The Salted Pig (蘇豪東B期)

营业中

休息中

其實都唔係第一次黎，但係Happy Friday 約去soho東嘅話，基本上都會去The Salted Pig, 因為環境、位置都好正👍🏻👍🏻 係呢度真係好適合星期五放工黎放鬆下☺️ 就算唔係食晚餐，都可以黎飲返杯，食啲小食咁😋 1. Fish & Chips 🎣🍟兩大塊炸魚，配埋香脆薯條同沙律，唔可以話係食過最好食嘅，但係都唔錯👍🏻 炸得岩岩好夠曬脆，配沙律醬食好蔥味，不過炸粉可以少返啲啲2. Spaghetti Meatball 🍝只可以話係正正常常嘅蕃茄意粉味🤣，不過不失，抵讚嘅係肉丸大大舊而且都幾好味，而整體粉量都好夠，其實叫呢兩款已經食到好飽😂3. Red Sangria (one pitcher) 🍷Red sangria 唔錯，味道岩岩好唔會太甜，不過冰可以減少少，唔會令個酒咁快啖左

搬左黎冇幾耐, 好幾次散步都經過呢一排餐廳, 覺得好CHILL, 無論咩時間都好多外國人係到食野飲野。難得香港有咁既地方, 襯住開左堂食晚市, 立即出發!!Happy Hour 8折!! 到7點~~除左啤酒, WINE都係。 1664比較甜, 女仔岩晒!Nachos $158一打開MENU就俾大大份NACHOS 吸引, 黎到真係好大份, 不過配料都好多最鍾意厚厚一層芝士痴實晒D 脆餅, 配啤酒一流~Pork Belly $248呢到MAIN同其他西餐唔同, 唔係同一種煮法唔同既肉。佢地真係好多特別整法, 例如呢個, 有乳豬皮既脆, D肥肉又整得好淋, 3-4人SHARE都夠!Lava Cake $88最後黎埋甜品就岩晒~

話咁快復活節假期又去到尾聲啦🥺不過好在嚟緊好快又有長假啦😻一齊嚟回顧下假期美好時光先☺️繼上次去完soho east之後就愛上咗呢個地方 今次再去個邊嘅海邊餐廳chill下佢！🍹◍ 𝙲𝚛𝚒𝚜𝚙𝚢 𝙿𝚘𝚛𝚔 𝙺𝚗𝚞𝚌𝚔𝚕𝚎 🐷 $𝟹𝟶𝟾一見到豬手緊係即刻要番份！估唔到呢度嘅portion咁大😻豬手炸得勁香脆 適合一班人一齊分享 除咗脆卜卜豬手仲有烤薯同烤紅蘿蔔伴碟😋高質！◍ 𝚂𝚎𝚊𝚏𝚘𝚘𝚍 𝙿𝚊𝚎𝚕𝚕𝚊 🦞 $𝟸𝟸𝟾另一款必叫嘅就係呢個西班牙海鮮炒飯😋有足足6款海鮮咁多！最欣賞佢嘅貝類海鮮 大蜆同青口都鮮味十足🤤◍ 𝙲𝚛𝚒𝚜𝚙𝚢 𝙿𝚘𝚛𝚔 𝚂𝚔𝚒𝚗 𝙲𝚛𝚊𝚌𝚔𝚎𝚛𝚜 🐽 $𝟾𝟸小食方面要咗個比較少機會有得食嘅炸豬皮🤤估唔到原來配牛油果醬會咁夾🥑係nachos以外另一個小食嘅好選擇！◍ 𝙱𝚕𝚞𝚎𝚋𝚎𝚛𝚛𝚢 𝙱𝚕𝚊𝚜𝚝 🫐 $𝟼𝟸飲品方面要咗個有肉桂口味嘅mocktail😙加埋ginger ale飲落好refreshing 係sparkling drink嘅一個good choice！◍ 𝙿𝚒𝚗𝚔 𝙿𝚒𝚐𝚐𝚢 🍓 $𝟼𝟸另一杯要咗迷人pink lady💖有番石榴蘋果汁同士多啤梨 甜甜地啱晒女仔

As suggested by its name, the Salted Pig is famous for the Pig Knuckle. Too heavy to have that for lunch though. Just picked something else on the weekend brunch menu instead.3-egg omelettes with 2 toppings - this one is cheese and spinach. The scrambled eggs was slightly overcooked and the cheese made the omelette too salty. Overall so so only.+$28 only for salad and didn’t expect they gave me such a big portion. More veggie to feel less guilty for having 3 eggs in one meal lolThe toast was pre

西灣河SOHO區好多酒吧餐廳，我哋呢次就去咗有好多分店嘅Salted Pig。佢哋係食豬嘅專家，用料上乘，食物份量又大，CP值極高。而除咗豬嘅菜式佢哋其他都做得好好。芝士牛堡三文治：呢個三文治邪惡到極，咗佢入面有滿瀉嘅熱溶芝士之外，仲有帶焦香味嘅牛肉漢堡，漢堡肉汁滿滿仲有好濃嘅牛味，最後佢哋三文治嘅麵包都有濃郁嘅牛油香味。而佢哋仲有配菜薯條，即叫即炸，熱辣辣脆卜卜。招牌手撕BBQ豬肋骨三文治（無骨）：佢哋原本嘅豬肋骨都經已好吸引，用秘製嘅燒烤醬烤製，肉質軟稔，又夠哂入味，甜甜帶少少辣味，極為惹味，而三文治入面仲有醃製過嘅紫椰菜絲，令整體口感味道層次變得更為豐富。豬皮脆片 牛油果醬：香脆無比嘅豬皮用咗香辣嘅調味，惹味非常，亦可以蘸佢哋嘅牛油果醬，可以中和豬皮所帶嘅油膩感。胖豬豬二人分享早餐：呢個係Brunch先有，入面有好多嘢，包括豬腩肉，黑布丁，英式香腸，煙肉，四隻太陽蛋，蘇格蘭溏心炸雞蛋，炒雜菌，番茄，茄汁焗豆，多士同埋牛骨髓。而入面最特別最具特色一定係牛骨髓。佢哋一大條牛骨咁上檯，上檯都聞到好濃嘅牛味，油香勁香，又有濃郁嘅牛味，因為有多士又唔會令牛骨髓變得太膩，所以加埋多士一齊食就

前菜三選一，有南瓜湯，溫泉蛋，田園沙律。由於叫咗三個套餐，所以每樣都試吓。跟餐前菜來講，都算大份抵食。比較下鍾意南瓜湯夠熱夠creamy，飲到南瓜嘅甜味。主菜有二人份嘅招牌德國鹹豬手，暫時係我係香港食過最好味嘅鹹豬手，因為肉質真係好嫩，又唔會好鹹，豬皮超脆，完成無肥膩感。廚師已經將鹹豬手骨肉分離，所以食起嚟好方便，仲有芥末醬同酸菜一齊食，更加特顯豬手嘅味道。另一份主菜係炸豬扒，我係東歐都有食過類似嘅主菜。係好薄身嘅豬肉扒，由於豬肉薄身，所以炸得好香脆，但又唔會有好多油吸入豬扒，配合他他醬食非常夾。香煎大蝦🍤牛油果🥑芒果🥭沙律🥗，材料新鮮，醬汁酸甜好開胃。唯一係香煎大蝦，隻蝦本身冇咩味，只食到調味粉的味道，但整體而言淡口嘅大蝦反而令Salad dressing 更特出。朱古力心太軟+ 跟餐甜品brownies 兩樣甜品都有好濃郁的朱古力味，但唔會太甜，配咖啡一流。心太軟同雲呢拿雪糕，永遠都係Perfect match。

烤美國T骨扒 $548五成熟岩岩好😋，牛味濃，本身既牛油好香我偏好原味咁食，唔落調味料，加埋牛油黎食太油膩了😝朱古力心太軟+雲呢拿雪糕 $88最緊要有流心🤩佢好成功👍🏻👍🏻朱古力濃味得黎唔苦😋

前幾日同朋友食pre Christmas dinner~揀左想再試嘅The Salted Pig去celebrate🥳🥳黎左西灣河分店，環境係碼頭隔離，同系列嘅The Blind Pig係隔離，分左d人流走變相座得舒服左，餐廳有分室內同室外位，室外就可以食煙 ，但室外位置較偏僻，唔洗擔心有煙味會吹入室內位，我地成晚勁chill咁食呢餐~野食方面我地order左烤原個芝士椰菜花+西班牙海鮮飯+招牌德國鹹豬手🍴飲品就order左Sea Breeze+Strawberry Daiquiri😃🍽<烤原個芝士椰菜花/$118>一上枱就俾佢驚艷到😋嚟到聞落好香芝士味,切開椰菜花 雖然望落冇乜特別 但加埋香而不膩既芝士醬食 超好味🤤🤤建議可以將其他餸菜點汁食 口感勁豐富🤤🤤😋🍽<西班牙海鮮飯/$228>原本以為個飯會係炒飯嘅質感，但The Salted Pig嘅做法係Risotto偏乾身嘅感覺🤤雖然未有機會試過正宗西班牙海鮮飯，但今次呢個飯正中我地紅心😋唔會有一般Risotto太水嘅感覺，亦無一般炒飯嘅痴牙感，just perfect! 講完主角講下配角，配菜用料豐富

我同同事一行8人預先訂座，lunch hour去食餐好，每人一個3 course set lunchStarter🌟是日餐湯🌟鷹嘴豆菲達芝士車厘茄沙律🌟水牛芝士番茄多士前菜份量幾多，我地share三款黎食，個人最鍾意沙律，加左芝士但唔會膩Main course🌟招牌德國鹹豬手（二人份量）$328叫得做招牌真係零舍不同，食得出係心機之作，聽侍應講製作呢個鹹豬手要預先醃製、風乾各24小時，再慢燒48個鐘，難怪食落外皮咁香脆，而豬手肉又保持到一定嫩度，又腍又咸香，蘸少許特製嘅黃芥末除左可以中和返咸味外，仲令豬手味道更昇華，另外，雖說是二人份量，但我覺得4個人share食岩岩好🌟燒澳洲肉眼扒配烤薯及雜菜 $198同事們大讚個肉眼扒熟成度控制得好，鎖得住肉汁而冇血水，厚度適中，唔會太難切，醬汁方面亦不錯，唔會搶左牛嘅鮮味🌟火雞肉卷 $178臨近聖誕🎄餐廳推出左啲季節限定菜式，我地決定試一試火雞卷應應節，廚師將火雞肉卷成圓形再切開一件件，外層肉質較結實，入面嘅肉會juicy d，蘸上紅莓醬食出奇地夾伴碟嘅火腿扒味道帶有蜜糖味，幾有特色Dessert🌟Chocolate brownie朱古力味香濃，

The Salted Pig 酒吧餐廳今期自助餐難訂位,轉戰其他餐廳搵食今晚2個人開飯,先上一杯特飲,再黎一個沙律,小吃,烤豬肋骨呢度岩曬周末樂玩飲返杯既好地方先飲2杯特飲,所有食物都係即做,預返等15-20分鐘就慢慢上菜炸雞柳條超香脆可口,點埋個辣沙律醬,飲野前菜最佳小碟沙律都有純素之選,用油醋調味又酸又清爽清新,好易入口最後主菜就係食豬肋骨,超豐富,一大件有七條骨既豬肋骨,仲有燒粟米同薯條香脆薯條係必食,豬肋嫩滑多油脂肉又多,啖啖肉,個醬濃度岩岩好份量多到食唔曬,超大碟The Salted Pig 消費$600評分8/10西灣河鯉景灣蘇豪東B期太康街45號地下GB8-10號舖

西灣河Soho東區有好多西餐，今日嚟呢間salted pig 食晚餐 前菜揀咗個小食併盤，好大份。有炸雞蛋，燒排骨，炸魷魚，雞翼，炸芝士，mini burger, 薯條，炸豬皮。配有3個不同醬汁，有蕃茄沙律醬，甜酸醬，牛油果醬。當中最鍾意魷魚點甜酸醬。新鮮炸豬皮都好特別，同包裝嗰啲好唔同。 主菜點咗豬仔骨，都好大份好厚。食落好juicy 唔會乾。醬汁剛好，唔會咸。 嘢飲點咗2杯mocktail, 一杯係菠蘿味，一杯係薄荷柚子味。仲點咗個香蕉芭菲做甜品。

地址－The Salted Pig西灣河鯉景灣蘇豪東B期太康街45號地下GB8-10號舖💋小食分享拼盤(蘇格蘭雞蛋，豬皮脆片，脆豬肋骨，迷你牛肉漢堡，香料雞翼，蟹餅，酥脆魷魚圈及薯圈)，佢呢個拼盤好抵咁，$318就可以食晒咁多款食物，唔使為左選擇而發狂，豬皮脆片食落好鬆化香脆，蘇皮蘭雞蛋面層有少少煙肉碎，帶點鹹香，加埋半熟雞蛋一齊食，口感層次豐富，正，脆豬肋骨食落真係幾脆口，但都有D肉汁，唔錯，迷你牛肉漢堡個SIZE都唔算迷你，都幾大件，牛肉味香濃，咬落都幾JUICE，個包應該有烘過，少少脆身，香料雞翼雖然有少少乾，但面層都有香料粉，食落辣辣地，唔錯，蟹餅的蟹份量都唔算少，中間都有醬汁令佢唔會太乾身，幾好，佢個魷魚圈食落都幾新鮮，我其實唔太鐘意食魷魚的，但呢個令我愛上了，而佢D粉都冇甩晒出黎，而薯圈佢今次就比左薯條，數量都唔少，而薯條食落都幾脆身，熱熱地咁，好正。💋慢煮脆皮豬腩，薯仔沙律，烤甘荀及香辣醋汁，見到個MENU時就預先MARK低左一定要食到佢，好彩佢出到黎同張圖都唔差得遠，都係咁誘人，正，而佢個豬腩都做到肥而不膩的效果，肥瘦又均稱，蘸埋佢個醋汁，食落辣辣地，唔錯，而佢伴碟的沙

太安樓相信大家都好熟悉 就算未食過都會聽過但係鯉景灣相信就唔係太多人識😌其實佢只不過係太安樓行出兩三條街左右係海傍隔離 都算迷你嘅SOHO 區雖然呢d 餐廳價錢唔平 🧐但係間唔中生日 紀念日慶祝一下 都係幾好嘅選擇 如果係SOHO 區黎講 今次介紹嘅餐廳 價錢黎講都唔算話好貴 值得大家去試下🥳🥳🥳呢間餐廳裝修偏農舍風格果然同餐廳個名呼應 以豬嘅唔同部分為主題除左豬之外 都有雞、牛、羊同海鮮🤩👧🏻 #feiching_foodie西餐👦🏻 🌟Crispy pork knuckle 1kg for 2 person $308黎到豬門店 點少得食豬架見到好多網上評論話推薦佢地嘅豬手 我地都專登試下🤤呢個見到個名都知有幾大份 足足1kg 果然唔簡單 重要製作其實步驟好繁複豬手經過三日三夜鹽水沉積 低溫慢煮 同埋高溫油炸 價錢亦都唔太貴 咁就更加值得我地叫🥰豬手整體味道都幾好 佢嘅皮炸得好酥脆同埋都幾惹味 入面嘅肉好嫩口 唔會好乾身 👍另外餐廳亦都配埋醬汁 有芥末籽忌廉汁👧🏻就覺得齋食都已經夠曬味🌟Sharing Snack Platter $318 呢個小食分享平盤就岩曬我地呢啲選擇困難症嘅

9 0 後 的 味 蕾.收工想係公司附近搵間西餐廳慢慢坐，就去咗喺鯉景灣近海旁位置既一間小豬系列嘅餐廳，因為之前食過沙田嗰間覺得OK，所以今次就再試吓港島。.餐廳最大嘅賣點就係環境，燈光昏暗，幾有情調，設有室內室外，滿足到煙民，仲招呼到有寵物嘅顧客。.🪄肉丸意大利粉一碟有三粒非常大粒嘅肉丸，肉質係比較實嘅，意大利粉嘅番茄醬都幾多。.🪄海鱸魚柳燴海鮮 魚柳新鮮，肉質唔會散晒，碟邊圍左一堆蜆，蝦、麵包粒，蜆肉都幾多汁。.🪄乳豬皮燒得脆，仲燒到有少少焦既效果，肉質都算嫩滑。.🪄甜品拼盤一式四件甜品，啱哂幾個朋友share，朱古力心太軟流心做得唔錯，一切即流，芝士蛋糕屬於軟身個種，易入口又唔太甜膩。.apple crumble 最好味，底層一粒粒焗淋咗嘅蘋果，然後再有一層玉桂粉，頂層配一個凍冰冰嘅雪糕🍦

🥰今次就同媽媽去呢間靚靚哋嘅餐廳食飯。呢度嘅環境幾靚，有好休閒嘅感覺。今次我哋叫咗海鱸魚柳海鮮燴，慢煮beef short rib同埋豬小髀🍗。牛肋骨勁有驚喜🥳外面好香甜吸收晒啲汁有好香的烤肉味，裏面仲保持粉紅鮮嫩的肉汁😋😋正。海鮮燴入邊嘅蜆肉好新鮮食得出不似是急凍的而係每天拎貨，加埋少少檸檬汁好正。最後我哋叫多咗個甜品🍮聖誕精選香蕉麵包布甸。勁鍾意佢個雪糕同埋香蕉布甸夾為一齊食😋🏠The Salted Pig (鯉景灣) (西灣河)西灣河鯉景灣蘇豪東B期太康街45號地下GB8-10號舖