Sora Cafe

营业中

休息中

之前嚟過sora好幾次但一直都冇打過食評～難得今日想一次過打返晒hehe*其實最開始我哋都唔知道有呢間cafe嘅存在，都係人哋推薦先識仲記得第一次過嚟點咗份胡麻豆腐菇蕃茄香草包如果睇真啲你會發現 相入面食嘅根本就唔係咩包而係牛！角！包！到底點解會咁呢？原來係因為當日冇晒香草包 店員提出幫我哋轉牛角包 價錢不變雖然轉咗包體但好好食AAAAAAAAAAAA當時係初夏 冰涼嘅豆腐同蕃茄添了一分清爽 成個人都涼爽晒～*第二次過嚟點咗一份卡邦尼意粉 再加一杯蜜桃雪梨沙冰自從2年前喺英國食過一次傳統卡邦尼意粉之後 U再也回不去了～qq呢2年以嚟U不斷想喺香港尋他身影 但偏偏唔係汁太水 就係意粉太軟冇口感結果呢一日 發現理想的他原來一直就喺自己身邊 但自己偏偏一直都冇發現到佢:/sora嘅卡邦尼意粉嘅麵身係微微硬 帶口感嘅扁意粉醬汁其實都未去到印象中英國所食到嘅咁濃厚 但都比香港好多餐廳嘅都濃厚不少總括嚟講暫時係平價之選中所食到最好最高汁嘅～過下口癮都唔錯㗎uwu至於沙冰真係超～～～～級濃郁每一啖都係濃郁嘅果泥 甜而不膩反而清爽甜甜酸酸嘅蜜桃 配埋清新甘甜嘅雪梨好爽...btw呢個係加點size 正

每次拉花都有不同驚喜All day breakfast 英式全日早餐大咖菇好入味，呢點唔係間間做到茄汁豆同香腸無乜特別個包趣得來又幾好食風乾火腿賓尼迪蛋個蛋煮得啱啱好，流心蛋，上面有啲芝士，好夾，然後仲有個火腿，成個放落口，唔單止夾，仲好有層次，必定會再翻兜，不過要堂食比外賣好食 Tiramisu非常之滑，但比較甜，咁甜品當然係甜😂我意思係如果平時飲開走甜/唔多鍾意甜野就未必啱提子鬆餅，本人覺得好食過半島酒店嘅下午茶，好值得試下👍🏻不過酒店來講，文華嘅餅應該係最好嫁

Bookmarked好耐，果日趁等緊朋友，自己先去靜靜地嘆下咖啡☕️ 店舖不大，坐位只有幾個，幸好剛剛有檯客人走左先有位唔洗等✨Cold Brew有一大粒圓形冰用另一個杯裝。Cold Brew味道頗濃，個人都比較鍾意冇咁酸嘅咖啡。下次得閒都會去再嘆下咖啡💛—————————————- 總結 味道：✨✨✨回頭：✨✨✨推薦：✨✨✨性價比：✨✨✨

講起元朗就會諗起人來人往的熱鬧小鎮🚃意外地發掘出屹立在鬧市中的另類cafe☕️雖然地址不近又新街中央位置附近不過佢都係近YOHO,所以西鐵站行過去都唔太遠～由於今次想叫杯野飲，靜靜地睇下書過下日晨，真喺個唔錯選擇嚟架🤣*凍宇治抹茶鮮奶*$37呢杯以鮮奶為主底，不含任何咖啡成份。上面層字治抹茶亦十分香濃。兩者混合後，飲得出從奶中散發出一種淡淡的抺茶香味🍵如果唔喜歡飲咖啡，但又鐘情Green Tea Latte，真係要試下呢杯無咖啡因嘅Green Tea Latte呀👍🏻

元朗一直都有好多靚靚cafe，星期日緊係要去relax一下🥰❤️見到有人推介呢間，仲要主廚係藍帶畢業甘架勢👍🏿一於黎試下😃環境：偏日系，以白雲做signature，設計簡單，得小數座位，所以成間店好寧靜😃食物：店舖主打輕食同beverages ，都有幾類，分別係pasta，salad，all day breakfast同sandwiches 。Beverages 方面都有coffee，soda同frappe。食物價錢都算中上，飲品類就偏貴，所以今次都只係試咗兩款食物同一杯飲品🤫1. English Breakfast🍳🥪🥓盛惠108既早餐有腸仔，茄汁豆，大啡菇，炒蛋，煙肉，多士，沙律同薯餅🥰全部都係啱我口味嘅食物🤩賣相都幾靚嘅，但性格比較偏低🤭大部份食物都係自己喺屋企可以煮得到嘅，冇咩特別。薯餅一睇就知道炸得唔夠脆，食落比較淋。多士就完全冇牛油，比較健康😂炒蛋好fresh，鹽都冇落，認真健康。2. 荷蘭汁三文魚寬條麵🍝寬條麵口感煮得剛好，但荷蘭汁得好少，搞到成個意粉都冇乜味。雖然之後已經再請店員加汁，但都係屬於淡口味嘅炒意粉，比較失望😮‍💨本身對於呢個意粉嘅期望較高，因為喺香港真係好少有

試咗卡邦民意粉🍝同蕃茄肉丸意粉，用嘅係扁意粉，軟硬度煮得剛剛好，唔似啲樓上cafe煮到淋啤啤，咖啡叫咗Piccolo ，睇得出老闆好鍾意煮咖啡，會同客人討論咖啡煮法/用具之類，偷聽到佢哋好似可以訂蛋糕，下次試下

そら的中文係天空的意思，餐廳裝修亦以天空的顏色做主題，店面不大，自助點餐，人流不多，可以慢慢享受我嘅早午餐。#煙三文魚芝士奄列 ($50)～煎奄列伴沙律，煙三文魚同芝士都好足料，只係價錢略貴，如果可以多一片多士感覺就很值了。#caffemocha ($36)～惠顧食品加$30就可以飲到熱mocha，咖啡相對食品抵飲，都算大幾杯，個mocha仲要用黑朱古力沖，所以朱古力味較濃，唔會有starback 的奶臭味。

Came here on a Wednesday afternoon for a late lunch. Had been thinking of coming to this place since Google had suggested this place to me. So decided to try this place out. When I finally got to this place, I sat down and ordered the English Breakfast. It wasn't as great as I had expected

新年期間好多舖頭都休息, 勤力既老闆年初一至初四都開門做生意, 等我地d早餐控唔駛餐餐食蘿蔔糕!😂😂唔想等位梗係要排頭位, 11am開門時已經有6人等候, 好好彩還有一個bar枱位, 仲可以望住街上風景!之前已試過英式早餐, 今次就試水牛芝士蕃茄豆腐牛角包, 果然同樣出色! 脆脆的牛角包, 不會太熱, 溫度剛剛好;蕃茄加上豆腐帶出清新既感覺。再加一杯熱latte, 足以令人整天都維持靚心情!😎呢度主要由老闆一人製作, 所以即叫即整, 客人須要耐心等候。(沒有充裕時間享受早餐, 我就唔建議佢地黎了😬)

呢間cafe好chill好relax，因為只得一個廚師，所以上菜的確會比較慢。但都可以珍惜等待嘅時間，同身邊嘅人好好地傾下計，享受慢活人生。店鋪入面除咗有文宣，仲有元居民社區報🗞，等嘢食嘅時侯我哋都睇咗唔同關於元朗人元朗事嘅報導，大家有興趣都可以拎份睇睇！🥐 火雞肉軟芝士牛角包 $50呢個牛角包係menu上面搵唔到嘅隱‼️藏‼️版‼️，我都係睇其他foodie介紹先知，真係無介紹錯呀！牛角包熱辣辣送上，超級酥脆，包住三大塊火雞肉同埋四塊軟芝士。本來以為呢個牛角包係行鹹香路線，點知入口竟然食到甜甜地嘅味道，好驚喜🤤。包入面有啲類似果醬嘅餡料，應該就係甜味嘅來源。火雞又大塊又厚，不過單食會太鹹，所以一定要夾埋啲果醬食，先可以中和火雞肉嘅鹹味。成個配搭鹹鹹地甜甜地，好特別又份量夠。大家想食都可以問吓店主仲有冇呀！👅評分：9/10🍽 英式全日早餐 $88呢個all day breakfast有炒蛋、啡菇、腸仔、茄汁豆、沙律、煙肉、薯餅同烤麵包。當中最好食係個啡菇🍄，一咬入口竟然會噴汁，又香又好食。呢到啲茄汁豆同街外嘅罐頭唔同，呢到啲豆大細粒粒唔同，唔知係咪自家製嘅茄汁豆呢，又幾好食。🍳炒蛋好黃，同間

今天來到一間想試很久的元朗cafe，時間是一個星期二的早上大概11時，那時店內只有兩個人。店裡播著的歌，全都是我喜歡的抒情風，我點餐後，選了個靠窗的坐位，享受著這個於寧靜中，屬於自己的空間。不到一會，我點的熱泡沫咖啡和煙三文魚炒蛋Bagel就到了，這個早餐十分抵食(盛惠$ 45，早餐供應到11時半)。呷一口咖啡，吃一啖Bagel，看著窗外的那條小巷，想起前幾天三家姐的ig post，說小時候覺得酒和咖啡又苦又臭，不明白為何大人會喜歡喝;但到長大後，即使它們仍然是又苦又臭，但卻終於明白為何人們會喜歡，與其說他們喜歡那味道，更多是賺得一個可以暫時逃避現實，喘一口氣的空間。偶爾，有人會走進來外賣一杯蘋果汁;有人吃畢就匆匆離去，邊走邊在電話裡交代著工作的事。我離開的時候已到了中午，店內走剩下一個人，但要注意用餐時間規定為1.5小時。

朋友想去大棠影紅葉，想去元朗找cafe 小店chill一chill,住元朗朋友介紹呢一間曾遠赴藍帶廚藝學院進修店長店長主理嘅小店，所以特意去試一試.店在內街比較簡約，去到門口透過玻璃幫好似冇人一開始以為冇開門，原來店長喺廚房做緊嘢.店面比較細疫情下座位只有八個，幸好係平日嘅中午冇什麼人.服務方面完全感受到’家庭式‘（就像你喺屋企叫廚房阿媽拎野比你，阿媽會整呢整路先過嚟，又會好似唔耐煩問你‘什麼事什麼事，有嘢就快啲講啦’）黎之前已經係OpenRice 準備睇咗餐牌說好快可以好快點餐：Food:卡邦尼扁意粉lunch set，煙三文魚芝士奄列，菠菜苗蘑菇暖沙律Drink :Mocha & 宇治抹茶鮮奶（走冰）**店長係一個非常正直嘅人嘢食未黎佢會好認真咁提醒你要帶返口罩(喺OpenRice睇咗有人問店長拎水跟住飲一啖水就走俾人鬧嘅文章，我哋都非常之乖）食物：👍🏻菠菜苗蘑菇暖沙律菠菜苗好新鮮，熱熱的蘑菇配合暖暖的橄欖油及醋都幾好食（*但係唔鍾意油淋淋嘅人可能就麻麻哋）👌🏻卡邦尼扁意粉味道偏淡但係有淡淡的蛋香👎🏻煙三文魚芝士奄列唯一值得欣賞佢哋係用日本蛋，奄列偏乾身中間雖然有熱烈嘅芝士但係煙三

今次同朋友嚟到呢間設計簡約嘅Cafe食brunch，我哋都揀咗英式全日早餐，然後每人再叫多杯嘢飲。📍英式全日早餐 ($88)：蛋揀咗炒蛋，食落幾滑，啡菇食落幾juicy幾fresh，係健康嘅味道😂 香腸、煙肉、沙律同味道都正路，茄汁豆份量比較少，多士同薯餅唔夠脆，麻麻哋😕好食指數：3/5📍宇治抹茶鮮奶(熱$34/凍$37)：抹茶味真係好濃郁，係靚嘅抹茶粉👍🏼👍🏼 配埋鮮奶好香好好飲，如果少啲冰就perfect啦😋好食指數：4.5/5📍Cafe Latte (熱$34/凍$37)：海馬拉花幾cute，不過朋友話杯Latte無乜香味，同連鎖咖啡店賣嘅差唔多水準，佢有啲失望😶好食指數：3.5/5🌸 呢度座位比較少，有可能需要排下隊等位，而且因為人手有限，出餐會慢啲，需要耐心等待。抵食指數：3/5環境指數：3/5推介指數：3/5

去元朗想chill chill地渡過假日午餐，就去咗呢間比較隱蔽應該比較少人知道嘅cafe. 舖頭面積好細，可能只係可以容納到四組客人，而且去到嘅時候入邊嘅客人全部都係好靜，亦都有食完睇緊書既客人，令我同朋友傾偈都唔敢大聲。店舖應該係有一對年輕夫婦經營，由於只有兩人，即叫即做所以都等咗一段時間。小店應該主打係咖啡，果然有濃厚嘅咖啡香味。另外叫咗全日早餐，而朋友就叫咗一個是日推介嘅意粉，全日早餐份量就唔算多，整體感覺都比較淡，而且仲有四片好乾而且比較淡嘅麵包，可能就比較健康啦！值得一讚嘅係大啡菇都整得幾香。另外朋友叫嘅三文魚意粉就話煙三文魚比較咸整體來講食物質素未算係太好食，但係如果想搵個地方正整地過一個放假嘅午餐，呢度都係一個唔錯嘅選擇！

今日去試下該店食早餐,感覺已經不友善,可能店長有性格,都無所謂,但最後個店主長非常冇禮貌,無端端被男店主鬧,事因飲完咖啡,叫佢比杯清水飲,因未飲完杯水就走,結果被追出門口鬧,話飲兩啖就吾好要,仲要將杯水潑出街外,這是什麼態度,沒有禮貌,不尊重客人,吾通佢杯水係特別d,一定要飲晒？