影片
更多
2022-07-29
58 浏览
韓國過江龍Terrace in Seaside自從係香港開業之後，一路都係幾有人氣，佢地既蛋包飯、炸雞、特飲同埋甜品都好唔錯。不過舖頭座位比較少，平日黎到都排左成個鐘先有得食🙈1️⃣泡菜燉五花肉蛋包飯（$168）店員用刀輕輕𠝹開，個蛋就慢慢由中間滑開，入面既蛋好滑溜😍配上有牛肉汁調味既炒飯底，同埋泡菜五花肉，勁正～個泡菜五花肉都整得好好，用辣泡菜包住中間既五花腩，味道賣相都一流👍 2⃣️蟹肉泡菜意粉（$182）冇諗過佢真係成隻蟹咁上碟🦀️除左有蟹肉之外，仲有啲蟹籽、蘑菇，意粉有好香濃既蟹味，啖啖都掛曬汁😍而且個意粉食落辣辣地，更加惹味🔥 3⃣️韓國蜆肉飯（$135）淨係個樣都已經好特別，啲飯係鋪平曬係隻碟上面，食落帶少少辣味。蜆肉份量都幾多，另外仲有幾隻大蝦。值得一試！ 4⃣️無骨炸雞 揀左最signature 既柑橘口味，食落有少少似韓國柚子蜜既味道，仲有啲炸年糕、炸薯條。而另一款口味，係最經典既韓式炸雞既甜辣味。炸雞食落都炸得脆，而且入面既肉質都嫩滑既。 5⃣️海鮮煎蔥餅（$92） 個煎餅食到蜆肉，同埋蔥。 6⃣️韓式卡邦尼年糕（$92）年糕煙煙韌韌，配埋卡邦尼基本配料煙肉同蘑菇，幾重白汁香，不過
1️⃣泡菜燉五花肉蛋包飯（$168）
店員用刀輕輕𠝹開，個蛋就慢慢由中間滑開，入面既蛋好滑溜😍配上有牛肉汁調味既炒飯底，同埋泡菜五花肉，勁正～個泡菜五花肉都整得好好，用辣泡菜包住中間既五花腩，味道賣相都一流👍
2⃣️蟹肉泡菜意粉（$182）
冇諗過佢真係成隻蟹咁上碟🦀️除左有蟹肉之外，仲有啲蟹籽、蘑菇，意粉有好香濃既蟹味，啖啖都掛曬汁😍而且個意粉食落辣辣地，更加惹味🔥
3⃣️韓國蜆肉飯（$135）
淨係個樣都已經好特別，啲飯係鋪平曬係隻碟上面，食落帶少少辣味。蜆肉份量都幾多，另外仲有幾隻大蝦。值得一試！
4⃣️無骨炸雞
揀左最signature 既柑橘口味，食落有少少似韓國柚子蜜既味道，仲有啲炸年糕、炸薯條。而另一款口味，係最經典既韓式炸雞既甜辣味。炸雞食落都炸得脆，而且入面既肉質都嫩滑既。
5⃣️海鮮煎蔥餅（$92）
個煎餅食到蜆肉，同埋蔥。
6⃣️韓式卡邦尼年糕（$92）
年糕煙煙韌韌，配埋卡邦尼基本配料煙肉同蘑菇，幾重白汁香，不過有啲膩。
7⃣️士多啤梨提拉米蘇（$68）
呢個都好推薦🤩盒子裝既甜品，食落士多啤梨酸酸甜甜，加埋底層海棉蛋糕同埋面頭好細滑既cream，口感做到唔同既層次感仲好好食🍓
8⃣️濟州柑橘乳酪（$68）
呢款幾乎見到每一枱都有點呢個呢個😍成個橙擺係飲品上面裝飾🍊飲落都好有驚喜，味道比我現象中濃，飲到啖啖橙肉，配上乳酪creamy啲既質感👍
9⃣️濟州柑橘乳酸梳打（$48）
都幾好飲，柑橘味道相對比較淡，主要係有一片柑橘切片係面，飲落係清爽啲既梳打味道，仲有啲乳酸味。
1⃣️0⃣️夢幻紫薯牛奶（$48）
都好靚～底下既紫薯好滑好creamy😋
张贴
