Terrace in seaside (形點 I)

营业中

休息中

今日喺元朗YOHO MALL入面搵到一間抵食嘅餐廳，一人晚市套餐$200有找，晚餐好豐富，包括左餐湯、餐飲、前菜、小食、主菜同甜品。我兩個人一共叫咗兩個晚餐，小食揀咗炸牛肉薯餅、炸生蠔。炸物做得非常好，熱辣辣，即叫即整，好新鮮，脆卜卜。每個餐都有一碗蒸水蛋，好滑好好味。主菜我揀咗燒豬頸肉、白汁煮三文魚。兩個主菜都好好食，三文魚肉質好滑，配上白汁送飯一流。燒豬頸肉火爐剛剛好，唔會好乾身，豬頸肉爽爽地琳琳地，加咗調味，好正，極力推介。飲品方面，有好多特飲可以選擇，到水果茶係唔使加錢嘅，所以我哋揀咗。之後就係甜品，揀咗阿華田雪糕新地，同埋阿華田雪糕筒。阿華田雪糕係最驚喜嘅，因為真係好香濃，好幼滑，好好味。

叫咗一杯菠蘿沙冰同牛奶忌廉牛肉闊條麵。菠蘿沙冰唔錯，但係個意粉啲汁太稀，隻叉好窄唔適合食意粉，食到好論盡！明明已經係平日，成間餐廳得三四台客，仲要帶位坐太陽曬住嘅地方😳話要轉位，仲話我得一個人唔可以坐四人枱，員工需要培訓一下

服務態度實屬一般，無人企門口亦冇人班會我地喺左喺門口幾耐，最後行到入去水吧客氣問一問，入面果位唔係好忙嘅女侍應就咁指左下樓面嘅同事就算，加一服務費都爭啲唔想俾！其他野食野飲都算正常，唔好唔壞。最激氣係個醬油蝦，餐牌上冇寫份量，亦冇圖顯示幾多隻。一黎到，得兩隻，即係未計加一，我都要俾70幾蚊去食一隻蝦，嬲到震！最後問埋店員，呢個醬油蝦係最近新加嘅菜式。如果老細加左個咁嘅菜式去搵啲食客笨，咁你真係快啲執左佢啦唔該！另外冷氣太大風，兜頭吹落黎，人又頭痛野食又凍哂。樓面有隻好大嘅蚊係咁飛黎飛去；水吧個女仔R完鼻又插番隻水落去切橙！

一心諗住拍住拖食飯，點知入咗間服務一般，食物一般嘅餐廳。。。真係唔留紀錄都真係對唔住自己😡😡😡😡😡星期六晚，唔使等，即入。。。一坐低就叫咗個傳統飯卷，玫瑰炸雞同一杯乳酪。。。諗住留肚食埋個甜品點知落完單好快就上咗飲品，之後我哋一直等，一直等，等到隔離枱遲過我哋入坐，遲過我哋嗌嘢食嘅。。都嚟埋。。咁我問服務員係咪漏咗單，佢解釋話唔係，係我哋2張枱叫同一樣野食，佢幫我追單，但係係我哋坐低先，叫又係我哋叫先，咁點解會係隔離枱會食先？直至隔離枱食咗幾舊飯卷之後問服務員係咪牛肉飯卷先發現係錯，之後係一句對唔住，唔好意思都無，好似無事一樣走咗去。。然後拎咗碟牛肉飯卷問係咪我叫，我話唔係，我哋唔食牛，叫咗個傳統。。佢好似我欠佢咁咩都唔講轉身走咗去。。。我哋一直等，又等到第n個服務員嚟跟單。。。再等多15分鐘左右，我哋終於有嘢食。。我哋2公婆食完個飯卷成10-15分鐘。。個炸雞好似消失咗咁。。係呢個時候，我要爆啦。我直接話埋單，唔要，然後佢哋照上比我哋。。我哋真係無言。。。一間咁嘅服務態度嘅餐廳，真係好難會再幫襯😡😡😡😡😡

排一陣好快有位 被安排到窗邊一張二人枱 大概4點鐘左右 超級曬 就算冷氣夠大都比太陽曬到全身發慶首先問左一個男同事可唔可以調位 因為見到前面有兩張枱都走左點知員工冇回覆就直接入左新枱 之後再問另一位女職員佢好好即刻幫我開咪問點知應該係一個經理既物體好大聲咁講: 冇呀冇呀 我地聽到完全O曬嘴所謂經理物體係個手臂紋身佬老老豆豆 唔轉得枱你咪係個咪同夥記講就唔好比啲客人聽到囉 完全冇service 兩個人食一個waffle又唔比碟野食好食都冇用No next time

天氣熱辣辣🔥🥵🥵🥵嚟到yoho mall 見到呢間嚟自韓國嘅餐廳就買杯特色飲品濟洲柑橘乳酪賣相好靚，味道飲落好夾，生果味帶點乳酪味。又夠凍。好過一般果茶👍🏻👍🏻

濟洲柑橘乳酪 $68 熱情金菠蘿沙冰 $68柑橘果肉配搭酸甜的乳酪，非常清新！原隻柑橘上碟很吸引眼球喔！ 金菠蘿沙冰也是消暑之選呢！肉醬芝士千層麵 $86層層疊的麵條，口感豐富，而且肉汁相當濃郁，加上溶化的芝士十分邪惡！朱古力咖啡 $52朱古力沒有蓋過咖啡的味道，咖啡夠濃，苦中帶甜，不能貪杯喔！會睡不著。層層樂生日窩夫 $168窩夫很香蛋味，表面有士多啤梨和忌廉，以層層疊的方式呈現，今天是朋友生日，給他一個儀式感吧！

老公話唔好煮飯，晚餐想食韓式炸雞。呢間韓國餐廳開咗一段時間，一直想試。咁啱樓下間Nene Chicken 執咗，就試下食呢間！炸雞咬開肉質嫩滑多汁，掂嘅但炸皮頗厚同少少實，唔夠脆。甜辣汁同蜜糖蒜蓉汁都正正常常，汁多幾膩。熱辣辣炸雞好想飲返杯凍啤或者韓國燒酒，可惜餐廳沒有酒精飲品提供。

食物同服務非常一般, 螄蚶飯啲飯超乾, 牛助骨咬唔喐, 7點入座叫蟹冇蟹叫蝦冇蝦, 最重要係埋錯咗兩次單, 賬單內容吾係加多咗一樣冇叫既餸, 就係將另一個餸重覆落兩次(X2), 職員仲要1句sorry都冇, 呢種餐廳又貴又冇服務, 食物又冇質素, 一定唔會再有下次

📍Terrace in seaside (元朗)元朗朗日路9號形點 I L2樓2056號舖YOHO韓式餐廳，職員會帶上柑橘帽子，非常可愛，環境寧靜，小清新感覺，適合聚會，飲品打卡able 😀 🍊濟洲柑橘乳酪$68酸酸甜甜，非常開胃，加有柑橘果肉，有一點點苦澀味🍍熱情金菠蘿沙冰$68菠蘿沙冰，比較偏甜，原來個菠蘿後面係空心的🙈夏天必叫🍹柚子檸檬梳打$42正常柚子蜜糖加soda 🌸無骨炸雞$108(半份) 蜂蜜蒜蓉🍯/濟洲柑橘🍊韓國餐廳必食炸雞，即叫即做，有多款口味選擇，可以選擇有骨或者無骨，無骨價錢會貴少少，外皮脆口，雞肉鮮滑，個人認為蜂蜜蒜蓉好食d🌸芝士泡菜煎餅$115有三大片，泡菜少少辣，表面勁大塊，好邪惡，食完有啲滯🌸奶油燴青口$188奶油味香濃，好creamy ,青口份量多，好大隻，同朋友share 食#元朗#yuenlong#元朗美食#yoho #香港#hongkong#食好西#相機食先#hkfood#hkfoodie#食好西#相機食先#手機食先#香港好去處#週末好去處#pancake#梳乎厘#柑橘#菠蘿#韓國#韓式餐廳#炸雞#韓式炸雞#意粉#cafe#甜品

周圍都見到呢間以濟州柑橘做主題🍊韓式cafe，配合小清新風嘅裝修設計，真係好吸引人過嚟打卡🤩蜂蜜蒜蓉味無骨炸雞(半份) 💰HK$108炸雞外面炸到金黃色，外層加咗蜂蜜，所以非常之有色澤，仲有啲芝士粉鋪面添！食落啖啖肉，雞肉肉質好juicy！食落去好重蜂蜜味，但聞落去就陣陣蒜蓉香味～五花肉紫菜飯卷💰HK$45韓國菜之中，我最鍾意就係紫菜飯卷！但係呢個飯卷令我有啲失落，啲五花肉好似冇落到調味料咁，成個飯卷淨係食到香葉嘅味道！唔推薦～凍濟州柑橘乳酪💰HK$78呢到最出名就係濟州柑橘，賣相好特別，近睇發現原來係一舊橙！但飲落就好失落，係好普遍嘅橙味嘅乳酪，而且好甜，只可以用嚟打卡～

食物份量充足，味道不錯，各服務員都很有禮貌和專業。招牌蜜糖炸雞點了半份，2個人真的食唔完，因為份量都多，但味道十分好！還點了蜜瓜+開心果窩夫，應該是「期間限定」很大份，但真的「色香味」俱全！

因為韓風主角選了吃韓餐慶祝生日餐廳環境舒適食物也很好吃服務人員也算合格卡拜尼五花肉年糕非常好吃五花肉飯卷一般般芝士泡菜煎餅和韓國式的不同濟州黑毛豬白切肉非常好吃韓式冇骨炸雞好吃哈密瓜柑窩夫必食士多啤梨生日窩夫必食

本人第2次光顧，第1次沒有帶寵物，服務及食物都好好，到第2次帶埋寵物，都知道這間食店近排比食環投訴寵物坐店內，我哋都明白，所以照坐戶口，跟住就出事😡1. 員工帶到出戶口坐，我講請開大少少風機，但搞完一輪，開27度😡又唔涼，風葉又唔郁😡，我哋再叫員工出來幫忙再搞，先開到23度及風葉會郁2. 到叫甜品，員工仲問我哋即時出得未，我哋話出得，足知等咗30分鐘先出😡3. 到埋單比錢，總谷氣😡😡由通知叫埋單，等咗20分鐘，仲要行入去企咗係收銀前，都要等幾分鐘先出到張單埋😡😡😡最後結論....員工服務惡劣😡😡😡😡😡😡😡

閨蜜揀咗呢一間食lunch，環境好舒適，好有韓國小清新嘅感覺，由裝環到服裝都有柑橘🍊元素食物份量好大，叫咗兩個dishes :1️⃣ 蜂蜜無骨炸雞 (4/5🌟)其實雞嘅數量唔多，因為每一件都好大件，兩位女士真係食唔晒。有啲人鍾意食細細件又脆嘅雞，呢間啲雞就相反，佢係好嫩滑同Juice！好啱我嘅口味2️⃣ 柑橘窩夫🍊 (4/5🌟)份量又係好大，但出奇地食落又唔覺得好滯好漏，不知不覺竟然食晒😆 呢間可以下次再去食多啲其他食物❤👍🏻