The Stadium (已結業)

今日同朋友走左去呢間有得玩又可以食野傾計既餐廳，餐廳既地方好大，環境又舒服，有足球機、桌球枱和飛鏢仲有體育賽事播放岩哂鐘意睇波既朋友啦。安格斯牛肉漢堡，好大個漢堡呀，材料十足。芝士同安格斯牛肉、煙肉融合埋一齊超，牛肉充滿肉汁，加上大量的新鮮蔬菜好味呀薯條炸得香脆。美國極黑毛豬，份量超大份既黑毛豬，可以叫全熟或者7成熟，我地就叫左7成熟啦，朋友話黑毛豬7成熟會好食D。黑毛豬既肉鮮嫩多汁食落岩岩好，加上佢地酸酸甜甜既醬汁食就最岩啦。仲有埋薯菜。朋友既Midnight in Stadium，顏色真係好吸引呀，朋友都話唔錯

 The Stadium has been open in Causeway Bay for a while. Taking over the former Food Republic area. As I live near by, I wanted to give this place a try but other new restaurants often made me forget. Until one evening, boyfriend asked if I ever got around to trying this restaurant. I said no and off we headed for dinner.The restaurant had a clear sports theme.  It was also very large. There was a pool table and foosball table that people can play with. There were also darts in another corner.The

 嘩哈哈，銅鑼灣返二既朋友係搵到多些地方試新野一個人等住朋友黎，朋友介紹左呢間設計幾特別的餐廳，一入門口就係一張足球枱，有一班小朋友喺度玩堅，成間餐廳好好氣氛，大人可以食下野傾下計，而小朋友可以自己玩下不論餐廳定餐牌都係成個運動場咁午餐都好多選擇，有選擇困難症既我見到有薯餅，對眼即刻發光，唔諗啦,叫all day breakfast la🤗份量好大份，面包薄薄的鬆軟，煙肉有點油但帶脆，腸仔同豆都正常，襯托住大菇，炒蛋淡左少少但好香，最後塊薯餅不得了，香脆可口，嘩，好假咁，但真係好好食，由於整水份量太大，所以唯一食得晒既係薯餅，而蕃茄係本身唔食，唔記得叫話走蕃茄套餐有餐湯有飲品，仲有娛樂，第日又蛋個選擇

今晚和朋友銅鑼灣做完運動，打算找一間坐得舒服的餐廳傾下計，剛巧在波斯富街天橋見到有間裝修很特別的餐廳，門外有一張卓球枱及手動足球機，起初以為是娛樂中心，再細看下見到門外有晚餐餐牌，見食物相當吸引，決定入去試試，中途還見到飛標機、運動場跑道地板、棒球場燈光特效牆，整間餐廳都坐得很舒服，侍應安排我們坐在近窗邊位，可以看著人來人往的街竟食飯傾計，相當不錯。時間都差不多10點，餐廳內仍然有很多顧客，電視都播放著足球賽事，餐牌以美式食物為主，有手搓粉、美式漢堡、沙律、炸物拼盤、Pizza、甜品及多款手工啤酒及其它不同類型的酒類。我們點了炸魚薯條 $138、美式芝士通心粉 $98、安格斯牛肉漢堡 $139、Hoeggaarden $68。炸魚薯條 - 魚肉厚且多汁，炸後仍然能夠保留魚肉的肉汁，入口外脆內香滑。美式芝士通心粉 - 份量比想像中大，芝士味極重，又不會太膩。安格斯牛肉漢堡 - 選了5成熟，還可切成一半，方面給我和朋友平分，牛肉漢堡嫩滑多汁，配合配菜絕配！總評：酒吧、娛樂、餐廳應有盡有，環境分了多個區域，100分！

之前在觀塘的The Stadium食過lunch， 當時感覺 “哇， 觀塘都有咁正sports bar!”。 氣氛好， 食物水準高。 但我又懶得為左個burger特登走去觀塘。原來此餐廳在銅鑼灣都開左分店， 仲開左成年添! 今日上去lunch， 味道依然好正! 呢間餐廳真係好layback， 食下玩下掟下鏢。。。holiday mood滿滿的啊！4月份佢地set lunch做緊75折，優惠到月底呢😊

餐廳以運動做主題，系門口位置已經有大大張桌球枱比人玩，下圖左手邊更有兩部鏢機，餐廳裝潢系西餐廳元素中滲入左好多運動元素，仲會播足球賽的⚽！晚市套餐$198起，有餐湯、主菜及飲品，考慮其非常舒適的環境及配套，算系幾抵食，而且食物又夠大份，性價比都幾強！美國特級肉眼扒 (288/dinner set) - 除左一大塊烤肉眼扒外，仲有唔少配菜，包括薯角、烤蕃茄及烤雜菜等等，相當飽肚，一個人都好難食得曬。肉眼扒烤得幾靚，唔單止望落見到一格格嘅網烤紋，食落仲幾有炭燒香味，肉夠幼嫩，五成熟更為香口！燒烤雞肉Pizza (168) - 12吋既Pizza非常巨型，一共分成八大塊，餅底夠薄脆，唔會食到成口粉，而且落左大量芝士，分別系Mozzarella Cheese及Jack Cheese，熱溶芝士好香滑，唔會痴實曬，Cheesy得黎又唔會過於油膩，仲有唔少烤雞粒、洋蔥等料，都幾豐富。甜薯條 (68) - 即使系$68嘅蕃薯條都系大大份，蕃薯夠香甜，而且又夠熱同脆口，岩曬同三五知己一邊食一邊飲啤酒！

「The Stadium」擁兩店，分別位於觀塘及銅鑼灣，兩間分店均以Sports做主題，有桌球及飛鏢等遊戲供客人玩樂，亦有售各款酒精類飲品，非常適合一大班朋友或同事來《chill下》...... 佔地一整層，地方及座位非常寬敞，有極強空間感，令人感覺十分舒適。 Hoegaarden ($68/pint): Hoegaarden此酒較有夏的感覺，其麥味香甜，帶有果香。炸甜薯條 ($68): 份量蠻多，蕃薯條炸得香酥脆身，非常熱騰騰，而蕃薯味道香甜，質素蠻不錯，不論是配忌廉沙律醬或茄汁也相當合適。甘荀忌廉湯 (套餐): 湯內有粒粒甘荀蓉，忌廉比例不算多，不太creamy亦不會太膩，調味適中，不過不失。美國特級肉眼扒 ($288/套餐): 重約十安士左右，除了表面的網紋外，亦有Grill的燒烤香味。肉眼扒肉質相當軟腍，牛味適中。美式烤豬肋骨 ($178/半份): 豬肋骨塗上大量燒烤醬，味道非常濃郁香甜，而豬肋骨肉質軟腍易切開，具肉汁，即使是半份也蠻具份量。

實在太開心！今晚是工作完成後一大班人在這裡聚餐呢！我們一共二十人，佔了很大張桌子。這是我第一次來這裡，感覺十分良好。整群人中只有我是vegetarian,幸好在一大堆肉扒中，餐單上還有幾款素食，我點了一個芝士通心粉，一個黑松露野菇薄餅和大家分享，我們還點了很大的肉扒拼盤，辣肉腸薄餅等。最後我點了一個新地作甜品。食物份量豐富，而且質素水準很高。真的很不錯。另外餐廳門口還放了一桌球台，一足球機。有得食又有得玩！正呀！

我係放工之後約左朋友total 4個人Happy Hour嘅時間去食，佢大約$60杯野飲，幾抵!!我見啲客人會出去玩足球機、桌球，氣氛幾好~佢地方好大可以坐到好多人，環境都算乾淨企理。我地叫左個豬，佢煮得有啲乾，但份量幾夠同調味都幾好，雞就好食啲，唔會好鞋味道幾好!!我地仲叫左個小食，黑松露薯條好食!薯條炸得好脆，佢個醬可以refill所以幾好~都建議大家去食嘅!!今次第2次黎食，我覺得佢嘅肉類普通，意粉(Mac & Cheese同有一個係蘑菇)會好食啲~

勤勞的週末連續上兩堂，趁著中場休息的空檔來到The Stadium吃午餐。餐廳環境寬敞，坐得舒服，掛著多部LED巨型平面電視，多角度全方位無障礙放送體壇盛事。裝修以美式運動主題為主，場內放有康樂手動足球機，桌球枱及飛標機，有得玩又有得食。午餐選擇不多，不過價錢不算貴。青菜沙律沙律賣相色彩繽紛，蔬菜清新爽口，健康又開胃。是日餐湯南瓜湯質感濃稠，不過就不太喝得出南瓜應有的甘甜味，反而像是普通的忌廉湯。烤原隻春雞 $128烤春雞頗大隻，份量十足，雞皮薄如蟬翼，加上燒得夠乾爽，沒有油膩感。不過烤得肉質也變乾，未夠嫩滑，但因為混入了不少香草，醃料的味道滲入雞肉中，十分入味。伴菜還有兩個小薯餅，煎得外層金黃酥脆，內裡薯粒入口粉糯。夏威夷特色薄餅 $138Pizza 同樣都是大大個，薄身批底不像美式般厚實，不會吃得飽飽滯滯。pizza餅底較薄，批邊比較硬，有點像在吃餅乾，中間批皮因為太多醬而會變軟。表面舖滿厚厚的芝士，可以造出拉絲效果，芝香濃郁。Rosemary Lemonade 紫色漸層造型夠夢幻，酸爽冰涼又清新，不會過甜。另一杯餐飲則選了熱檸水。

今晚嚟到stadium補祝朋友生日🎂🥰 之前去過觀塘的分店 知道stadium地方好大 staff絕對吾會趕客人走 為左可以坐耐d 我同朋友就book左嚟呢度dinner😝😝😝7.幾嚟到 客人都吾太多 我地分別叫左愛國者burger 美國烤ribs 同肉眼扒😋😋😋個burger果然無失望 入面有芝士 蘑菇 漢堡 生菜 蕃茄😚 patty好juicy 而且薯條仲好脆😋😋😋Ribs個醬汁有啲濃 但食到最後有d乾 質素一般😳 朋友就話個steak五成熟 入面真係粉紅色 好juicy😍😍😍整體都幾舒服😇推薦:⭐️⭐️⭐️

lunch time 和朋友聚會 , 黎到the stadium 食lunch, 呢到lunch set 都有好多選擇，menu 有pasta, burger , steak 揀Set有 Spanish soup and Caesar salad, 各揀左樣，波菜湯味道好濃郁，忌廉味好重。stadium burger $118burger 有唔同配料，煙肉，芝士，牛肉夠厚身, 面包好鬆軟，薯條炸得香口。grilled rib eye steak$138牛扒7成熟，幾juicy, 有口感冇雪味，加埋配菜夠飽，個汁都好香。lemon tea n lemon water

生日晚飯第二擊...朋友果然十分了解我，帶我來了這間我一直想試的餐廳 - The Stadium。顧名思義，這裡的裝潢是以運動場做藍本，絕對唔係得個名。在入口處就有一張桌球檯和迷你足球機，旁邊還有幾台飛標機，地上則印有運動場的跑步線，玩味不足...不特止，連餐牌、檯墊、水杯也是跟運動有關黑松露薯條🍟$68絕對係我食過最好食既薯條首先份量非常大，每條長度粗度一致，薯條唔會炸到硬繃繃，仲鋪上一層芝士粉，配埋個黑松露醬👅Pineapple Juice $38The Stadium Fruits Tea $68用多款生果攪拌而成，味道清新蘑菇雞肉寬條麵 $118十分足料，雞肉唔會太鞋，寬條麵硬度適中...洋蔥芝士汁更是一絕夏威夷特色薄餅 $158菠蘿超甜，煙肉又唔會太咸，加埋最喜愛既千島醬餅底都十分出色

黑松露薯條($68)，炸薯條雖然平平無奇，但係又會令人忍唔住想叫黎食，炸得金黃香脆本身已經好好食，再加上大量芝士粉，重點係個黑松露醬好香，搞到我忍唔住問店員攞多一碗黎點薯條食！火辣水牛雞翼($88)，水牛城雞翼用麵包糠炸到脆身，再沾上秘製香辣醬汁，味道酸酸辣辣好惹味，加埋藍芝士醬既咸香又係另一番風味。美式芝士通心粉($98)，素食者都可以食，有南瓜蘑菇做配料，醬汁食落香草味比較重，略嫌芝士味唔夠濃。美國極黑毛豬($168)，呢度嘅黑毛豬可以稱得上係佢嘅招牌菜，第一次食既時候好驚喜，灰燒完之後好香之餘，原來豬扒嘅口感可以咁鬆軟嫩滑有肉汁，加埋啲番茄沙沙醬味道好夾。

朋友話呢度飲吓嘢食下野傾吓偈，上到黎，唔駛等位！正正常常嘅西式快餐！老實講冇乜特別！不過佢唔使等位，贏咗🤣餐廳環境都OK嘅，有枱波玩，傾計都OK。黑松露芝士薯條 - 嫲嫲地BBQ chicken wing - 正常，冇乜特別辣肉腸pizza - 對我來講。。。辣左d😅BBQ ribs - 都係正常🤣不過啲粟米就係完全冇味，所以大家都食咗一啖放低左🤣黑毛豬 — 全晚最好食呢個👍🏻煮得剛剛好。有Happy Hour ，飲red既我只有house red ...