Terrace in seaside (海運大廈)

营业中

休息中

同女朋友提前1星期book左26號晚來食。結果去到要同另一對唔識嘅情侶搭枱，變左4人行。我哋即時O左嘴。平時食茶記就話幾十蚊要搭枱姐。估唔到去海港城食韓式餐廳都要搭枱，香港餐廳真係差到咁？ 雖然人均$230起海港城唔算貴，但想獨立同女朋友舒舒服服享受個人空間食下聖誕dinner都甘難？ 間餐廳真係細到爆，但未至於book左仲要搭枱，不如唔好book. 至於食物，失望至極，嗌左海鮮意粉，估唔到都係百佳蝦仁，味道差過saizeriya嘅30幾蚊意粉。 之後嗌左碟牛仔骨，刀都冇比，要嗌要比刀。勁！味道一般再叫左碟牛油果蝦窩夫，又係百佳冰藏冇味蝦仁嗌左3碟加杯熱飲，$460幾，冇服務，味道唔得，坐得唔舒服，講野唔方便，搭住枱食聖誕餐真係大開眼界！希望其他人見到

濟州柑桔主題韓式cafe—Terrace in seaside，位於尖沙咀海運大廈2樓，近期以超人氣Care Bear作為餐廳主題，成功吸引左唔少食客人專程而來🐻 食物方面，餐廳提供各類型經典韓國菜式，而近期就推出各種與Care Bear相關既菜式、飲品；推介熊仔頭螄蚶拌飯，香辣口味適合鐘意食微辣拌飯既朋友，而紫薯南瓜冰賣相相當夢幻可愛，味道亦唔會過甜～ 食客更可以以優惠價購買Care Bear精品，大家記得把握機會🌈

熱愛食窩夫的我，當然不能錯過任何一間有窩夫的餐廳😆😆 近期熱門的韓國Cafe，餐廳不算大，但都有打卡位，環境舒適，坐得舒服。卡邦尼五花肉年糕 $102每條煙韌的年糕都沾上濃郁的芝士味，配上香口的五花肉，非常特別，但食到最後會有點膩。炒粉絲 $92粉絲炒得非常入味，配料亦非常多，可惜粉絲有點碎，難以進食。半半炸雞(無骨) $228無骨選擇非常適合女士們😌，今次我選擇的味道是濟州柑橋及蜂蜜蒜蓉，外脆內軟，肉質鮮嫩，前者酸酸甜甜，非常開胃；而後者帶點甜，蒜蓉味不算太濃。绿油油蜜瓜窩夫 $146為此窩夫而來，這還是期間限定口味，當然要一嚐。窩夫蛋味非常濃郁，外脆內軟，配上佈滿綿密厚實的蜜瓜味cream、鮮甜蜜瓜及其他鮮果，口感清新，味道一流。濟州柑橘乳酪(凍) $68招牌飲品之一，開頭入口會感覺偏酸，但會越飲越好味。熱情金菠蘿沙冰(凍) $68同樣是招牌飲品之一，大大個菠蘿非常吸晴，鮮甜濃郁菠蘿味，沙冰口感細緻

✨醬燒牛肉紫菜包飯（$88）個人很喜歡吃韓式壽司，有很多蔬菜配搭醬燒牛肉，吃起來健康又美味。✨牛面肉蛋包飯（$138）牛面肉味道甜甜的，份量很多，蛋包飯職員會幫忙把蛋切開，看著流心的蛋醬流下來口水都在流了。✨醬油蒜頭炸雞（無骨，$108）醬油蒜頭醬黏黏的，吃起來會有蒜味，讓我驚喜的是有年糕和薯條。✨濟州柑橘乳酪（$68）看到吃的人桌面都有這杯飲料，我也點來試試，就是帶有柑橘味道的乳酪，酸酸的很開胃很Fresh。✨水果忌廉三文治（$62，時令水果）我是為了這道菜而來的，沒有讓我失望，有三款水果，甜點版的三文治很棒！水果配搭忌廉和麵包，真的沒得輸！

餐廳嘅成個色tone都係以暖色調為主，有一種好清新溫暖嘅感覺，同埋我已經睇人介紹過呢間餐廳好多次😚，想試好耐咁啱嚟尖沙咀，所以就嚟try try ～😉💛濟州柑橘無骨炸雞🍗 $208炸雞炸得香脆可口，味道酸酸甜甜的，有點像吃柚子蜜味的炸雞。柑橘🍊的酸甜味平衡了炸雞的油膩感，吃起來很清爽。另外還有配上薯條🍟，提供咗芝士汁和蕃茄汁俾你沾住嚟食。💛醬燒牛肉紫菜包飯 $88這個飯卷的材料很豐富，有蘿蔔、青瓜🥒、蛋和牛肉，是一個很好吃的飯卷😋，飽肚程度也不錯，但我覺得沒有太多特別之處，可以不點。💛濟州柑橘乳酪 $68乳酪的酸味和柑橘的味道恰到好處地融合在一起，同埋真係可以飲到新鮮柑橘🍊的味道，非常天然、好喝。💛熱情金菠蘿沙冰 $68菠蘿🍍的味道濃郁，甜而解渴，不過這兩杯飲品最特別的地方都係喺個外表上面，係真係會有整個橙和菠蘿放在上面😂，非常適合拍照打卡～

今日約咗朋友嚟海港城, 就試咗呢間性價比高嘅人氣韓國過江龍餐廳🥰🥰以柑橘作為賣點的餐廳😋Signature drink and dish都有柑橘作為調味😎所有員工都帶咗頂好得意嘅帽, 好有趣😛😛🍖無骨蜂蜜牛油炸雞（半份）炸雞有得揀無骨或者有骨😎無骨就啱晒我呢啲懶人🤣炸雞嘅皮脆肉嫩係絕對嘅賣點，啲皮脆到咬落去嘅聲音好響亮，內肉又嫩滑，真係令人回味無窮😍😍加埋香甜嘅蜜糖牛油，更加增添咗一層香甜滋味🥰又濃又香😚令炸雞更加美味😌而且佢嘅肉質好鮮嫩，每一口都飽滿肉汁，啲肉味浸透晒整個口腔🤤 炸雞好有口感嘅層次🤫無論係樣貌、味道定係口感，絕對係一百分！🫕芝士辣炒年糕呢個芝士辣炒年糕真係好食😍年糕彈牙有嚼勁，加埋香辣嘅醬汁同芝士嘅濃郁滋味，一齊炒熱就好香好味😋啲年糕入口即溶🤤同啲芝士一齊融合，令味道更加濃郁豐富😍食落去，辣辣嘅感覺同芝士嘅柔滑口感交替出現🥰不得唔提，啲芝士嘅拉絲效果，令呢道菜更加吸引人😝如果鍾意辣同埋芝士味嘅人絕對唔可以錯過！🫔芝士泡菜煎餅餅皮煎到金黃酥脆，一口咬落去有啲嚼勁，好開胃。內裡包咗芝士同埋泡菜，芝士嘅濃郁味道同泡菜嘅酸辣風味完美結合😍😍一齊爆發出嚟嘅滋味實在太正🤪而且呢款

本人勁中意食炸雞，咁就試試佢，又真系意外的好食😋食左幾樣啦，炸雞系必食蜂蜜牛油炸雞外皮金黃酥脆，內部肉質鮮嫩多汁，牛油的香氣瀰漫其中，蜂蜜既甜融入每一件雞非常好食又juicy，仲有薯條同年糕都炸得剛剛好，勁滋味燉牛肋骨蛋包飯牛肉燉得勁入味肉質鮮嫩軟綿，蛋夠滑嫩融入濃郁的醬汁中，與蛋包飯完美結合，令一個層次享受傳統飯卷外層綿密飽滿，內部餡料豐富多樣，口感結合軟嫩和嚼勁，餡料多過飯勁爽口濟州橘柑乳酪外表吸引，整個柑橘放在飲品上面，橘子味非常突出，粒粒果肉和乳酪混合非常解膩熱情金菠蘿沙冰酸甜的金菠蘿味道與冰涼的沙冰結合，清涼解渴的口感，綿密的口感帶來豐富的口味享受，夏日必嚐的冰涼飲品

🍗🍙🍰餐廳名: Terrace in the Seaside地區: 尖沙咀評語:蜂蜜牛油+醬油蒜頭炸雞 HK$218 - 炸雞炸完即上碟 上枱完全感受到個熱力 兩個口味既炸雞分左顏色 蜂蜜牛油上次都食過 keep到水準 皮脆肉汁多 蜂蜜味好突出 醬油蒜頭個醬油味唔係重口味 唔會成口蒜味 食完唔油膩 另外會有少少薯條 條條平均都好長 點埋炸雞汁食好正傳統紫菜飯卷 HK$72 - 飯卷包得好扎實 材料新鮮高質 一啖放一舊飯卷十分滿足 另外有個小薯仔沙律都幾清新提拉米蘇 HK$68 - 一盒提拉米蘇 士多啤梨係盒邊圍住同盒面好吸引 食落都好甜 面果層cream好細滑 蛋糕底好綿結論: 今次食係第二次 呢間餐廳長期有人排隊入去食 炸雞都係高質 擺盤都有次序 食既時候由上而下食 唔需要搵黎搵去整到雞跌出黎 準備得唔錯 整體都好出色 值得再去@terrace.in.seaside.hk#Terraceinseaside#尖沙咀美食 #尖沙咀#韓式炸雞 #紫菜飯卷 #提拉米蘇#香港 #餐廳 #情侶餐廳 #情侶飲食 #幫你食 #coupleeat #helpyoueat #eatanddrink #h

請大家去試一試佢地嘅提拉米蘇！ 簡直大開眼界！ 難食到我成杯俾返佢地！入面條ladys finger係 脆嘅！！仲要咬唔到！what the hell！同埋店員都好騎呢，冇禮貌，唔識變通，又唔熟餐牌，口up點餐唔得嘅，仲要掉本menu俾你，叫你指出黎，仲要好冇禮貌果款！ 簡直垃圾俾一星都嫌多！

人龍店 排了大約一粒鐘終於入座 蜂蜜牛油炸雞 (有骨 半份) 我想話：依個雞 真的絕了！完全係我個人口味 甜甜的炸雞 炸得外面脆卜卜入面嫩滑 仲有薯條和年糕 絕了絕了！食完已經幾日了 還是十分掛住🥹這雞真的絕了！· 海鮮年糕 圓圓的年糕 幾得意 但個人還是較喜歡長條那種 哈海鮮都幾多下 蕃茄湯+海鮮嘅味道 👅· 熱情金菠蘿沙冰 我是為了這個菠蘿而來的 哈哈哈哈哈 顏值滿分就是菠蘿沙冰的味道啦 沒什麼特別· 濟州柑橘特飲 每枱都有一杯的程度 柑橘乳酸飲品🧡· 柑橘湯力咖啡 這杯真的有點……. 柑橘味有汽的咖啡 味道自行想像 個人不太推薦🤫🤭

2個人星期二晚市去食，差唔多坐滿但唔洗等位，總共叫左2杯野飲同2樣野食。唔知點解d侍應姐姐好中意堆埋同一個方向做野，要等運到趁佢地望向另一個方向先落到單，但佢地態度ok 既。出餐都算幾快，食物我本身諗住呢間野走打卡路線所以都預佢偏細。第一樣黎既係玫瑰醬大蝦扁意粉，辣味唔重，偏茄味多d，意粉份量正常偏少，算係不過不失。第二樣係芝士辣炒雞肉，佢係多汁果款辣雞，辣度可以話冇乜，上面鋪左少少略稀既芝士，雞大概有十細舊，仲有四條年糕仔。重點係，d雞真係好咸好咸好咸（重要事情要講3次）。我地特登齋試個汁同其他食材發現咸既係雞肉本人，因為好肚餓又唔想浪費食物所以焗住都食哂佢，咸到我埋單走都忍唔住同番個店員講你地碟野好咸。埋單四百幾蚊，其實係食唔飽，性價比極低，唔會encore。

✰燒醬油黑毛豬白切肉🐷 軟嫩 入味😋肉質軟嫩，肥瘦適中，唔需要用力去咬，味道偏甜，醬油味入晒去個肉到，外邊有小小火灸味。用生菜🥬包埋生蒜片🧄同泡菜一齊食，就中和左個甜味同油膩感，加上生蒜片🧄同泡菜既辣，成個味道豐富左好多😋佢仲有個大醬既，但我個人麻麻地，加左就變左太濃味，個味唔太夾🙂✰牛面肉蛋包飯🐮🍚 夠腍 入味😋燉得夠腍夠入味，肉質都嫩滑，牛味濃😋蛋包飯，蛋夠滑嫩，夠濕潤，蛋香加上牛肉汁，令成個飯更有層次😋✰濟州柑橘無骨炸雞🍗 清新 但甜🙂炸雞🍗夠酥脆，夠熱，夠juicy‧個濟州柑橘汁🍊有D似柚子蜜撈落炸雞到咁，味道又幾夾，個柑橘味🍊有令到舊炸雞清新左，但食多幾舊會覺得太甜。如果你平時都鍾意食西檸雞既朋友，應該都會ok 依個炸雞🙂佢入邊仲有D年糕，有D硬，唔好食，其實我覺得唔放入去仲好🙂✰清甜柑橘窩夫🍊 不過不失🙂外皮有一定脆度，入邊質地夠鬆軟，窩夫既口感係做得唔錯。柑橘係清甜既，加埋個cream同柑橘汁係ok 既，但就係無wow既感覺，好似個酸澀味差小小咁🙂✰濟州柑橘乳酪🍊 唔特別🙂乳酪味不會好酸，有D柑橘味果粒，但柑橘味唔夠出。Presentation 係幾得意既，成個柑橘篤左係

#一粒波食好西-🐷 白切肉蛋包飯 $125蛋超嫩滑，炒飯底，白切肉超厚實，很滿足！⭐️⭐️⭐️⭐️⭐️-🧀 泡菜豬肉芝士千層麵 $89好吃的新奇味道😮很成功的fusion⭐️⭐️⭐️⭐️-🐔 濟州柑橘炸雞 無骨半份 $108一上桌超香柑橘味，肉不柴，甜甜果醬味道⭐️⭐️⭐️⭐️-🍊 濟州柑橘乳酪 $68打卡用😂😂就是普通yoghurt drink的味道⭐️⭐️⭐️-🍵 濟州綠茶梳打 $42很清新的綠茶味⭐️⭐️⭐️⭐️-🍊 Terrace in seaside尖沙咀廣東道3-27號海港城海運大廈2樓OT233號舖11:30 - 21:00-#一粒波ARollingBall #一粒波碌去尖沙咀 #hongkongfood #hongkong #香港美食 #尖沙咀美食#terranceinseaside #韓國菜

再encore美味韓式cafe～第一次光顧就愛上她家的甜品、這次專門再去試他家的鹹點。❶醬油蟹🦀️～老公的最愛，賣相美觀且美味，略鹹了點因此送飯一流👍❷玫瑰醬大蝦扁意粉～賣相也不俗，大蝦巨型且新鮮配上微辣的玫瑰醬，好正的口感與味覺😍❸蜜瓜窩夫～近期愛上了他家的窩夫，期間限定、蜜瓜超甜～😍❹飲品點了菠蘿沙冰和熱蘋果茶～菠蘿沙冰加了個新鮮菠蘿點綴賣相加分、熱蘋果茶好喝😍**佢哋嘅cream認真好味～每次都食嗮～🤭

首先餐廳座位安排都幾混亂，迫到膊頭掂膊頭咁坐，成個環境勁嘈勁迫，講真買外賣坐出外面common area餐枱食絕對舒服過坐入面堂食。落好單後，門口有客人需要4人枱，而我地隔離兩位咁岩食客食完離開，我地飲品都到左，店員都要求我地調位讓位比4位客人。當然，之後我地既單店員都處理唔好，亂哂，拎完野食黎仲要問係咪有叫過，想安樂食餐飯都會比佢地搞到好麻煩咁，調來調去其實連前菜都無比，不過唔緊要。另外，店員服務態度都頗為惡劣，加水係會用手拎住杯口，情況都好唔衛生，都無飲返杯水，仲會大力將隻杯放返落枱。濟州柑橘乳酪，可以話係番梘味香水味咁，好甜，唔好飲，個人就覺得無咩柑橘味既得個甜字，唔知飲左d咩。叫左個好似豬肉紫菜包飯，其實無睇menu食既話我都唔知係有肉，成舊淨係食到好多韭菜同韭菜味。濟州柑橘炸雞係唔脆既炸雞，都無柑橘味，似普通甜酸炸雞不過唔脆姐。炒粉絲都係少有地難食，炒出黎一PAT PAT咁仲要痴埋哂都幾難夾得開，仲要有奶油味，好似煮完上手野有奶油味未洗乾淨隻鑊再炒咁，好奇怪有奶油味既炒粉絲。最後起身走個陣起身行個鞋底痴立立咁，地下都相對唔係幾乾淨。