Tapas Brew (Greenfield Plaza) (已搬遷) 新店位置

西班牙/ 德國餐廳 (Tapas Brew/ Das Bier)兩餐廳只差一個轉角位， 同一時間可享用兩國餐廳西班牙乳豬： 皮脆肉嫩。 如果可以去骨就更佳燴蜆伴檸檬橄欖油：湯底酸酸地， 有香草味。 蜆還是蜆味。德國Ribs: 入味， 肉軟。 朋友認為醬汁味太濃。 的確， 食完ribs 再食乳豬， 顯得乳豬味淡。服務成間餐廳得一個侍應serve 10 張枱， 無服務可言， 仲要收加一服務費不滿：訂左位， 當晚第二枱客。 坐低左覺得個風口位好凍， 想轉枱（4人枱轉4 人枱）。 侍應： 其他果啲枱有人book 左我心諗： 大家都book 左枱， 點解我一定要坐廁所對出個風口位呢？我： 但呢個位好凍～侍應： 陣間多人啲就無咁凍。就這樣屈伏坐低左結果， 食左成個鐘， 其他枱都無人坐！後來既人都係walk in 自己坐左喺我想要既位！人多左， 個風口位咪一樣咁凍！侍應態度唔算差， 語氣普普通通， 但說話內容係完全老點， 唔識變通。因為咁， 食得好唔開心。整體：食物唔差，但亦唔係非常突出， 唔係特別平，因為service 唔好， 比人敷衍， 所以唔會再幫襯。題外話：有個外籍人士用廣東話同個侍應講啲野

兩個女仔走到來大埔區，看到附近大多餐廳的人龍非常多，便走去試間新開業的餐廳。環境乾淨整齊。西班牙烤乳豬。乳豬有兩件, 外層烤得非常香脆，脆卜卜的乳豬皮深得我心，肉質爽嫩誘人，肉汁豐富，滑溜乳豬肉令人驚喜。乳豬脾和排骨位置均無令人失望。西班牙海鮮飯。二人份量剛剛好，飯粒味道較為淡口，尚好有檸檬汁調味，海鮮鮮香但少一份新鮮的口感，賣相美美，份量算多味道也不過不失。

朋友仔新居入伙，去佢屋企玩完之後唔想煮唔想洗，佢就話帶我去食屋企附近新開呢間西班牙野。見佢屋企附近都有唔少餐廳，呢間位置唔算太易搵，不過為左食好野，點都要去既。見到個個台面都有杯啤酒，我都唔執輸先。平時飲得多Hoegaarden，今次見呢個有lemon and lime，比較少見。呢款都算易入口，得2%酒精，飲多兩杯都唔容易醉，口味都幾清新喎。西班牙海鮮焗飯材料夠豐富，有青口、蜆、蝦、魚等等，唧D檸檬汁將佢撈埋一碟先佢仲加左青椒、紅椒、洋蔥一齊去焗，口感幾豐富。特色烤乳豬黎到當然唔少得試呢個特色烤乳豬啦，一隻豬髀配一件豬肋骨，上台熱辣辣，香氣四溢。一切開，個皮脆到呢，但入面既肉保持腍身有肉汁。不過份量如果可以多D就好啦，因為實在令人回味。估唔到呢頭可以試到咁有質素既西班牙野，價錢合理，相信佢一定會成為朋友仔之後既飯堂。

成日聽人講大埔多野食，就揾日去尋下寶先。我地好鍾意行去D小巷到，睇下有咩新野食。今次行過黎，意外發現左間西班牙餐廳。本身掙扎緊試呢間定係附近新開既火煱店，最後揀左前者。呢到個drink menu好吸引，啤酒都有好多款，我就揀左angry orchard，未試過，但見個名幾得意。蘋果味都重，酸酸甜甜，幾易入口。叫多個西班牙燴蜆，蜆唔算大隻，但個汁超好食！我地直程用個蜆殻兜D汁黎飲！哈哈！份量不算多，一人一隻好快KO左佢啦！堅惹味！下次絕對要試下青口，好啖啖肉既感覺。黎到當然亦要試西班牙焗飯，兩個人食岩岩好！估唔到材料咁豐富喎，同menu幅圖一樣，蝦呀、魷魚呀、青口呀，味道可以再濃小小(不過本人的確比較重口味)，朋友就覺得味道好夠。不得不提，海鮮都幾新鮮喎，最怕蝦肉魚肉係霉既，呢到絕對唔會。而且我地好似尋寶咁，D海鮮食極都有。見到格離台食緊mini burger，好吸引呀！不過怕自己眼闊肚窄，都係下次再黎先叫！