The Corner Coffee

营业中

休息中

呢日約咗朋友收工喺灣仔食飯hea下灣仔人帶咗我嚟呢間隱世樓上cafe隱身喺一棟大廈嘅1樓 好容易就miss咗大廈入口但上到去意想不到 有種豁然開朗嘅感覺 好光猛好寬敞店鋪劃分咗唔同嘅區域一入去先見到收銀同雪櫃另一邊就有零售商品+公仔display對面則有一個書櫃靠窗位置用咗bar枱式設計 可以俾大家工作、睇書另一邊窗口位就做咗舒服嘅卡位位與位中間間距好遠 可以好舒服好chill咁享受coffee time呢度仲係pet-friendly! 會見到好多好得意嘅狗狗Menu選擇比想像中多日式咖喱、蕎麥麵、鰻魚飯、漢堡包、沙律、ADB、bagel、小食輕食應有盡有甜品仲有好吸引嘅開心果巴斯克同雞蛋仔😍除咗一般嘅black and white coffee呢度嘅hand drip亦都非常犀利咖啡豆選擇勁多 可以按大家個人口味去揀睇到我哋心大心細 樣樣都想試日式咖喱飯配吉列雙拼$158日式咖喱汁勁出色 係喺日本食到嘅味道👅仲有薯仔同紅蘿蔔蝦同蠔都好出色 大大隻 炸粉落得剛剛好即叫即炸 上枱仲係熱辣辣配菜仲有玉子燒 用咗菠菜同雞蛋整成 提升咗口感同層次 好好食😋秘製蒲燒鰻魚飯配流心蛋$148鰻魚份

喜歡咖啡店，心目中一直覺得一間好既咖啡店會令人覺得精神，舒服，元氣滿滿。 ✨️我好嘅定義有三個，1.地方舒適，哩度有180度嘅玻璃窗，香港可以見到灣仔行人天橋，因為咁樣就唔會同其他大廈接近，感覺特別開揚，而且又可以收納自然光線。2. 令人放鬆，喺度嘅空間感好好，除左自成一角既窗口高台，仲有梳化位，同埋木枱，由於枱好大，枱與枱中間就會形成好多空間，坐得舒服，又提高私隱度，而且因為呢度又劃分左好多特色貨品銷售區域，包括玩具，有機食材，書籍同埋特色食品同紀念品，同埋客人自律，所以唔會造成嘈吵同擠迫嘅感覺，3. 當然就係好嘅咖啡。 🍺Mocha對於咖啡師嚟講拉花係比較容易，但係處理得好唔好都會飲得出。如果嗰朱古力底攪拌得唔夠均勻，飲嘅時候，前後段就會有好大既味道差距，另外就係個mixing，做得唔好，個底色係會花哂。呢度就合格有餘，而且個伯爵茶latte，茶底浸泡時間剛剛好，所以亦都帶出茶嘅香濃，非常配合倒奶香。 🍖食物我地叫左 All day breakfast，鰻魚漢堡，當然仲有甜品既開心果巴斯克蛋糕。全天早餐有牛油果，配合雞蛋同三文魚，仲有大量沙律菜，感覺非常健康。鰻魚漢堡好有特色，佢唔似

今次嚟到The Corner Coffee用餐冇諗過灣仔中心會有一個咁舒服既地方可以買到天然有機的用品啦，又可以自己靜靜地做野 (有好多插頭，好工作Friendly)又有d sofa 俾三五知己一齊傾下計而最高質就係呢到既食物同飲品都好高水準!無論食物定飲品，選擇都十分豐富首先叫嘅係招牌菜「澳洲和牛芝士漢堡 配搭黑松露薯條」漢堡餅外酥內嫩，牛肉鮮嫩多汁，配上香濃滑順嘅芝士醬同埋生菜同蕃茄，口感一流薯條炸得金黃酥脆，蘊含濃郁嘅黑松露香氣，出色朋友就叫咗一道聽落簡單，但好精緻嘅「ALL DAY BREAKFAST」。炒蛋蓬鬆柔軟，牛油果入口即溶，煙三文魚鮮甜可口，香腸又係煎過，好香口，配搭上多士同沙律，口感多變，亦都好飽足唔可以唔提呢度嘅咖啡今次品嚐咗Handdrip Coffee嘅兩個口味 - Columbia (蘋果批)帶有蘋果、桃子、柑橘等清新果香Columbia (百香果)充滿熱帶水果嘅甜蜜香氣咖啡嘅香氣濃郁，口感細緻醇厚，亦好回甘，非常出色最有心思係有唔同既飲用方式，用唔同既杯/ 加冰酸味及層次都會有淡淡既變化值得encore 的Coffee Shop!

平時去開灣仔都發現唔到呢間Cafe，原來佢就係喺地鐵站隔離，食物質素都幾高，有驚喜。.日式咖喱飯配 吉列蝦咖喱日式咖喱，甜甜地唔會辣，炸蝦炸得香脆粉一啲都唔厚，配搭咖喱食一流。.全日早餐佢嘅全日早餐好豐盛，個多士上面搽咗少少cream cheese，細緻感十足。薯角都係新鮮炸起食落脆卜卜，三文魚同牛油果份量都好多，食落其實都幾飽。.雙魚小姐 開心果巴斯克芝士蛋糕開心果控一定要加購呢個開心果Burnt cheese cake，見到呢個蛋糕其實有兩個唔同嘅顏色，分別代表着開心果味同埋原味，食落唔會覺得Heavy上面仲有開心果cream同埋開心果碎，層次感十足！.同場仲有一啲唔同小店嘅產品，支持小店嘅都可以睇吓，同埋佢呢度係self served嘅，所以冇加一服務費

見到開業好耐, lunch都多人應該不錯就去試吓。1人去不論有冇枱都會叫你坐bar枱，怕曬的話要注意。Bar櫈不好坐，因為冇欄桿踩。食物選擇不算多但lunch 可以接受。第一次叫店長推介比較穩陣，beef burger + latte 真係好食，牛肉味濃少少黑胡椒調味剛剛好，但薯條應該係返炸，吸左好多油又硬，扣分。咖啡都好飲。 店內環境不錯，枱不算太密，店員都好friendly, 自己攞食物同tray return ，這樣好好，希望可以多啲這種食肆。 Bar枱上有蟻，希望店家噴下藥，天氣潮濕注意清潔。

經常經過天橋看到呢間咖啡店，今日終於上嚟一探究竟。好多時好嘅餐廳都真係隱藏於市，呢間咖啡店裝潢好有品味，有擺賣產品嘅地方，有品味又有文青氣息。嘢食好食， hand make coffee都好特別。好值得來舒舒服服地消磨一個下午。==========================🐮 澳洲和牛芝士漢堡配 沙律 $138超級好食！和牛肥美，十分Juicy充滿牛肉香味，每一口充滿牛肉汁，肉質軟嫩！配合芝士同漢堡真係好好食！唔會乾真真，麵包軟熟。呢個係必叫之選。🥗 全日早餐 ALL DAY BREAKFAST $158包括有炒蛋、牛油果、煙三文魚 煙肉腸、多士、什菜沙律。份量唔少，炒蛋掌握得好好，好滑。麵包有白芝士外，包邊有少許爽脆感，但不會是硬到咬不開那種，個人覺得比酸種麵包更好吃！很出色！☕️ HAND DRIP $85 + $5 凍特別的體驗，先來磨碎的咖啡豆讓你嗅覺好好品嚐一下不同的香味。然後是普通中豪的咖啡讓你好好品嚐濃郁的味道。最後是以手沖方式起泡咖啡，印尼品嚐不同層次嘅感覺！今次叫了凍的，味道有淡淡的變化～孫味及層次都有不一樣，喜歡品嚐咖啡的可以來試一下！ 🍑 ETHIOPIA（白

點咗杯 Iced Ginger Latte, 味道好特別，有一股印度香料味沖咗去口中 🤤🤤🤤 另外Hot Chocolate味道香濃 🍫Cafe亦serve light food : Bagel, Pizza, Cake……. 雙味Pizza 🍕🍕🍕, 8寸細批，味道相當唔錯，每人食少少，Tea time份量岩岩好，食完仲有少少空間食甜品，試咗個新出品 Banana Muffin & Vegan ice cream 🍨🍨🍨 豆腐味 同 焙茶味都好正！好足料👍👍

咁講真星期六有咩做姐，返左五日工，係就係可以係屋企狗流流又一日既，但時間就咁白白過左，咁人生又少左一日啦，不如去Cafe打個靚卡？呢間「The Corner Coffee」休閒得黎又有d型格，飲杯咖啡又得，帶埋狗狗一齊散下心都得，得左！👇🏻📌DINNER à la carte -  ▪️ 日式咖喱飯配吉列雙拼 - $158▫️ 先試左個「日式咖哩飯配吉列雙拼」，雙拼分別有吉列蠔同埋吉列蝦，炸得夠哂脆口，裡面保持到juicy，而咖喱飯調味岩岩好，唔會太鹹，加埋D薯仔，夠哂飽肚。▪️ 秘製蒲燒鰻魚飯配流心蛋 - $148▫️ 另一道「秘製蒲燒鰻魚飯配流心蛋」絕對係打卡精選，事關原條鰻魚蓋住個飯，鰻魚燒得夠香口，配上自家製sauce，份外惹味；旁邊仲兩隻流心蛋，食落滑不溜口，好正；晚餐同時附上玉子燒，蛋香十足，正！📌甜 品 -▪️ 香街食雞蛋仔配Milk top雪糕 - $85▫️ 甜品一定要試呢個「香街食雞蛋仔配Milk top雪糕」，底部雞蛋仔夠脆身，裡面軟綿綿，配上面頭海鹽雪糕，相當滿足；旁邊仲有d果乾、有機腰果糖，加強整體口感，好食！📌飲 品 - ▪️ 蜜 桃 檸 檬 茶 - $42▪️ 朱 古 力

一路好想搵一間可以靜靜地坐一日，睇書又好做嘢又好，有少少人聲，但係又唔會太嘈雜嘅環境。今次終於比我搵到灣仔呢間樓上Cafe。嘢飲正常價錢都OK可以接受，唔限時坐幾耐都得係最大嘅優點。keep住都有人上嚟，有啲係食完嘢之後就走，有啲就帶埋電腦上嚟做嘢，有唔同位可以揀，個人覺得總體環境都好令人放鬆❤️最低消費係一杯嘢飲，有廁所有Wi-Fi有叉電位，仲要係Pet Friendly🐶做做吓嘢可以見到有唔同嘅狗仔，我自己就好鍾意寵物☺️但如果驚狗仔驚狗毛貓毛人士就唔建議上嚟，因為始終坐一陣都會有啲狗狗毛喺空氣入面飛飛下😂

琴日去咗灣仔嘅 The Corner Coffee，真係一間值得推薦嘅咖啡店！整體環境好舒適，店內設計以木為主，令人感覺好放鬆。同朋友嚟到呢度真係可以chill住傾計，枱椅間隔唔會太迫，仲有啲露營風嘅設計，感覺好特別。講到食物，真係無得輸！我試咗佢哋嘅漢堡餐，個包鬆軟，雞扒多汁又香口，配埋黑松露薯條，真係一流！呢度嘅咖啡選擇都好豐富。雖然係自助形式落單，但staff都好主動好nice。總體嚟講真係一間值得一去再去嘅咖啡店。無論係環境、食物質素定員工態度，都令人滿意！

健身完在想要回家吃飯還是去老麥吃個沙律算，因為最近體重急速上升中…然後在想不如去三聯打個書釘，途經灣仔行人天橋時看到了一間有很多書，但又有人坐著像在吃東西的餐廳/書店？就下天橋看看，因為外牆看不到餐廳名字，最後唯有上網搜尋一下地址，原來是一間cafe, 就獨自上去探探看.一進門想找位置的時候，有一男子問有什麼可以幫到我，我說一位，然後他叫我隨便就可以，因為他那邊正搞私人party, 我看到竟然有梳化就坐下了，然後掃code準備點餐，沒料沒多久有staff走來問我有否訂位，我說沒有，他說梳化位有人訂了但忘了放牌，由於他們很有禮貌，其實我都沒所謂，因為餐廳內即使不是梳化的位置感覺也很舒服和鬆動，其實不太迫夾就可以了.店內蠻多東西賣我快笠了open rice 發現burger好像不錯，就叫了.原本都想試試咖喱吉列蠔，但又不覺評語有人吃就不敢試，但看到隔離枱三個女子都吃咖喱，擺盤很精美，亦完全吃完（隔離飯永遠都是香的😃）希望下次有機會吃.

突發約左大肚婆朋友見面就佢所以揀左灣仔附近cafe上到去都幾多人無book枱所以都要等左10分鐘左右位置：🍀🍀🍀🍀地點來講非常方便，地鐵一出就係門口少少隱閉，一唔小心就行過樓下入大廈要按門鐘上一樓環境：🍀🍀🍀🍀🍀地方幾大，有其他野寄賣整體舒服，目測大約都有十張枱以上另外仲有個唔細嘅空間今次職員就安排左我地坐入去服務：🍀🍀🍀職員態度還可以主要係全部自助形式落單拎食物餐具同水，仲有還餐盤都係自己處理而飲品同食物都仲有機會係分開兩次拎今次同大肚婆去，呢方面就唔算好 friendly不過佢無加一服務費食物：🍀🍀🍀食物方面味道唔錯我叫左雞扒漢堡，配黑松露薯條雞扒juicy 溫度夠熱要評價的是薯條唔算脆身可能有人中意食同時我覺得黑松露醬唔夠☕ 同時叫左杯 Rose Latte落單時職員會問你想揀堅果味定果香味整體我覺得屬中上環境係舒服，隱世中的cafe，食物都唔太差有需要行過都會再上去

這間☕️ H coffee已經收錄進我的寶藏咖啡店小本本了📝位置很隱密，不抬頭可能不會發現，但在「灣仔」地鐵站A1出站即到的便利性還是讓人趨之若鶩，尤其他的鬆餅和飲料都在水準之上。👍提供Wifi，不限時還有插座，讓人想坐多久坐多久‼️再也不用擔心聊天不盡興或工作做到一半沒地方去的囧境。❤️店家的巴斯克蛋糕很出名，手作鬆餅也美味，外脆內軟的鬆餅搭配牛奶冰淇淋，上頭再灑上些許有機腰果糖，超愛‼️☕️伯爵奶茶不會太甜茶味也夠，仔細看的話可以看到淺色的愛心拉花，很順口讓人覺得放鬆。一進店讓人再再感受到店家有站在客人的角度去思考，提供給客人很棒的舒適環境，真心推薦給大家囉❤️

Lunch 同同事去左呢間cafe 諗住試下新野，叫左一款炸雞便當，味道都唔錯，亦覺得cafe 環境幾舒服。 本身覺得成個用餐體驗幾好，但到我地一行人食完離開入到lift 之際，其中一位職員突然跑到lift 口同我地講：你地未執野。果下真心打左個突首先唔係介意要執野，第一見唔到餐廳有告示話要自行清理，問晒同行既人，全部都話睇唔到有告示，咁可能有貼告示，而我地睇唔到啦，畢竟我地坐得好入第二，落單比錢時職員亦冇提醒要自行清理。第三，個職員咁誠心追到lift口叫我地出lift 清理返，佢個態度唔可以話惡劣，但係好命令式。希望服務上可以改進，可以講得清楚d比客人知要自行收拾會更好。

不知不覺呢度又換咗一間新嘅Cafe環境幾特別可以買啲嘢 又可以喺隔離食原來做咗台灣菜品嘅Cafe 叫咗兩個set 一個係台式滷肉飯滷肉都幾多下唔算好肥不過佢陣蒜味真係好重唔係普通蒜片嗰種感覺而係有蒜汁喺每一粒飯裏面包裹着雖然食唔到明顯嘅蒜蓉但係算嗰陣味真係好好好濃烈幾特別但係食完個口真係會臭佢個黑糖珍珠鮮奶都幾好飲跟餐嚟講好值個friend食嘅紅燒牛肉麵好似都幾正宗下炸花枝丸都幾好食建議跟埋另外order咗佢哋嘅豆腐花好似係即整嘅都幾嫩滑下而且好睇又好玩喺灣仔無無聊聊上去食嘢傾偈都OK喎