旦佢只會畀外賣ＰＡＣＫＩＮＧ你。　羅多個杯都要收＄。。其實可以環保Ｄ　ＬＯＲ。　不過我諗同商場既合約有關啦～～～我地都係睇情況先決定輪位定係出面外賣就算。外面既餐牌一樣，　只係冇得叫ＰＩＺＺＡ～所以如果唔係要食ＰＩＺＺＡ　又冇時間輪位既話，　坐出面都ＯＫ！ＡＮＹＷＡＹ，　講返食物，　我就好欣賞呢度既湯，　好真材實料ＢＬＥＮＤ　出黎。　唔係Ｄ溝水溝粉個Ｄ湯黎～好似成日都係南瓜湯咁。。。好似食黎食去都黑松露意粉。哈哈～～～ＢＵＲＧＥＲ　都係必叫啦。。　我就一定係牛。　有朋友就次次都黎都要雞ＢＵＲＧＥＲ。　因為佢唔食牛。旦又好中Ｅ食ＢＵＲＧＥＲ　ＷＯＲ！所以佢黎親都只會叫雞ＢＵＲＧＥＲ！ＸＤＤＤ完美分割呀ＸＤＤＤ

今晚一如既往幫襯simplylife，晚餐點了個羊膝配薯蓉及雞胸闊條麵。跟餐配上蕃茄湯和麵包，再加一杯鮮果茶!!愉快的晚餐後男友提議點一個甜品，因為都飽飽地所以就出去揀一片蛋糕。見有朱古力千層班戟和紅莓千層班戟，見在櫃內賣相唔錯，又心想紅莓千層班戟未試過，咁就一於點紅莓千層班戟喇!!點知，個班戟一上枱，只見碟面濕濕的，個班戟溶溶的。撕走蛋糕紙後，只見班戟似在溶化中……跟著一切落去，整片班戟散哂，簡直慘不忍睹。口感又凍又酸，班戟皮唔幼滑，好似雪咗好耐硬硬咁，可能有生果係入面，整個班戟濕濕的。大約$38唔算貴，但實在令人失望。同男友快快食完了事。下次唔會再食，食番蛋糕就算了。其實simplylife食物一向唔差，呢個班戟簡直是劣作，唔好再賣以免影響自家品牌。

每次行過simplylife都有好多人排隊，所以如果我哋想食，我哋都會六點度去到，就會少啲人。今日我哋就等左一陣，就能夠入座。黎得呢度我就會叫呢度出名嘅牛扒配薯條。牛扒叫咗五成熟，肉質鮮嫩，裏邊仲有粉紅色。牛扒好juicy，都算幾大份。再配個紅酒汁，唔錯。配菜嘅炸薯條亦都好香脆。我媽咪就叫咗個辣海硯意大利粉，海硯都有10幾隻，不過意粉份量就少咗d，兩啖就食晒，唔夠飽。不過味道幾好，有少少辣，好香蒜香味。最後埋單要＄500，間中食一兩次都ok。

於太古城行街順便食埋晚飯，星期日大約6點無需等待便安排入坐，與午餐價格差不多，只是餐湯/沙律及飲品需另加錢。餐湯是蕃茄湯，配以面包，是不錯的待餐小吃。餐飲是西柚冰茶，酸酸帶微甜，可解少些油膩。服務員很細心，主動問到需要少冰或少甜嗎？服務員於點餐後，會幫忙把餐巾鋪在客人腳上，我有點愕然，吃個百多元的晚餐，也有如此服務，是我平常去的地方服務不夠嗎？燒春雞皮香少脆，香料味剛剛好，好食。另外，點了安格斯牛扒，反而一般般，乾肉没有牛味。

..Simplylife 永遠都係飯堂list入面佔上一席。.將軍澳，九龍塘，沙田都食過，但唔知係心理作用定咩，感覺上太古城中心分店最能夠保持水準。如果Simplylife 癮起，我只會去太古食😂.呢晚叫左個黑松露醬雜菌闊條麵。餐包竟然有軟熟nuts 包！大愛！終於唔洗咬崩牙了😂南瓜濃湯好好味好足料👍.意粉擺盤精緻，汁醬濃度適中，仲有淡淡黑松露既味道👍set可以選擇冰果茶或者汽水紅酒，而呢晚既冰茶係橙茶，同平時飲開既檸茶比，另有一返風味。要投訴既係同行食既漢堡，伴碟既薯條竟然只係微暖唔夠熱！！！ 但連鎖店黎講，Simplylife 係值得入飯堂list既。...

其實太古城都好多餐廳揀，想平又可以去food court，雖然simplylife周圍都有分店，不過無咁多人排隊，等左15分鐘左右就有枱，加上環境比較靜，傾計都方便d我就點左一份松露忌廉意粉set dinner，醬汁有好香嘅松露味，配上闊條麵都幾好味。而友人就點左burger set，薯條又香又脆。職員態度幾好，問多幾句都好樂意答你，亦會主動幫你加上。埋單2位連加一服務費都係300幾蚊，話平唔平話貴又唔算好貴，環境舒服都算係咁。

今天去太古城逛街，由於沒有特別的想法，便來到這家連鎖式集團進膳。我總覺得這家餐廳特別厲害，幾乎每天都有客人排隊，花上至少30分鐘等候也不奇怪。有次11:30來到都已經full house，今次13:30到來就更加不用多說。在等候時間唯有細閱餐牌，Brunch的Menu有早餐的選擇，例如班尼迪蛋，all day breakfast同時也有意粉，薄餅，各式其式。午飯時間，我們便決定要每次來必點的松露忌廉雜菌手製闊條麵，再嘗試香煎鰽魚茴香有機糙米飯。是日餐湯為甘荀湯，沙律是青蘋果沙律，就各點一份。我見在場的客人大多是點冰茶，因為不用額外加錢，而且平時少有，所以我們也是這樣選擇。首先上餐湯，甘荀湯內有忌廉和打碎的甘荀蓉，味道香甜。餐廳亦加上香葉，為香濃的忌廉湯增添清爽的感覺。而沙律的醬汁則十分開胃，沙律醋加青蘋果，每一塊菜葉也沾上酸甜的沙律醬，是一個很好的頭盤。每個客人都會有一塊硬麵包。而我則留起來沾松露忌廉雜菌手製闊條麵的松露忌廉汁，這個汁非常濃郁，闊條麵亦非常入味，松露的香氣很是吸引，雜菌有炒過，味道香口。闊條麵上有一塊芝士，味道鹹香，吃完整道菜，芝士的味道還久久不散。最後送上的鰽魚茴香有

❗️松露忌廉雜菌有機糙米飯❗️(set lunch)$108+10%service charge <Simplylife Bakery Cafe (太古)>📍太古太古城道18號太古城中心二期2樓222號舖-Simplylife lunch set有新menu,今次食嘅飯都係第一次食🤔👉🏼starter今次嘅餐湯係甘筍湯🥕,餐湯係一如既往嘅好味, 味道濃郁,而且酸酸地十分開胃,法包入面軟熟,外面硬,有點難咬。朋友嘅沙律🥗應該加咗醋,好酸😣👉🏼main course 主菜係松忌廉雜菌有機糙米飯🥘,賣相好靚,不過食落麻麻,糙米飯軟硬適中,而且聞落好香,但忌廉汁偏水,偏淡,食落冇乜松露味,不推薦!相反,試咗朋友一啖鱸魚🐟,鱸魚十分滑而且入味,外層煎得頗香,值得一試! 👉🏼drinks 最後,跟餐的橙茶🍊味道不錯,可是偏甜,應該要求少甜其實simplylife係我同屋企人成日食嘅餐廳之一,因為水準穩定而且價錢唔係太貴,不過今次真係有少少失望🙁不過其實佢個menu都有好多選擇,但下次一定唔會再叫個飯-好食指數: 5/10-

Simplylife在太古城出晒名,午餐和晚餐都大排長龍。今日的工作安排是下午三時開工,所以早上十一點去康怡MCL觀看蜘蛛俠3;看完戲行去太古城己經ㄧ點二十分,吃午飯的人龍已經消失了，不用排隊,可以即時入座。午市的套餐都有很多選擇,有pizza,有漢堡包,飯等等,最後選了烤鴨胸和鱸魚來品嘗。價錢$102(要加ㄧ)包ㄧ杯飲品,餐湯或沙津，主菜,也算適中的收費。這個胡蘿蔔湯加入了薑汁和芝士粒，味香開胃鱸魚配了薯仔，味道也很配合。烤鴨胸皮脆肉滑𡛺軟,非常香口。最後自費加ㄧ個藍莓芝士餅，為這餐加入完味的句點。

長期長龍的simply life，係18:09去到太古城，終於食到。不過要坐bar檯，初頭唸住岩我八卦性格可以睇住廚師煮餸，不過抽風做得麻麻，廚房油煙搞到我鼻敏感發作。成餐飯不停打噴嚏，十個喊。叫左個扒，一碟粉，set餐選橙茶，同沙律。沙律新鮮爽口，但食到底覺得個醬汁有點濃。扒餐男朋友食既，見我完全食唔落個粉，可憐我，切左D比我。肉ok的，肉質tender，有汁，唔駛落太多調味都ok。不過煎得唔好，表面無焦脆，裡面太生。我叫的是medium well......之後講返個好難食意粉，個汁不知所謂，我覺得係材料不新鮮，有臭蝦味。上碟有一隻大蝦，幾隻蝦仔，煎到乾曬，真係非筆墨能形容的難食。D 粉又淋又軟，雖則我食得慢，都都不至於食第一啖就淋bear bear。之後好客氣同經理講難食，經理講一大堆呢個餸係龍蝦汁加ABCDF......煮成的，係會比你平時食既濃味少少。我非什麼大食家，但有正常脷既應該都會覺得難食。成餐得個蛋糕係好味的，香蕉tart，但呢D中央叫貨既嘢，正常味也是應該吧。

正XX餐廳，連大連細六個人等位，等咗個幾鐘係咁嗌兩人位，你有心俾位人就拍埋兩張兩人枱唔X得嘅？問佢可唔可以咁做又唔X答你，呢間垃圾餐廳一定要Blacklist, 以後都唔X去！

滿以為烤雞會香氣四溢，但當服務員把一碟烤雞放在桌上時，簡直令人失望！因為烤雞表皮是濕淋淋的，雞肉不夠香，超多水，似白烚，加上配菜之一的磨菰又烤得過火，燶的，食物水準令人失望！

很久沒吃Simplylife 了：）但Simplylife 總會在「飯堂」dining list 上。和友人7:00pm 來到，座位尚鬆動。點了黑松露雜菌扁意粉，餐前附送麵包一盆，麵包有些nuts，感覺好健康好味，點湯吃更好吃，今天餐湯是薑蓉南瓜忌廉湯，好creamy 好濃滑，好味道。吃完包，喝完湯，坦白已飽了一半。主菜黑松露雜菌扁意粉，一上桌，擺碟一貫整齊好看，黑松露味已湧進鼻腔，色香已滿分。用叉子捲一口意粉放入口，菌味香濃，醬汁creamy又帶淡淡黑松露味，意粉texture適中，很掛汁。今次再訪Simplylife，食物味道水準仍然十分高。難怪8:00pm 離開時，眼看餐廳已經滿座了。