The Pantry Cafe

营业中

休息中

- 葵芳｜The Pantry Cafe -▪️Pulled Pork & Pineapple Pizza🐷🍍🍕Pizza厚薄適中，批邊帶少少焦脆，好香口。批面鋪滿手撕豬肉、菠蘿，同埋洋蔥🧅，幾惹味▪️Sea Urchin & Scallop Linguine🍝海膽份量都唔少，帶子大粒同幾厚身，入面仲有啲蟹肉🦀，鮮味十足。海膽忌廉汁好creamy，而意粉亦都掛汁，又有咬口▪️Black Truffle Cheese Chips🧀🍟粗身薯條炸得香脆，配上黑松露芝士醬，黑松露味道好出▪️Chocolate Banana Pancake🍫🍌🥞Souffle Ricotta Pancake好厚身，食落濕潤鬆軟，充滿空氣感。面頭淋上滿滿嘅朱古力濃醬，再放上朱古力布甸同朱古力雪糕，朱古力味道非常香濃。側邊仲有焦糖香蕉🍌，配埋布朗尼蛋糕同士多啤梨🍓，夠晒邪惡😈▪️Churros Milkshakes🥛奶昔係雲尼拿口味，再有啲士多啤梨醬🍓喺杯邊，面頭除咗忌廉，仲有oreo餅碎同彩針朱古力，口感豐富。重點係有兩大條西班牙油炸鬼，浸咗都仲保持少少脆口The Pantry Cafe📍葵芳興芳路223號新都會廣場5樓5

在葵涌廣場行街買衫，收獲豐富下去搵食。家姐想食西餐同坐得舒服，最後搵左the pantry’s cafe。我得2個人但實在太多東西下，職員安排了4人座位給我。打開餐牌樣樣都好似好好食，令我好期待。Salmon Tacos $88墨西哥玉米餅上放了烤三文魚、蔬菜、牛油果醬同酸忌廉等等不同材料和醬料。材料好新鮮，但略嫌玉米餅不夠脆。記住食前將所有食材同醬mix 左，再將玉米餅會食得方便點。（美食推薦度8/10）Triple Cheese Chips$53熱辣辣的薯條唔洗講都知好好味，再淋上三種芝士醬，惹味到不得了。我在薯條上再加上肉醬，芝士醬和肉醬都十分夾，一次過食到2種味令我好滿足（美食推薦度10/10）。Spicy Sunshine$99安格斯牛肉漢堡有驚喜，牛肉味好濃。一啖咬落去肉汁會流出來。菠蘿烤得夠火候，好甜好多汁，但墨西哥辣椒就比我想像中辣了點🤣（美食推薦度10/10）安格斯牛肉肉醬闊麵＆溫泉蛋$132將流心蛋與有濃濃牛味的肉醬闊條麵混合一起，兩種味道混合一起，有一種好夾的味道。而闊條麵的麵質彈牙煙靭，口感豐富（美食推薦度9/10）。The Pantry’s pancake $

The Pantry全新葵芳店走木系森林風 環境悠閑舒適🪵除左主打嘅人氣甜品梳乎厘班戟 仲新增多款鹹食添✨.➿DAILY SOUP OR SALAD➿1️⃣椰菜花薯仔忌廉湯-質地較稀 帶淡淡薯仔同椰菜花草青香 忌廉奶味唔濃 相對輕盈🥔🥦2️⃣蘋果沙律-蘋果沙律爽甜新鮮🍎🥗.📌Roasted Spring Chicken & Apple Risotto $168半隻春雞大隻厚肉 燒得幾香口🔥肉質嫩滑 雞胸軟腍唔鞋 雞味濃 淋埋醬汁更惹味 有水準🐓Risotto粒粒分明 但冇外軟內硬咬口🍚醬汁濃稠香滑 微鹹奶香搭配清甜蘋果 味道又幾夾🥛🍎加埋爽嫩蘑菇片 口感味道更豐富🍄‍🟫.📌Carbonara Pizza $135卡邦尼口味好特別🧡批邊香脆煙韌 批底薄身柔軟🍕半熟雞蛋超吸睛 切開蛋黃 香滑流心🍳Pizza鋪滿煙肉同Mozzarella 鹹香惹味 可惜唔拉絲🥓🧀配搭蘑菇片同蕃茄醬 幾清新🍄‍🟫🍅.📌Salmon Tacos (3pcs) $88墨西哥粟米片好香脆 夾滿色彩繽紛內餡 超足料🌮烤一口三文魚香口有鮮味🍣配搭爽脆酸椰菜, 羅馬生菜同青瓜🥬🥒加埋蕃茄莎莎, 牛油果醬, 酸忌廉同蜜糖是拉差醬🍅

✅燒春雞，沙律，窩夫＆ 蜜糖芥末醬($135)燒春雞個皮烤到脆卜卜，咬落去肉汁四溢，超級juicy！沙律又清新，啱啱好中和咗春雞嘅濃味。嗰窩夫外脆內軟，配埋蜜糖芥末醬，甜中帶微辣，香口好味😋✅煎牛排配焗蔬菜，燒肉汁＆ 香蒜青醬($192)5成熟，煎得啱啱好，外層微焦，入面嫩滑多汁，配埋翠玉瓜、粟米仔等焗蔬菜，吸咗啲肉汁味，甜甜地好好食。加埋香蒜青醬，真係清新得嚟又好香✅藍青口（$79）個白酒蒜茸汁真係一流，小茴香嘅香味好特別，忌廉令湯汁更加濃郁。多士烤到岩岩好，吸晒啲湯汁，超滿足。環境都好舒服，光線明亮，食住飯都覺得心情靚啲！整體嚟講，呢餐真係大滿足！

終於等到佢係葵芳開分店環境更悠閑舒適，小清新風格適合同朋友GATHERING或者約會餐牌選擇都幾多安格斯牛肉肉醬闊麵配溫泉蛋安格斯牛肉肉醬味道濃郁，闊條麵有咬口撈上溫泉蛋更惹味~烤三文魚，温泉蛋，玉子豆腐，本菇味噌梅子醬，意大利飯意大利飯軟硬適中，三文魚煎得香口芝士黑松露薯條經典的厚身炸薯條配上黑松露芝士醬一上桌即飄出 黑松露香味，好邪惡焦糖奶昔上面仲有一層再鮮奶油cream焦糖口感硬脆，整體邪惡！

雖然筆者經常出沒在葵芳區，但區內還有很多餐廳等待發掘。今晚朋友邀約，來到新都會廣場5樓的「The Pantry Cafe」晚飯。作為餐廳的招牌，一定要點一個來試試！班戟厚身，加入了ricotta，口感蓬鬆輕柔。蛋香味也相當濃郁。班戟上有脆焦糖面，再配上拖肥醬及雲尼拿吉士醬，入口充滿甜香味。另外還有香蕉、士多啤梨點綴。泰國冬蔭公配搭意大利飯，好fushion的感覺。烤大蝦非常大隻，肉質彈牙，味道很香。risotto硬身之餘帶少許煙韌，還加入了魷魚、草菇豐富口感。因為混合了冬蔭公醬汁，所以會有越食越辣的感覺。炸雞翼有6隻，外皮炸至脆卜卜，雞肉就嫩滑juicy。配有蜜糖是拉差醬、青瓜酸忌廉醬，前者甜甜辣辣，後者則帶點清新感覺，各有特色。爆谷蝦炸到非常脆身，蝦肉都頗有彈牙感。附上香蒜蛋黃醬，味道更香口。茶類飲品可以用來消膩，喝完還可以請職員加熱水refill。

The Pantry Cafe (葵芳)💟Chocolate Banana Pancake $125呢個pancake即叫即整，預30分鐘時間製作，朱古力濃醬蓋滿了pancake😍 上面加左濃濃既朱古力布甸同埋朱古力雪糕🥰 旁邊配上焦糖香蕉，上面放了迷你布朗尼蛋糕，大滿足喔！💟 White Wine Mussels $79介紹番食甜品前係食左呢個藍青口先😝 用白酒煮既醬汁好creamy～青口唔腥，配埋烤過既多士再蘸青口汁好夾～💟 Margherita $148嘩～ 比想像中大份量😍 鋪滿了小蕃茄，加上適量羅勒葉，仲有Mozzarella芝士🧀，很喜歡這款傳統沒有肉的pizza🥰💟 Beef Hanger Skewers $148燒美國封門柳牛扒串燒性價比好高！封門柳牛味濃郁而且食落無筋肉仲好juicy～ 配埋低溫慢烤焦糖菠蘿🍍 酸酸甜甜～💟 Passion Fruit Calamansi Soda $52金桔熱情果梳打呢杯梳打好清新又唔甜，岩晒食咁豐富既晚餐時飲喔～～*需加一服務費地址：葵芳興芳路223號新都會廣場5樓531-540號舖

The Pantry 最近喺葵芳開咗新分店, 而且仲好歡迎, 真係要提早book位呀😉✨🦐脆炸蝦肉蝦肉幾彈牙, 外層仲好香脆,仲跟埋1款特製醬汁,唔錯!✨🐚 鮮茴香白酒忌廉煮藍青口＆烤多士藍青口搭配濃郁嘅白酒忌廉汁，再搭配埋多士,幾好食! ✨🍔 安格斯牛肉煙肉芝士漢堡配薯條Burger 加$25就可以配薯條或沙律,好抵! 漢堡滿滿嘅肉汁與芝士嘅完美結合，口感豐富。加埋香氣四溢嘅楓糖漿煙肉，整個漢堡更為美味! ✨🍝 海膽帶子配蟹肉海膽忌廉汁意粉上面有大大片海膽同兩粒鮮甜帶子，再配上海膽忌廉汁，味道豐富!

阿妹生日，同佢去葵芳新都會廣場買禮物，順道請佢食飯慶生，廣場內有間新開嘅高質餐廳，The Pantry Cafe 裝潢設計簡潔優雅，主打鬆軟souffle厚班戟和其他精選甜品，更有漢堡，薯條，意大利麵和奶昔等美食。Seafood Linguine ：海鮮材料豐富，藍青口鮮甜，蝦肉和珍珠帶子爽口，魷魚彈牙，龍蝦汁加左Parmesan 芝士特別香濃，意粉軟硬適中掛汁力強，口感彈性又惹味！Crispy Pork Burger ：吉列日本豬柳、椰菜酸，青瓜芝士漢堡：漢堡的麵包烘焙過，口感鬆軟可口，炸香的吉列豬扒外層香脆，肉質厚實，加上一片芝士、青瓜、椰菜酸，淋上自家製的醬汁，餡料與醬汁互相配合， 味道與口感一流！所有Pancake 都係即叫即做。Pineapple Coconut Pancake ：Ricotta 厚班戟外表輕盈震騰騰，口感香甜且富空氣感的梳乎厘pancak配以5小時低溫慢烤的焦糖菠蘿、椰子醬、牛油酥，餅碎，味道和口感都係超正！Banoffee Creme Brulee Pancake ：Ricotta 厚班戟帶有濃郁的蛋香味，質地鬆軟且入口即溶，猶如燒綿花糖般的口感，面層更有

[ The Pantry Cafe ]之前食過旺角moko分店，今次嚟到葵芳分店，感覺截然不同，餐廳裝修走森系風格，坐得舒適。而且餐牌仲有多款口味Pancake& Pizza🍕選擇。✿ 奇尊粉蝦& 香蒜蛋黃醬薯條🍟 $64薯條熱辣辣上台，配上香口蛋黃醬非常夾，仲有蝦肉食🦐。✿ Le Foie Gras Burger🍔🍔 $138漢堡有香煎鵝肝、安格斯牛肉、無花果醬＆ 芝士🧀，用料好豐富。✿ 安格斯牛肉肉醬闊麵＆溫泉蛋 $132香濃肉醬闊條麵配上流心溫泉蛋🤤🤤，入口滑溜濕潤。✿ Chocolate Banana Pancake $125必點招牌Pancake，有多款口味選擇。朱古力味唔會過甜，同焦糖香蕉🍌食，最佳配搭。Pancake夠軟綿🥞🥞。✿ 抹茶鮮奶 凍 $50✿ 茉莉花茶 $34總結🫦新分店環境舒適，除咗招牌Pancake有多款口味揀，仲有pizza食🍕🍕，選擇多多👏🏻。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿The Pantry Cafe地址: 葵芳興芳路223號新都會廣場5樓531-540號舖電話: 24286131✿✿✿✿✿✿✿✿✿✿✿✿✿✿✿✿✿✿✿✿✿✿✿✿

人氣大熱The Pantry Cafe登陸葵芳喇新分店同樣超旺人氣, 閒日都全場爆滿！裝修走小清新，悠閑舒適 ▪️MO ($99)經典嘅芝士漢堡 , 一大塊安格斯牛肉配上 芝士 , 蘑菇 , 洋蔥 , 番茄同埋生菜 , 再加上自制醬汁 , 仲聞到小小花生醬味 , 食落十分滿足 . 而且個包仲輕輕烤過 , 細節位做得好好 . 另外抵讚嘅係洋蔥都係炒過嘅 , 個味平衡得好好。 ▪️Iron Grilled Ribeye($318)Mushroom Cream / Chimichurri Sauce帶骨嘅肉眼排 , 火候控制得好好 , 冇血水流出黎 . 而且個蘑菇汁唔會太咸 , 岩岩好可以食到牛排本身嘅味道 . 而且餐廳仲有提供奇米丘里醬 , 即係阿根廷青醬 , 一塊牛扒可以食到兩種滋味 . ▪️Bolognese Fettuccine with On Sem Egg ($132) 經典嘅肉醬意粉 , 餐廳非常人性化 , 可以揀自己鍾意食嘅意粉種類, 肉醬酸酸甜甜十分開胃 , 而且仲有隻流心蛋 , 營養好豐富 . ▪️Chocolate Banana Pancake ($125) 今晚嘅重點之一 ,

葵芳呢間新店試一試，估唔到都幾正。酸忌廉牛油果醬薯條 HK$55份量就細左少少，但薯條炸得幾脆，個醬酸酸的幾開胃，不過又係可以多D醬。楓葉醬煙肉漢堡包 HK$105望落平平無奇，食落又幾有驚喜。楓葉醬甜甜地，煙肉咸咸地，味道好有層次。燒安格斯澳洲穀飼牛扒 HK$258呢個份量好OK，燒出黎好香呀。揀左香蒜青醬同磨菇忌廉燒汁，配忌廉薯蓉青醬好fresh，燒汁就甜D，薯蓉係好大碗，同埋好creamy!!牛肉揀左7成熟，食落易咬的，但牛肉味唔算太濃。朱古力香蕉厚班戟 HK$125Ricotta厚班戟 ，牛古力濃醬，朱古力布甸，焦糖香蕉，布朗尼蛋糕，朱古力雪糕朱古力醬真係好濃，唔係死甜果款。焦糖香蕉冇得輸，仲配埋一口布朗尼蛋糕，好正。班戟唔係入口即溶，有少少質感的，整體係好豐富，值得一試。

葵芳不嬲多好野食但café就比較少🔅終於開返間靚靚既café式餐廳打開本menu有好多唔同既菜式花多眼亂😋意粉🍝pizza🍕牛扒🥩Pancake 一次滿足你好多個願望餐廳裝修都幾舒服 走一個木系和食風有好多植物🪴旺角分店食物一向有質素 葵芳都保持到個水準🙆🏻‍♀️黎開葵芳想坐得舒舒服服有一個新選擇💗📍海膽帶子蟹肉忌廉汁扁意粉 HKD178呢個海膽真係幾鮮甜 沒有苦腥味😋兩粒煎香左既半熟帶子又彈又爽甜意粉同個蟹肉忌廉汁融合得好好👌成個意粉好creamy好掛汁呈橙黃色📍燒安格斯澳洲穀飼牛扒配薯條🥩HKD258叫了五成熟 牛扒賣相好靚燒到有微微焦香而且份量都幾多 兩個人share食都好飽肚👩🏻‍🤝‍👩🏼可以自選兩款醬汁 揀左紅酒燒汁同香蒜青醬兩個醬汁同牛扒都好match 香蒜青醬係必嗌！！牛扒口感走一個紮實軟嫩路線 愈咬愈香牛味粗薯條炸得好酥脆 最重要食有薯皮既薯條🍟📍抹茶忌廉厚Pancake🥞 HKD119即叫即整日式厚班戟 一上碟已經聞到好香蛋味🙆🏻‍♀️而且好動L動L充滿空氣感🥰抹茶忌廉醬好香茶味又唔會過甜旁邊仲有紅豆溶 抹茶蕨餅同士多啤梨🍓成個配搭都幾豐富

\西菜新餐廳/white Wine Mussels $79藍青口以白酒、蒜茸、小茴香、忌廉 煮成醬汁再配多土，一杯都有十幾件藍青口非常夠味，連埋多士一絕👍🏻👍🏻Calamari Squid Ink Pasta $142意粉個汁醬好特別，少見用芥末配意粉非常醒胃，個汁好掛麵，魷魚都好料大大嚿，推介要order 呀📝Cajun Prawn Aioli Chips $64炸薯條同炸蝦都炸得剛剛又香脆，個醬汁十分濃郁，每一口薯條都有厚厚的蒜泥蛋黃醬。Matcha Cream Pancake $119Pancake 係必點items, Matcha 漿好濃厚配搭料有紅豆容、士多啤梨、🍷🥃🍸🍹各款飲品都有好多選擇，soda4-6款、茶類有4款Pomegranate Lime Soda $48沖得甜度適中soda夠氣Ginger Lemongrass $43薑茶清香解🌸THE PANTRY地址: 葵芳興芳路223號新都會廣場5樓531-540號舖#葵芳美食 #西餐 #意粉 #炸薯條

見到葵芳開咗呢間裝修得好靚嘅西餐，睇睇餐牌唔算太貴，就一於試吓。Salmon TacosTacos非常脆口，烤一口三文魚，有焦香味，配埋青瓜，蕃茄莎莎，牛油果醬同酸忌廉，食落口感好豐富，非常fresh。煎牛排焗蔬菜牛排5成熟，完全冇overcook,牛味好重，都好淋，加埋佢地嘅香蒜青醬同燒汁，都幾惹味，薯條炸得勁香脆，熱辣辣，勁好食。燒春雞＆窩夫春雞燒得皮脆肉嫩，好juicy,點埋佢地嘅蜜糖芥末醬非常夾，而窩夫味道有少少咸咸地，配埋蜜糖一齊食，估唔到又咁夾，幾好味。Chocolate Banana Pancake份量都幾多，個Pancake非常厚，入口好鬆軟，好香蛋味，加埋上面朱古力雪糕同朱古力醬一齊食，勁正，勁香濃朱古力味。