Simplylife Bakery Cafe

营业中

休息中

我自己唔係喺金鐘返工， 不過今日需要去金鐘， 所以就去Open Rice睇下金鐘有乜嘢食, 見到呢間餐廳D環境都幾ok， 所以就打電話去預約， 不過餐廳回覆是沒有得預約， 而且午餐限時一個鐘。 但係嗰日我去到， 餐廳職員同我講只得45分鐘， 不過我同佢講我已經打咗電話嚟問係有一個鐘， 所以最後佢都畀一個鐘時間我食。 午餐可以選擇餐湯或沙律，一款主菜 和飲品。 如果你說只選擇沙律加主菜 或者飲品加主菜， 只需$105, 沙律加主菜加飲品， 需要$115， 餐飲可選擇汽水， 如果飲咖啡， 要再加15元。佢哋個蘑菇湯整得幾creamy， 味道唔錯； 燒春雞味道可以， 不過隻雞唔夠嫩； 蘑菇闊條麵整得幾好， 闊條麵軟硬適中。 不過真係食得好趕。

一向比較鐘情金鐘simplylife分店，特別鐘意佢嘅環境同氣氛☺️ 餐廳俾我有種置身法國小酒館嘅感覺，裡面燈光偏暗，营造一種浪漫氣氛😌非常適合收工過嚟食晚飯傾吓解😄食物方面，我覺得都做得幾好，質素對得住價錢💰 今次叫咗我最愛嘅加拿大天然豬鞍架🐖，配上南瓜泥，松子，同自家製乳清芝士，豬鞍煮到恰到好處，整個配搭好正👍👍另一個主菜叫咗燉紐西蘭羊膝，配上薯蓉同特製蒜頭，羊膝好腍，用叉已經可以將肉拆出，鍾意食羊嘅朋友可以一試😀 加$30 就有餐湯/沙律，仲有飲品，全部質素都不俗，推薦大家加配哦😊

因個人理由, 近排每逢星期五都會黎食晚飯.Dinner menu, 咁多個星期都係無變過嫁,對住我呢個忠實fans 黎講, 真係好慘🙈Dinner 加~$35 做set包括餐包, 湯, 冰茶餐包:每次都係sour dough 同一件較硬較乾嘅法包就咁食就唔好食, 點落餐湯度食, 就唔錯😃麵包係室溫, 個人覺得一般, 希望可加熱如果menu 無得換得咁密, 咁餐包款式可唔可以換下?🙈餐湯:有南瓜湯, 甘筍湯, 蘑菇湯, 飲得出係新鮮blend 出黎嘅濃湯, 好飲👍🏻主菜:蟹肉扭扭粉蕃茄醬濃味, 扭扭粉煮得彈牙, 食到有蟹肉, 但食到尾, 覺得好寡, 可試下加多d 配料冬陰功海鮮飯冬陰功味濃, 啱鍾意食辣嘅朋友海鮮配料多推介👍🏻雞肉漢堡雞肉好乾, 千祈唔好揀!!薯條有落辣粉, 好味道!beef burger with avocado牛肉唔乾, 加埋牛油果醬, 味道豐富,但size 好大, 細食嘅朋友, 可能食唔晒!希望快d 轉新菜式啦😬😬

推薦牛油果牛肉漢堡🍔，漢堡保留粉紅色出品啱啱好👌，建議可以加入少少配菜🥬。下次嚟其他餐🍝⋯⋯服務態度非常好👍🏻環境令人放鬆舒服😌我會推薦俾朋友仔嚟食希望有新出品可以試

每當諗唔到去邊食午餐，就會去Simplylife搵食，貪佢百幾蚊有齊湯/沙律、餐包、主菜、餐飲，質素仲要唔太差，雖然比係快餐店食係貴咗一倍以上，但感覺舒服啲、高級啲。我2020年5月都食過，但當時無寫食評，攞返啲舊相嚟睇，先發現餐牌上嘅食物完全一樣😱？！我想知，係咪好耐先會轉下餐牌內容？定循環使用，咁啱我依兩次都一樣姐🤔。Anyway講返食物，Lunch Set選擇唔算多但又有得揀下，應該總會有一個餐啱口胃。我們仨叫咗：前菜：2個沙律1個湯剩係食個沙律/飲個湯加個大大嘅法包，已經飽咗一半。主菜：車打芝士牛肉漢堡配牛油果蓉揀牛油果蓉貪佢無咁膩白酒煮蜆辣肉腸手製扁意粉烤美國春雞半隻 車厘蕃茄西班牙甜椒辣肉腸飲品我哋就跟餐叫咗兩杯本季限定冰茶同加$15叫咗壺熱檸檬茶。價錢$143加一，食物整體質素唔錯，對得住個價錢嘅。

今日高層請食飯，當然要出席啦。 公司喺中環，行去金鐘廊都好近，去到門口都要排一陣隊。大約10分鐘後就到我地。 呢間餐廳環境幾好，唔需好嘈，都可以傾到計， 食物方面，前菜: 有湯或沙律，我地點左湯，主菜: 一份原隻燒雞，一份闊條面，重有一杯凍冰茶。 燒雞真係值得推薦，雞滑，有肉汁，皮脆，雞胸都滑先一流。 闊條面正正常常，唔太"漏", 重要好大碟， 我男人仔一個都食到飽， 女士們可以同朋友開心Share都可以呀。 食下傾下就45分鐘到了， 要趕下一枱客，侍應們快速收野埋單， 唯有傾到呢度就繼續返工。

今天郊遊行了五小時十分疲倦打算吃個簡單快捷的晚餐便來了這間。麵包很香，沙律菜新鮮，紅蘿蔔湯帶點薑味，都不錯。 炆牛尾紅米意大利飯有驚喜，好吃。All day breakfast就不過不失， 最好吃是有蘑菇。 甜品就揀了件紫薯薑蛋糕，賣相漂亮極了，味道就主要吃到薑 ，紫薯被搶味了，整體來說還是好吃的。 服務也算滿意， 所有互動都得到回應。 這間餐廳限時一個半鐘，比較適合當優質快餐吃，我們兩人吃了四十五分鐘就結帳了如果想和朋友一邊吃一邊傾下偈，就不適合了。

金鐘區又名食物沙漠🏜️，萃萃打工仔都爭取一個鐘放飯時間出去呼吸下🍴無奈人多要等位。當天12點開始排隊，等左30 分鐘先入座，又要填安心出行表同測體溫，唯有睇定菜單有咩食。🥺新一年加價仍是正常現象。一個午市套餐為HKD 143 另收加一服務費： 包是日餐湯/沙律🥗配本季限定冰茶/汽水 🥤/紅酒🍷 / 白酒，加一套主菜。是日還湯忌廉蘑菇湯，蘑菇打得非至細碎，配上適量大蘑菇片，增加口感，不錯👍🏽最愛其跟湯法包🥖，外脆內軟，配上黑醋同牛油🧈，香軟無比。啤酒脆漿炸青衣魚柳，薯條🍟柑橘椰菜絲沙律： 魚柳炸至金黃上色，食落魚肉呈一梳梳口感，啖啖肉，脆漿帶點點啤酒麥香味，外脆內軟👍🏽薯條香脆可口，整體質素不錯。烤美國春雞半隻，車厘蕃茄甜椒西班牙辣肉腸：呢碟有點失色，雞肉偏鞋口，有點韌，要靠其醬汁吊味。雞胸火箭菜黑醋汁手製扭紋粉：喜出望外，黑醋汁酸酸甜甜，配上有咬口扭紋粉，好夾，一啖接一啖。甜品時間，單點兩件：雜莓玫瑰撻：色彩繽紛，忌廉帶有淡淡玫瑰🌹香，仲有碟豆花玫瑰花瓣做襯托，底部為牛油加消化餅底組成。紫薯薑蛋糕：紫薯味唔太出，薑味濃，海棉蛋糕濕潤鬆軟。整結：整體質素高 會再光顧

員工雖然無做咩事令我特別討厭，但從排隊入座開始，已經感到自己完全不被員工歡迎，佢地無任何笑容之餘，帶領我和朋友入座後自顧自離去，完全不理會我們，叫一叫佢好似得罪佢咁，黑曬臉咁行埋黎，簡直令我同朋友心理壓力倍增。但餐廳環境好好，微暗環境，令我和朋友聊天相聚得很舒適是日餐湯好好味，除咗入面有幾塊好勁薄菏味既薄菏葉之外(我個人唔中意薄荷)，完全無可挑剔。點餐方面，我叫咗「雞胸火箭菜黑醋汁手製扭紋粉」。哇，依個真係不得了，我點餐時以為依份料理只係手製扭紋粉上面有少許黑醋汁，但到個餐嚟咗，我先懊惱點解點餐前唔問清楚先點，個扭紋粉嚟到時，第一下已經比左個視覺大衝擊我：點解份野咁黑既？同我想像好大出入喎，係咪嚟錯左？第二秒：一陣勁酸既黑醋味攻上嚟，我呆左望住碟野，心諗我應該點樣吞依碟野落肚。跟住我嘗試食幾啖，真係好酸，完全食唔到(或者係我食唔慣)，連啲雞肉都酸到差啲認唔出係雞肉。最後我搵左Manager嚟，請佢換左個「烤美國春雞半隻」比我，佢都好樂意咁話ok，因為實在係有好多客人都食唔慣依份黑醋汁料理，所以佢都了解。之後就換返份正常好多既春雞比我，簡直驚心動魄：我幾驚自己要食曬成份黑醋汁扭紋粉。所以

Wait staff are not friendly. Didn’t smile and didn’t even say thank you when I paid for it. The host not in an uniform put us to share a table when the entire restaurant was so empty as it was after peak hours.. Typical local mindset. We ordered the US Game Chicken and it was not as good as what we had at another Simplylife.  Will not go back or recommend anyone to eat there.

Simply life 的價錢屬中等，晚餐消費每位 $200 左右，午市則 $100，下午茶則很優惠 $50-$60。所以幾個時段幾間分店都有幫襯過。食物質素，食物份量及服務都是最穩定的一間，也不用排隊。蟹肉沙律最容易比較。金鐘及銅鑼灣分店會比較少，元朗分店的菜不夠新鮮。另外我們常點的還有蜆肉意粉，味道穩定，蜆的份量也夠。Simply life 的魚及牛扒也可以，但燒雞則試過後不會再點，不夠稔不夠嫩。甜品推介栗子卷，雖然外表普通，但餡料是最好的，夠濃而不太甜。

買麵包都可以咁勞氣. 我想買一條麵包，$38蚊. 見到枱面有兩袋半條的，便拿去付款. 點知個收銀話半條係$20蚊. 要共收我$40. 呢個唔係2蚊雞嘅堅持，本師奶幾千萬身家，我係頂唔順有人連 1/2+1/2=1 都唔識. 完全唔識得轉彎. 人蠢冇藥醫，我話咁我要這一條末切啲麵包，麻煩你把它切開分兩袋. 佢跟住死死氣照做. 真係唔明啲人點解可以咁蠢，唔識得轉彎，注定佢一世做收銀.

今日藍天白雲，最好是出外逛逛，順便吃個午餐。走着走着，便到了金鐘，不如吃Simplylife！先點最喜愛的沙律，新鮮的蔬菜，配似微酸的醋汁，十分醒胃，是最佳的前菜！我的主菜是「車打芝士牛肉漢堡」，我選了配牛油果蓉，感覺比較清新和健康。另一選擇是配煙肉，我不選煙肉是因為覺得煙肉比較肥膩，拼埋牛肉漢堡也實在太多肉了！咬了一口牛肉漢堡，覺得跟以前一樣那麼鬆軟，富有牛肉味，配合車打芝士和牛油果蓉，特別好吃，也能保持一貫的水準！麵包外脆內軟，一吃便知道很新鮮！友人點了「啤酒脆漿炸青魚柳」，脆漿可口，厚薄適中，魚肉仍能保持鮮味和嫰滑，切開時還冒着煙呢！薯條炸得金黃香脆，調味恰當，再配合微酸的西柚和清新的沙律，中和了油膩感！    套餐包括了「季節性果茶」，似乎有橙和熱情果，但相比以前，欠缺了橙肉，如果加埋橙肉就perfect了！

甘多間分店之中，獨愛此分店，貪地方寬敞舒適，坐得relax ，兼有街景睇....點叫Soup - 蕃茄蓉湯，豐盛蕃茄蓉，不過酸，味道好清新...Grilled Black Cod - portion 細左，mash potatoes 柔軟香滑，吾太thick，不會食多左，會飽濟...Black Cod ，皮香脆，肉嫩，魚油豐富，形成更加香滑可口....值得贊！很滿足的一餐

今年無法去旅行，但又掛念英倫的Fish and Chips，所以特地來吃，當自己飛一轉英倫。先來沙律，黑醋汁的酸味恰到好處，配以新鮮的沙律菜，是最醒胃的前菜！「雞胸火箭菜手製扭紋粉」原來採用相同的黑醋汁，扭紋粉不會煮得過諗，軟硬適中，很有嚼口，配合微鹹的芝士和鮮味的火箭菜，竟然是絕配，好吃到欲罷不能！最期待的當然是「啤酒脆漿炸青魚柳」，脆漿可口，不會過厚，魚肉仍能保持鮮味和嫰滑，切開時還冒着煙，熱騰騰的。薯條炸得香脆，調味恰當，再配合微酸的西柚和清新的沙律，中和了油膩感，這款Fish and Chips比英倫的更好吃！望着窗外，吃着美味的扭紋粉和可口的Fish and Chips，喝一口雜果汁，輕鬆寫意，有少少英倫feel呢！