The Musicbox Grill House & Bar

营业中

休息中

*聖誕節又到了～每逢聖誕都想食西餐^^今次我地去左位於銅鑼灣一間樓上grill house。餐廳主題係Music box，一路食晚餐一路會播pop music。🪄過左夜晚10:00左右燈光就會轉暗，然後就有DJ玩音樂，現場超有氣氛～ *我地今次嗌左Dinner set for 2，款款美食都好吸引～*［ 老海灣粟米周打湯 ］· ✴️ 4.9 /5 ✴️周打餐湯超好味，裏面有融融地嘅粟米粒同薯仔粒、脆口煙肉粒🥓，口感非常多層次～ 另外配有一塊超香脆蒜蓉法包，點上濃湯簡直係絕配！😻［ 凱撒沙律 ］· ✴️ 4.9 /5 ✴️沙律菜淋有凱撒沙律醬，🥗上面撒上脆麵包粒、芝士粉、煙肉粒，是晚餐清新之選～［ 香蒜牛油煮蜆 ］· ✴️ 5 /5 ✴️🧈呢盤牛油煮蜆超大盤，旁邊伴有數片香脆蒜蓉法包和一片檸檬，賣相超吸睛～蜆肉超肥厚又大隻🥺，份量超級多，超級滿足！湯汁除左有牛油蒜香味和蜆嘅鮮味，還有淡淡嘅酒味，用脆法包點湯汁食真係好癲><～［ 煎三文魚配酸辣龍舌蘭忌廉汁 ］· ✴️ 4.8 /5 ✴️煎三文魚的火候控制得很適中，魚皮超級脆和香口，肉嫩完全不會柴口。調味方面都做得好好，🌶️酸辣龍舌蘭忌廉汁十

好一段時間無嚟食飯，今日同朋友講起齊齊想食扒，就嚟咗呢度…坐低唔想點諗就點份2人set，有晒我想食嘅牛油煮蜆同扒，perfect~香蒜牛油煮蜆依然份量十足，最緊要就係件夠香口嘅蒜蓉包，金黃又脆口，就咁食都好滿足~~今次都有試新菜式-煎三文魚配酸辣龍舌蘭忌廉汁，三文魚皮煎得又靚又香脆!三文魚肉厚身但Keep到軟滑，醬汁唔單只唔會太辣，仲酸酸地平衡返魚油感，夠balance!牛扒亦一如既往保持水準，點5成熟貪佢軟嫩多汁，仲有自家製用唔同mustard調出嚟嘅sauce，帶點辛辣感，刺激口胃~套餐有湯/沙律，仲有兩款甜品提供，個creambulee真係非常軟滑而且蛋香十足!仲要好彩撞正Lady’s Night，幫襯套餐女士飲品可以免費Refill，即刻覺得抵左~~

不斷見到有客人去打卡嘅DJ枱😂 lunch time淨係播音樂，晚餐嘅時候有DJ應該好正🤩Cocktail Shrimp 🍤 無諗過有咁多隻蝦，抵！蝦幾新鮮，下面嘅醬汁酸酸甜甜，搭配好清新，係開胃菜嘅好選擇👍Weekend午市套餐好抵食，百幾蚊有沙律餐湯主菜野飲同甜品😱 仲唔係普通沙律，係Caesar Salad，餐湯我哋加咗錢轉龍蝦湯，好濃味，配上蒜蓉包食完都有啲飽🤣軟殼蟹漢堡好少見到軟殼蟹漢堡，試試佢🙌 個包好大，軟殼蟹配上蕃茄生菜好清新，再加上Chilli Mayo，好食😋 薯條即炸，又脆又熱辣辣🤩額外加咗個帶子芝士通心粉，嚟到個賣相已經不得了🥳 四粒大大粒嘅帶子，煎得好香，好多好多芝士，入面仲有粟米同埋菠菜，相比起平時食嘅Mac and cheese無咁漏，個人覺得全場最佳🤤甜品焦糖燉蛋🥰 焦糖配上滑嫩香甜嘅燉蛋，永遠係我最愛嘅甜品之一🫶

平安夜的前一天當然要約朋友出街食飯🥳朋友喜歡懷舊復古風，咁啱係銅鑼灣搵到呢間巨懷舊風嘅西餐廳。餐廳具80年代風格，擺放黑膠唱碟、DJ台，加埋變色燈光令到氣氛好特別🎼我哋揀咗Dinner set 2人$738，都幾多嘢食。老海灣粟米周打湯湯有粟米薯仔粒洋蔥外，有炒香嘅煙肉粒，帶出陣陣咸香味，好飲👍🏻海鮮拼盤+$188揀咗麻辣口味，少少辣幾刺激。拼盤有粟米、青口、白蜆 、大蝦、鮑魚、雪蟹腳、八爪魚仔、帶皮薯仔、雞蛋、辣燻腸… 都幾多嘢食，鮑魚爽彈牙，唔錯👍🏻 蜆肉處理得好，食落無沙。其他海鮮都係正常烤蒙古豬扒10安士豬扒大大舊很厚，配上黑醋同番茄酸汁酸酸甜甜，肥而不膩。個人口味，嫌佢有啲肥🥲草飼澳洲肉眼牛扒10安士入口有炭香烤過既味道，五成熟剛剛好，服務員有遞上海鹽令肉味更加，而且配上秘製牛汁另外仲有一種醬汁很好食係牛油配上香料調成令到牛扒更香。最後甜品法式焦糖燉蛋燉蛋表面鋪滿了焦糖，燉蛋又滑又濃郁，配上新鮮水果，好清新紐約芝士蛋糕芝士味道濃郁、滑順，帶有微妙嘅酸味。再加上新鮮水果，令口感更豐富飲品方面叫咗coke& fresh lime soda+$42fresh lime是普通青檸梳

The Musicbox Grill House & Bar ⛳️銅鑼灣駱克道459-461號The L. Square8樓今日去咗銅鑼灣行街，食咗間性價比幾高嘅西餐！價錢唔算貴，但係就食到幾有質素嘅5-course 同 7-course brunch~我自己就叫咗呢款有七道菜嘅牛扒餐：7-Course chef's Tasting Menu $398七道菜，道道都好政精緻，份量剛好。👍🏻第一道菜 - 湯🥣：有兩款湯可以揀，分別係Minestrone / Old Bay Sweet Corn Chowder意大利雜菜湯/老海灣粟米周打湯，我揀咗周打蜆湯，味道超級濃郁，另外仲有塊鵝肝味嘅麵包，推介👍🏻第二道菜 - 沙律🥗：King Prawn Chef Salad 大蝦廚師沙律沙律菜好新鮮，沙律醋調得啱啱好，唔會太酸又有少少甜味。第三道菜 - 前菜：Seafood Boil (Cajun or Garlic Butter)海鮮拼盤（卡真或蒜蓉牛油）拼盤份量唔算好多，但好夠食，而且有好多款，仲有啲蔬菜添，有青口、鮮蝦、蜆肉、章魚、薯仔同埋粟米，我哋揀咗卡真，有少少辣，都幾惹味😻第

與男朋友慶祝生日，左揀右揀最後揀咗呢間望落氣氛都唔錯嘅餐廳。喺open rice book咗之後會有人喺用餐當日再用whatsapp confirm 並會問生日寫字會唔會有特別需求，非常貼心( •̀∀•́ )b。落單之後心大心細之後同店員講想轉都冇問題，十分友善°ʚ♡ɞ°。整個用餐體驗都十分好，到最後上生日蛋糕之後店員仲會主動幫手影相，十分推薦大家喺呢度用餐ദ്ദി ˃ ᵕ ˂ )

🔻 The Musicbox Grill House & Bar (銅鑼灣)🔻烤蒙古豬扒 ($268)推介！食落唔肉豬扒咁簡單，好厚身但又唔會韌同鞋口，愈咬愈有肉汁，醬汁甜甜地好惹味，醃到入肉都有味，仲跟阻2個sauce,有個好似泰式風味既汁，酸酸辣辣好開胃。🔻經典漢堡另加芝士 ($148)厚厚既漢堡肉，咬落juice有口感，入面夾雜唔同蔬菜好清新解膩，包面烘過好香口，配埋熱辣辣既薯條，份量好多，一個人食勁飽肚。🔻芝士五重奏pizza ($158)pizza 餅底係脆薄口感，唔會好漏好重負擔，就算成塊都係芝士餡料都唔會好漏好濟，仲會keep 住一塊接一塊好似係薯片咁，一定要襯熱食！

呢日星期一放假，約了朋友在銅鑼灣，午餐時間嚟到呢度一齊食飯傾偈😊我哋點左一份午餐，一份7-course chef's tasting menu,再加甜品😊炸蝦漢堡估唔到burger好大份，蝦肉結實Green Monday 沙律吧 星期一有呢個優惠好吸引，沙律菜選擇都幾多，都好新鮮老海灣粟米周打魚湯味道濃郁,鹹香,入口順滑大蝦廚師沙律蝦已經開邊，好方便，爽口彈牙；沙律菜調味恰到好處，加上脆脆嘅多士粒，口感更佳。海鮮拼盤 蒜蓉牛油蜆肉鮮味，燒烤蝦肉亦很鮮甜，啖啖肉；八爪魚好彈牙；而其他配菜都好好味，賣相吸引亦高質。120穀飼阿根廷安格斯肉眼牛扒 8安士五成熟嘅肉眼扒超多肉汁，濃郁嘅肉香同埋牛油香，大滿足黑松露意大利雲吞黑松露好香，整個配搭很濃郁法式焦糖燉蛋脆 卜卜嘅焦糖烘烤得好好味，燉蛋味道超濃郁，好滑餐後小食係一塊果乾小曲奇,都幾香濃郁嘅咖啡配上甜品,係好好嘅享受。三重朱古力軟滑蛋糕好有份量，濃郁，真材實料，佢係結實嗰種蛋糕，味道濃郁，甜度適中呢日好滿足😊開心monday😊

今晚兩個人食晚餐，見到餐牌有好多選擇，最後我哋點咗一個一人餐，再散叫少少嘢，兩個人一齊share食。一人餐包咗頭盤係大蝦沙律，沙律菜好新鮮，再配合酸酸地嘅醬汁，好開胃。跟住嚟一碗粟米湯，好多粟米粒，用料好足，好味。海鮮拼盤加咗特色卡真辣醬，好惹味。雖然呢個係一人餐，但係每款海鮮都會有兩粒，兩個人分享啱啱好。安格斯肉眼牛扒揀咗五成熟，肉質鮮嫩，食入口琳琳地，完全冇筋，好似有少少長時間慢煮嘅感覺，超好味，值得推介。意大利雲吞，細細粒配上蘑菇白汁，雲吞皮嘅質感好特別，好正。餐飲方面，我叫咗檸檬茶。另外再散叫一杯紅桑子啤酒，甜甜地幾特別。另外加配一個小食黑松露薯條，炸到好脆卜卜，熱辣辣，除咗有黑松露粉曬咗喺薯條上面，仲有一個黑松露醬，俾你點來食，黑松露味好香濃，一次過試晒。最後係Pizza，即叫即整，所以等待時間比較長，Pizza係薄批，批底好香脆，上面加咗芝士、辣肉腸同埋肉粒，好好味。套餐仲有包咗一個甜品，法式焦糖燉蛋，凍食。總結，好味又抵食。

今日去銅鑼灣一間靚裝餐廳，都幾多打卡位，食物質素都高👍🏻120 Days Argentinian Grain Fed Ribeye首先點左steak 120日殼飼阿根廷安格斯肉眼牛扒, medium well, 12 oz. size都差唔多有塊面咁大, 牛扒肉質岩岩好唔會太韌同時可以鎖住肉汁, 再配埋homemade demi-glace少少辣更加惹味👍🏻 side有grilled portobello mushroom同埋roasted potato都有特別處理調味, 大滿足😋Seafood LoverPasta試龍蝦汁海鮮意大利粉配linguine, 龍蝦汁算濃一啲都唔少基本上每條都會沾到, 同樣偏意粉口感都好好唔太淋, 海鮮種類多元化有scallops, prawns, clams同calamari每款都double岩曬同人share~ B Wings 1/2 Dozen小食點左半打雞翼配black truffle sauce, 全部都大大隻, 雞皮少少脆, 黑松露味極濃同時keep到雞翼本身嘅juicy, 性價比超高😋

又係weekend放鬆時間😎Be揀咗呢間位置方便(就近於銅鑼灣地鐵站附近) ！從佈置到播放嘅音樂都滿滿70-80年代嘅流行風格🤩🤩另兼有DJ live music演出🎶係一間非常有氣氛嘅人氣西餐廳🔥. ✨7-Course Chef's Tasting Menu $398🔸老海灣粟米周打湯Creamy杰身嘅西式餐湯🥄配以熱辣多士！. 🔹大蝦廚師沙律淋以醋汁嘅新鮮沙律🥗有大蝦, 沙律菜, 雞蛋！清新開胃😉😉. 🔸海鮮拼盤揀咗蒜蓉牛油口味🧄材料及海鮮種類繁多🦐🐚🐙例如：大蝦, 青口, 元貝, 粟米, 司華力腸……惹味又鮮美🤟🏻🤟🏻. 🔹120日殼飼阿根廷安格斯肉眼牛扒 (8安士) 大大塊厚切肉眼牛扒🥩肉質柔軟且牛味濃！質素好好！簡單加上黑椒粒/海鹽已經嚐到牛之原汁原味🐂. 🔸黑松露意大利雲吞撲鼻而來嘅黑松露香氣！令普通不過嘅雲吞味道昇華咗一個層次！唔錯唔錯🤝🏻🤝🏻. 🔹凍朱古力濃淡度恰到好處🍫美味餐飲！. 🔸法式焦糖燉蛋焦糖脆脆表層同嫩滑燉蛋形成強烈對比口感！甜美高質嘅套餐甜品😀. ✨炸薯條 $48粗身嘅炸薯條卜卜脆🍟薯味十足！！. ✨芝士4重奏 $148批底好脆身！加上多種濃郁芝士🧀🧀好味

以音樂為主題的西餐廳，播住千禧年代後的西洋流行樂，環境暗暗地加埋彩色射燈，好有氣氛，仲設有個DJ打碟區，最啱食生日飯。✦ Buffalo B Wing (1/2 Dozen) $98雞翼6隻大大隻好入味，微辣好惹味。✦ 7 course tasting menu $398Soup粟米周打湯香滑濃稠，帶有玉米嘅鮮甜味道Grilled Chicken Caesar Salad沙律菜新鮮爽脆，落重芝士，加上雞肉同煙肉碎，簡單又好味嘅前菜。Seafood Boil揀咗好重蒜香味嘅卡真醬，海鮮煮得剛好又新鮮。每款海鮮兩件，好啱兩個人share食。120 Days Arg Grain Fed Ribeye 8oz （+$88 多4oz）成餐最好味係牛扒，剛剛好5成熟上枱，煎到有格仔紋勁有食欲，份量適合兩個人share食，唔會太油膩。牛排煎得外層香脆，而且肉質嫩滑多汁，切開顏色好粉嫩，而且個特製醬汁好夾，提升咗牛排嘅風味，必食👍🏻Truffle Mushroom Tortellini一上枱就聞到好香嘅Truffle味，餡料濃郁多汁。Creme Brulee薄脆嘅焦糖下有又滑又香嘅燉蛋，甜度剛剛好，作

The music box grill house & bar 位於銅鑼灣Lsquare , 餐廳以西餐為主，座位舒適，閒日夜晚時間全場滿座，建議必需提前訂座。餐廳食物質素相當有水準，晚餐餐湯前菜等份量十足，溫度亦足，值得一讚。二人晚餐雜菜湯材料豐富，味道合適，蒜蓉包脆卜卜熱辣辣好食。前菜清酒煮蜆份量相當多，蜆肉鮮甜亦相當大隻。晚餐主菜烤蒙古豬扒，肉質結實燒烤味道濃，非常配合特色醬汁。跟餐餐飲選擇亦多，最特別竟然會有朱古力及美祿選擇，推介一試。

銅鑼灣食物選擇雖然好多，不過近年食肆都不停加價，想簡簡單單食個西餐，每個人可能都要五六百蚊，但今次我發掘到樓上小店，有驚喜仲要好抵食！望一望個餐牌，啲嘢都好美式，選擇好多，今次就揀咗七個course嘅Testing Menu，貪佢唔使諗， $398究竟可以食到邊七樣嘢呢？真係好豐富，包括雜菜湯，大蝦沙律，海鮮拼盤，穀飼阿根廷牛扒，意大利雲吞，仲有cream brûlée 同埋餐茶(可以加錢轉飲酒）。咁樣嘅價錢食到咁多嘢真係好難得，仲要每一道菜都係有心機嘅，淨係飲佢個雜菜湯已經知道，裏面材料非常豐富，調味剛好唔會太鹹，就連旁邊嘅小餐包都特別烤過，呢啲細節位就見到心思。海鮮拼盤每一樣海鮮都有兩件，淨係呢個已經回番本啦，Cajun汁煮得好，襯到鮮味唔會太搶fo，牛扒我揀medium剛剛好，肉質好嫩。不嬲對意大利雲吞都一般嘅我，今次食呢個黑松露口味我覺得好正喎，細細份但好滿足。而自家甜品甜度都調校得好好，口味係酒店級數，真係絕不欺場。另外仲叫咗個燒雞漢堡配薯條，大份到嚇親我都係收緊$128，呢啲價錢喺銅鑼灣仲可以喺邊度搵？我想講成個餐廳嘅裝潢都非常Decent，仲要其實餐廳都有好多promot

地方好窄好窄，隔離枱可以聽到哂我同朋友對話內容完全冇私隱，餐廳坐唔滿人，都唔隔開啲客嚟坐，坐到密麻麻，連放手袋的位置也沒有，地方細，嘢食份量又少，男仔去食一定唔夠飽，本人係女仔也覺得份量少。份量適合減肥人士去食。