Sodam Chicken (已結業)

見到網上評語唔錯亦見唔少人推薦太陽芝士雞鍋 於是lunch去叫左個太陽芝士雞鍋同韓式涼拌冷麵同2杯特飲、去到嗰陣明明座位好多，偏偏店員要客人迫係一個區域，有空嘅卡位都唔俾坐，本來用OpenRice七五折優惠去食，中途店員話飲品買一送一，到埋單又話七五折要跟飲品正價計，到頭來折左都好似冇折咁，服務態度都係一般，叫佢攞杯水都要自己攞，見到有啲店員就喺度傾計又有店員玩手機，叫戈兩杯特飲都淨係死甜嘅葡萄梳打水加條阿波羅嘅雪條，太陽芝士雞鍋到嗰陣都凍哂，味道一般冇咩特別相對出面d炸雞黎講可以話唔掂。個涼拌冷麵就冇乜味同埋好似橡筋咁咬唔斷。 埋單2個三百六十幾，每人成180，大把選擇好過佢，食過絕對唔會再食。

周不時會想食下韓國菜，好幾次都search到呢一間韓國炸雞係第一名最多like，不過佢喺銅鑼灣，路途遙遠，好幾次都令我卻步。最近成日困喺屋企，上網見到佢做特價，買一送二，去開附近做野順，忍唔住試下去到門口好多人啊好彩有預約，如果唔係要係狹窄既門口等真係唔係咁好，好驚下。我今次叫左蜜糖焗雞同柚子蜜炸雞，佢唔似平時食過韓國菜炸雞咁油膩，但係兩款都好脆。個人覺得焗雞較好吃，特別係我呢個蜜糖味既，好快清碟。其實，如果唔係要做野，都唔會去餐廳食飯，建議都係叫外賣，為實在太多人啦。由於太急趕，無影相希望係佢執前再食倒，到時再影

想來左好耐㗎啦見佢哋宣傳佢哋執笠宣傳得好行OpenRice食評有咁好諗住係佢哋執之前試吓結果係差同失望我哋OpenRice訂都有七五折但係佢哋去到話買一送二坐得迫迫夾夾地方污污糟糟咁算啦都唔係諗住喺度洗好多錢但係相對之下dodam chicken 真係好好多x100啲嘢食真係唔得喎頹到飛起. 個咩泡菜魷魚同埋個辣撈麵好似以前細個食嗰啲150蚊自助餐d quality... 好似仲衰啲添....🙄食個盤雞中間有啲芝士, 啲炸粉好多, 得返好細舊芝士冇乜味🥴🤔買咗兩杯特飲, 送咗兩支插左四粒好唔吸引嘅糖，有條種浸左落個特飲到咬都咬唔甩. 飲藥水咁🤢咁好啦就買一送二啦, 但係送嗰啲嘢計返+1嘅錢搞搞吓張單都唔係特別平400幾兩個人,marketing 好識做同計數啊👍🏻總結係冇特別抵唔好食唔建議幫襯有更多更值得幫襯嘅地方Byebye

又係食生日飯既時候 因為睇太多韓劇既關係 呀妹想食韓式炸雞所以就係open rice 到book左位 （好似有15miles送 咁我本身有儲開miles就緊係即刻book) 然後過左2日係社交平台見到promotion 係買一送一炸雞 因為就快結業（？ ）咁就簡直係喜上加喜 因為本身都預左食 點知重比個半價你 而且呢一間咁耐以黎都未食過 半價即係又可以一次過試下幾隻味啦🥴🥴 Perfect!! 一去度 佢就比左正常menu & new promotion (buy 1 get 1 free)既menu。 原來野飲都有買一送一 本身無諗住飲野最後都每人飲左杯黎「送」炸雞🤣🤣 呢個應該係泡菜炒飯 （正）然後墨魚筒飯 （如果多啲汁會好食啲）全份既酸辣炸雞 （一般 李家好味d) 蜜糖芥茉炸雞 （dry左d， 但好食過酸辣炸雞） 要格住啲蔥一齊食最後野飲圖 杯杯都好大杯 圍開$x一杯

自己睇下張單再決定抵唔抵啦！我就覺得份量黎講啱3個人去食我見2個人去個個都要打包仲有真係好鬼死熱氣 食完即刻生痱滋不過你預左食炸雞都預左但真心味道黎講一般般但最緊要夠脆同埋所謂送既全部都要收加一之後全單再收加一其實我覺得真係幾搵笨而買一個份 基本上得一個選擇就係逼住你食 芝士雞鍋其他餐牌既野係唔可以買一送二同埋book枱有75折係假架買一送二既優惠係唔適用不過以銅鑼灣嘅價格黎講呢個價錢不過不失 但唔係真係抵咗到最後 我去既時候啲員工真係多過啲人客服務態度一般成日都圍埋一堆堆傾計拎杯水都話要自助 睇見佢地 遊手好閒因為價錢 因為服務 冇第二次

一直都唔係好明點解炸雞要咁貴，不過我又好鍾意食喎，呢度嘅炸雞出咗買一送一😍平左好多，雞肉好嫩滑呀好好味🙂希望多啲時候有優惠😆另外仲叫咗水拉麵食，都唔錯😎

難得今日係星期六，又係4月4日兒童節，就去支持一下小店。最近有d餐廳做緊優惠，鼓勵食客光顧，等我都上Openrice 找一找先；最後揀咗銅鑼灣嘅「Sodam Chicken」，這間韓國連鎖店，印象中之前食過都唔錯。最近餐廳好似做緊特別優惠，我哋叫咗「買一送二」買一：1️⃣ 太陽芝士雞鍋 (韓式炸雞 + 雙重芝士炸雞 + 炭燒煙燻焗雞 + 香辣焗雞) $248送二：1️⃣ 蜜糖蒜香焗雞 拼 雙重芝士焗雞2️⃣ 泡菜魷魚🦑價格💰：$301 ($248 + 24.8 + $21 + $7)味道😋： OK注意⚠️：免費產品亦需付加一服務費，加一服務費以原價計算

之前明明話《Sodam Chicken》三月會撤出香港，估唔到佢哋竟然留低，仲用優惠同香港人同心抗疫😍😍🎉炸雞焗雞PIZZA小食買一送二🐔🍗，無論堂食定外賣都可享有呢個優惠，無得出街食都唔緊要啦✨我哋叫咗個「太陽芝士炸雞」，就送咗一道「韓風紫菜焗雞」同「紫菜薯條」，真係抵到爛🕺🏻飲品都有買一送一😻😻😻！咁筍，梗係人人都食，店家手忙腳亂都無可避免🙈所以大家趕急嘅話客氣啲問吓進度就可以喇，店員嘅態度都好好❤️

因為買一送一的優惠而來試試! 幸好有預早訂位, 否則要等30分鐘或以上...但前一天訂位也沒有晚上時間了, 所以決定下午時間去食! 下午時間都要等位啊!!!入座後還有限時75分鐘呢...所以食得比較趕急...因為飲品也是買一送一, 所以也點了2杯特飲, 分別是青蘋果特飲和蜜桃特飲, 但送上檯面時看到外表已經不太討好...飲落就是出面普通果汁...而上面那支糖果...一點也不好食...買一送一優惠的關係, 點了太陽芝士雞鍋, 送千島加勒比海pizza! 太陽芝士雞鍋不可以更改雞的口味, 有點失望...千島加勒比海pizza算是最正常的了...薄餅皮有點硬...pizza上面有火腿, 栗米, 蟹柳, 食下去是小朋友的口味, 甜甜的!最後是太陽芝士雞鍋, 原本最期待這個鍋, 誰不知都是失望...炸雞的雞肉應該是香港的急凍雞, 跟在韓國食的很不同...焗雞是最好食的...

之前去韓國都好鍾意食呢一間sodam chicken，不過喺香港因為喺銅鑼灣區其實都好少去食，可惜最近聽到佢要結業的消息，都決定點都要去幫襯下啦！不過可能係因為而家做promotion嘅關係，每次經過親都好多人排隊！終於係第三次去嘅時候我哋終於唔使排隊就入得！而家的確好抵，我哋嗌左呢個太陽花炸雞，係有芝士可以撈，又有烤雞同炸雞兩種雙拼！然後仲可以自己揀一個送嘅小食，買一送一！卡邦尼年糕真係好好味呀，唔會好似傳統辣味咁刺激，食落夠曬creamy！飲品都有買一送一優惠，不過飲品就略甜！下次都係叫啤酒穩陣d！

今日放工， 一上到去已經見到整條走廊都是人龍， 好彩的是唔使用太長時間便可入去 ，入去目的其實都是想食太陽芝士雞鍋， 因為見到外賣單上見到有幾種食法，有焗同炸同埋可以用芝士卷埋一起吃， 食落去幾特別，感覺上會有少少肥膩，另外另一樣餸我揀泡菜年糕，都幾好味，一面淡一面小小辣，可以中和味道，溝埋都幾好食， 搵起上嚟都好食，而家有套餐優惠，兩個人去都比較抵食，作為一間就可能唔做嘅鋪頭，我建議大家都可以盡快一吃，排到時間雖然比較長，但都可以值得一試

星期五晚，臨放工特別想食炸雞，與友人上網查找。最後決定了因即將結業而推出買一送一優惠的Sodam Chicken。本來以為臨將結業，又要買一送一，應該味道一般，怎知最後喜出望外。我和友人訂了9pm兩位，後來大概8:15就早到了，門外有十來個人，以為要等到9點先可以入門。不過登記後，大十幾分鐘就入得。因為餐廳要求人均消費至少150，所以在買一送一外叫了小食。單點小食：泡菜魷魚。唔記得相機食先，所以得張食剩嘅相。幾令人失望，餐牌中魷魚好多，而實際幾乎得泡菜。我同朋友差啲以為成碟都係泡菜。買一送一的主食：買雙拼焗雞（雙重芝士＋蜜糖蒜香） 送 墨魚仔辣粉年糕。墨魚仔辣粉年糕先上菜，味道比泡菜魷魚實在好太多了﹗醬汁酸甜，有香口蒜片，還有一點辣，配上韓式年糕，是啤酒最好的伴菜﹗雙拼焗雞（雙重芝士＋蜜糖蒜香）等了好一段時間才上菜，不過因為已經有兩碟前菜，所以也沒有餓住等。我本來不太喜歡食炸雞焗雞，覺得肉「鞋口」，食多會厭。不過今次卻令我食唔停。雙重芝士焗雞比較普通，只見到有芝士粉，不知另一重芝士在哪。不過大致都很不錯。而蜜糖蒜香焗雞對我簡直驚為天人，蜜糖帶輕微燶味，不會過甜過膩，灑上去的粟米片脆口，

朋友介紹話呢間買一送一又好食，所以就約埋一齊去試試去到樓下等𨋢上去已經超多人排隊，上到去拎飛等，結果等左成個鐘先入到去每位最低消費$150，限時食75分鐘前菜沙律普通啲雞就真係好嫩好味😋

鐘意食韓國炸雞既我一直都有幫襯開呢間餐廳，最近佢地出左個太陽芝士雞鍋($228)，就決定左要去試下。今次食既雞鍋有四款：1. 韓式炸雞2. 雙重芝士炸雞3. 香辣焗雞4. 炭燒煙燻焗雞鍋入面既芝士係超多，係永遠唔會點得曬。友善既員工仲會提醒我地間唔中攪下個底同熄火，免得芝士變燶。呢度既韓式炸雞勁好食，啱出爐既炸雞個皮勁脆。我個人就最鐘意食香辣焗雞，但係又唔會好辣，食唔到大辣既人都可以試下。而炭燒煙燻炸雞都好有驚喜，甜甜地又咸咸地咁，老少咸宜。不過最吸引既當然係雙重芝士炸雞。炸雞表面灑滿芝士粉，再加上鍋中間既芝士，食完就上左癮啦！呢個炸雞真係好扺，因為份量大到兩個人都食唔曬，性價比好高呀！ .

香港有幾間韓國炸雞，聽說Sodam chicken將會結業，炸雞焗雞又有買一送一優惠，今日終於試到sodam chicken 啦。疫情下仲係超級多人呀，𨋢口企滿人，排隊等入座，所以想食就一定要訂位！每人最低消費150元，限時75分鐘。所有雞都係即叫即整，所以要耐心等候一下。食炸雞最好約多幾個朋友一齊吃，咁先可以試多幾款，我們一行四人，點了四盆雞，我們揀了以下幾款，整體雞肉尚算不錯，都juicy 嘅太陽芝士雞鍋有韓式炸雞，雙重芝士炸雞，香辣焗雞，炭燒煙燻焗雞，焗雞x炸雞！再蘸上中間溶化了的芝士醬，很邪惡柚子醬酸甜醒胃，配炸雞很夾。 和首爾風味差不多，不夠入味。最愛還是蜜糖蒜香。食炸雞當然要冰凍特飲啦，cheers!