Sogo Cafe (已結業)

sogo credit card offer: free bday dinner settwo choices for the set: panfried sole fish with mushroom sauce or pasta with smoked duck breast and pepperswe chose the fish and order an extra set of grilled lamb chop with lamb sirloin.the portion of fish was big - two whole fillets; although we knew it's frozen fish, the taste was fresh!! the lamb was not bad either, very tender! the mashed potato was yumm...when we ordered the coffee/tea, i asked if i can switch to cold chocolate, the manager sai

下午要找個地方傾野﹐是次meeting超casual﹐要近公司方便又要好坐有野食﹐來SOGO Cafe。過了lunch hour﹐店裡多是shopping完的太太﹐行累了來tea一tea。我要了一個tea set, toast with mushroom and cheese﹐味道可以啦﹐杯o加啡就唔錯既~ 來這裡都一定唔係因為想食好野﹐以呢個地點同價錢來講我覺得係OK的。

貪小便宜叫個某銀行信用卡優惠套餐，原價$156現在$78，不過Service Charge係跟原價的10%，埋單都係一個人一百。有咩食？味道一般的綠豆湯，雞有野菌有雜菜，味道不錯，份量都夠大，但至精采的原來是那個Blueberry Cheese Cake，正到不得了，要大力推薦。咖啡又是日式，但欣賞那個杯的設計已是賞心樂事。友人叫凍奶茶，嘩！個杯好巨型，呢餐坦白講真係抵到爛。這裡地方比較狹窄，幸好下雨關係客人不多，招呼不過不失。食得過！

午飯時段都唔算好多人﹐不過就唔知點解幾嘈吵﹐可能撞正後面有個大聲公客人高談闊論﹐前面又有太太團雞琢唔斷。想食清o的﹐就要o左個扒雞菠蘿西芹沙律($58)﹐再要杯奇異果汁($38)。果汁鮮甜唔淡﹐好味。雖然侍應話碟沙律會需要等耐o的﹐但都唔算耐。Portion唔算細﹐不過食o左一陣都唔見有西芹﹐換上係好多薯仔﹐西芹?! no show.唉﹐我就係見到餐牌上寫西芹先落搭o者﹐宜家變晒我唔食得o既薯仔﹐係咪應該同我講聲先呢?雞扒都算大塊﹐但有些少"鞋"﹐只屬一般。下次o係sogo可能試o下樓上Royce或者UCC比較o下先。

I have fond of Sogo cafe ONLY BEFORE last time...Last time I ordered a smoked salmon salad, and while I've almost finished the whole plate...I found a LIVE INSECT on the vegetables!!!!!!!!!it was so gross!And the steak is not as good as before.... often comes MORE cooked than ordered....Since then, I started going to Royce Cafe @ B1 level ... it's MUCH nicer, more attention from waiters and more quiet.

忽然收到求救訊號, 放課後六時多在銅鑼灣, 吃飯又太早, 吃茶卻略晚。決定二人找個吃得light點得來好坐的餐廳。先講環境, 初時我望落去, 椅子大大張, 寬寬軟軟的, 理應幾好坐。只可惜坐落至知有個大盲點: 無位放袋。不論patpat及袋皆為大碼的我或petite的友人都咁覺得。我想餐廳應在此方面稍作改善, 斷估唔會要女仕們為一求坐得舒適而將她們的burberry放落地掛...menu上的special 及set dinner 皆以肉食為主打, 因一個月後的約會, 盡想吃得light一點, 故a la carte叫了#59 海鮮liguini及#63 蜆肉angel hair; 自欺欺人地叫埋煙雞肉凱撒沙律。侍應會問你應否先上沙律, 以及是否share吃; 惜呢頭問我是否share, 果頭唔記得我們share吃的, 印象不加反減。煙雞肉凱撒沙律的雞肉只不過是出面supermarket的cold cut貨色切絲, 切得碎濕濕, 可幸味道不錯。菜是我最喜歡的羅馬生菜切段, 用油撈過, 我覺得油太多, 好易吃到成口油, 而味道卻太淡, 加d pepper可能會好少少。#59及#63一起上檯

晚上跟水貨王有東西交收，約了在銅鑼灣食飯。周圍都好多人，真唔知搞咩鬼。她靈機一觸，說這裡一定有位，果然是，因為她吸煙，所以坐的還是吸煙區。這裡地方不錯，冷氣夠涼，椅子大張又好坐，雖然略嫌嘈雜了一點，但也是一個來傾計吃飯的好地方。美中不足的是，吸煙區在餐廳埋邊的幾張檯，但因為跟非吸煙區幾近，一人吸煙，是全場共享，雖然吸的不是我，是同檯人，也覺得不太好意思。食物以西餐為主，明知鵝肝有西冷都唔慌好，但純因為想吃，也要了這個，水貨至則以健康行先﹝吸煙例外﹞，要了龍利柳什菇野米飯。可能人多，連餐湯及麵包都要等了一等至有得吃。湯是平平無奇的青豆忌廉湯，本以為那個細細的小圓包也是行貨，但吃落是又香又鬆又軟，不塗牛油也很好吃，在一置好評之下，湯未喝完已經要追加一籃。又等一輪，主菜才上檯，兩碟主菜的賣相也算不錯。一大塊西冷加一薄片的鵝肝，只賣百幾蚊，當然不會有什麼好貨色。要了五成，出來是六成多七成，可幸肉質還可以接受。鵝肝不談也罷，是自己的過失。反而墊碟的焗薯不錯，紅酒汁也濃郁美味，又要多了一個小圓包來了結所有的肉汁；也嚐過水貨王的野米飯，有點鹹，但加入什菇粒幾有咬口，也不錯，龍利柳就沒有味道。餐後的熱

好耐冇去Sogo Cafe食o野，琴日去食dinner，叫o左個蒜香蜆肉天使麵，我覺得OK好味呀，可能之前食Speghetti House o個o的太唔好食啦，一餅餅咁o既，呢度「條條分明」已經好開心！又多蜆肉，不過呢度冇set囉，分開叫好似好唔抵咁，但service唔錯，嘆吓下午茶幾好o既。

7位小姐再相約搞個星座、塔羅、面相之夜，經過一輪商議後，決定o黎呢間。是晚食了兩個沙律、三個pasta、一個飯，三個waffle，對於7個女仔來說，並不算多，但全晚基本都是澱粉質的食物，對我來講好飽肚。三文魚沙律只係58蚊，份量都唔少，足夠我o地食，而煙三文魚尚算ok。miss再後加的無花果沙律(見圖)，買相幾靚，不過主打的無花果似是配角，只得零碎幾粒伴碟，唔似係新鮮，似係醃製過，味道略甜，雪怡同baby就唔太接受。南瓜飯-南瓜味道好濃烈，口感有d似意大利飯，但係煮得過濕又過淋，可能有塊類似荷葉的墊底，所以食到一陣陣荷葉味，阿姐覺得味道怪怪，大家都覺得格格不入。三個pasta：磨菇天使麵，白汁夠香，大家都一致讚好；3姑點的意大利海鮮闊條麵，蕃茄味道濃郁，酸酸地好醒胃，我同LQ都好欣賞。我就負責點了三文魚墨魚麵，這碟相對來講較遜色，麵本身沒有墨魚味，白汁味亦沒有咁香濃。而miss負責點waffle，有鹹有甜，換湯不換藥，只是配料不同，有腸仔、雜果同朱古力醬加雪榚三款，厚厚的waffle幾有口感，我只嫌不夠脆口及不夠熱。大家嘻嘻哈哈又到餐廳打烊時間，仲要被個侍應姐姐催我o地走，好期待下一次

銅鑼灣血拼日, 出擊前先黎食個豐富早餐. sogo cafe早餐時段叫任何咖啡送早餐一份, 就同友人一人叫左一杯炭燒咖啡, 早餐選擇左牛油窩夫配糖漿. 窩夫係圓型款式一開二, 每人有半份, 份量幾少. 不過幾厚身, 而且焗得幾香. 咖啡幾香, 不過都係細杯左少少. 環境就一流, o係度歎杯咖啡等人就一流.埋單每人$40, 計埋環境, 都算抵.

我其實光顧sogo cafe 已經很久了，由他們開張至今，平均一星期都會光顧三至四次，雖然不稱上甚麼熟客，但sogo cafe能吸引我的理由是他們的服務水準十分好，雖然食物不能和其他高檔cafe相比，但他們的服務都可以比得上其他高級食府的。我本身都喜歡四處吃好的食物，都十分留意網上食評推介，很多食評網站都瀏覽過，都看見很多好的介紹，但我很少會在食評網內留言的，為甚麼次會留言，其實都是想稱讚她們的服務，雖然其他人有其他感覺，都是各人的食評。我自己很喜歡吃的是海鮮麵，雖然不是太特出，但勝在她們服務，使我有賓至如歸的感覺，藉得讚賞。

星期五日,行完街又唔知去邊?於是同朋友行sogo supermaket.........???點之比我發現到有間caf'e仔,原來都唔细(環境)都幾大間喎! 於是叫了一件cheese cake and sumiyaki嘩!!!!!!!!件cheese cake唔之唔壞啦！有Ｄ濕濕地感覺>>唔通呢間特色....新出濕濕地cheese cake,!再無心幾食啦!!唸住杯coffee唔差啦!噤大間coffee shop 一定不容有失啦!!!嘩!!!!!!!!!!!................我叫碳燒咖啡啊!唔叫燒哢咖啡囉?要加好多奶都唔得!坐一陣於是叫人埋單囉.,Ｄ侍應一Ｄ禮貌都無,埋單耐不但如此,Ｄ侍應好似借盲公陳對眼噤!張單埋好耐先囉過!於是有個高级Ｄ四眼女侍應走埋話多謝晒$......呀!雖然唔食好多!我無比小費都唔洗黑面!又唔唸Ｄ又唔好食!!服務又差啦!又要比加一服務費？又要出錢又要出力,食...唔受難呀....今時今日感服務態度....要下次再都幾難啦!!!

一個人在sogo shopping 完, 唔知去邊度食好...只係想唔駛等位, 又食D light 既食物; 見到sogo cafe, 姑且一試! order 左個三文魚沙侓, 比想像中好, smoked 三文魚夠多夠厚, 都幾鮮; 沙律菜都幾新鮮; 再叫左個玫瑰花茶, 冇咩特別,不過夠飽! 人多既關係, service 不過不失! 會再黎!

heard about their promotion about buying a drink and getting a breakfast for free, so i went there with my brother this morning. He ordered a pineapple + kiwi juice and a fried egg with bacon w/ toast. I ordered a pot of tea and get an egg and ham w/ toast. To be honest, the quality of both breakfasts were not that good.... similar to that from other fastfood restaurants like Maxim, cafe de coral... really not that outstanding....the bill came to 100 for the two DRINKS (BREAKFAST for free)! i re

見咁多人讚好﹐重要係識得的食家﹐便過來試試﹐點知﹐大失所望﹗它的裝修不錯﹐梳發位和包住咕臣的椅子都好坐﹐侍應服務都算好。但食物﹐一個字形容﹕差﹗叫左﹕放在檯上的特別推介﹕鵝肝﹐說是自家釀製﹐只售38元﹔海鮮拉麵(68元)和海鮮白汁天使麵(78元)。先講鵝肝﹐38元不期望有什麼﹐完全不味美但可以入口。海鮮拉麵﹐海鮮少得可憐﹐湯底難喝。最離普係個天使麵﹐上來時個碟竟然有一灘水﹐應該是煮到出晒水囉。如果是意粉屋﹐我會叫佢換過﹐但見其餘兩樣野都係咁﹐心想換即係拿入廚房﹐倒左D水咁囉。我就係咁﹐食左個水塘中的天使麵喇。另外在我食的途中﹐放下了刀叉﹐但碟上重有好多意粉﹐有個女侍應竟然走來問我重要唔要。我最憎人在我未食完就趕住來收碟架喇﹗埋單$202﹐雖然服務不算差﹐但就一毫子貼士都﹐冇﹗圖片就係水塘天使麵。