Terrace in seaside (形點 I)

营业中

休息中

今日喺元朗YOHO MALL入面揾到一间抵食嘅餐厅，一人晚市套餐$200有找，晚餐好丰富，包括左餐汤、餐饮、前菜、小食、主菜同甜品。我两个人一共叫咗两个晚餐，小食拣咗炸牛肉薯饼、炸生蚝。炸物做得非常好，热辣辣，即叫即整，好新鲜，脆卜卜。每个餐都有一碗蒸水蛋，好滑好好味。主菜我拣咗烧猪颈肉、白汁煮三文鱼。两个主菜都好好食，三文鱼肉质好滑，配上白汁送饭一流。烧猪颈肉火炉刚刚好，唔会好干身，猪颈肉爽爽地琳琳地，加咗调味，好正，极力推介。饮品方面，有好多特饮可以选择，到水果茶系唔使加钱嘅，所以我哋拣咗。之后就系甜品，拣咗阿华田雪糕新地，同埋阿华田雪糕筒。阿华田雪糕系最惊喜嘅，因为真系好香浓，好幼滑，好好味。