The Promenade餐廳

营业中

休息中

今次黎到黃埔，就係為左特登食呢間lunch都有即開生蠔既The Promenade🤩雖然佢個位置就比較偏僻，但閒日都一樣坐滿人㗎！不過放心，只要你有book位，12點黎到唔洗等就可以即刻安排到坐位㗎啦🤗一入到去個個都走去排隊拎生蠔，一人一次限拎3隻。生蠔好fresh而且都幾肥美，必食！而另外冷盤海鮮refill得都快，主力就緊係食長腳蟹同麵包蟹啦另外一樣要推薦既，就係好少Buffet會有既珍寶赤蝦啦！好大隻㗎！熟食推薦既就有師傅即場包既小籠包😛而甜品亦都有驚喜，因為佢有超濃味creamy既榴槤蛋糕🤪，另外仲有 Haagen Dazs雪條任拎呀！💭 Overall comment:三百幾蚊價位性價比好高，食物質素好而且有海景，想睇海景記得要打電話安排呀！🍽食物: 7/10🌌環境: 7/10👔服務: 7/10🎖CP值: 8/10

同男友第一垐食，感覺良好。由1830食到2200,當中整段時間食物不停供應，侍應，廚師服務態度也很友善。食物類型對比貴價酒店，算很齊全。海鮮，質素尚可，生蠔不太大隻，長腳蟹尚可。刺身很正，無將貨就價，帶子厚大，赤貝大塊又厚肉，丹蝦又滑，又有三文魚腩，值得讚賞。其他熟食，鹅肝多士肥美，羊架厚而不鞋，雪糕甜品無得輸。推介👍🏻👍🏻👍🏻👍🏻

整體食物同埋室內環境設計都唔錯。但因為實在太多人令到整體感覺唔好。當然，食食吓飯嘅時候有隻大概2cm大嘅曱甴係你坐緊嗰張凳爬過嘅時候，整體感覺變得非常差. 未到6:30 ，閑日，已經有幾十人開始排隊準備入場。搭正6:30 ，好似跑馬開閘咁樣，啲人群擁入去。入到去啲人當然就要排隊攞嘢食啦。凍海鮮，刺身，同埋鵝肝係長期有人排隊。係去到大概8:30打後至九點先至唔使點樣排隊。但到咗呢個時候，魚生有一部份已經冇供應，甜品亦都差不多搶掠一空。甜品食完就冇㗎啦。冇得不停refill. 應該係話佢之前有refill嘅，但當冇咗人群之後，啲嘢已經食晒，廚房亦都冇貨可以refill啦。所以一係你就8:30之前去搶，如果唔係就冇得食. 雖然要搶嘢食係一個好差嘅經驗，但食物嘅味道唔錯嘅。亦都有一啲比較貴價嘅食物例如花膠，生蠔，鵝肝，芝士焗龍蝦。麵包蟹都出過好幾次，但真係要好好彩夾啱時間你先至可以攞到蟹蓋。牆腳蟹非常之瘦，根本冇肉食。唔好浪費你嘅時間同力氣剪開啲蟹殼. 煎鴨肝個師傅不停咁一分為二，二分為四，最後食到嘅大概會有一個$5銀咁大，如果運氣好，可能嗰一輪師傅冇切開咁多件，可以比$5銀大啲。每人每次只限

平日去食都坐滿人😳未夠六點半已經排晒隊等入座😂我地上酒店官網book有75折，五百幾蚊就食到(原價$7xx)😍同埋如果平日(星期一至四)去到食就最好，可以六點半食到十點無限時😆其他日子好似有分時段無咁抵又貴啲🙈·🦞海鮮類一入座啲人就衝晒出去排生蠔🦪即場即開生蠔，一碟兩隻，新鮮但略嫌細隻🙈仲有大大隻蟹腳，好多肉好正😆螺都勁大隻，好少食咁大隻螺，好新鮮好彈牙🤤buffet點少得芝士龍蝦🦞唔算好大隻但芝士好足料，食晒都會有少少漏🤣·🍣刺身類呢度嘅刺身種類比其他酒店多，無記錯有三文魚、油甘魚、𩶘魚、帶子、吞拿魚、赤貝、希靈魚，除左希靈魚，其他我都有食🤣🤣即叫即切，好新鮮😋·🥩肉類&其他燒羊架、牛肉呢啲一定有啦，都係大廚即場切，羊架唔羶，肉質幾嫩👍🏻估唔到連天婦羅同花膠都有😳花膠炆到好淋入晒味😆仲有鵝肝多士，好少食到，但我本身麻麻地鵝肝😂·🍨甜品類有榴連蛋糕、奶凍，我食左奶凍，好香榴連味好正😍😍楊枝甘露同芒果拿破崙都好正🤤🤘🏻我唔係食左好多蛋糕，為左留quota食雪糕😂因為有Mövenpick 雪糕，有得整窩夫🧇再加雪糕係上面😎仲有Häagen-Dazs 脆皮雪糕批，不過我已經好飽無食了🙈·自助

在酒店官網上預購咗自助午餐與家人慶生，一行七位星期六高高興興歎個海鮮🦞自助餐，倆位耆英👴🏻👵🏻就最開心好似小朋友咁見到d食物已經急不及待去吃好西不過他們吃熱暈吃到條大魚🐠有嗅泥氣味🤮所以立刻剎停我哋唔好試🤭海鮮吧有齊即開生蠔🦪長腳蟹丶紅色小龍蝦🦞青口和熟蝦🦐，日本天婦羅🍤刺生壽司🍣齊全印度手工薄餅和咖哩都好正中甜品有即造格仔餅之外仲有香蕉🍌班戟，而雪糕🍦更加豐富不但有蓮花杯和即叫雪糕球竞然仲有大腳板雪條而令倆位耆英最驁喜係發現了榴連蛋糕🍰而個人認為沙津睇落唔係好新鮮所以就冇食到，其他食物無論外觀和味道都尚算合格嘅

住係呢間酒店差唔多4個月，見到自助餐好多人食，忍唔住試咗一次，長住客折咗大約350，價錢已反應質素，不過不失。唔好彩俾太太見到有個職員用抹台布抹盛食物嘅碟，當堂冇咗再食下次嘅興趣。插曲：當日見到食客三母子，媽35-40，囡14-16，仔10-12,食完係度攞H字頭雪條放入自己背囊，開始以為攞幾條走喇，點知攞上癮，一家三口不停出動，總數攞咗至少30幾條，睇唔過眼亞媽如此教細路，通知咗職員。職員個回覆出乎意料：睇開D啦，人哋俾咗錢食嘢由得佢哋攞啦。O嘴，原來我多事！呢間可以又食又拎咖！哈哈哈！入正題：10月13日，是日8號風球，周圍食肆冇開，落樓佢哋又有位，以為好好彩，因為冇食早餐終於可以食餐飽嘅午餐。2點食完，3點開始太太頻頻出入廁所，上嘔下瀉不下30次，結果要Call的入St. Teresa，醫生診斷急性腸胃炎，打針食藥搞咗幾個鐘，搭的+藥費貴過两人食自助餐。遇著咁嘅事投訴是肯定嘅，始終號稱5星酒店，不過前後两日唔同當值經理回覆了同一個答案：當日食客過百，冇人投訴有問題，只係我哋出事，所以佢哋覺得佢哋冇問題。又一次O嘴，原來從頭到尾係我哋嘅問題......此Case已求助食環，不過似乎

適逢屋企人生日 又好耐無出嚟食大餐就揀咗平日夜晚過嚟食自助晚餐🥣食物種類唔算多海鮮、生嘢、印度、中式、生果、甜品樣樣都有啲 都夠我哋食😆特別推薦紅酒牛尾、花膠、肉骨茶、焗時蔬、生帶子、長腳蟹同埋好多人讚嘅芒果拿破崙😍麻麻哋嘅有小龍蝦、天婦羅炸蝦、白焯蝦😲甜品有蛋糕、雪糕、楊枝甘露、撻等等 見到舊好似豆腐嘅甜品原來係梳乎厘🧁雪糕種類都有唔少 有movenpick同haagen dazs 隔離仲有waffle提供 正👍🏻飲品方面揾到有枝屈臣氏哥喇 幾好飲㗎😋晚餐足足有3個半鐘食 好多時間慢慢食整體嚟講 大家都對食物讚不絕口 雖然有幾款食物唔啱口味 不過都好推薦比大家😋👍🏻

去九龍海逸君綽酒店 Staycation點少佢嘅得自助早餐，有燒賣、煙肉、薯餅、火腿及漢堡扒🤤，仲有男友成日講嘅「日式麵包王」108層牛角包（呢個唔知幾多層🤣）。食飽再攤返上床，咁先至係放假☺️❣️✍🏻重點推介：細細舊嘅三角形薯餅，炸得超香脆，雖然一起身就食呢啲好邪惡，但值得😋✍🏻仲有熱辣辣嘅蒸籠燒賣，好正，食咗好多粒😋✍🏻煙肉好似食緊豬肉乾咁，同樣咁好味，用嚟餸粥食😋🍽美味指數：❤️❤️❤️❤️❤️

呢間食過幾次。種類都比較多。價錢又ok , 有即開生蠔。基本上刺身都有。冷盤除左冇波士頓龍蝦🦞其他基本都有😅。反而芝士焗龍蝦🦞同焗扇貝都有。一般熟食都真係比較多選擇。甜品。雪糕🍨🍰都不錯。而且呢度飲白酒。紅洒任飲🍷🍾。汽水。咖啡奶茶都一樣☕️。環境地方都舒服。可以值得一試👍🏻

星期日晚市自助餐分兩段，我哋staycation 個 package set 咗一定係第一段時間，由5:30 pm - 7:30 pm，食 兩個鐘其實都好夠。第二段用餐就係由8:00 開始，所以餐後見待應執拾好快準備下一輪。我哋被編排坐最遠門口的位置，位正風口好凍……，呢個更加令我哋一食飽就走，扣左小小分啦哈哈。用餐當日係8月中，記得凍海鮮有長腳蟹，蝦，蠔，龍蝦蚶。長腳蟹夠粗，肉都好新鮮。蝦中size，可惜有啲係霉，縮水離殻。龍蝦蚶就冇乜味道⋯⋯。蠔我唔食的，朋友話好細隻，當日見冇乜人拎，可能唔太好味。魚生冇食，有帆立貝，大大隻，應該唔錯。中段時間出咗芝士焗龍蝦，係任拎的，供應充足，好味過凍龍蝦鉗。因為太飽，冇乜點食熱食，其中韓式牛肋肉同清蒸魚都唔錯。整體來說，ok 啦～，有咁多海鮮，CP 値都高

食物種類多，但以三百幾蚊lunch buffet 有生蠔，西班牙紅蝦和燒牛肉已錯，而且呢幾樣野都高質。當然唔好錯過芒菓拿破崙！😊也有可改善的地方，大慨自助餐開始一小時後，曾經有大慨二十分鐘沒有大部份刺身供應，燒牛肉也沒有補得及。過去上百次自助餐都未試過。另外，生果切粒太細，有些寒酸。冷盤不多相反飲品選擇充足！服務可以，收碟也快！高樓底空間感足夠。入座安排迅速，结賬過程流暢。整體來說，可以值得去試。

星期六lunch去食自助餐~每人$325蚊首先介紹左環境 個場唔算好大 但座位都好坐因為場地有落地玻璃😳透左陽光入黎都幾靚環境唔錯😚😚😚食物方面 去相!!我係自助餐主要食海鮮多😳而知道e間有蠔又有麵包蟹 所以黎左😋麵包蟹 👍🏻👍🏻👍🏻- 超級好食!!! 麵包蟹就梗係要食個蟹蓋 個蟹蓋超多蟹膏超鮮甜😍😍真心一流 我應該食左3-4個蓋🤣🤣之後比人制止左而且fill既速度都快 次次出去夾都仲有蓋🤣蠔 - 細隻 唔肥美 但都有海水味蠔比起麵包蟹就比下去 因為太細隻 唔夠肥美但都可以止下想食蠔既慾望既😂不過即叫即開 同埋排隊速度都快既～蝦- 大隻 新鮮 彈牙 長腳蟹 - 新鮮 肉實 但少少偏咸青口 - 大隻 幾好食 中規中矩刺身方面 果日就有三文魚 吞拿魚 希靈魚 八爪魚 大蝦 大蝦 - 無敵好食😍😍😍好甜又好大隻 好多肉但其他款色就一般 不過不失啦😚吞拿魚係我最失望 好多根🙈熟食比較特別既係小籠包食落都幾好食 不過個皮有d厚🤔一般啦肉方面有牛同羊牛扒 - 唔乾好好食😳而且好淋肉味濃羊 - 唔蘇 適合怕蘇既人而甜品方面反而幾好食😍😍樣樣都幾好食😋甜品迷口福加上係任食Haagen Dazs 有雪條

睇到好多推介又讚，而且好多時 full booking，點知⋯⋯種量少，生蠔超超細隻，我諗應該連3號都不到，仲要臭！冇野好食，諗住煮個粉食下，完全冇人service 你。海鮮有長腳蟹、翡翠螺、青口、蝦、生蠔熟食有焗龍蝦（要搶）、花膠炆鵝掌（花膠硬食完胃痛）、蟹粥、叉燒、牛扒、羊架、鵝肝、即煮叻沙（不過冇人service)、即炸天婦羅、魚生（唔新鮮）⋯仲有d唔記得紅白酒汽水奶茶咖啡全飲尼個價錢唔值，亦唔會有下次！

琴日星期六去左 the Promenade 食lunch buffet, 網上訂位計埋加一成人: HK$406.3 小童 / 長者 :HK$304.3。一入到酒店大門, 就有服務人員帶我地去餐廳拎位, 服務唔錯冷盤方面有長腳蟹, 小龍蝦, 麵包蟹, 蝦, 青口, 生蠔, 刺身。 刺身方便都幾新鮮, 最鍾意食紅蝦刺身, 好大隻好甜。熱食都選擇都多, 羊扒, 牛仔骨, 即煮喇沙...。一定要推介大家食佢地的即製小籠包，真係皮薄餡靚, 好多汁, 我都食咗好幾轉。另外, 炆牛尾和蒸魚都好正, 啖啖肉。 今次同老人家去食, 佢地對冷盤就無咩興趣, 見佢地都食熱食都好滿足。甜品除左有多款蛋糕外, 最吸引嘅就係有Haagen Dazs 雪條,杯裝雪糕,同埋Movenpick雪糕, 開啟咗我第二個胃。飲品都係任飲, 咖啡,茶,蘋果汁, 罐裝汽水可以出去自己任拎。整體來講 ,餐廳係酒店大堂, 樓底高, 環境寬敞, 唔會好迫夾好嘈。 用餐時服務員收盤都好快手, 食物供應充足, 見d野差唔多無都補得都好快, 唔會有空盤, 所以我覺得服務同效率都幾好。食物種類多元化, 周末想搵個地方同家人或者朋友聚餐, 呢

2021年5月中到此酒店staycation及dinner buffet，終於有時間一評當時嘅情況Dinner buffet有我最鍾意食嘅四樣嘢，生蠔、羊架、鵝肝及雪糕。對於我嚟講，其他都是點綴。先評羊架，不會太乾有肉汁，大小正常，味道不會太鹹，因為有時食到啲鹽做既，就真係減曬分。到於生蠔非常好，唔駛等即開即食。新鮮味濃，至少我食完冇肚痾。由於鵝肝多食冇益，小弟都係淺嘗兩件，屬於基本水凖，不會追加。雪糕就係桶裝movenpick，小弟獨愛咖啡味，添加左幾杯。另外仲有盒裝雪條，都係唔錯嘅選擇。至於其他食品都不少，長腳蟹、龍蝦仔、魚生、帶子、牡丹蝦等，另外本身已包紅白酒任飲，十分滿意。咖喱嚟講，就真係好一般。另外甜品方面，已經未有空餘嘅位置去食，如果有機會嘅，下次食完再評。