The One Bakery (已搬遷) 新店位置

有次經過見到D生日蛋糕好靚！即刻停低腳步👣望，公仔造型又有，玫瑰花型又有，價錢合理，無論款式、味道、顏色配搭都好吸引！整個玻璃櫃都色彩繽紛店內有麵包，曲奇，蛋卷，西餅，飲品等等⋯⋯種類繁多，樣樣都好似好好味！最後買左蛋撻&叉燒酥蛋撻我較喜歡食牛油撻底，口感似cookie ，有蛋香味～叉燒酥酥皮鬆軟，但不夠脆，餡料足～

話說今日父親節，一心想開開心心買個蛋糕慶祝。完完全全比呢間蛋糕鋪破壞晒之前都有幫襯過呢間幾次整蛋糕，不過呢一次經歷，我以後唔會再幫襯佢。有圖有真相，冇做假。真係好嬲，有向佢表示不滿，佢既回覆字眼有，但文字間完全感受唔到有任何歉意，下次一定唔會幫襯佢下面果張圖係佢既版，上面果張係製成品，完完全全貨不對版。仲有!!!! 佢間店整蛋糕冇公價架，不禁講句，心情好就賣平d比你去佢鋪面問價，佢話$300/1磅，之後過左2日，係wtsapp落單再問佢價，佢話$350/1磅。咁有性格既鋪頭，真心要成日去問下價可能會有1次係$50/1磅呢希望大家可以知道下呢間野有幾特別P.S. openrice要我改內容，大家諗下最後文章既深層內容啦

今日老細開大會, 係開會前, 老細叫我落定去訂蛋撻開完會一齊食,佐敦地區我最常食開的bakery 係多X意, 但今次不試新口味, 於是就叫左同一條街的The One Bakery.The One Bakery 其實就係Austin Road 德信小學隔離, 但Openrice 係寫係尖沙咀, 有D 誤導。我去買時無18件蛋撻gam 多比我買, 店員話出爐可以送上黎OFFICE (抵讚)!送到上黎時蛋撻仍然熱辣辣, 聞到陣味但又未開完會唔食得真係谷鬼住。講番件蛋撻, 係曲奇餅底, 做得非常鬆化, 而不覺得油膩, 蛋黃略為薄左一D, 但唔算太甜, 總體黎講, 呢件蛋撻都不過不失啦~~

●綠茶紅豆麻糬($4.5)●係多美意行前小小嘅麵包店都有高質嘅麻糬賣呀❗口感嘅煙韌程度同yamazaki有過之而無不及紅豆餡嘅份量多過yamazaki好多添😍唯一挑剔就係價錢貴少少應該係我食過最貴嘅麻糬不過有時見自己辛苦 獎勵下自己都情有可原嘅😝🌼🌼🌼好味(8/10)抵食 (6.5/10)🌸🌸🌸

路經這間餅店，看見櫥櫃擺放著的蛋糕，造型十分好看，忍不住停下拍照。上openrice見到網友的食評，都說捲蛋好吃，於是便進去看看。原來裏面麵包和蛋糕都有，而且種類很多。即使是捲蛋，也有很多種不同口味，包裝亦分了大中細三款。片裝的用膠袋載著，也許入袋時新鮮出爐，故袋內已有「倒汗水」，故我揀了厚切裝，用膠盒盛著，雖不環保但較方便外帶。我揀了黑芝麻捲蛋，因為較少見到這種口味的。剛吃完下午茶還很飽，回家後本想切一半試試，但吃了一口，便忍不住將整個吃完！網友果然好介紹，捲蛋味道鬆軟，少少甜奶油不多，有點芝麻香味，但又不會吃到整粒的芝麻，吃完十分回味呢！

早上體檢過後，路過這間麵包店，被店內的環境吸引，望落幾舒服光猛，加上餓了一個早上，即刻入去睇下有乜麵包食。我是個可以食條長法包當lunch的人，試過好好味、也試過勁難食的麵包。這家店的麵包都ok，有些是常見款式。由於堅肚餓，就買了個名睇落會飽肚的，有朱古力香蕉包，和日式紫米薯蓉包。朱古力香蕉的餡料，食完有好充實的感覺，所以跑長跑有香蕉補給是對的，味道食到香蕉味。同時我係勁鍾意薯類食物的。這個薯蓉薯味ok，但如果可以再熱返d就perfect(唯有等新鮮出爐啦）兩麵包都是飽肚感十足。店內也有蛋撻同曲奇，呢間，我再來佐敦，會試埋其他款的麵包啦。

朋友親人生日我都一定會訂造蛋糕為他們慶祝，一年一次嘛，儘可能都要訂個特別d令他們開心的款式。因為搬了屋的關係，沒有幫襯我一向都好鍾意的餅店；於是上網找找新的，近自己公司的餅店；這是我第一次幫襯the one bakery, 網上見到他們做的蛋糕好靚，而且在訂做蛋糕上都好有經驗 於是就打電話去問。訂蛋糕的時間比較趕，我明白根本不夠時間做3d cake 了，於是我選擇圖片相片蛋糕。店員溝通態度很好 我都沒有考量就放心訂了。其後在whatsapp 溝通，send 相再談談要什麼款式，她會提議我的圖片適合什麼蛋糕形狀，設計都會簡單畫在紙上send 給我，同時也推介芒果好甜好正。一些重要的confirmation會致電話我知，付款（過數）也不會催促。最難得的是餅店晚上11店才收工，變左我放工去拿都不用太趕！男朋友十分中意這個童年回憶的He-Man 蛋糕。顏色好靚，好足磅 大體。（但建議下次可以放多點芒果啦）下次會再光臨啊謝謝

老公生日訂蛋糕，見到個個蛋糕都好靚，選擇困難症又出現，店員有耐性解釋，到最後都係揀左最普通嘅芒果蛋糕(因為有D款式要4-5磅才做得靚)，到食飯當日朋友見到蛋糕唱完生日歌後，放在面前都吾食，因為好多時蛋糕都係道具(切蛋糕唱歌)攪氣分，我就極力要佢地一試，試完後個個都話，蛋味濃、cream小、唔太甜、蛋糕鬆化，最後清晒一件不留，仲問在那裡訂。雖然價錢可能貴小小(比連鎖餅店)，但係食晒冇浪費都係值得16人(12大4小)訂左2磅半加壽桃$600

地中海包 $17地中海包即係蕃茄羅勒包 呢個包有成塊面咁大個, 而且唔係空心包, 拎上手都唔輕架~隔住膠袋都聞到有濃郁蕃茄味同香草味食落味道比較濃, 但又冇搶咗面粉應有嘅香味~包少少濕潤, 比較黏好飽肚,食完好滿足! 不過我阿爸細佬就唔鍾意呢個包, 覺得香草味好怪...明明有呢個味先正...呢間舖喺佐敦站往polyu出口轉左再轉左, 一路直行就見到佢啲蛋糕都好靚架,味道就唔知喇,未試過但個裝包就好空心,用嘅面粉好似都冇咁好(因為比較乾身) 買袋裝會抵啲~

TheOneBakery 🥖芝士呑拿魚包拎上手仲熱 可惜我食個陣又係凍哂😷層料好厚 有呑拿魚 芝士 火腿 粟米好豐富 仲要新鮮岀爐 好難唔好食😛但好油😅---價錢:$9

 今天和朋友吃飯，她除了買牛角包，更買一個蛋卷一同享用。但由於晩餐太豐富，朋友很飽，加上蛋卷味道不佳，只有我獨獨食呢。抹茶紅豆蛋卷大大的一卷切件蛋糕，重量十足。蛋卷是我最愛的抹茶囗味，唯抹茶味不特出也不夠濃。蛋卷乾得驚人，好像已擺放多天被吸乾水份，不太好吃呢。

呢間麵包店都有好多款味道嘅蛋卷啱晒我呢啲鍾意貪新鮮嘅客人係禁多味之中我揀咗個竹炭佢有三個唔同size 一片＄6兩片$9.5一條＄22總之買越大舊平我第一次試就買咗個兩件先啦食落蛋糕好鬆軟 值得一讚忌廉中間加左nuts增加整體口感 食落又無禁濟甜度方面亦算適中 呢個價位抵👍🏻

每次路過這間不算大的麵包店但都會忍不住進去逛一圈，櫥窗展示的各類蛋糕就感覺很誘人。竹炭系列的麵包感覺很有特色，口味很多可以選擇，迷你系列的質素也都很好，超級抵食。

屋企人生日，想整個特別啲有小小舊款嘅蛋糕，所以就上網搵，俾的搵到哩間。整左個六合彩黑森林蛋糕，一磅半。俾錢後2日就整好了，真係好快！黑森林蛋糕嘅朱古力甜度適中，加上佢地用嘅cream 都一啲5heavy, 唔會食小小就覺得好膩，好適合一家人慶祝用！

一間好嘅麵包鋪一定有距自己嘅風格，呢間我很喜歡，每次路過一定會買蛋糕，今次嘗試系蛋白蛋糕口感好實，但係系有彈性嘅，淡淡嘅蛋白味道，少糖，健康，有少少Cream，增添幼滑度，每口都好實在，每口都食得到嘅健康