Tamarind

营业中

休息中

同朋友係旺角行街, 經過見到呢間都差唔多滿座嘅新開泰菜, 就諗住試下餐廳裝修好靚好有心思 店員仲問我地想唔想坐入面扮篤篤嘅枱 岩哂打卡✨泰式和牛船麵 好味嘅泰式船麵本身係香港已經比較少見 見到隔離枱船麵好出色 即刻想嗌碗黎試下睇到menu原來仲有得揀和牛船麵!!和牛一食落去就知唔係平嘅和牛黎 仲要有好幾塊 份量都唔少配埋佢香濃嘅泰式湯頭 個湯飲得出係經過長時間熬煮 好濃郁 同埋味道真係好似係泰國食過嘅味船麵麵條彈牙 軟度岩岩好 真係好驚喜!✨泰式豬肉碎生菜包每次食泰國菜都一定會嗌生菜包 當然今次都唔例外啦豬肉碎加埋香茅 蒜頭 同魚露等調味料一齊炒 一上枱已經好香重點係佢青檸香味好突出 好夾好好味酸辣程度岩岩好 夾埋新鮮生菜一齊食口感非常豐富 好清爽開胃✨泰國龍眼水我同朋友都加左$12蚊 叫杯龍眼水  一人一杯黎到見到一大杯  入面有四五粒完整龍眼肉 龍眼肉色澤自然  收晒貨啦  而且明顯唔係龍眼乾放入去發返大個D揸流攤  甜度個人覺得適中  唔會淡口整體黎講 我覺得算係呢區好出色嘅泰菜 份量大大份 但質素算高 cp值打爆左! 個船麵真係好有驚喜 絕對會再番黎食多次而且裝修幾有feel

我好少寫食評，但做得好真心係想支持下香港食店! 行去女人街行咗一輪，最後揀咗Tamarind泰國菜，食物好食，餐廳服務和裝修都好出色!!一進去未完全full house，滿咗一半左右，server都好耐心咁介紹有咩好色，並根據我地口味提供建議，最後揀咗和牛炒河、招牌蟹肉炒飯同和牛船麵，食物搭配好好，整體口感層次分明，開胃開胃，有別於一般港式泰菜。再望下原來佢地係open kitchen，睇到入面啲泰菜師傅喺度講緊泰文，又煮緊野食咁，幾過癮。餐廳裝修充滿咗泰國元素，好似去咗泰國街頭咁，有7-11吊燈、dead pool graffiti (btw, 好型!) 最正係有個位有街頭小食檔咁，有feeeeel，推介大家試下~下次試下其他餸

琴日經過油麻地見到個門面好特別靚靚仔仔咁入咗去食嘢😍😍一入去見到裝修好有心思俾人一種去咗泰國街邊食船麵嘅感覺座底waiter好好招呼咁介紹左有咩咩好食✨✨我地好肚餓叫左好多野食😂😂其中最推薦嘅係蟹肉奄列食過香港餐廳嘅蟹肉奄列唔係太腥就太鹹呢個係我香港食過最好食嘅我喺泰國食既差唔多！另外就係和牛炒河！！🐮🐮本身以為佢係港式嘅乾炒牛河嚟到好有驚喜啲河粉係泰國嗰隻好闊好滑個啲😍😍味道都好有泰國個隻味仲叫咗一啲喺其他泰國餐廳見唔到嘅嘢食好似豬肉丸生菜包，咖喱黃金麵🍜仲有泰國餐廳常見嘅豬肉串燒同飛天通菜豬肉串燒覺得似係新鮮串，每一寸肥瘦均勻加埋個沙嗲醬一流🍡🍡美中不足係飲品種類，唔係太多選擇其他都好ok!!5個人叫左8樣野🤣🤣最尾係食唔哂👀推薦大家去試下😌😌😌