The Pantry Club

营业中

休息中

啟德零售館一開幕，非常方便住喺啟德嘅居民。而啟德零售館3更加走貼地路線， the pantry club 正正位於3號館。餐廳環境非常格新， 鮮明既用色同落地大玻璃窗對正運動場館， 之後就可以一路睇住人哋跑步一路食飯，而menu 亦非常吸引，我哋就係俾佢嘅甜品吸引入去試吓。小食方面叫咗炸雞翼配牧場及咖喱沙律醬，炸得非常酥脆上面仲沈上芝士碎咗，鹹香十足。主菜就叫咗新鮮藍青口,醬汁用上鮮忌廉白酒蒜蓉及小茴香，忍唔住一件接一件。另外仲叫咗個the pantry club sandwich,材料豐富非常大份，g麵包再用上酸種麵包，係我非常鍾意嘅三文治。最後重頭戲order 左 Tiramisu pancake, pancake非常鬆軟，好fluffy,配上Tiramisu cream及咖啡糖漿可以自己調節甜度，非常推薦，下次一定要試吓餐廳其他甜品，記得早少少叫唔係就要等20至30分鐘。

去啟德主場館睇測試賽，順便試吓零售館內的餐廳。隨便揀咗呢間all day dining, 估唔到製作認真又有水準。點咗Club Sandwich + Salmon Avocado Sourdough 同埋柑桔熱情果梳打。Club Sandwich 內罕有地用roast beef , 嫩滑又濃牛味，其他用料新鮮，薯條有連薯皮，好有薯仔味。Salmon Sourdough 內的guacamole 好有層次，熱情果梳打唔甜仲有成個新鮮熱情果在內，用料足！餐廳有落地玻璃望住青年體育場，環境不俗，服務都好好，值得試試。

諗住新開幫襯下試食下個班戟，點知侍應收食完嘅碟嘅時候唔小心成杯水倒瀉左，搞到我成身濕晒，好在係普通水，唔係啲汁另外整間餐廳太細，環境好壓迫，好唔舒服，menu選擇太小，主打似係食甜品同漢堡包，我因為新開張時去食，可能仲新嘅關係，眼見好多野都未準備好，Pizza都話未有，咁既然咁多嘢都未Ready好又學人開門做生意，點解唔Ready好晒所有野先去做生意接客，我係客人我食完一次之後唔會再嚟，整體感覺好差