Tartes & Pop

营业中

休息中

用作散水餅不二之選啊 同事都話好食😋好有心思同多選擇滿足唔同人 order左兩次 準時送到同新鮮 服務都周到 係在西港城附近好方便 希望之後有機會可以試咪其他味 唔會令人失望嘅甜點

聽講上環有間法國兩兄弟開既甜品店，佢地仲話自己可能係香港最好既法國甜品，既然今日黎到上環，就試試去。我買左個香橙伯爵茶撻，佢個包裝好迷你同埋好令。就咁睇個賣相已經無得輸，一食落去，幸福感覺滿瀉。佢最底個層係類似消化餅既餅底，但佢整得完全唔乾，仲要好結實，唔會食到d餅碎飛到周圍都係。中間個層係超級濃既伯爵茶醬，有茶香之餘完全唔甜，同上面層香橙超夾，一啖可以食到兩個層次，真係想再安哥，超級好味，所以非常值呢個價錢。

香港地真係好難搵到西式又有啲法國風情嘅撻，呢個真係數一數二。係某次機緣巧合有朋友請我食呢間嘢嘅撻，從此踏上成魔之路久唔久就要買啲返屋企食，食到想咗癮添....不得不讚下啲包裝好靚，一個一個撻咁包雖然好唔環保，啲撻唔會翻到屋企冧晒好樣衰咁本人最最最最推介係香橙伯爵茶撻！ 香濃嘅伯爵茶味mousse配酸酸甜甜嘅香橙jam，fresh到呢，簡直食到停唔到！ 食咗N次都唔厭真係太好食流晒口水! 仲有上面果個檸檬榛子朱古力撻都好好食，個底好脆，檸檬味好出呢個酸啲好開胃，都超好食

想食tart又諗唔到去邊到買？可以試下呢到呢間鋪頭既門面一啲都唔起眼😂😂 就開係上環Western Market對面 係專賣法式甜撻 但係啲味道既配搭全部都好新鮮吸引😍😍！-黑芝麻抺茶撻 $50撻皮超級脆！撻底主要係黑芝麻 第一口咬落個底到就覺得個黑芝麻味幾濃🥰🥰 之後再咬埋上面個抺茶 抺茶味都好濃😭😭兩隻味一齊食 真係超級好食🥺好高質-佢仲有啲勁正既味 例如 無花果烏龍茶撻、香橙伯爵茶、法式咖啡焦糖布丁味都勁想試😭絕對會回頭...老實講佢價錢真係有啲貴😂不過食完又覺得佢真係值既😂😂

買了Tartes & Pop ge撻. 每一件都整得相當出色, 一共買左4個~Strawberry Vanilla tarte 餅底好香牛油味，咬下更鬆脆。忌廉屬於實既口感，甜度適中。青檸皮好Fresh 又唔苦。中間有層好多士多啤梨果肉既果醬，好香酸酸地。。Passionfruit Hazelnut tarte 中間裝滿榛子醬，入口細膩。hazelnut甜甜，配上熱情果味酸酸，酸酸甜甜夾得好好。好開胃同埋味道好fresh！好正呀！Pistachio Cherry tarte 開心果忌廉香濃軟滑，車厘子酸酸甜甜，味道好出色。Lemon Gianduja tarte 甜中帶酸的檸檬肉果蓉，有檸檬cream包住檸檬jam，夠晒酸，加d朱古力,好酸既檸檬又食到甜甜朱古力味， 味道出眾。

訂咗一盒十六個嗰隻嘅tart仔做散水餅送貨準時 送貨員有禮貎送到個盒重好凍嚟嘅時候 十一個盒用絲帶綁得好靚好穩陣每個盒係厚紙 感覺高級橙白色盒 好sharp一大開 大家都嘩一聲各自有個凹位擺每個tart唔會走位 每個tart都好靚 好完整好似酒店蛋糕禁每個味都好食 唔太甜 食多幾件都唔會覺得漏朱古力同士多啤梨味都好味size 啱午餐後先食 好受女士歡迎 送貨只有中午打後因為係當日早上即刻整佢哋只接受網上預訂 唔可以打電話訂

今日有同事請食下午茶，從來未試過呢間餅鋪，但之前已經聽過，今次終於有機會試。佢所有撻都係甜味嘅，所以下午茶時間食呢個甜品都真係唔錯。我地揀左幾個味道一齊試，每款都好有特色，好好味呀！我地揀左幾款，分別有（左至右，上到下）：Raspberry chocolate, Vanilla strawberry, Passionfruit Hazelnut, Apple Caramel每個味都真係好特別，但如果話最特別嘅應該係Vanilla strawberry, 真係好有驚喜，佢上面嘅士多啤梨係啫喱，配合下面vanilla味甜甜地嘅filling真係好夾。呢個味值得試呀！另外，佢個包裝都好靚同仔細，同事買得多，所以有個大盒，但佢每個仲會有獨立包裝，一定唔會整到隔離個個tart。

終於一嚐法式甜品Tartes & Pop的抹茶🍵芝麻撻！整個配搭好夾呀🥰🥰🥰————👉🏻頂層的抹茶🍵忌廉味好出，食落唔會太漏，又唔甜！幾高質！🤗👉🏻中間一層可見濃厚的芝麻，好香、又係唔會過甜，同matcha 一齊夾到！撞埋一齊味道好出👍🏻👉🏻餅底重係一層朱古力味加一層薄薄的杏仁蛋糕！唔會太厚，有脆脆既口感🥰🥰整體是不錯的！一改對法國🇫🇷甜品甜到漏的感覺————-$50件，(size幾迷你，所以都有點貴)Tartes & pop Best seller

今日老闆請食散水餅， 一次大曬冷，試勻晒全店裏全部味道， 真正超級無敵視覺味覺大享受！一班同事們坐埋一齊食，而我負責將每一件西餅🔪切開四份， 我一路切一路已經喺咁先吃為妙， 應該係食散水餅最開心喺我了！試晒全部撻後， 我覺得黑芝麻抹茶撻冇得頂，濃濃綠茶香，獨一無二！ 後來更了解到抹茶粉係有提供證書認可，簡直信心保證！其次是亞軍和季軍之爭！ 會係香橙伯爵茶撻和法式咖啡忌廉布丁撻， 好清新，簡直置身酒店High Tea 一樣，無得輸呀！

小店在公司附近這天剛開完working lunch肚空空且腦空空於是決意放縱自己 以空虛的銀包換取滿滿的口福銀包空虛是由於一個比掌心還要小的撻便叫價五十大元正但滿滿的口福則是沒有花假撻底是曲奇餅底結實但鬆脆形象化的形容是第一口咬下去不會粉碎但第二口在口內咀嚼則感到爽口對於一個接近2mm厚度的撻底來說確實不錯然後抺茶的mosses及抹茶粉味道濃郁把苦味與甜味作出好好平衡中間的芝麻味流心香滑作為配角恰如其份襯托出抹茶的香味相較之下杏仁蛋糕完全給抺茶芝抹搶了風頭只是默默扮演一個用作咀嚼的輔料總結這樣一個甜點實在需要用半小時的時間才能嚐透其味如我只用了三分鐘便把它吃個乾淨委實不宜

約了朋友上環食生日飯，諗住响上環附近隨便搵間小店訂生日蛋糕🎂，搵到呢間d comment好似唔錯，價錢唔算貴又可以online order好方便，諗住一試無妨 （不過要 6:30前pick up，有少少趕）訂咗原個抺茶蛋糕，個蛋糕同生日牌都整得好靚，抺茶好香濃好好味，餅底都好脆好好味，好有驚喜，不過唔食抺茶嘅朋友就頂唔順太濃抺茶味，鍾意抺茶朋友一定like爆 整體嚟講 讚 我下次一定會去試下佢其他tart，超期待

行過公司附近一間鋪頭見到好似幾吸引，就同同事沖左入去買咗幾個tarts share食當下午茶 ，小小獎勵自己咁辛苦做嘢🙈🙈🙈🍎Apple Caramel tarte $45味道偏甜，但係啲焦糖味又未至蓋過個蘋果，甜中大淡淡的果香🍊Orange Earl Grey tarte $45Orange 加earl grey 呢個配搭好特別而且佢真係有橙肉係上面，口感唔錯🌰Passionfruit Hazelnut tarte $45熱情果味重一d 不過同Hazelnut 幾夾🤤🍵Sesame Matcha tarte $50呢個我超鍾意😍綠茶同芝麻味配合得好好，啲芝麻味唔會太搶味，而且食落去唔會過甜或者太漏，個撻皮質地口感都唔錯佢每一tart 會獨立用盒仔裝住，好適合散水餅😏原來呢間法式撻專門店由法國人開設😍唔怪得件件tart都好精緻❤️啲口味都好獨特，睇得出好用心做❤️

有朋友生日，但唔想年年都係食嗰幾個大牌子嘅蛋糕，特別啲就試下網上見到嘅一間好出名嘅tarte! 要咗四種唔同口味試下！1. Coffee Crème Brûlée tarte 一見到呢個味就已經好興奮，有哂我兩個最愛：咖啡同creme brûlée! 呢兩樣野夾埋一齊又幾特別！互相都唔會搶咗對方嘅味，配合得好好，咖啡味好香！2. Passionfruit Hazelnut tarte 熱情果酸酸地，hazelnut就甜嘅，酸酸甜甜夾得好好！平時最驚食太甜嘅甜品！呢個熱情果配落去中和咗個甜味，好正呀！3. Fresh Lychee tarte 呢個荔枝口味嘅tarte好fresh! 比起檸檬口味更清新，最啱我呢啲淡口味嘅人4. Mojito tarte 估唔到會有Mojito呢個味呀真係，咁啱生日嘅朋友好鐘意飲mojito, 佢都話個樣都做到好似，食落個味好特別，有淡淡嘅薄荷同埋檸檬味！呢間都做得幾出色，又獨立包裝，好方便！除左做生日蛋糕之外，都係一個唔錯嘅散水餅選擇！

上次有同事送散水餅，食過一試難忘，就問佢邊度買，原來係上環有間法國甜品店，專門賣tarte!我一去到，就聞到好香奶油味，超級吸引！見到啲師傅係入面一路整蛋糕，代表呢度係即整即賣，好新鮮！今次要咗四個tarte試下，個個都唔同口味！1. Orange Earl Grey tarte 橙味同伯爵茶估唔到咁夾㗎，伯爵茶蛋糕係近年冒起嘅一種口味，配落蛋糕唔會甜好正！蛋味好香，加埋橙香味好fresh!2. Mojito tarte 呢個口味真係好少見呀，對於cocktail愛好者嘅朋友就一定要試下啦！個design都好似mojito個樣！但食落無酒味嘅哈哈！3. Sesame Matcha tarte抹茶味好重，食得出唔係抹茶粉整出嚟，加埋芝麻又係一個好新鮮嘅配搭，真係幾正！4. Lemon Gianduja tarte最從要咗個普通啲嘅檸檬tarte,呢個鐘意食酸啲嘅朋友就啱哂啦！

原來上環有間咁好食既tart!一開始行過條街都無為意有間賣西式tart既鋪頭 鋪頭雖然唔係好大 但裝修都幾有style 入到去見到d tart都幾精緻 唔係全部都擺曬出黎～最後忍唔住買左四款唔同味既tart 翻公司同同事share~ 分別揀左黑芝麻抹茶 蘋果焦糖 熱情果榛子同檸檬榛子朱古力味🙊 果tart無話好大個 作為飯後甜品就岩岩好 四款tart最鐘意黑芝麻抹茶味 抹茶淡淡回甘 整體黎講唔會好甜 加上黑芝麻饀 估唔到咁match!!蘋果焦糖味則偏甜 但焦糖味唔會蓋過蘋果～ 另外熱情果榛子味道都幾唔錯 榛子味都幾出色 最後檸檬榛子朱古力則酸酸甜甜 味道較fresh~建議首先食黑芝麻抹茶味 唔係果話可能會俾其他甜味蓋過左～好適合買黎做散水餅！