The Corner Coffee

营业中

休息中

一直bookmark左依間cafe 想去試。但整個用餐體驗都好差。野食質素都普通。整間cafe 是採用自助形式，由下單到攞食物，到回收餐具，都是顧客自理。好多餐廳都會咁做，其實都唔緊要，但我叫左個咖啡同lunch set, 咖啡先有，已經行左一次出去攞，之後野食等左陣先有， 又要行出去攞。為何不是餐點預備好一次過通知，未食已經行左三次（連埋落order).職員都沒有主動提示餐具係邊，餐具亦不是放在取餐處附近，又要行去攞餐具。 好唔user friendly, 我仲要自己一個去食，我又要攞住隨身物品離開座位。至於野食， 飯好硬，表面都凍左了。感覺係微波加熱的。希望店家係顧客角度出發，調整流程，餐牌擺放位置，以及食物質素。

生活忙碌，放工當然想揾間cafe食下野，同朋友一邊傾計，relax下，意外地發現，原來灣仔有類似的樓上cafe，以文青簡約木系風格，輕鬆寫意的氛圍感，同朋友喺度聚會、食嘢、傾計、飲杯咖啡，感覺真係好舒服。<澳洲和牛芝士漢堡薯條 $158>和牛入口牛肉味非常濃厚，而且咬落去仲好juicy，配埋芝士同埋蕃茄，非常好食。粗身薯條係新鮮即炸，夠曬金黃香脆。<秘製蒲燒鰻魚飯配流心蛋 $148>蒲燒鰻魚係原條咁樣上，份量不少。鰻魚都幾肥美，而且肉質彈牙，配埋日本珍珠米，同埋甜甜地嘅鰻魚醬汁一齊食，特別好味。另外值得加分嘅係，佢哋個流心蛋做得非常之好，值得一試。<Eary Grey Tea Caffe Latte>伯爵茶味帶有甘香，混合埋咖啡同奶香，非常好飲。<Peanut Butter Latte>花生醬味道非常突出，混合埋香濃咖啡的味道，非常特別。呢度除咗有cafe嘅感覺之外，食物質素都唔錯，而且人均消費都係200蚊左右，就可以喺度消磨一個下午，另外呢度亦有售賣一些精品，非常特別，有些精品又非常可愛別緻，值得再來。

Café係朋友食過一次極力推薦我去，我最特別同佢講話要搵一間好坐又好傾嘅餐廳，佢就推薦咗我嚟呢一間。平時我真係好少會用隱世，但係唔使細心留意真係好難會搵到餐廳，就算個位置唔算好偏僻。坐得真係超級舒服，門口亦都有啲精品corner賣啲得意嘢。‣ 日式咖喱飯配吉列蝦 $148咖喱醬汁偏甘口，但係有啲微微嘅辛辣味都幾過癮，我自己都幾鍾意呢個味道，最緊要係唔會太過甜。炸蝦都炸得金黃酥脆，隔離仲有蛋黃醬真係超級邪惡，但係食嘅時候真係覺得好滿足。飯嘅軟硬度適中，又唔會太過濕軟，佢啲咖喱汁都唔少，簡簡單單但係令人好滿意嘅日式料理。‣ 澳洲和牛芝士漢堡配黑松露薯條 $158和牛肉餅真係相當好味，肉質鮮嫩多汁，真係一邊食一邊滴啲汁出嚟，雖然有啲狼狽，但係整體真係好享受。漢堡嘅麵包皮都相當柔軟，醬汁都啱啱好唔會太過搶味。佢啲薯條真係啱啱炸好，熱辣辣咁樣食真係好正，就算生緊痱滋都照食。最鍾意都係佢嘅黑松露醬，簡直係幫個薯條加爆分，呢個價錢真係相當抵食。‣ 橙子冰茶 $42酸酸甜甜嘅冰茶真係令人超級滿意，而且我覺得解膩真係一流，絲絲嘅茶澀再搭配香橙嘅甜，果然係餐廳推薦之選，飲完覺得真係好清新舒爽。‣ 伯爵茶鮮

約左朋友晚餐 時間未到 就係周圍搵下咖啡室有朋友介紹呢間 就入去坐下位置雖然唔係太寬敞 但係見到好多人係度工作/讀書 氣氛幾好而且無特別用餐時限 好適合坐下做下嘢咖啡廳隔離仲有賣一啲手作有好得意的肥皂 同埋寵物用品都幾特別好多種類的咖啡選擇 我叫了一杯flat white甜度啱啱好我唔係一個特別識欣賞咖啡的人但係個咖啡味幾入口 濃度啱我口味一切都超出期望唯獨是入去有少少特別要入去大廈先入到但係大廈保安似乎好熟悉會直接問你是否去一樓只要話係佢就識得指引你

🐟秘製蒲燒鰻魚飯配流心蛋足料既用原條鰻魚舖係飯上面鰻魚爽口完全無腥味軟糯既珍珠米沾上濃郁既鰻魚汁🥘雖然邪惡但係都忍唔住清碟除左流心蛋外仲有2件帶蔥既日式玉子燒🍳一次食到2款風味🪭🍔澳洲和牛芝士漢堡配沙律和牛漢堡肉厚身充滿油脂又Juicy🐂 💦加上生菜蕃茄芝士青瓜口感豐富🥒絕對係誠意之作健康啲選擇左配沙律🥗沙律新鮮配上沙律醬 非常惹味🍰自家製巴斯克芝士蛋糕 - 伯爵茶雙魚小姐既巴斯克蛋糕可以去實體店今次希望支持自家製產品🧀係抹茶 伯爵茶 原味 選擇左伯爵茶一攞到就聞到淡淡既茶味🫖外層淡淡焦糖香內層香濃既芝士同伯爵茶🍂味道獨特🍵抹茶鮮奶另一個驚喜係店員用茶筅攪拌抹茶粉濃濃的抹茶加上鮮牛奶完成一杯漸層的飲品未攪拌下抹茶苦澀加上淡淡既奶香🥛攪拌均勻後就係由醇厚的牛奶加回甘抹茶的完美配搭☕️雪菊紅棗曬紅茶除左一般既茶啡外依度仲有養生茶可以選擇💆🏻‍♀️菊花清熱 紅棗補血加上環境清靜真係有舒緩壓力既感覺

The Corner Coffee地址: 灣仔駱克道150-158號祥友大廈1樓電話: 6=====================有coffee 食物質素還要不錯？對於早上一杯咖啡，利用caffeine 提神，但齋飲好傷胃，配上美食cafe 是pet friendly 的，入面亦有賣些寵物用唔，岩曬主人帶同寵物來一起吃東西影相shoppingall day breakfast ,因為不按章晚上照吃breakfast ,牛油果三文魚好滑，有多士秘製蒲鰻魚飯配流心蛋飯 ，原條加上紫菜，和風十足。hand drip 好多口味，試了tried columbia 椰子糖，好有趣是有椰子肉同椰糖，聞同用不同杯品嚐風味。開心果basque cheese cake 人條開心果，淡淡綠色好靚，口感好滑淡淡cream cheese 酸香地方大好寫意，仲會有workshop 是個多元空間

呢間樓上cafe 除咗有堂食位置 仲有好多新奇嘢買 好似一個corner市集再加corner cafe咁 而且仲係pet-friendly!見到好多主人帶狗狗嚟食嘢📍日式咖喱飯配吉列雙併（蝦及蠔）吉列炸物好出色 特別係炸蠔 大大隻啖啖超鮮甜 外皮酥脆內嫩 咖哩辣得嚟帶微甜 好惹味📍澳洲和牛芝士漢堡 配黑松露薯條和牛厚實肉質嫩滑 咬落去滿滿肉汁 配埋半溶嘅芝士 好邪惡 中間仲夾咗蕃茄同羅馬生菜中和番油膩感 而且面包鬆軟帶好香嘅牛油香 📍Hand drip(荔枝蘭）Hand drip超多選擇 而且有啲仲可以現場買咖啡豆番去自己沖！而且飲嘅時候都好講究用唔同嘅杯飲落風味都唔同今次揀咗荔枝蘭用聞香杯飲嘅話 花香味會出啲 飲落smooth啲易入口啲用茶杯飲嘅話甜味較出一開頭飲落荔枝味較出 然後就會較winey品嘗到brandy嘅酒香 📍喜居生活養生茶📍雙魚小姐開心果巴斯克開心果呢排勁hit 梗係要試吓開心果嘅甜品啦呢個開心果巴斯克食落唔會太甜 開心果嘅nutty味勁重 口感好smooth濕潤

今日去左間係灣仔嘅樓上cafe, 地方闊落環境都幾chill, 自己食or同friend都係唔錯嘅選擇👍🏻秘製蒲燒鰻魚飯配流心蛋主食點左兩款, 第一款係秘製蒲燒鰻魚飯配流心蛋, 一上枱見到條鰻魚呆左, 好足料😋燒汁佈滿左成條鰻魚同飯嘅面頭, 所以味道偏濃, 鰻魚好入味而且無overcook, 另外仲配左兩片玉子燒, 比較特別係中間mix左蔥吊味日式咖哩飯配吉列雙拼(蠔及蝦)另一款main同樣都係啲日式小品, 咖哩sauce都多但無咩太大驚喜, 吉列蠔同蝦係即叫即炸熱辣辣, 因為層炸粉唔會好厚所以做到外脆內軟👍🏻個人中意蠔多啲, 炸完都keep到少少juicy花生醬燕麥鮮奶呢杯花生醬燕麥鮮奶勁好飲🌟花生醬同燕麥奶完全無搶對方fo, 燕麥奶比起一般牛奶味濃, 同時帶點淡淡嘅花生醬味, 花生醬偏杰身, 但飲落一啲都唔heavy椰子糖另外點左杯signature嘅hand drip咖啡椰子糖, 成份有coconut sugar, milk sugar同coconut meat, 所以算係比軟易入口, 有張紙仔比我地填番feedback, 非常有心思雙魚小姐開心果巴斯克芝士蛋糕最後甜品竟然有雙魚

之前去書展經過天橋見到這間餐廳， 望入去覺得餐廳好特別今日黎開灣仔唔知去邊度食，就嚟這間餐廳喺橋上面就望到佢入到去搵個位坐低又可以望返條橋睇住人來人往嘅天橋都覺得好有趣坐低就揀嘢食我自己揀咗澳洲和牛芝士漢堡配沙律牛肉好厚身，食落有肉汁，沙律份量都好多成個漢堡都去算好大份朋友要咗all day breakfast原本仲話佢食啲咁hea啲嘢, 嚟到真係覺得唔差炒蛋夠滑, 塊多士係有驚喜非常脆身， 仲配咗一啲薯角唔使驚唔夠飽餐廳甜品有一個開心果巴斯克芝士蛋糕好想試下咁就叫一個蛋糕整體可以分開三部分面嗰啲cream已經好重開心果味中間嗰層蛋糕上面嗰燶面好正， 微微的苦味， 配埋開心果味的蛋糕， 我自己覺得好好食飲品方面我就揀咗杯long back朋友怕瞓唔著就揀咗杯凍朱古力覺得餐廳係忙碌中，一個可以坐低慢慢靜下來的地方

今日同朋友係去了灣仔這間cafe食晚餐。澳洲和牛芝士漢堡配黑松露薯條（$158）：澳洲和牛以其高脂肪的霜降紋理聞名，這使得漢堡的肉餅在烹調過程中能保持多汁。咬下去的瞬間，肉汁四溢，口感鮮嫩。芝士融化後與肉餅完美溶合，為漢堡增添了香濃的奶香味，提升整體風味。黑松露薯條呈金黃色，表面酥脆。而內部保持柔軟的口感。不僅感受到薯條本身的美味，還能品嚐到黑松露的獨特香氣，令整道菜肴具層次感。雜錦薄餅🍕（$108）：薄餅的辣肉腸帶有香料風味，略帶辛辣感，能夠為整個薄餅增添深度。搭配蘑菇，提供了自然香氣，這兩者相得益彰。芝士的融化，充滿了絲滑的口感，中和了肉腸的辣味。薄餅底外脆內軟，不會過於厚重，不會蓋過其他食材的風味。百利甜酒朱古力布朗尼$38這款布朗尼的外層較為酥脆，而內部則是濃密濕潤的巧克力泥，令人一口咬下時感到層次分明的口感。百利甜酒的加入為布朗尼增添了酒香，味道更豐富。

上網見到呢間pet friendly cafe 地方好似幾舒服，亦都有嘢食提供，今日約咗朋友就諗住試吓。秘製蒲燒鰻魚飯配 流心蛋佢嘅鰻魚好大條，而且好多醬汁，而且鰻魚一啲都唔腥亦都冇骨，撈埋落啲珍珠米都好好食。仲有兩粒流心蛋添！澳洲和牛芝士漢堡 配 黑松露薯條咬落去超級Juicy，配料亦都好多。漢堡牛肉味好夠，好香口，一啲都唔乾。至於黑松露薯條嘅份量亦都好多，黑松露醬汁都有豐富嘅黑松露味之餘又唔會太過Creamy。 COLUMBIA（百香果）店員介紹佢嘅手沖咖啡，果然冇介紹錯。 飲落去係有啲花香同埋果香。第一次飲咖啡咁好飲，仲有唔同嘅器皿裝住。有啲就飲落果香味重啲，有啲飲落就係比較nutty ，感覺非常特別。開心果巴斯克芝士蛋糕朋友好鍾意食開心果，所以就嗌咗。佢除咗個蛋糕係開心果之外，上面嘅cream都係開心果。上邊沈左啲開心果粒粒。咬落去好有層次，而且成個蛋糕唔會太甜，配合埋咖啡一流！環境非常舒適，嘢食都唔錯，咖啡好飲！ 我見隔離嘅人都係坐低喺度慢慢睇書，做嘢仲有得叉電添。 最緊要佢係可以帶寵物入嚟，而且係室內嘅餐廳！ 貓貓狗狗都可以一齊涼冷氣❤️👍🏻

今晚放工跟同事一齊食晚餐，一齊盡訴工作上的甜酸苦辣🥹😆近近地就去了這家The Corner coffee,希望可以慢慢一路食一路傾［環境］餐廳整體環境燈光柔和舒適，並用上許多木材，坐得好舒服👍符合我哋嘅需求［餐牌］❣️澳洲和牛芝士漢堡配黑松露薯條$158有我最喜歡的配搭，立馬想也不用想就點了這個😍漢堡牛肉份量很厚實，配上芝士、新鮮洋蔥及生菜一起很鮮味和匹配🫶🏻同事點了秘製蒲燒鰻魚飯 配流心蛋$148勁勁勁大條蒲燒鰻魚喺表面！也有足夠的鰻魚汁，令每一啖飯都充滿鰻魚汁的味道，份量拿捏得剛剛好👍值得一讚！晚市仲可以$53加購雙魚小姐-開心果巴斯克芝士蛋糕🍰😋最近的確多了很多開心果的產品，開心果加上芝士蛋糕，簡直是絕配🥳表面灑上很多開心果碎粒加添整體的口感又脆又軟滑飲品點了～花生醬燕麥鮮奶 $57（右）彷彿像食格仔餅般的滋味，中間夾雜花生碎粒，又香濃又好飲～熱朱古力$40（左）味道濃郁 ，香甜而不會苦澀，仲有美美的愛心拉花🥰門口旁畫的貓貓狗狗壁畫也很美❣️畫得很逼真總結：餐廳裝修舒適寫意、食物飲品亦有驚喜～值得再嚟細味❣️

假日，係灣仔行行下街，在灣仔天橋上無意發現了一間樓上Café，這間Café結合了「細味公平」、「喜居生活」兩大的互動平台，同時支持本地創作者，寄售不同類別的作品。過來食野之餘，仲可以欣賞不同本地創作者的作品，提取生活靈感。而另一邊Café是不少年輕人的聚腳點，因餐廳提供了插頭的位置，不少同學仔會帶電腦過來這裡傾Project。同時，也是Pet Friendly餐廳，也有不少的主人會帶埋愛犬過黎，真是鬧市中隱世的聚腳點。👩🏻‍💻🧑🏻‍💻👫👭🐶🍽️✨ THIS THIS TOAST（$118），這份多士的名真係幾有趣，令我聯想到外地旅遊，經常點餐時都會使用「This This」用詞。其實是由5款不同的口味的組合，自由組合選擇2款口味。我就選了煙肉洋蔥醬配爵士蘋果及和煙三文魚。🍞☺️👏🏼🧡 煙肉洋蔥醬配爵士蘋果，以酸種麵包作為多士底，比較硬身較有咬口。薄薄的蘋果片配上煙肉洋蔥醬，配搭新穎，清甜的果香味配煙肉洋蔥醬，火辣辣的口感帶給味蕾幾有刺激的感覺。🥖🍎🥓🌶️🔥💛 煙三文魚份量一D都唔少，滿滿的舖上多士上，片片甘香油滑，簡單的做法，滋味又滿足。周邊還有胡麻醬沙律菜，新鮮很美味。🥖🐟🤤澳洲和牛芝士漢

H…the corner放假同朋友去咗港島行街，喺會展行去地鐵站嗰條橋，望到有間幾特色嘅餐廳，就入去試吓～入到去發現環境好舒適，可以同朋友慢慢傾偈，座位都好舒服！門口仲有啲精品可以買返去～牛油果三文魚沙律 配柚子醋呢度嘅牛油果份量唔少，牛油果都好新鮮，仲有好重嘅牛油果味，平時出去食牛油果好少會有牛油果味🥹沙律菜嘅份量都好足，食完一個都好飽！日式咖喱飯 配 吉列雙拼（蠔及蝦）佢嘅咖喱微辣，咖喱仲有香料辛味，食完幾啖啲辣味就會出返嚟🥰佢嘅炸蠔同炸蝦都幾出色，雖然蝦唔算好大隻，但係佢個碎粉做得好好，好薄，而且好脆！雙魚小姐 開心果巴斯克芝士蛋糕芝士蛋糕三層，一層係開心果，一層係芝士蛋糕，另一切就餅底，佢嘅開心果味都幾重，同時都幾甜😆！

做左港島人咁多年，都唔知原來灣仔地鐵站一出，就有間咁正嘅coffee😍完全覺得發現咗新大陸！望住天橋人來人往，自己卻在如此舒適慢活的coffee，相映成趣😆店鋪入面店員友善親切，環境令人感到舒適放鬆，適合自己一個靜靜地休息或做嘢；適合三五知己一齊傾下計；適合情侶約會談心❤️店內有很多本地用心的手作產品，令人好心動💗♦️澳洲和牛芝士漢堡配黑松露薯條♦️薯條好脆，搭配黑松露醬，無得輸🤣和牛漢堡有肉汁，好juicy，搭配芝士、洋蔥🧅、生菜同醬汁，整體口感幾有層次👍🏻♦️蒲燒鰻魚蛋漢堡配沙律♦️原來佢入邊有原條鰻魚，真係好crazy🫣再加埋煎蛋、芝士、生菜同醬汁，令人好滿足！♦️凍朱古力♦️正常發揮，好飲！♦️Crossover喜居生活的飲品-雪菊紅棗曬紅茶♦️佢係標榜無農藥嘅養生茶飲❤️令人飲得好安心😌Menu上面佢仲會講解每樣飲品嘅功效，而呢一款就係適合需要清熱養神同舒緩壓力嘅人，個人好喜愛❤️♦️開心果巴斯克蛋糕♦️開心果控點可以唔食呢個開心果巴斯克蛋糕，呢個蛋糕有兩種唔同嘅顏色同味道，分別係綠色開心果同原味，整體好香濃幼滑，又唔會太甜，面頭仲有啲開心果碎增加口感👍🏻