The Point (已結業)

今天中午想走遠一點路，便到了登龍街最盡頭的餐廳。一看到高樓底和寬闊的空間便愛上了。一進餐廳，見到門口不遠處的廚房竟有一個烤烘比薩餅的火爐，非常有趣😄今天我們兩人點了蒜頭白酒煮蜆，三文魚披薩。白酒煮蜆的蜆十分大隻，而且除了蒜味白濃外，還有很多胡椒粉，因此相當惹味。湯汁也比想像中濃厚。三文魚披薩則有一隻生蛋隨附，吃之前放到披薩上拌勻，令披薩更香滑。三文魚份量充足，令人非常飽足，而且餅底既香脆但同時內軟的麵包，非常好吃😋飲品選擇亦很多，我們點了無酒精成分的Mango Tango和Mock champagne 🥂 芒果的味道香濃鮮味，而Mock champagne 則真的看來非常像真，味道則是蘋果汁的味道，看著泡泡氣泡，真的有點療癒的效果最後的甜點是有點特別的桂花啤梨披薩，上面放的一球雲尼拿雪糕又香又滑，牛奶味濃。整個甜點不會太甜又帶微微桂花香，就算不是甜點控也絕對值得一試👍🏻

來到銅鑼灣登龍街，你以為我去吃拉麵嗎？不不不，街道轉角位還有一間西餐，主打手工薄餅和意粉，以前在尖沙咀分店吃過，覺得還不錯，今晚再試試這間分店水準如何。原來它們有Set dinner, $299兩位，都算便宜。但我們想叫其他食物，所以選擇散叫。香蒜橄欖油炒野菌配溫泉蛋 雜菌很多汁，拌勻溫泉蛋吃，更加香，但鐵板溫度不太足夠，有點美中不足呢。Posh Hawaiian 配料有焦糖菠蘿，意大利風乾火腿，松子仁等。焦糖菠蘿很美味，有少少像菠蘿乾的口感，但水分充足，而且無論是火腿，菠蘿還是芝士，所有配料分量都很多，非常足料，若餅底更香脆就完美了。龍蝦芝士通粉 通粉大大粒，形狀很可愛。 本以為會很膩，實則不會太多忌廉，像吃龍蝦汁通粉，而且龍蝦味不錯，龍蝦肉亦彈牙。吃完這些，其實已十分飽，但還是忍不住叫了一個 "Brownie in a pan" 朱古力Brownie伴以焦糖香蕉，合桃和雪糕，邪惡又美味。Brownie很夠濕潤，朱古力味道濃郁，很好吃！

已經黎過無數次lunch 嘅the point。因為品質好又抵食，重點係人唔多，可以靜靜地傾下計。今日本身係諗住飲杯咖啡做下野，但係一杯咖啡價錢已有埋個mini pizza，實在好難抗拒LattePizza 嘅餡料係自選嘅，可以揀三款。比lunch set嘅pizza 細好多，真係只能當輕食，唔會飽嘅。小插曲睇中文餐牌時，我想揀兩款芝士，但睇極都唔明歌弓蘇拉同里哥特芝士係咩好在有英文餐牌，一睇到內心不禁「哦」左一聲

每次去到the point食都唔使等位亦都唔會趕你走可以慢慢歎 今次同個friend除夕夜去食 都係一入去就有位坐 雖然感覺上餐廳唔係好多人但係我覺得價錢同食物嘅質素都唔差今次兩個人嗌咗兩樣嘢食一個係11吋嘅posh hawaiian pizza有焦糖菠蘿 ,意大利風乾火腿同火箭菜配料塊菠蘿又大塊又甜,同塊pizza好夾塊火腿就好大舊卷埋一齊有啲難食 要將佢重新鋪開先可以又食到菠蘿又食到火腿如果唔係齋食火腿就會太鹹 pizza都好多芝士仲可以拉到絲另外仲嗌咗個紅酒燴和牛肋肉配蜆殼粉 味道似食緊中式意粉加腩汁 有少少太重味 和牛同蜆殼粉好似唔係好夾 個人嚟講麻麻地不過份量就好足夠 可能嗌返啲正宗啲嘅意粉會好味啲

炭爐比薩🍕意大利菜之選今日收工好夜，同男朋友去咗銅鑼灣登龍街搵好嘢食。一轉入登龍街，就見到呢一間裝修得好靚好舒服嘅意大利餐廳，仲係我男朋友最愛pizza做主打，所以我就去左食。龍蝦湯$78🦞溫度剛剛好，一上菜就可以飲。好幼滑，蝦味好濃郁仲有幾舊蝦肉，好足料。飲兩三啖就食到料蝦肉，好滿足！經典凱薩沙律加烤雞扒$118分量超級多的沙律🥗沙律菜非常新鮮爽甜，配合適量的沙律醬，芝士碎，煙肉碎和脆麵包粒，口感豐富，清新開胃！最重要，我加左烤雞扒，不過雞扒係小辣，所以唔食得辣唔好揀。Pesto Chicken Pizza(11”) $152The point 最有名炭爐pizza,即叫即整。呢個pizza有香烤辣雞，烤蒜頭，烤茄子，火箭菜配上香草意大利醬。本人非常喜歡他們的餅底 ，Pizza餅底厚度適中，帶少少香脆又薄身，但同時又鬆軟，咬落有點像吃麵包，邊邊焗得香脆，好好食。Pumpkin Penne $134黑松露南瓜汁野菌蔬菜長通粉呢個意粉好有驚喜，因為每一條通粉都有一個好重嘅南瓜醬，而且南瓜醬好明顯係新鮮打出嚟嘅，因為食到有一粒粒。另外，配有少少黑松露去調味，真係好正，外面好少會食到呢款嘅意

約咗一世嘅飯局終於都成事揀咗呢間喺銅鑼灣食街轉角位 主打食pizza嘅 The point 打開menu 好多選擇 花多眼亂 有選擇困難症嘅我倆 諗咗好耐終於決定到為咗留個quota食甜品決定叫一個湯兩個小食一個pasta同兩個甜品😂😂😂🤤真係好濃好足料亦好creamy 棒棒雞翼 即單骨雞翼新鮮即炸熱辣辣咬落去出晒煙咁熱雖然係炸 但入面依然嫩滑多汁個蜜糖燒烤醬 酸酸甜甜好開胃亦豐富咗雞翼嘅味道甜蕃薯條配香辣沙律醬同友人去親邊度食飯都必點嘅小食😁好好味 係真甜蕃薯嘅味道外脆內軟 甜甜地 甜薯控必食個沙律醬唔辣 唔食得辣嘅人都唔使驚然後係主菜蝦肉彈牙爽口 再配合埋個海鮮醬汁成件事一流 海鮮汁食得出好足料 香濃惹味每條意粉都極掛汁 每食一啖都有濃濃嘅醬汁味最後唔少得 當然係甜品叫咗兩個我倆都係見到Nutella 會變心心眼嘅人所以上枱見到得咁少Nutella 係有d失望嘅不過食落就發現依家呢個比例就啱啱好甜味無搶咗酸咪咪嘅橙味風頭酸味又比甜味牽引住仲有好香脆嘅餅底Very niceBrownie 亦無得輸香濃嘅朱古力味 口感好rich嘅brownie 再加埋香蕉同雪糕係圓滿嘅一餐希望下次同友

新界人難得出城，當然搵一間可以坐得耐，又唔失禮嘅餐廳，與閨蜜相聚一番！首先地點不難搵，餐廳室內環境清新，因為當日11點鐘就入座，所以人不多，清靜。見有啤酒賣，不過款式唔算多。環境開始點餐，因為當日係Peak Season ，無Lunch Menu ，唯有散叫，不過價錢合理。Pizza，本人十分喜歡食火箭菜，配搭Pizza 一流，別家餐廳一定唔會比太多😋不過Pizza 味道一般，而且Ham呈黑色，有啲驚。Pizza 🍕: 再叫一份長通粉，估唔到份量少，不過味道OK。長通粉:唔夠飽叫多份炸番薯🍠條，超好食！好甜，唔燶，唔似薯條咁咸，唔會食到條脷損哂。送啤酒🍻一流！番薯條: 其實好想飲啤酒🍻，始終款式不多，口味唔啱，最後都叫咗咖啡飲。我杯咖啡就無乜特別，普通latte 。朋友嘅Oreo chocolate 就唔錯，唔會甜到想嘔，好滿足！飲品: 埋單$400到總括而言，要搵地方可以慢慢坐，同閨蜜一起吃、一起分享，食物又唔太差，The Point 係值得推介！

銅鑼灣登龍街是拉麵聖地，有幾間質素高的拉麵店，但這次要吃的不是拉麵，而是龍蝦🦞意粉。The Point銅鑼灣店位於街角位置，面積也算寬敞舒適。既然主題是龍蝦，一於先來個熱騰騰的龍蝦湯暖胃。龍蝦湯鮮味非常，味道濃郁，湯內還有很有龍蝦肉粒，爽口彈牙，好味😋接著是Arugula  &  Pear  salad，材料有火箭菜、梨、gorgonzola芝士、合桃，再淋上黑松露醋汁提味，蔬果新鮮、芝士微酸帶甘、合桃烘香後果仁味突出，鬆化好吃，是一道很不錯的沙律👍🏻然後來到我最期待的主菜— Lobster Linguine🦞甫上桌海鮮香氣撲鼻，原隻龍蝦開邊俯伏在橙紅色的意粉上。龍蝦肉鮮味爽口，每一口都是幸福的滋味🥰車厘茄伏特加忌廉汁扁意粉煮得剛好，不會太淋，味道帶點微酸，不會搶去主角風頭，出色👍🏻👍🏻👍🏻

又到聖誕節, 我最鍾意既節日。可以有籍口唔諗減肥同班FD 周圍去食野, 間唔中放縱下自己係爽既。今晚去左銅記The Point, 就我個FD 放工就可以即刻坐低CHIT CHAT下近況再慢慢食野。呢個餐廳一路都係我CHECK LIST入面, 終於有機會試啦!一坐低睇一睇個drink menu, 發現佢有好多LOCAL手工啤酒, 但係睇住個MENU, 全部唔未飲過, 就決定求其揀左兩款手工啤酒。甜甜地幾特別, 試埋我個FD 個杯手工啤, 兩個完全唔同味既。不過都係我果杯好飲D, 可惜唔記得影相, 下次再試埋其他先！飲到咁上下, 就開始叫野食啦。叫左個STARTER白酒汁煮蜆, MAIN就叫左軟殼蟹菠蘿莎莎披薩, 虎蝦海鮮汁意粉。白酒汁煮蜆($118)，好香酒味，D 蜆大大隻，啖啖肉，而且份量都多，我地2個人食份量好夠。軟殼蟹菠蘿莎莎披薩($185), 朋友鍾意食軟殼蟹，見到呢個披薩GE朋友即刻心心眼，即刻秒叫左話要試下。披薩同軟殼蟹呢個配搭都幾特別，披薩用左紅椒、芒果、洋蔥、蕃茄等材料，個Pizza底係偏薄果種，食落口感脆脆地，而酸酸甜甜，配合起黎， 酸酸地既野剛好中和返個軟殼蟹既油膩。

銅鑼灣食肆林立，咁多選擇真係好難揀。見到食評咁多個笑哈哈，就一於比次機會佢啦。食物款色好多，花多眼亂，樣樣都好想食，但奈何肚仔容量有限，真係好唔容易先諗好食乜。本身諗住要一份小食，一個pizza，一份pasta，一個dessert，合成完美既組合！棒棒雞翼，真係名乎其實既棒棒只有一枝骨。新鮮即炸，熱辣辣好食好咸香既感覺。雖然係炸，但入面依然係嫩滑既雞肉，配埋個蜜糖燒烤醬，少少酸好開胃之餘仲令到雞翼更出色。主菜之一，軟殻蟹pizza。估唔到size係咁大，11吋既pizza，兩個人食真係食唔完。雖然係薄批，但滿滿既芝士有拉絲既效果，食落去好滿足。仲配埋好多好多既三色甜椒，烤熟後更加香甜可口。但略嫌兩位主角🦀🦐曝光度不足！有朵煙三文魚花配埋三文魚籽做花蕊，成碟天使麵即刻升價左十倍。忌廉汁好creamy，配上幼身既天使麵，份量剛好。而且估唔到麵入面都仲有好多煙三文魚碎，食完都淨好多三文魚係個底到。飽到食唔晒，最尾連甜品都無叫到，有少少可惜。整體食物質素係唔錯既，但係就算幾好味既食物，都要有返些少既服務去配合下。

來到銅鑼灣登龍食街實在太多選擇唔知揀咩好經過呢間轉角位嘅餐廳望到入邊裝修比其他的高級些原來間餐廳叫做The Point 記得係將軍澳食過好好食印象最深刻就係佢嘅邪惡甜品Pizza門口都有張邪惡大近照同朋友一齊叫咗個拼盤頭盤有大份量同小份量少份量剛好夠我哋二人食雖然水牛芝士得一粒但係風乾火腿配上香腸各樣淺嘗一下開下個胃都夠晒滿足頭盤嘅食慾小食方面揀咗黑松露芝士蛋黃醬薯條見到個名就知道幾咁邪惡黑松露控朋友必叫呢個薯條因為佢係超級多黑松露薯條份量亦都好夠加上芝士蛋黃醬配合香濃黑松露味道令到薯條味道更加豐富主菜叫咗芝士焗大蝦龍蝦汁意粉一出場嘅時候已經聞到意粉好香是龍蝦汁嘅味道仲有碟上面嘅裝飾顏色嘅配搭橙色嘅大蝦配上一些綠葉嘅伴碟靚到有啲唔捨得食大蝦非常新鮮彈牙爽口每條意粉都沾上龍蝦汁嘅香味口感非常豐富飲品方面Strawberry lime basil士多啤梨青檸茶香濃嘅士多啤梨加上酸溜溜嘅青檸苦澀茶味混在一起甜澀味平衡返清新嘅感覺榛子朱古力醬香橙雲呢拿雪糕pizza朱古力榛子略嫌太少醬香橙新鮮鮮甜香橙朱古力口味配合再加上雪糕奶味香濃幼滑非常邪惡

黎到12月，完全係holiday mood，只想日日食好瞓好，今日同朋友黎到銅鑼灣既the point，呢間餐廳係幾個旺區都有分店，銅鑼灣就係time square隔離，非常就腳。就menu黎講，幾欣賞the point大部分既菜色都有相，唔洗估估下，菜色選擇都唔少，pizza有好多唔同款仲幾有特色，真係要黎多幾次先可以試哂啲pizza！價錢係呢區黎講都算合理，唔算太肉赤。我地今次點既食物不算多，首先小食是Truffle Fries，前菜Caesar Salad with Smoked Salmon，主菜Foie Gras Pizza同Lobster Linguine，最後甜品是Brownie in A Pan。Truffle Fries除左黑松露之外，仲加左芝士焗過，雖然唔算太脆，但非常香口，大家都食唔停，一陣就清哂了！Caesar Salad with Smoked Salmon睇相就知份量幾大方，原塊煙三文魚母擺落去，仲有魚子提味，沙律菜新鮮爽脆，作為開胃前菜算合格有餘。Foie Gras Pizza非常推薦the point既pizza，本身我好少食pizza皮，特別係條邊，我

雖說是星期一 blue Monday ，但不阻我找朋友聚舊的心。朋友工務繁忙，為左就朋友晚上要回公司，今晚醫肚果餐就選址係銅鑼灣喇，呢間餐廳唔係第一次幫襯，年幾前食過印象不錯所以再黎一戰喇。呢間餐廳menu 價格大約都係1-2百零，中等價錢。座位距離不算遠，一般能接受範圍。龍蝦湯 $78 - 朋友是湯友，去到那裡也指明要飲湯😹雖然價格不算便宜，但湯頭濃稠，用料足。truffle mac & cheese $132 - 鐵板上菜，鐵板邊的醬汁及芝士有微焦就更有香味，而且能保溫。芝士份量足，做到拉芝效果，配埋濃蒜香，非常惹味smoke salmon pizza $172 - 出名係火山石爐焗pizza 悚會好快速。餅底算係正常至薄批中間，外邊香脆。溫泉蛋係另上，自己可選擇加唔加上，加上嘅話會沾到蛋醬食到微微蛋香。但如果鍾意香脆嘅話，就諗下加唔加喇。White wine clams 🌶 $118 - 蜆幾新鮮同大隻，白酒味香white pearl beer $48 - 餐牌好貼心咁寫埋食咩適合飲邊款啤酒。呢款啤酒比較淡口，麥味唔濃，所以適合配雞同海鮮。

這家Pizza店已經食過好幾次，自從食過第一次之後以後每次想起要食Pizza都會黎呢度，每一次都不會失望而回。首先一定要食這裏的鵝肝pizza， pizza餅皮上面鋪上滿滿的鵝肝之外，餅皮面仲加咗一層薄薄的脆糖，烘烤得香脆、熱辣辣、絕對會食上癮。白酒煮蜆，微微嘅酒香、蜆肉飽滿、鮮甜、juicy, 絕對要encore。軟殼蟹意粉，全隻軟殼蟹炸得外脆內軟，鋪喺意粉上面，見到都口水直流。Parma ham Cesar 🥗 分量大，足夠四個人分享，蔬菜新鮮，Parma ham 也不是普通貨式！真心推介！ 💕

THE POINT之前在友人K生日時已經來過，質素不錯於是決定今晚飯聚再來一次本人偏愛有高樓底及落地玻璃的餐廳即使餐廳店面小小也會很有空間感，不會很壓迫加上有OPEN KITCHEN，發呆時看著廚師準備食物也是很治癒TRUFFLE FRIES 黑松露芝士蛋黃醬薯條 $74黑松露味道香濃，煎PAN的熱度芝士處於半溶狀態食時做到拉絲效果，是很邪惡的小食CAESAR SALAD w/ SAMOKED SALMON(L SIZE) 凱撒三文魚沙律(大) $88生菜新鮮爽脆，麵包粒脆卜卜欣賞的是面有三文魚籽對於喜愛三文魚的人士，是雙重享受沙律醬明顯有調得較淡味與煙三文魚和三文魚籽一起食味道是剛好，不會過咸LOBSTER LINGUINE 原隻龍蝦配車厘茄伏特加忌廉汁扁意粉 $268意粉外軟內煙軔，是本人最愛的Al dente口感龍蝦肉肉質彈牙，而且番茄醬感覺很FRESH多食也不會膩FOIE GRAS PIZZA $208批底厚薄適中，而且很脆鵝肝其實不止面的一塊有不少的鵝肝粒在平均分佈在PIZZA上鵝肝雖然不算很肥美但入口仍甘香黑醋只是微微酸，怕酸的朋友也可以試而且有解膩感的作用，天衣無縫的配搭