Sogo Cafe (已結業)

幾乎逢星期六我可以稱為一支公日.皇阿姐話吃晚飯我點會唔去.咁俾面係港島區食更加去啦.本來諗住search到一間多讚既店去食, 點知原來係bakery.好彩還有second choice, 咁就黎左呢間.環境幾好, 清靜又算乾淨. 都有幾檯客.快手快腳點了:蒜香蜆肉天使麵+扒黑松露菌加拿大山雞拼豬扒先來跟餐的磨菇湯和麵包仔, 湯幾好味, 如果多的料(菇)係入面會更好. 麵包仔...熱會好食的.天使麵一如UCC等cafe仔...麵ok腍滑, 食到有蒜味但唔夠香. 蜆肉熟口熟面, 同自己去superstore買果的相約.不知是否冷氣太強勁, 吹左一陣水的野就凍左.去左咁多年楓葉國都未聽過山雞, 今次見識都唔係咁特別.雞肉當然唔係好似茶餐廳果的腍到飛起的肉, 肉質唔算滑又唔係特別有雞味, 但肉質柔韌, 好彩個汁都算好味, 冇左佢真係唔知點食.翠玉瓜和連皮薯仔都ok, 當然西式食法會比中式食法硬點.豬扒, 個人喜歡中式煎法多一點, 唔算乾但不算嫩滑.又到埋單時間, 兩舊水.普通啦, 相信吃安格斯牛扒或者會好食的.埋單時又送coupon又送記事本, 仲要大大本.乜西餐廳都搞埋呢的野架咩?

同D偉兩個人食飯都度左好耐, 最終臨時決定黎呢度食, 環境唔錯, 幾清靜, 因為客唔多, 兩個人點左一個蒜香蜆肉天使麵, 同一個餐; 扒黑松露菌加拿大山雞拼豬扒。個天使麵o既蜆肉係完全冇味雪藏貨, 又唔多有蒜味, 可能我味覺遲鈍, 問D偉食唔食得出, 佢答得好妙, 佢用五個字形容話: , 不過d麵入口都幾滑。而另外個餐, 豬扒味道肉質尚可, 但d雞肉質有d似乳鴿, 係完全無味道o既, 全懶個汁, 但個汁又唔算特出, 配菜薯仔蘿蔔翠玉瓜, 都食唔出佢本身o既味道, 好彩個餐湯碎磨茹忌都唔錯, 夠香夠滑。

依度幾時都咁舒服，今日就嚟食lunch。點了南瓜意大利飯，個汁好入味，有少少煙肉嘅咸香，南瓜粒好多，Ｄ飯好有咬口，值得推介。甜品點了一件甜薯芝士餅，係紫色嘅，賣相幾靚，吃下去薯蓉好好味，唔會太甜，但冇乜芝士味。點了普通嘅咖啡，已經好香濃，係午餐嘅完美結束。

開飯喇!飯局前的下午茶,基於留肚於晚上狂擦一餐的原因下,選擇了位於祟光百貨地庫的同名咖啡店,時值下午三時許,店內客人不多,約四至五成滿,店內一貫日式得來,有點西洋風格的裝潢,而大部份座位,也是梳化位,以致我未喝或吃任何東西前,已加了一點點印象分,因為我通常選擇咖啡店,是因為感覺可以坐得耐一點,而此店選用梳化椅,令我更加有賴死唔走既意念~~嘻嘻!下午茶的選擇不算多,本人選擇了cake set,而餐飲就加了三十元轉為藍山咖啡,而蛋糕有約十款選擇,在侍應說了一大堆名字後,能進腦海的,似乎只有chocolate mousse cake,(可能本身激愛朱古力吧),那就不作他選了,咖啡先上桌,用銀盤上檯,右邊是奶,左邊是藍山咖啡,這個方式上檯,我還是第一次接觸,感覺好像去了大酒店歎high tea的感覺~~說回咖啡,未加進任何糖,奶之前,先用嗅覺感受一下咖啡香,再呷了一小口咖啡,雖說飲用此咖啡,應不加進任何東西,但本人有點受不了,因此,還是加了糖和奶,不過今次就略為減少份量,此咖啡說不上很香濃,但仍比同類型的連鎖咖啡店稍勝一籌,難得是喝至最後一口,並沒有因冷卻了,而滲出太多的苦味,令我實在暗暗叫好

哈哈～原來藍山咖啡係無需加糖加奶既，用錯方法飲～不過我相信我上次飲既就算糖奶不加都唔會有咩大幫助，因為咖啡味真係欠奉。不過據聞藍山咖啡成本高同好難入貨，所以坊間都有唔少既假野，唔知今次飲既是真是假呢，如果係真既就難免有少許失望。不過咖啡實在係蛋糕既良伴，尤其係食完芝士蛋糕後呻啖濃味既咖啡，真係人生一大樂事（假如唔怕肥既話。）

聽聞藍山咖啡味道比較清純，所以飲時最好齋飲，唔好加糖加奶。我本人就唔係咁識欣賞喇！我都係鏟意一Ｄ比較香濃嘅咖啡。我建議健健下次可試試佢隻Regular Coffee, 我覺得已經好好味。又或炭燒咖啡都唔錯。配埋個藍莓芝士蛋糕就一流。依度真係一個唔錯嘅下午茶地方嚟嫁。

由佐敦既添記遠赴銅鑼灣只因約了女友行街，到銅鑼灣後女友報稱遇到嚴重塞車，到會無期，適逢望見sogo cafe大大隻字宣稱鎮店之寶藍山咖啡由原價$55，特價至$30，為期兩周，見多的是時間，遂入去消磨一下。進店後店員雖然安排坐於店中央，而且人客亦唔少，不過又不太擠迫，感覺良好。向靚靚waitess 示意要特價藍山咖啡後就轉身望望擺滿雜誌既桌上有咩好書。桌上大多為女性雜誌，看來此店客路以女性為主。在無選擇下亦膽粗粗拎起其中一本女性物<<姊妹>>一看。十分鐘後waitess先在金屬盤上放了咖啡杯、奶並奉到桌上，後再將新鮮咖啡在貴客前倒入杯內。不論金屬盤、咖啡杯而至服務都給予一種王族感覺，單看各容器己感到值回票價了。由於慣性飲咖啡少奶，所以添加丁點奶及若干糖後就飲將起來。咖啡聞落十分香濃，但飲落又不覺有何特別，唔夠香唔夠濃烈，大概只係比Starbucks 好一點而己...一邊品嘗咖啡、一邊睇姊妹，不覺間女友己經在跟前坐定定了。由於時間不早而女友又趕住行街，遂將咖啡一飲而盡，起身走人。說實在，我係唔多想走。咖啡連加一合$33，走時女友嚷住下次要黎呢度下午茶，皆因坐

下午茶嚟依度都幾好坐。如果要叫咖啡，最好叫佢嘅 Regular Coffee 或炭燒咖啡，好香濃Ｄcoffee cream 仲好滑。不過Cappuccino 就一般喇，唔夠泡泡。佢ＤBlueberry Cheesecake 好味好有質，值得一試。

整體唔錯ar^^一貫日本餐廳有好好服務, 不過留意menu內的主要是sale西餐日本野食好少ka.我食左個三文魚塊晚餐, 都幾好食(~$90餐: 沙律前菜, 三文魚塊薯容, 飲品) 再加$20 有甜品.我推介雲石cheese cake^^ Yummi~~~下次來整食cake 都得~~~~~^^

我舊年去過黎，個時要精選coffee，可半價叫食物，一個人一百蚊唔駛，幾抵食。食左海鮮扁意粉，幾講究下，質素幾高，茄醬底，冇水汪汪，調味得宜，意粉al dente，海鮮有三文魚，蝦同帶子，都幾大粒兼份量唔小。d海鮮仲整得僅僅熟，彈牙，juicy，爽甜。佢為左顯示用料新鮮，蝦連尾，帶子柱。裝修歐洲式，幾高級下，衰在係department store 入面，兼冇窗。

呢間其實係一般既日式西餐廳，但我覺得最吸引既地方，係晚飯時間勁易搵位，就算假日亦不例外。星期六日係度度都要排隊既銅鑼灣，想搵一間水準不錯又易搵位既日式西餐廳食飯，首推呢間Sogo cafe。如果你覺得係白沙道間cafe 21等半個鐘都算值得，我建議你下次黎呢間啦，好食過cafe 21多多聲。

I love coffee. But I am not a specialist.I saw many magazine introduce this restaurant as the Best place to have a coffee. Therefore, I went there in one Sunday (very crowd)Environment: Good, but quite noisy, many many children running and screamingTaste: The bluemoutain is the best thing to attract me to Sogo Cafe. And it is OK la.Service: OKPrice: Very Expensive (for me!) 5 people for 5 drinks and 1 sandwiches for nearly $300. I would rather go to the Hotel to have a high tea set.Clea