Sugar & Spice

营业中

休息中

我們一行二人在附近找吃的，看過幾間，最好的應該就是吃泰菜的這間了。先點一個海南雞飯餐，雞皮色澤油潤金黃。聽侍應說，這雞不是市面用的急凍雞，成本已經貴幾倍！吃下去油香很重，有雞味，真是一分錢一分貨。餐中還有冬瓜湯和黃姜飯。冬瓜湯很清甜。再來是泰式生菜包，生菜爽脆，證明夠新鮮。免治豬肉份量很多，微辣有肉汁。還有蔥頭粒、蒜粒等，味道豐富。朋友每次吃泰菜都會吃生蝦刺身。這兒的生蝦刺身很厚肉肥美，最驚喜是還有苦瓜片。生蝦汁調味都很不錯，不過很辣。最後是必點的飛天通菜，雖然是冬天來吃，但通菜還很嫩。通菜拌了炸蒜和紅椒同炒，還有微微的辣椒香氣。

冬陰公湯是店子名物，因為此店是正宗泰國學廚的廚師來煮的。要吃就吃冬陰公這種主打菜先可以食出泰廚跟非泰廚嘅功架。今次就選一人晚餐的冬陰公大蝦湯金邊粉啦！侍應細心地介紹了各款套餐，又奉上了凍水，服務不錯。很喜歡這兒的杯子，漂亮貴氣，很有泰國皇室的感覺。起沙的碗邊說明這個冬陰公湯底有幾足料！大大隻的大蝦就正正在碗中間，碗大蝦亦大。先飲口湯，微酸而香辣度十足，很濃香茅味，整個冬陰公湯很正宗很好味！ 而且還有大量草菇，吃出了泰國菜着重香料和材料紛陳的特色。大蝦太誇張吧，大得佔了湯碗面的 1/3。蝦肉彈牙，而且冬陰公湯已經入哂味。放湯我不太喜歡金邊粉，所以轉了檬粉，檬粉吃起來比較爽，有質感。單點了一個在家可以煮但沒有在餐廳炒得好吃的肉碎生菜包。看上去肉碎份量很多，而且很多蔥頭、蔥花、青辣椒等，生菜亦很新鮮。豬肉炒得夠乾身入味。拌上生菜同吃，很清新。朋友想多吃菜，最後點了這個又多菜又飽肚的濕炒河粉（豬肉）。大約有5/6款蔬菜，加上我最喜歡那滿滿的獻汁，不知不覺便把河粉全清掉😅豬肉片很嫩。晚餐配飲品一杯。我加錢轉泰式特飲 - 珍多冰。珍多冰有粒粒椰果，甜度適中，十分飽肚。

入大嶼山行山一天遊，不過大嶼山巴士班次疏落，每條線都是滿滿人龍，為免入夜後乘車不方便，我們提早回程，然後在東涌找餐廳吃晚餐。聽住東涌的朋友說富東的泰國奶茶是必點的，我們便去到一間綠色招牌的泰國餐廳。泰式豬手店員推介海南雞和泰式豬手，考慮到泰式豬手較不常吃和有特色，我們便點了泰式豬手。泰式豬手沒有豬皮，但還有豬手那層啫喱面。吃上去還是又滑又軟的口感。肉質一絲絲的，像吃滷水豬軟骨。泰式炒飛天通菜這兒的通菜就算是冬天吃都還是很爽嫩，值得一讚。炒菜不辣，面頭的炸蒜是裝飾，沒有搶味。蒜蓉包在泰國餐廳吃蒜蓉包還是第一次。見旁邊那臺點了配咖哩，我們又試試看。泰式蒜蓉包很大件，每塊包都有手掌般大、手掌般厚。麵包底是一般的法包，哄得脆口。蒜蓉都是超多，已哄得超香，還有蒜蓉的甜味。比較特別的是還有少量芫荽，香味豐富。就算5塊大麵包，我們二人都吃得下，極力推介。 咖哩雞最後是咖哩雞，雞有4件，伴上裝飾用的紅色辣椒皮。份量還可以啦，如果在尖沙咀吃咖哩，我試過很多都只有一兩件肉，好像咖哩都是這樣子，預算客人重點是吃汁。當然我希望可以多幾件肉給我們食肉獸去吃就好了。我們點的黃咖哩是辣度最溫和的，微微滲出香茅香氣

东涌富东街市一家小店，但味道很正宗，带老公和爸妈去的，妈妈爱吃酸甜辣口，吃开心了。只是服务员是第一天上班为了表示热情好客话比较多，老公香港人不太习惯用餐时被过分询问私人事宜，我虽觉得不妥，但出于淳朴无恶意的沟通我都觉得还好。反正，厨师是泰国人，味道确实是正宗的，不像有的香港化的泰国餐，只甜不够辣

秋天到了，所以又來了風景超好可以一覽整個大嶼山以及芒草的大東山行山，從伯公拗到南山，約莫走了4個鐘頭，當然回到東涌市區，飽足一下，剛好有下午茶套餐組合，點了扎肉湯河（$38），湯頭清爽，配料蘿白份外夠味好吃，加點泰國青木瓜沙律（$12），份量足夠，以及凍檸茶（$3），喜歡這裡的飲品，是自己加糖水的，甜度可以自己選擇，比起東薈城的餐廳，想要來個便宜些，這裡絕對是好的選擇，可惜的是還未食完，但店員就急著來收盤

郊遊之後去返東涌食飯，就去依間泰國菜試試先。店裏面啲枱放得好迫，好彩我哋都算早食，大約夜晚六點鐘左右，冇咁多人。我哋叫咗炒金邊粉、扎肉湯金邊粉同埋青檸梳打。炒金邊粉我走咗青，走埋辣，味道都幾好，炒得好乾身，唔會有太肥膩同埋淋嘅感覺。扎肉湯金邊份都唔錯，但感覺上味精好似比較多。青檸梳打都OK，我都幾喜歡依間鋪頭凍飲品糖水係自己加，每張枱都有一支糖水放在枱面上，可以就自己嘅口味加多啲或者加少啲。坦白講，食物係唔錯嘅，不過我見到店員嘅態度就一般。希望佢地都改善下。

這間泰國餐廳，基本上來過一次，就沒有動機要再來了，因為這麼一碟炒金邊粉，超級細碟。看看店內，內裏環境亦都非常擁擠，門口經已覺得很小，可能胖一點都要側身才能內進。內進後，座位極擠，四人座位的確要擠滿食客，不認識的話，勉強要搭枱的確非常迫。炒金邊粉，不算等太久，鑊氣欠奉，味道微酸，餸料不多，三兩下手勢便吃完。價錢不菲，這麼迫夾的小店子，是否在富東商場租金太貴，小小一碟，連熱飲，竟然要$50。如欲吃泰式，到北大嶼山醫院對面那兒更佳。

唔會再食嘅泰國菜，叫左個香茅雞翼同埋豬扒飯，d肉乾又冇味都算，d飯仲要勁爛加埋d有酸味嘅菜。食個陣突然有隻曱甴爬左上我對面張櫈，衛生情況同食物質素都有待改善呀。

今日夜晚諗住呢間嘢食，所以走過來餐叫咗二人餐，包括一個青咖喱雞，同埋一條檸檬烏頭魚，個青咖喱一嚟到俾你見到就嚇死人，好似一半係咖喱加一半水咁，雞有冇味，另外條魚又係無味，冇檸檬香又唔酸又唔辣，兩三年前晏晝食過呢間其實都OK，今次試過簡直完全唔掂，加埋嘢飲總共今餐食咗$316 ，真係覺得一啲都唔值，服務態度麻麻，我問過侍應個咖喱係咪真係咁水，佢話係咁嘅，佢主動問我需唔需要我半個一兜，咁我就話要轉紅咖喱，結果都係差唔多都係一樣咁水，俾錢嗰時仲有條女侍應眼超超，總之我就以後都唔會再嚟。

平日都好少嚟東涌，今日做完嘢經過呢度想搵地方食飯，發現唔少餐廳都要排隊等位，但呢間泰國嘢反而冇咁多人，雖然都等咗 5-10分鐘先有位。Lunch set 約 $50-60，但野飲就要另加錢。正值午飯時間，加上店舖唔大，所以搭枱係必須㗎喇，可惜張枱比較細，兩個人坐埋一邊覺得有啲迫。嘩，呢個冬陰公金邊粉紅到，一上枱就知出事了。飲一啖湯超辣，辣在佢嘅酸味好重，而且好多油，要食哂成碗麵實在少啲功力都唔得，好在配料都唔少嘅。最後都忍唔住嗌多杯凍檸茶解辣。好彩炒金邊粉都唔差嘅，配料同冬陰公嘅大同小異。

每晚放工回家回到東涌都夜，所以我們兩小口子多數會在東涌站過天橋去富東商場吃泰菜，貪泰國菜款式多，啱胃口。椰汁雞湯我們點雞湯時，侍應跟我們說是辣的。其實有幾次我們食到打烊，見到出來執頭執尾的廚師都是泰國人，就知道這兒賣的是正宗泰菜，又辣又香～椰汁湯白雪雪，端上桌已經聞到椰香，喝上去是濃厚而有少少漿口的雞湯，椰子味道帶起甜味，接著那種指天椒的辛辣由喉嚨開始滲出，又真係幾辣幾惹味！湯料有雞肉、香茅、辣椒、草菇等等，湯料好像一直吃不完，應該有1/3 以上都是湯料吧，所以湯頭才夠味。泰式炒飛天通菜通菜又爽脆又嫩口，炒得脆綠，很有鑊氣。基本上是每次必點之菜式。香葉辣椒炒豬肉碎飯男友要米飯下肚，便點了一個肉碎飯。肉碎跟粒粒豆角一起炒，每一口都很有咬口，雖然辣椒是這味菜主角之一，但我不敢吃辣椒呢，還是把它撥走。豬肉香口有肉汁，拌飯一流。住在東涌多年，這家小店好像比我在東涌還久。雖然我在這店都吃過很多次，但那個餐牌密密麻麻很多款式，我什麼時候可以吃好了所有菜式呢？

我未試過喺OpenRice 寫comment,但食完呢餐真係忍唔住要寫！我同老公叫左個2人餐加1杯青檸梳打走甜，杯青檸梳打黎到時，我地真係o左咀，得2/3杯，問左店員佢話因爲我地走甜，走左d糖槳所以係咁，飲落仲要無乜汽，似係開左好耐走哂汽嘅汽水咁！ 飲過n間唔同餐廳嘅青檸梳打，走甜走到少1/3杯真係第一次。間店熱到好似無開冷氣咁，問店員佢話開左,食餐飯食到出哂汗，坐得又迫。食完出到去發現室外仲涼過餐廳。

經開東涌，就一定要食呢間Sugar & Spice!地點方便易搵，係東涌站A出口一出，行過對面馬路，穿過街市，就見到大大綠色的招牌，招牌十分搶眼，一望就會望到。最常幫襯係至抵食晚市二人套餐，因為價錢還算可以接受，一個套餐$208，連兩杯野飲。👍👍我地叫左:香葉辣椒炒肉碎，可以配白飯或黃薑飯兩碗，不過個人都喜歡白飯多啲。叫少辣都已經好辣，吾食得辣的朋友，建議走辣，或者走辣後跟據自己接受辣既情度落辣椒粉。肉碎乾身，送飯真係頂呱呱，可以食曬成碗滷水豬手，有酸辣醬配，味道正宗，🐽豬手入味，但肉稍嫌碎。飛天通菜，呢個炒得有點普通，吾夠入味，冇乜泰國味道。但勝在通菜夠青嫩新鮮！呢個餐都會送清湯，貌似係胡椒雞湯，清清地味道還算可以。野飲我地叫左兩杯泰式奶茶，可以跟據個人喜好，自己落糖漿或者落砂糖。如果吾落都好飲，同泰國飲既奶茶都不相伯仲，解辣一流。🤣大部分員工年紀都偏年輕，但態度十分好。收銀設係門外，不會阻礙其他食客，幾好。如果再經開東涌，仍會再去幫襯

與友人相約東涌吃晚餐，先點了泰式拼盤、海南雞飯及無骨鳳爪沙津。先由我最愛的無骨鳳爪說起，酸酸辣辣，是我喜歡的味道。泰式拼盤有魚餅、蝦餅、雞翼、春卷，所有款色都是脆口，不錯。但海南雞飯味道還欠少少，口味偏淡，要加醬料才有味道。雖然店裡空間不大，小食都很值得推薦！

同女朋友經過，見到有冬蔭功食就入去試下啦，點知未食完嬲到震。入到去叫個冬蔭功湯金邊粉少辣，但侍應女仔落錯單，上枱變左炒金邊粉(多辣椒碎)，叫佢換返冬蔭功少辣，個女仔面有難色，不過最後都換到。點知碗野上枱，我見到碗面層辣椒油成尺厚，於是就問個侍應:真係少辣左?侍應(黑面): 係!我再用匙羹搞一搞，目測起碼加左成廿隻辣椒連籽，食落啖啖都係生辣椒味，問返個侍應，係咪廚房發脾氣少辣變多辣，佢已經全程黑面零回應。最絕核係臨走見到男老闆，同佢反映返食物既問題，男老闆竟然一臉不屑，望都冇望我咁話:我d野食係咁係喎!講真，成80蚊碗粉，成碗都係辣椒水，冇配菜仲要得一隻蝦，本身已經唔係平，仲要受埋佢地staff既氣，如果有大家想食飯搵氣受，歡迎佢依間野試試。。