Thai on High (已結業)

泰式香料炒飯（牛肉）$118飯粒鬆化 配上牛肉粒同basil一齊食 非常香口 香料味重 淡淡蝦頭油同魚露香味 唔會過鹹 就算同外國朋友嚟食都唔會唔適應👍🏻冬陰功湯 $98高質冬陰功湯唔係度度都有 呢一度就相當正宗 而且海鮮料夠晒多 有新鮮蝦同魷魚等等 湯底偏鮮甜而唔係鹹辣☺️燒豬頸肉泰式沙律 $118驚喜之作‼️✌🏻 份量相當大 可以當係兩個人嘅份量 又可以食到呢一度招牌嘅燒豬頸肉🤩 燒豬頸肉非常香口 肥膏位入口即溶😋😋 泰式沙律用上酸甜汁做dressing 西環泰式菜唔係特別多 呢一度質素幾高 地方靚裝好坐 值得一試😁

前兩日約咗個friend趁住上堂前嚟到堅尼地城呢邊食dinner~我哋好耐冇一齊食嘢,我哋揀咗呢間泰國餐廳想試吓~Pad Thai我哋揀咗三文魚,佢係香煎三文魚球，外皮好香脆，食落鹹鹹地，幾好味😋泰式金邊粉炒得好有鑊氣，仲有好多配菜，調味幾正蒜蓉蝦肉炒雜菜有大大嚿蝦肉🍤配埋唔同款式嘅蔬菜🥬好似西蘭花🥦紅蘿蔔🥕菜心，芥蘭等等～好豐富嘅蔬菜，感覺好健康芒果糯米飯擺盤好靚有香甜嘅芒果🥭圍住個碟中間係糯米飯，上面包住椰汁，食落甜甜地，食完好飽肚餐廳嘅老細好好人，服務態度好好👍🏻值得嚟幫襯～

香港人真係幸福胃仔落街就有世界各地既唔同既cusine選擇講起東南亞菜第一時間就諗起泰菜香港區好似無一個好似九龍城咁既小泰國,集中易搵不過堅尼地城最近開呢間泰菜都一樣正宗青檸梳打蝦餅炸得好鬆脆椰子雞湯味道好有層次, 除左TOM YUM可以一試豬肉菠蘿炒飯好飽既時候但都食得晒, 飯夠乾身但有菠蘿味紅咖哩雞咖哩本身跟白飯有D偏辣, 咖哩比較watery蒜蓉炒芥蘭椰漿芒果糯米飯糯米飯暖暖地再配椰漿呢個組合已經無得輸再加埋芒果唔係死甜,有鮮芒果香!

Thai on high 西環卑路乍街18A-20A號地下20號舖西環有兩間Thai on high, 我是第一次光顧這間泰國菜餐廳, 小店提供泰國美食, 價錢家位很是實惠, 數十元起已叫到一項美食了。Chicken Satay雞肉沙嗲 Satay風味吃過便會愛上, 雞肉份量是多, 但比較乾身, 要多沾Satay醬汁進行補救。$108 Minced Chicken Salad 雞肉碎生菜包沙律是我一道很愛叮的家常菜, 來到Thai on high也點上一份來試詆手勢同味道。這道菜更可選豬/雞,價錢是一樣的。$108 泰式雞肉炒飯，要了小辣，個飯好惹味，泰國食品多香料調味豐富$78 蒜蓉炒菜,要了芥蘭，10月芥蘭靚呀正猶豫要加甜品, 不過2個人食了3個菜都夠飽了, 加上女朋友確是小鳥胃。呢度唔洗加一架。

上個weekend 約左朋友喺西環海旁影日落, 約早左少少喺附近食個brunch, 天氣右熱右焗，大家都想食泰國菜消下暑，行過卑路乍街見到呢間新開既泰菜餐廳，裝備靚靚，座位舒服就試下食啦。柚子沙律$98柚子肉質鮮甜，連埋魚露、青檸汁、蒜蓉、乾蔥粒、辣椒等材料混合製成的醬汁一齊食，開胃一流。Pad Thai (雞) $108雞肉十分足料，河粉比一般食既抄得比較濕身，連埋雞蛋絲、豆腐絲等夾埋一齊食，令人回味無窮。冬陰公 $98用上爽口魷魚、鮮甜大頭蝦等新鮮海鮮烹成，湯底海鮮特濃，比起一般食開既酸酸甜甜冬陰公湯加上一份特色。

Thai on High (西環)西環卑路乍街18A-20A號地下20號舖環境上，餐廳裝修好靚❤️，環境又清幽，同朋友傾起計上黎都舒服啲😝😝待應都好好服務！一上黎就俾兩杯水，同埋好細心幫我哋添水，又會主動俾餐具我哋，唔洗開口先俾！芒果糯米飯$78芒果糯米飯真係俾100分，芒果又甜，份量又多！糯米飯入口係暖，甜度適中，又帶有點咸味❤️ 又有靚靚餐具！真係加唒分！❤️❤️十分推介❤️🫶🏻冬蔭功湯麵$118個湯底非常有水準，濃郁而且酸味甜味好平衡。我同朋友爭住黎飲😆我食過唔少泰國野，今次個湯底真系令我留低深刻嘅印象。湯料非常足：香茅，高良薑，青檬葉嘅數量好充足，🥢夾起一注麵嘅時候就會痴住啲湯料。我想而知個湯有幾足料。另外當然唔少得秀珍菇，蕃茄等等必不可少嘅伴菜啦。而湯麵嘅配菜可以選擇蝦/三文魚/雞/菜。今次我叫左蝦，蝦好大隻，彈牙爽口。麵質都爽口，唔淋。所以整體黎講，個冬陰功湯粉做得幾出色！炸蝦餅$68蝦餅炸得好脆！上左枱大概5分鐘先食，都食到”chop chop”聲😝😝😝好掛住個聲音！😂 因為好少會食到炸得甘脆既炸物❤️❤️又係推推推！椰青$40椰青又甜又多汁😉 啲椰肉都好滑❤️🫶🏻係清涼之選！

男朋友轉了在西營盤上班，我們平少亦甚少到西環那邊，所以今天就接他放工，順道explore一下該區我們向堅尼地城方向遊走，逛累了便找個地方吃飯。經過這間裝修走cozy風的小店，感覺很舒適，看到餐牌才知這是間吃泰菜的小店。雖然只有一個人（我想應該是老闆吧🤔）顧店，接待、下單、煮、傳菜均一手包辦，但速度亦挺快，服務也很周到。加上裝修不像一般的泰國菜館，感覺反而有點像走進泰國人的家，屋主熱心地招待客人一樣既然有家的感覺，就叫些家常一點的菜吧。這裡除了有冬蔭公和椰汁湯，還有酸辣清湯，配了可以自選雞肉、蝦、三文魚或雜菜。我們點了三文魚酸辣清湯。味道跟冬蔭公湯差不多，但感覺更清新，這個份量兩個人喝亦剛剛好。菠蘿炒飯炒飯也可以自選雞肉、豬肉、牛肉蝦或三文魚或雜菜作配料。炒飯裡有大大粒新鮮菠蘿肉，鮮甜的菠蘿令人很開胃呢炸豆腐配泰式甜辣醬一口炸豆腐蘸泰式甜辣醬，正👍🏼其實泰式甜辣醬配所有炸物都無得輸泰色香茅茶吃飽飽後喝杯暖暖的香茅茶，加一點點蜜糖，喝了很舒服呢

堅尼地城好味泰菜堅尼地城呢間新開泰菜，裝修都幾令，樓底好高，坐得好舒服呢！同朋友兩個人食lunch ,叫左個大蝦泰式炒飯，蝦好大隻，飯粒粒甘香，配合埋泰式醬，好惹味，又好開胃好食！雞肉泰式炒金邊粉，酸酸甜甜，好好食，一向都好中意食炒金邊粉，呢間少少濕炒，幾特別！最後叫多個芒果糯米飯，好甜個芒果！糯米飯暖暖地，又甜又軟糯，吾錯呢！另外兩杯特飲都好好味，荔枝特飲，配合埋薄荷，青檸，梳打水，味道好吾錯呢！

小清新泰菜係西環做完嘢，經過一間裝潢好清新嘅泰國餐廳，俾佢吸引左入去。純木製間格，俾人一種溫馨嘅感覺，職員哥哥親切又有禮。餐廳入面播住好輕柔嘅泰文情歌。❣️冬陰功三文魚湯冬陰功入口先辣後酸最後帶點甜，層次好豐富，加埋三文魚嘅鮮味，成日菜式變得有營養。👍👍👍泰式牛肉炒飯一上枱就聞到好香，估唔到泰式炒飯都咁有鑊氣。飯炒得粒粒分明，牛肉份量又夠多，入口第一啖帶點兒辣，食落好惹味。🥳🥳🥳炸蝦餅呢度嘅蝦餅一口一啖，炸得又脆，肉質又彈牙。😍😍😍泰式椰青椰青水夠曬清甜，食完咁多重口味嘅嘢，飲返啖椰青水，中和返啲辣。椰子肉都有好香椰子味。✨✨✨泰式凍檸茶凍檸茶嘅茶底好香，用嘅係傳統泰式茶葉，飲落去夠曬清新。好似係泰國當地啲飲品咁嘅感覺。🤩🤩🤩

每次去堅尼地城都見到好多特式小店，今日就去一間新開既泰國菜🥰我都點左2個set lunch, 有齊前菜、主菜同飲品Papaya salad作為午餐既前菜，呢個份量真係贏晒，木瓜新鮮爽口，夠晒fresh☺️Coconut soup with mixed vegetables雜菜煮得夠淋，入晒味😍椰汁好香濃Tom Yum Noodle Soup有得揀唔同配菜，我加左錢要蝦，十分爽口🤤冬陰功好香，送湯粉一流，唔算辣，下次再食要加辣先得！Chicken in young ginger, onion and bell pepper超有驚喜！雞件好滑，胡椒同洋蔥炒得好香，好入味，送飯一流👍芒果糯米飯我哋另外單點左個甜品，芒果好香，糯米飯香軟煙韌🫶

裝修舒服既泰國餐廳🍴冬陰功湯麵🍜有雞豬牛蝦素菜選擇，我地揀左雞🐔冬陰功湯底好出色，夠晒酸辣而且相當濃郁，食麵之前飲啖湯，正！雞件就正常，可以再滑少少就更好😋麵既份量都算多，連埋個湯一齊食唔覺唔覺就食晒～泰式豬頸肉🐷一上枱已經聞到好香既炭燒肉味，燒得恰度好處～個醬汁亦都相對特別，同出面既甜酸雞醬係有分別😃有另一番風味💯兩個人食岩岩好👍🏼芒果糯米飯🥭每粒糯米飯都有濃濃既椰汁包裹住，好香！勁好食，d糯米飯仲要暖笠笠，一啖芒果一啖糯米飯簡直係絕配，如果份量可以再多少少就更好😊飲品分別叫左紅糖水青檸梳打🍹（secret menu)荔枝特飲🍹夏日熱辣辣配埋凍飲簡直係疏乎😌Thai on High (西環)西環卑路乍街18A-20A號地下20號舖

Ordered clear Tom yam soup and a custom made Thai omelette. I love the fact that it is rather authentic northern Thai cuisine, and they can do real spicy if you want. Unlike kowloon city here service is much better, accommodating and friendlier price. Should try their new dessert made from sago and coconut milk it’s amazing!

西環堅尼地城經過見到有新嘅泰國餐廳，名字Thai on High。之前去過他們的高街分店，印象OK，所以趁週末來試一試。餐廳開了大概三個月，裝修清新簡潔。我們點了Chicken Satay雞肉沙嗲, Minced Chicken Salad 雞肉碎生菜包沙律, Coconut Chicken Soup椰汁雞湯, Chiang Mai Noodle清邁咖喱雞湯麵。菜式味道一般，最佳嘅菜式係清邁咖喱雞湯麵，麵條係粗麵同炸到脆卜卜嘅面，有兩種口感，咖喱味道有少少甜，加埋一隻雞鎚，我可以一個人食晒一碗。我另外點了一杯荔枝青檸梳打，少少甜酸酸地好味！